نبتة الصبار موجوده بكل اماكن بيع الاشجار ماتكلف اكثر من 25 الى 30 درهم بالكثير
خذو لكم وحده حطوها في البيت واسقوها ماي بكثره عسب يتكون السائل الجيلاتيني فيها وما تنشف
ممتازه للبشره والشعر
خواتي يزاكم الله خير لي اربيعة تسأل عن دكتوره ممتازه ف علاج الأكزيما
ياليت اتكون ف الشارجه وإلا دبي وإلا عيمان
وإلي اتعاملت ويا دكتور بعد وفادها ياليت اتخبرنا
السلام عليكم خواتي ..
؟؟؟ اريد رايكم ومساعدتكم ولا تبخلون علي فديتكم ..
ولديه عمره 6 شهور ومن دخل ثلاث شهور بدت معاه الاكزيما الاطفال في ويه .. سرت وديته عن دكتور … خالد عجل في العين (( أكيد تعرفون))… وعطاني دواياات … بس مشكلتي انها في كرتزون .. يعني من اخلي دوااه يرد ويحمر ويه وترد الاكزيماا ..
شو الحل .؟؟؟
وكيف ارتب جدوله الغذائي ؟؟
فيدوني ويزااكم خير :22 (14):
بنتي طلع فيها بس في ريلها .. والمشكله ان ابوها عنده اكزيما من هو صغير .. وللحين ماخاز عنه
فعشان جي وديتها المستشفى اتحسب ان بالوراثه ياها !
قالي الدكتور لا اذا البنت فيها اكزيما بتطلع لها من اول يوم ربيتي فيه .. بس هذا نوع من الاكزيما يستوي بسبب الاكل وجي .. فعشان جي عطاني كم من كريم عشان ادههن فيه ريلها وبس
انتي تأكدي اذا ولدج فيه اكزيما ولا لا ..
انا بعدني أرظع ولدي ما أوكله … قصدت بسؤالي شو الأشياء اللي اذا كلتها انا بتأثر على ولدي عقب ما أرظعه
مثلا اكتشفت اني لما وقفت أكل البيض وااايد خفت الأكزيما عند ولدي .. شو بعد غير البيض؟
هل الفلفل والا الدقوس يزيدونها بعد؟ والبهارات؟ والحليب ومنتجاته؟
وتسلمون
الاكلات اللي تاثر:
الاصباغ اللي في الكل والحلويات
الاندومي
الطمام والفراولة والكاتشاب والمايونيز والبيض
ويوم بذكر بخبرج
هية تذكرت الجبس اللي فيه اصباااغ مثل الجيتوز والبفك
لكن بغيت اعرف الخالدية في اي امارة؟؟
اختي ريما الخالديه في ابوظبي
خواتي حد سمع عن الكريم الذهبي لعلاج البهاق والأكزيما
بليز الي تعرف شي عن الكريم أو كيف ممكن أحصله تخبرني…
يزاكم الله خير وفي ميزان حسناتكم انشاء الله
مره عطوني كريمين احطهم مع بعض فعيادة الشرطه بس المشكله مااذكرههم والله شله كامل وااااايد اوكيه
انا اعرف فالعين عيادة الدكتور خالد
وبوظبي عندكم البحر وااااايد اوكيه للاكزيما بس نحن بالعين وحليلنا ماشي بحر
بس ترى اهم شي احنا نهمله بعد مايتعالج من الاكزيما لازم دوم ترطبين بشرته باي كريم 45 او لوشن سيباميد
عشان ماتجف البشره لانه الجفاف هو اللي يزيد الاكزيما مثل ماقالولي الدكاتره لازم بعد العلاج تحافظين على ترطيب بشرته دوووووووووم
والله اسأليني انا مجربه
وان شاء الله البنات يدلونج على مستشفى عدل فبوظبي
سبحي ولدج يوميا و بعد السبوح فركي جسمه بفازلين او زيت جونسون عشان يحتفظ بالماي على البشره
فيخليها رطبه
في كريم zinc و كريم 45 و بعد فيوسدين كلها كريمات مرطبه
لبسي ولدج ثياب قطنيه و لو يكون الكم طويل احسن عشان ما يحك عمره
خليه يشرب سوايل وايد
و اذا حك عمره وايد و طلع دم احسن تاخذيه ع دكتور لان ممكن البكتيريا تدخل من الجروح لدم فبيعطيج الدكتور مضاد حيوي في هالحاله
حتى الكباريه تحصلين عيالهم هناك يتعالجون
وخلاف طمنيني عليه
الله يشفيه يااارب
انا وياها في هالكلام لان ولدي كانت فيه مثل الاكزيما في ريوله والله تدرين مرة وحده وديناه البحر وراج عنه كل شي لين يومج هذا
الخلطه :
100غرام من حبة البركه
2 كوب من خل التفاح
1 كوب زيت زيتون
1 كوب نشا
يدهن بها قبل النوم ويغطى بقماش ثم يغسل صباحا بماء فاتر ويستمر على الخلطه لين ما تحسين بالتحسن حتى لو استمريتي شهر على الخلطه وان شاء الله تكون علاج للأكزيما
ودعواتكم بظهر الغيب
هذي علاج دائم ولا مؤقت شرات الكريمات الكورتزون وغيرها؟؟؟
سامحون عزيزاتي بدخل ع طول بالموضوع لاني داشة من الفون ويلعوزني وااااايد ..
يا بنات انا عندي بيبي ارضعه طبيعي اللهم بارك ومشكلتي عندي حساسية بإيدي يعني اكزيما ؛ ظهرت لي شهر 6 / 2024 بسبب اني كنت يالسة احف ايدي بالحلاوة واحمرت عندي وبعدها كنت استخدم الصابون العادي وجي وهني تفاقمت الاكزيما وصار لونها بني وتحكني وااايد خاصة بالليل واحيانا تطلع منها سوايل شوي وهي نفس الحبيبات ع سطح الجلد واخافها تنتشر !!!!!
رحت لطبيبة الجلد في كوزموميد وعطتني مراهم وماقدرت انتظم بسبب الياهل خاصة فليل لازم احطها وماقدرت .. وقمت انتظم بعدها وحسيت بالفرق بس من اوقف ترد مرة ثانية .. ورحت للدكتورة وخبرتها فكتبت لي مراهم ع قولتها اقوى بس انا ماشوف انها قوية؟!! واحس المراهم القبلية احسن عنها؟!!
ع فكرة ترا المراهم الي استعملها تحتوي على الكورتيزون والي له اضرار وايد من جي انا خايفة لاني ارضع وقريت ان الكورتيزون يدخل في لبن الام ومضاره انه مايخلي البيبي ينمو !!!
اخاف يأخر نمو ولدي بسم الله عليه الله يحفظه !!
شو اسوي؟! شو استعمل؟! خبروني بنات وين ادق راسي؟!
خبروني شو من الصوابين استعمل؟! وشو من الكريمات المرطبة اوكي؟!
سمعت عن الشريش وقريت عنه وانه وايد مفيد للاكزيما .. شو رايكم ومنو جربته ؟!
قريت تجارب بنات في المنتدى وجي وتشجعت ..
{ كتبوا في قوقل ( دواء الاكزيما للأبد – سيدات الامارات ) } بتشوفون مواضيع البنات من منتدانا مع الشريش والي اسمه شجرة النيم علميا ..
سامحوني طولت عليكم بس والله نفسيتي تعبانة من الاكزيما خاصة اني ارضع واخاف ع ولدي
باختصار :
شو من صوابين مرطبة استعملها في الحمام؟!
شو من كريمات مرطبة اوكي؟!
شو رايكم بالشريش؟!
شو سوت الي ترضع طبيعي وفيها اكزيما؟!
Elocom 0.1%
فوسيدك أسيد ٢٪
المراهم الي كتبتها لي الدكتورة تاليا وقالت انها اقوى هي :
Dermovate ointment
bactroban mupirocin
استمري عالكريمات اللي حسيتي ان لها تأثير … ودووم رطبي ايدك بالكريمات المرطبة .. خذي كريم من الصديلية افضل
انا عانيت سنين من الحساسية في ايدي بسبب الصابون والماي … ومن فترة استخدمت هالكريم من افون .. استخدمته كمرطب عادي .. مااتوقعت انه بيكون علاجي من الحساسية .. اختفت من ايدي الحمد لله
عن تجربه انا واهلي كلهم ما نستخدم الا Elocom
الاكزيما مالها علاج للابد
انتي كان عندج قابليه للتحسس
بس كان في شي حرض عليه
مثلا اخوي ما كان عنده بس هو حامل للجين لانه وراثه عنا
اكل طحينيه و سمج خلط الاثنين مع بعض طلعت له حساسيه
مع انه كان ياكل طحينيه بروحها و سمج بروحه عادي
بس خلط الاثنين طلعله
و ممكن يختفي بروحه مثل حالاتي لكن يرد يطلع لو مسكت اي شي اورجانيك
يعني ما يناسبني قناع الليمون ابدا ما اقدر امسك بطاط ني واقطع واقشر بايدي
يعني يوم ابا اطبخ لازم حد يقطعلي
البودرة اللي داخل القفازات اتحسس منها
لو اتجنب هالاشيا ما بتظهرلي الحكه
==
ما اظن بتأثر على حليبج وعلى البيبي
انتي ما قلتي للدكتورة انج ترضعين
اذا في شي ما بتوصفهن لج
^_^