الوسم: الأكزيما

الى كل من تعاني من الحساسية و الحروق و الأكزيما

خليجية

شكرا اختي
نبتة الصبار موجوده بكل اماكن بيع الاشجار ماتكلف اكثر من 25 الى 30 درهم بالكثير
خذو لكم وحده حطوها في البيت واسقوها ماي بكثره عسب يتكون السائل الجيلاتيني فيها وما تنشف
ممتازه للبشره والشعر

بالتوفيق

أحسن دكتوره لعلاج الأكزيما

خليجية

خواتي يزاكم الله خير لي اربيعة تسأل عن دكتوره ممتازه ف علاج الأكزيما
ياليت اتكون ف الشارجه وإلا دبي وإلا عيمان

وإلي اتعاملت ويا دكتور بعد وفادها ياليت اتخبرنا

معرف الغالية
بس انا اذكر فبتني يوم كان عمرهاااا 3 شهور يتهااا اكزيماا ووديتها عند الدكتور وعطاهاا مرهم والحمد لله خازت عنهاا

الغاليه الدكتوره نابغه الي في الشارجه شاطره وجديمه من زمان يعني شطوووره ولها خبرتها

تسلمون خواتي
بس الغاليه فطمطم هاي الدكتوره نابغه وين مكانها فديتج وإلا شو اسم عيادتها

…………….

الله يشفي مرضى أمة محمد

اختي انا فيي اكزيما والاكزيما انواع ..
الي تييهم وهم صغار ان شاء الله تختفي بعده فتره بشيطه
والي تييهم وهم كبار اصعب شوي وهيي انواع اما من الجو او من التلامس او الاكل ..
وكل ما ابتعدتي عن مسبباتها انتي بخير ..
انا خذت علاج من د. ابراهيم كلداري ما فيه كورتيزون والحمدلله نفعني بس كل ما احس انها ردت احط الدوا ..
لاني مثل ما قلتلج كلما ابتعدتي عن المسسببات انتي بخير ..
ولين الحين ما حصلت علاج نهائي اذا حصلتي خبريني ..خليجية

الأكزيما والحل . فيدوني


مســـا / صبــــاح الخــــير
يسعــدلي يـــوم كل مـن دخل المــوضوع ونــّوره ..!

السلام عليكم خواتي ..

؟؟؟ اريد رايكم ومساعدتكم ولا تبخلون علي فديتكم ..
ولديه عمره 6 شهور ومن دخل ثلاث شهور بدت معاه الاكزيما الاطفال في ويه .. سرت وديته عن دكتور … خالد عجل في العين (( أكيد تعرفون))… وعطاني دواياات … بس مشكلتي انها في كرتزون .. يعني من اخلي دوااه يرد ويحمر ويه وترد الاكزيماا ..

شو الحل .؟؟؟
وكيف ارتب جدوله الغذائي ؟؟

فيدوني ويزااكم خير :22 (14):

الصور المرفقة الصور المرفقة

ربي يشافي ويعافي ولدج
:
:
:

الصور المرفقة الصور المرفقة

الغاليه انا عندي بنتي من كان عمرها 3 سنوات طلع فيها اكزيما وماخليت شي مااستعملته حتى يوم سافرت بانكوك عالجناها في اول اسبوعين ماتتخيلين النتيجه راح منها كامل جنه ماكان فيها ومن نطقت عمتها وقالت بنتكم شفت رد فيها الاكزيما ههههههههههههه ترى عمتها بعيد عنكم عينها حاره وانا مجربتنها في اكثر من مره وشوفي الصدف يوم ربت في ولدها طلع فيه اكزيما والحين عالجته في عياده في الشارجه ونصحتني اروح له العياد موجوده عند دوار الساعه بس ناسيه اسمه يمكن ماجد علاء الدين والله ماادري بس انا بسير لاني اعرف مكان العياده بالوصف هو على الدوار والسموحه طولت عليج والله يعافي ولدج ان شاء الله

الصور المرفقة الصور المرفقة

اختي ترا في يهال ما تكون هاي اكزيما اكزيما !
بس تكون حاله تشببها والسبب الاكل او الحليب ..

بنتي طلع فيها بس في ريلها .. والمشكله ان ابوها عنده اكزيما من هو صغير .. وللحين ماخاز عنه
فعشان جي وديتها المستشفى اتحسب ان بالوراثه ياها !
قالي الدكتور لا اذا البنت فيها اكزيما بتطلع لها من اول يوم ربيتي فيه .. بس هذا نوع من الاكزيما يستوي بسبب الاكل وجي .. فعشان جي عطاني كم من كريم عشان ادههن فيه ريلها وبس خليجية

انتي تأكدي اذا ولدج فيه اكزيما ولا لا ..

الصور المرفقة الصور المرفقة

تسلمين غناتي الدلوعه ويكفني ممروورج ودعائج … والله يسلمج ويزاج خير

الصور المرفقة الصور المرفقة

هند يزاج الله خير … ودكتور خالد ما عليه كلام بس انا خايفه من الكرتزون ..

الصور المرفقة الصور المرفقة

zoomyalt جزاج الله خير بس ممنعج من اكل معين ….؟؟؟

الصور المرفقة الصور المرفقة

شو من الأطعمه يزيد الأكزيما عند الأطفال

السلاام عليكم ورحمة الله وبركاته

انا بعدني أرظع ولدي ما أوكله … قصدت بسؤالي شو الأشياء اللي اذا كلتها انا بتأثر على ولدي عقب ما أرظعه

مثلا اكتشفت اني لما وقفت أكل البيض وااايد خفت الأكزيما عند ولدي .. شو بعد غير البيض؟

هل الفلفل والا الدقوس يزيدونها بعد؟ والبهارات؟ والحليب ومنتجاته؟

وتسلمون

الدجاج و البيض و البهارااات بكل انواعهاا

up up up

البيض لاحظته على بنتي

انا بنتي فيها اكزيما بس ما توقعت انه من الاكل تحريته وراثي

عزيزتي
دكتور بنتي البجر الله يسامحه قالي أأكل بنتي بداية الشهر الرابع
من هذاك اليوم لين يومج هذا عمرها 12 سنه تعاني من الأكزيما الحاده وما بتوقف غير على بلوغها
ببنتي الصغيروونه حلفت ما أأكلها غير بعد الشهر السادس بعد إلي عانيته.
والأكزيما أنواع وايده .
علشان جذيه عزيزتي مسوين حملات توعيه ينصحون اللأمهات ما يأكلون أعيالهم من وقت وعلى الأقل على بداية الشهر السادس ولا على نهايته .

نحن ورااثي الاكزيما عندناا

الاكلات اللي تاثر:

الاصباغ اللي في الكل والحلويات

الاندومي

الطمام والفراولة والكاتشاب والمايونيز والبيض

ويوم بذكر بخبرج

هية تذكرت الجبس اللي فيه اصباااغ مثل الجيتوز والبفك

أبشركم أخيراًعلاج الأكزيما بالأعشاب بدون الكورتيزون

أخيرا بعد سنين من إصابة بنتي بالأكزيما كان عمرها تقريبا 3 سنوات لين الحين صار عمرها 7 سنوات وهي تتعالج بالكريمات الطبية والوصفات والخلطات وأكتشفت علاج كان جدامي طول هالسنين وأنا مطنشة من عند العطار في الخالدية، مرة كنت سايره عنده عشان اشتري حنة للشعر وسألته إذا عنده أي علاج للأكزيما، شفت عنده علبة صغيرة فيها كريم بالاعشاب مثل ما قال وسعرها 100 درهم بصراحة ما اقتنعت وطنشت السالفة وبعد كم سنة بعد ما تعبت من كثر ماجربت أكثر من دكتور مختص بالجلدية والكريمات ، استوت البقع غامجة في جسم بنتي وكبرت وزادت الحكة وما شي فايدة من أي علاج، توكلت على الله وقررت أجرب كريم العطار واستخدمت الكريم ثلاث مرات في اليوم وما شاء الله تبارك الرحمن النتيجة بانت من ثاني يوم ، أول يوم كانت تحس بالحكة زادت لكن ثاني يوم الاحمرار خف وخفت الحكة وثالث يوم البقع بدت تختفي تدريجيا والحين بعد اسبوع تقريبا ما شاء الله والحمد لله البقع الحمرة كلها راحت مع الحكة باقي بس البقع الغامجة بدت تختفي شوي شوي وبستمر مع الكريم لين ما تنتهي الاكزيما نهائيا. ان شاء الله.
بغيت أخبركم عشان تستفيدون وتدعون لعيالي بالصحة والعافية ان شاء الله.
اي استفسار عالخاص وللعلم أنا ما أبيع الكريم بس بخبركم عن اسم المحل والعنوان

مشكووووره

يمكن قصدج عطار ابن سينا أو سواري إلي بالخالدية؟
إذا هو خبريني الله يرضى عليج الاكزيما كلت جسمي ولدي

يزاج الله خير الغالية مناي 1973

لكن بغيت اعرف الخالدية في اي امارة؟؟

الله يززق عيالللج الصحه ان شاء الله

اختي ريما الخالديه في ابوظبي

خليجية المشاركة الأصلية كتبت بواسطة _ريما_ خليجية
يزاج الله خير الغالية مناي 1973

لكن بغيت اعرف الخالدية في اي امارة؟؟

الخالدية في بوظبي والمحل اسم السواري للعسل والأعشاب والزيوت الطبيعية (تسألين عن كريم لعلاج الأكزيما) وسعره 100 درهم

خليجية المشاركة الأصلية كتبت بواسطة فجر الإمارات خليجية
يمكن قصدج عطار ابن سينا أو سواري إلي بالخالدية؟
إذا هو خبريني الله يرضى عليج الاكزيما كلت جسمي ولدي

هيه فديتج من محل السواري اللي في الخالدية أسألي عن علاج الأكزيما هو يعرفه وسعره 100 درهم والله يشفيه ان شاء الله بس لازم أختي تستخدمين له يوم تسبحينه صابون طبي تاخذينه من الصيدلية او صابون سيباميد السائل للاطفال على طول . والسموحة

الكريم الذهبي-لعلاج البهاق والأكزيما

السلام عليكم

خواتي حد سمع عن الكريم الذهبي لعلاج البهاق والأكزيما
بليز الي تعرف شي عن الكريم أو كيف ممكن أحصله تخبرني…

يزاكم الله خير وفي ميزان حسناتكم انشاء الله

بنتي اتقطعت ريلها من الأكزيما ساعدوني

وين دكتور جلدية شاطر بهالامور في بوظبي

الغاليه ماي البحر ماشاء الله بروحه علاج ولد إختيه كان يصرخ من كثر ما جسمة متقطع من الحكه والدم إلي يطلع بس ماشاء الله من قامت توديه تسبحه فماي البحر وااااااااااااااااااايد خف

انا عيلي كلهم جيه

مره عطوني كريمين احطهم مع بعض فعيادة الشرطه بس المشكله مااذكرههم والله شله كامل وااااايد اوكيه

انا اعرف فالعين عيادة الدكتور خالد

وبوظبي عندكم البحر وااااايد اوكيه للاكزيما بس نحن بالعين وحليلنا ماشي بحر

بس ترى اهم شي احنا نهمله بعد مايتعالج من الاكزيما لازم دوم ترطبين بشرته باي كريم 45 او لوشن سيباميد
عشان ماتجف البشره لانه الجفاف هو اللي يزيد الاكزيما مثل ماقالولي الدكاتره لازم بعد العلاج تحافظين على ترطيب بشرته دوووووووووم

والله اسأليني انا مجربه

وان شاء الله البنات يدلونج على مستشفى عدل فبوظبي

الله يشفيها ان شاء الله

أهم شغله في العلاج هي الابتعاد عن الجفاف

سبحي ولدج يوميا و بعد السبوح فركي جسمه بفازلين او زيت جونسون عشان يحتفظ بالماي على البشره

فيخليها رطبه

في كريم zinc و كريم 45 و بعد فيوسدين كلها كريمات مرطبه

لبسي ولدج ثياب قطنيه و لو يكون الكم طويل احسن عشان ما يحك عمره

خليه يشرب سوايل وايد

و اذا حك عمره وايد و طلع دم احسن تاخذيه ع دكتور لان ممكن البكتيريا تدخل من الجروح لدم فبيعطيج الدكتور مضاد حيوي في هالحاله

وديه عند الدكتور علي الهنداوي
بعيادة علي الهنداوي

حتى الكباريه تحصلين عيالهم هناك يتعالجون

وخلاف طمنيني عليه

الله يشفيه يااارب

[QUOTE=حوره نونا;5416410]الغاليه ماي البحر ماشاء الله بروحه علاج

انا وياها في هالكلام لان ولدي كانت فيه مثل الاكزيما في ريوله والله تدرين مرة وحده وديناه البحر وراج عنه كل شي لين يومج هذا

بنتي تعاني من الأكزيما

هلا خواتي أتمني من كل وحدة تقرا موضوعي تفيدني أذا تعرف أنا عندي بنتي عمرها 3 سنوات ولين ألحين وهي تعاني من الأكزيما وماخليت مستشفا ولا عيادة ماوديتها بس ماشي فايدة وألحين سويتلها موعد عند أبراهيم كلداري فدبي يلي تعرف شي عنه ولا اذا تعرف حد أحسن عنة أرجوا أنكم تفيدوني لأنها صدق تعاني من الأكزيما وأخاف تشوها من كثر ماتحك ومشكورين

بنتي أيضا تعامي من الاكزيما..
وهي تزيد في الشتاء مع الجفاف..
أهم شي المنطقة و الجل
يضله رطب؟؟ صباحا و مساء لازم تدهني جلدها فازلين.. كثير مفيد..
بتمنى أكون ساعدتك..

خلطة لعلاج الأكزيما

هذي خلطه نقلتها من عطار يداوي بالاعشاب طلع على التلفزيون

الخلطه :
100غرام من حبة البركه
2 كوب من خل التفاح
1 كوب زيت زيتون
1 كوب نشا

يدهن بها قبل النوم ويغطى بقماش ثم يغسل صباحا بماء فاتر ويستمر على الخلطه لين ما تحسين بالتحسن حتى لو استمريتي شهر على الخلطه وان شاء الله تكون علاج للأكزيما

ودعواتكم بظهر الغيب

teslemeeeen o mashkooora elghala walla ini a3aani…bas dont u think ena khal eltofaa7 7aar 3al jesm belnesba lel eczema? was it from a doctor honey dear? o teslemeeeeeen

مشكوره الغاليه على المعلومه ..

تسلميييييييييييييين

يزاج الله الف خير ومشكوووووووره

مشكوره الغاليه

مشكوره اختي عالوصفه

هذي علاج دائم ولا مؤقت شرات الكريمات الكورتزون وغيرها؟؟؟

معاناتي ويا الأكزيما + الرضاعة !

السلام عليكم ..

سامحون عزيزاتي بدخل ع طول بالموضوع لاني داشة من الفون ويلعوزني وااااايد ..

يا بنات انا عندي بيبي ارضعه طبيعي اللهم بارك ومشكلتي عندي حساسية بإيدي يعني اكزيما ؛ ظهرت لي شهر 6 / 2024 بسبب اني كنت يالسة احف ايدي بالحلاوة واحمرت عندي وبعدها كنت استخدم الصابون العادي وجي وهني تفاقمت الاكزيما وصار لونها بني وتحكني وااايد خاصة بالليل واحيانا تطلع منها سوايل شوي وهي نفس الحبيبات ع سطح الجلد واخافها تنتشر !!!!!

رحت لطبيبة الجلد في كوزموميد وعطتني مراهم وماقدرت انتظم بسبب الياهل خاصة فليل لازم احطها وماقدرت .. وقمت انتظم بعدها وحسيت بالفرق بس من اوقف ترد مرة ثانية .. ورحت للدكتورة وخبرتها فكتبت لي مراهم ع قولتها اقوى بس انا ماشوف انها قوية؟!! واحس المراهم القبلية احسن عنها؟!!

ع فكرة ترا المراهم الي استعملها تحتوي على الكورتيزون والي له اضرار وايد من جي انا خايفة لاني ارضع وقريت ان الكورتيزون يدخل في لبن الام ومضاره انه مايخلي البيبي ينمو !!!

اخاف يأخر نمو ولدي بسم الله عليه الله يحفظه !!

شو اسوي؟! شو استعمل؟! خبروني بنات وين ادق راسي؟!

خبروني شو من الصوابين استعمل؟! وشو من الكريمات المرطبة اوكي؟!

سمعت عن الشريش وقريت عنه وانه وايد مفيد للاكزيما .. شو رايكم ومنو جربته ؟!

 قريت تجارب بنات في المنتدى وجي وتشجعت ..

{ كتبوا في قوقل ( دواء الاكزيما للأبد – سيدات الامارات ) } بتشوفون مواضيع البنات من منتدانا مع الشريش والي اسمه شجرة النيم علميا ..

سامحوني طولت عليكم بس والله نفسيتي تعبانة من الاكزيما خاصة اني ارضع واخاف ع ولدي

باختصار :

شو من صوابين مرطبة استعملها في الحمام؟!
شو من كريمات مرطبة اوكي؟!
شو رايكم بالشريش؟!
شو سوت الي ترضع طبيعي وفيها اكزيما؟!

ملاحظة عزيزاتي :
المراهم الي استعملتها اول شي اسمها ( اخلطهن ويا بعض ) :

Elocom 0.1%
فوسيدك أسيد ٢٪

المراهم الي كتبتها لي الدكتورة تاليا وقالت انها اقوى هي :

Dermovate ointment
bactroban mupirocin

الله يشفيك … اتأكدي من الطبيبة اذا الكريمات ماتأثر عالبيبي … عموما مااعتقد تأثر لأنها كريمات مو مثل الحبوب
ونسبة الكرتزون بسيطة

استمري عالكريمات اللي حسيتي ان لها تأثير … ودووم رطبي ايدك بالكريمات المرطبة .. خذي كريم من الصديلية افضل

انا عانيت سنين من الحساسية في ايدي بسبب الصابون والماي … ومن فترة استخدمت هالكريم من افون .. استخدمته كمرطب عادي .. مااتوقعت انه بيكون علاجي من الحساسية .. اختفت من ايدي الحمد لله

خليجية

Elocom احسن كريم

عن تجربه انا واهلي كلهم ما نستخدم الا Elocom

الاكزيما مالها علاج للابد

انتي كان عندج قابليه للتحسس

بس كان في شي حرض عليه

مثلا اخوي ما كان عنده بس هو حامل للجين لانه وراثه عنا

اكل طحينيه و سمج خلط الاثنين مع بعض طلعت له حساسيه

مع انه كان ياكل طحينيه بروحها و سمج بروحه عادي

بس خلط الاثنين طلعله

و ممكن يختفي بروحه مثل حالاتي لكن يرد يطلع لو مسكت اي شي اورجانيك

يعني ما يناسبني قناع الليمون ابدا ما اقدر امسك بطاط ني واقطع واقشر بايدي

يعني يوم ابا اطبخ لازم حد يقطعلي

البودرة اللي داخل القفازات اتحسس منها

لو اتجنب هالاشيا ما بتظهرلي الحكه

==

ما اظن بتأثر على حليبج وعلى البيبي

انتي ما قلتي للدكتورة انج ترضعين

اذا في شي ما بتوصفهن لج

^_^

اللى اعرفه كريم Elocom ممتاز للحساسيه والاكزيما وانا اشوف العلاج الاولى افضل من المجموعه الثانيه للاكزيما وربى يشافيج

https://forum.uaewomen.net/showthread.php?t=1117104
هالموضوع ممكن يفيدج ختيه

حبيبتي بقوله حل ومجرب وانتي على راحتج اذا بتسوينه
بول البوش اغسلي ايدج فيه وبيروح على طول