التصنيف: تأخر الحمل و الإنجاب

هلا بنات ،، حبيت استفسر منكم بخصوص الي عندهم ضعف فالتبويض ،، انا اليوم رحت العياده عند الدكتوره كرامه ،، وقالتلي ان عندي ضعف فالاباضه لاني قبل سنتين كنت ماخذه ابره منع الحمل والمشكله استمرت وياي لين الحين وقالتلي لازم اتعالج يا بالابر التنشيطيه او بالحبوب وعطتني كمن تحليل وسويته ،، وطلبت مني اخذ كل يوم حبه فوليك اسيد وفيتامين لتنشيط المبايض انا الصراحه يوم كنت بنت كنت اخذ ابره كل شهر يوم اتيني الدوره وعقب ماعرست خذت ابره منع الحمل وتلعوزت ياليت تفيدوني

ان شاء الله كل مشكله ولها علاج .. تابعي اول بأول ويا الدكتوره و عندج وايد خلطات طبيعية تنشظ عندج المرمية و عصير الاناناس و العسل ويا الحبة السوده و الله يرزقج عاجلا غير اجلا يارب

و عليج بالاستغفار لا تنسين ان بالاستغفار ربي بيرزقج بأموال و بنين و مذكور في القرآن ..

و عسانا نفرح فيج قريب ..

حبيبتي والله مشكوره ع الرد ان شا الله بتبع عالتعليمات والله يرزقنا ونفرح فبعض كلنااا

انا نفسسج بالضبط رحت لدكتوره تاريخ 1-1-2016 وقالتلي عندج ضعف شوي في التبويض وعطتني فيتامين e وكلوميد و حبوب folv

انا بعد عطتني فيتامين e وكلوميد

ابغي أسألكم عن هالهرمون أنا اخر تحليل لي كان ثاني يوم من الدوره طلعت نسبة هرمون sfh عندي ١٣ هالنسبه تعتبر مرتفعه ؟ ومنو كان عندها هالهرمون وحملت ؟ وهل شي علاج لها الهرمون بالأعشاب او الحجامه اللي عنده اي فكره ايرد عليه

النسبه الطبيعيه من ٥ لين ال ١٢

وانتي الحمد الله مرتفع بنسبه وحده بس يعني للاتحاتيين

في حريم مرتفع ٢٠ و ٣٠ ووو حملن سبحان الله

الله يًرزقني ويرزقج ان شاء الله

عليج بالمردقوش. حبوبة ينزل الهرمون أن شاءالله

الله يرزقج بالذرية الصالحة

الله يرزقج بالذرية الصالحة

الله يرزقج اختي الذريه الصالحه

الله يرزقج الذريه الصاالحه ياارب ،،

بنات منو تعرف الاشيا لي تزيد الحيوانات المنويه وتقويها اقصد مشروب او اكل وابا مكان يبيعون فيه عسل ممتاز للحيوانات المنويه وهل الحجامه لها فايده للحيوانات

هلا اختي هيه الحجامه تنفع ونحن عطونا دواء من الهند يقوي ويزيد الحيوانات مااعرفه اذا متوفر اهنيه الغاليه الله يوفقج

حيب الي من النخل

الجرجير والافكادو والسمك والروبيان والبطيخ والله اعلم

عصير افوكادو مع العسل

للرفع

لزيادة العدد:
محار البحر (بلح البحر)

الشوكولاتة الداكنة

ماكا maca

الموز

الهليون asparagus

الجوز

بذور اليقطين

الجنسنج

الثوم

Goji berries

المصدر:

بالنسبة للحركة دكتورتي تقول المثبت عليه دراسات العسل مع الحبة السوداء

مرحبا……
اخذت حبوب منع الحمل قبل الحج بشهر…ولاني اول مره استخدمها كانت مسببه لي وحام احيانا…..فقالت لي الدكتورة هذا طبيعي لان اول مره…..في شهرر الحج اخذت الكورس الثاني…والحمدلله اموري كلها طيبه…….بس من رديت من الحج..من 3 ايام وانا احس بلوعه ودوخه يعني زي الوحام الشديد جدا….ما اطيق اشم اي ريحه…ولا قدرت اكل اي شي……يعني بالضبط زي الوحام يوم كنت حامل……وحبوب منع الحمل اليوم خلصتها…….مدري شو سبب الوحام واحس اني خايفه ادش في مشكله يديده……حد مر باللي انا مريت فيه؟؟؟؟؟؟؟؟؟؟؟

أن شاء الله حامل

من وصفك يتراوالي كذا

ربي لا تذرني فردا و انت خير الوارثين

للررررررررررررفع

ما عندي خلفية

افحصي افضل لج

ان شاء الله خير

ليش حبوب منع الحمل في الحج !!!!!!!!!!!!!!!

يمكن قصدج حبوب منع الدورة ؟؟؟؟

زميلتي بالدوام خذت حبوب لما راحت تحج

و لما ردت طلعت حامل

سبحانك ربي ما أعظمك

بس هي خذت الحبوب اللي تأخر الدورة

حبوب منع الحمل لانها هم بعد ترفع الدورة…وانا اخذتها علشان م اخذ حبوب منع الدورة لان حبوب منع الحمل اهون من حبوب منع الدورة

مرحبا حبيباتي

منو بتحسب لي موعد التبويض عندي …. لأني بصراحه أمنع وما ابا أحمل وفي الأيام اللي فيها تبويض ابا ابتعد فيها عن ……………….. أ

آخر دورتين كانوا
24 / 11 / 2024
مدتها الدوره كانت 7 أيام

27/ 12 / 2024
مدة الدوره كانت تقريبا يومين. وثالث يوم إفرازات و وقفت وللعلم أول مره في حياتي جي يستوي لي

بليز اللي عندها خلفيه بأيام التبويض اتخبرني لأني ابا ابتعد عن ،،،،، في هالفتره

وشكرا

للررررررفع

https://arabia.babycenter.com/

هاي رابط موقع وايد حلو فيه كل شي عن الحمل وغيره وتقدرين تحسبين فيه موعد الاباضه وغيره وايد

ان شالله يفيدج حبيتي ..

مشكوره اختي كلاسك على الرابط ..

للرفع

مرحبا بنات ..

كثير مننا يالبنات مانهتم لانفسنا اثناء فترة الدوره الشهريه
بس لازم ننتبه للاشياء التاليه :

(1) امتنعي عن شرب الغازيات بانواعها
(2)امتنعي عن شرب او اكل الليمون لانه يسبب احتقان لدم في الرحم
(3)امتنعي عن شرب البارد او اكل الايس كريم
(4)امتنعي عن اكل البندول لانه يسبب عقم على المدى البعيد واستبدليه بمسكنات لدوره
(5)انتبهي من حمل الاشياء الثقيله اثناء الدوره
(6)انتبهي من دف الاشياء برجلك ايام الدوره لانه يسبب ميل للارحام واللي عندها ميل مستحيل تحمل قبل مايرجع لوضعه الطبيعي
(7)انتبهي من الماء اثناء اغتسالك لانه يسبب انسداد في الارحام والماء البارد هو دمار البنت الماء الدافي هي افضل شي
(8)اشربي مغلي القرفه اثناء الدوره لانه يسهل نزول الدم ويخفف لالام بس لاتكثرون تراها تسمن
(9)بعض البنات تدهن الفوطه بالفقس وهذا غلط لان المنطقه هذي حساسه

الالام صدقيني مجربته بنفسي مفعوله اسرع من المسكن بالنسبه لي
(11)حافظي على نفسك من الهوى البارد لانه يضرك
(12)لا تلبسي مشد ضيق على بطنك لانه يسبب العقم
(13) جربي تصبين في الفوطه منقوع المره راح يسهل نزول الدم وينظف الارحام
(14) كلي حبه سوداء ورشاد مع العسل اثناء الدوره مررره زين ويحافظ عليك

ياليت تكون نصايح مفيده لكم حبييباتي صحتكم اهم شي لازم تحافظون عليها خصوصآ وقت الدوره

مشكوره ويزاج الله الف خير على النصايح

يزاج الله كل خير

مشكورة حبيبتي روح الورد
في ميزان حسناتج ان شاء الله

السلام عليكم
بنات ابغي اراجع ويا ربيعتي عيادة مجربة و قلت ما بلقى غيركم ان شاء الله
رب العالمين ما كتب لنا و نبغي مكان اوكي و دكتورة تتناقش ويانا و تاخذ و تعطي

انا مدحوا لي دكتورة اوراس و الدكتورة كاميليا و هاي أول مرة لنا نسير ف شوي نخاف
مب عارفة وين اسير

شوركم حبايبي ؟؟؟؟

حرام بنات كسرتوا خاطري ردوووا علي

انا سامعة عن دكتورة اوراس بعد يمدحونها وايد بس انا رايي ماتسيرين هني روحي اي بلد المانيا لندن افضل وايد لنه هني تضيعيين وقتج وصحتج وبيزاتج واذا صابت من الله مو منهم لنهم موعارفين شي

بالتووووووووووووفيق الغالية

ربيعتي تعالجت عند اوراس وماشاء الله الحين حامل.

فوووووووق

الله يرزقج الخير ، الدكتورة اوراس ان شاء الله تكون زينه

السلام عليكم ورحمة الله وبركاته
خواتي انا قبل سنه كان شهر 10 سويت عملية اطفال انابيب والحمدالله نجحت بس الله ما اراد يكتمل الحمل وتوقف نبض الجنين عمره 7 اسابيع
ونزل بروحه فالبيت عقب رديت اعيد المحاوله شهر 4 بس الدكتوره قالت لي بسويلج قبل عملية منظار لتنظيف الرحم وسويتها وبعدها في نفس الشهر رجعت الاجنه بس العمليه فشلت ورديت اعيد المحاوله هالشهر الي نحن فيه 10 وبعد فشلت وايد تعبانه نفسيه شو اسوي متاخره فالحمل 3 سنوات

ربي يرزقج بالذرية الصالحة

اصبري حبيبتي واحمدي الله سبحانه على كل شي عسب الله يعوضج خير يارب
أنا ثلاث مرات فشلت عندي العملية ونجحت المرة الرابعة ولله الحمد
في المرة الرابعة الي نجحت المحاولة وايد قريت عن حسن الظن بالله تعالى واتاملت خير غير عن المرات الي قبل كنت خائفة وايد انه ما بيستوي حمل وسبحان الله حملت ولله الحمد والشكر

اصبري الغاليه والله يرزقج بالذريه انشالله

عليج بالاستغفار والصدقة

الله يرزقج بالذريه الصالحه حبيبتي

الله بيرزقج حبيبتي بس اصبري واحتسبي

السلام عليكم جميع
اتمنى من اللي جربت الجلوكوفاج للحمل تخبرني كم مدة استخدامها قبل ما يجيب نتيجة ؟؟ وشو كانت مشكلتها حتى وصفو الدكتور لها …………
اتمنى المشاركة من اللي تعرف

انا عندي التكيس وقالي الدكتور استخدم مرتين في اليوم والحين صارلي فتره استخدمته حسيت خف التكيس شوي عني والحمدلله على كل حال

ربي يعطيكي و يعطينا الحمل السليم ويفرح قلوبنا .. ياااااااا رب

اول ما استخدمته حملت بعدها بشهرين بس ما ثبت الحمل

و الحين رجعت استخدمه عشان التكيس و تخفيف الوزن

بإذن الله تحملي و ربنا يفرح قلبك …
سؤالي خواتي حد علمكم و اراء الاطباء فترة العلاج كم تاخذ وقت؟؟ وهل له اثار جانبية هذا الدواء ..

انا استخدمه حاليا مرتين في اليوم
و ان شاء الله خير و ربي يرزقني بالحمل السليم و اكون حامل هالشهر

بالتوفيق ان شاء الله

السلام عليكم .. خواتي .. انا الحين معرسه بكمل سنتين تقريبا .. حملت مره عقب العرس ب 8 شهور كملت شهرين وعقيت ومن عقبها ماحملت والحين انا .. الحمدلله مافيني شي ولا ريلي والبويضه تووصل عندي 21 حجمها ماشاء الله ولاريلي فيه شي الحمدلله .. وسويت ابره تفجيريه .. وبعد مافي فايده .. فقررت الدكتوره اسسوي . اشعه صبغيه .. للرحم .. يعني من خلاله تقدر اجوف المجرى الصحيح لل …………

اللي عندها معلومات الله يرزقها ويوفقها اتخبرني .. لاني جد خيفانه .. بس بتوكل عالله .. والحمدلله على كل حال والله يرزق الجميع .. والسموحه عالاطاله

الله يرزقك يااااااارب عاااجلا غير اجل ولا تحتاجين للدكاتره ان شاء الله العضوات بيساعدونك والله ماعندي خبره

حبيبتي لا تزيغي عادي أنا سويتها في الشارجه هذي تكتشف من خلالها الدكتوره لو فيه ألتصاقات في قنوات فالوب وإلا لا وجي يعني اهم شئ خلج كو وول ولا تفكري ��

حبيبتي لا تزيغي عادي أنا سويتها في الشارجه هذي تكتشف من خلالها الدكتوره لو فيه ألتصاقات في قنوات فالوب وإلا لا وجي يعني اهم شئ خلج كو وول ولا تفكري 😘

ربي يرزقج بالذريه الصالحه

الله يرزقج حبيبتي

الله يرزقج ان شاء الله بالذرية الصالحه وكل شي مكتوب