ممكن نشاط مميز عن الهرم الغذائي للصف الثاني الأساسي؟
https://www.osodatls.net/vb/showthread.php?t=2646
والله يجعله في ميزان حسناتج
الغاليه ارسمي مثلث كبير وقسميه بنفس تقسيمات الهرم الغذائي وجلديه بجلاد شفاف ولصقيه على شي مقوى مثلا الوسيلة البوه اللي تنباع بعشر وهذا بيكون للعرض والشرح وممكن تسوين مقاس a3 إذا بتقسمين الطلاب مجموعات
واطبعي صور الأغذية على ورقة بحجم يناسب أقسام الهرم وغليفيهم تغليف حراري وخلي الطلاب يوزعون الأغذية على حسب مكانها وهذا طبعا بعد الشرح عشا تتأكدين انهم فهموا . طبعا ممكن تلزقينهم بالعجين الأخضر أو تحطين الشريط اللي يحطونه وانت بكرامه في الجواتي ماعرف شو اسمه أكيد فهمتي قصدي بس يفضل انج تستخدمين الشريط بنفس لون الوسيلة عشان يكون شكلها لطيف .
وبالنسبة للنشاط تكتبين رسالة لولي الأمر انه يتعاون وياج عشان تحققون الصحة الجيدة للأبناء وتخلين كل طالب يكتب شو تناول خلال اليوم وانت تناقشينها طبعا مش يوميا عشان وقت الحصص بس إذا زاد عدج وقت كل مره مجموعة .
وممكن تسوين مجسم الهرم من البلاستيك أو الزجاج وتحطين فيه الأغذية بس تكون مصنوعة من البلاستيك وبتحصلينها في كل مكان
