الوسم: البلغم

السلام عليكم

سؤالي :

اني حامل في الشهر السادس ، تعبت من 4 ايام زكام وكحة ، والحين الكحة ضابحتني مع بلغم ؟

اللي عندها وصفة يا ريت ما تتردد وتكتبها ؟

واكون شاكرة لكم

احسن شي شاي البابونج وهو حار اشربي 3 كاسات بالكثير في اليوم

والله انا بعد كنت مثلج كان فيني كحه اعوذ بالله كل مره اكح احس بطني يعورني فسرت عند دكتوره وعطتني شراب مال الحوامل الحمدلله يوم خذت واااااااااااااايد خف عني كحه…………….

الله يعافي جميع المسلمين..

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين

ودني اللبان وشربي الماي ماله وما تشوفين شر إن شاء الله

حبيبتي ما في مثل الكركمة الأنثاه بتلقينها عند الايرانيين
اطحنيها و كل يوم حطي خاشوقتين صغار و فوقهن عسل طبيعي ميه بالمية
مرتين في اليوم كافي و بتفتكين باذن رب العلمين حتى حق الأطفال ممتاز
و في ناس يقولون مغلي الزبيب وايد زين بعد

السلام عليكم

بخبركم مشكلة بنتي … بنتي تعاني من البلغم وشخير من خشمها تقريبا من شهرين وكل ماوديها اكشف عليها الدكتور ايقول هذا عادي يوم بتكبر بروح …. ساعدوني ابي البلغم ع الاقل ايروح عنها

حد صادفة هالمشكلة وشو علاجها ….ضروري بنات وبنتي اللحين عمرها تمشي في الشهر الخامس
وجزاكم الله خير

ملاحظة داشة بنك نيم اختي ….؟

طريقة فعالة 100% عن تجربة …

شوية حبة الحمرا (ملعقة) أغسلية وصفية … وحطي علية اشوية ماي دافي وملعقة عسل … وخلية يتودن نص ساعه … وعقب عطيها اياة بالملعقة … وان شاء الله البلغم كلة بينزل في البمبرز مع حبة الحمرا …

للرفع

فيه تحاميل حق البلغم قبل كانوا يبعونه هنيه بس الحين ما شي انا يبتهم من مصر وايد اوكي حتى سالت الدكتور قالي الابره اللي كان يعطي ولدي مال البلغم نفس التحميله وقالي اشتريهم والحمدالله يوم اشوف ولدي زاد عليه البلغم احط له والله كريم

شو اسم هالتحاميل؟

شوووووو السالفه كلنا جي انا كا اسبوعين اودي ولدي المستشفى حتى من كثر البلغم يختنق ويتم يزاوع مسكين…
بس تعرفين شوالحل والله بتد عيلي سويلها بخار ماي وملح 3 مل وعقب دقدقيها ع ظهرها خفيف خرات المساج وعقب سويلها لبان مال الاكل هاذا شرات الدخون بس خاص للاكل+كركرم انثى +حبه سوده ونقيهن داخل دبت ماي العين من كل شي شوي وعق ماتخلصين بخار ومساج حطيلها اياه وعقب يومين بيختفي ولا كان فيها شي…

جربتي اللبان ؟ بس لازم تعرفين أول من وين البلغم من الصدر معناه دخان .. أو من الخشم معناه فيه الجيوب … لازم تعرفين المصدر عشان يكون العلاج صح …

شي دوا وايد زين اسمه PROSPAN عبارة عن خلاصة أوراق السرخس

يكسر البلغم ويطرده من الصدر

هذا الدوا غير مضر وينفع حتى حق الأطفال

التين المجفف … يفيد يظهر البلغم من الصدر

الكحه والبلغم فايح هالايام
انا من اسبوع اعاني

دلووووووووووووووووووووووووووني دخييلللللللللللللللللللللكم ع مستشفى خاص وزين حق الصدر ابغي يشوف البلغم ……..

سيري عند دكتور حاتم عند الجسر

كم عمر بنتج عندي وصفات مجربة بس مب للي اعمارهم شهور

شوفي الغلا اذا كنت ترضعينها ..
لا تاكلين كاكاو برتقال و بيض .. لانه يزيده
و اذا هي بسن تاكل هالسوالف .. امنعيها عنها …

و صدقيني راح تشوفين تحسن بإذن الله ..

و اذا كنت في راس الخيمة سيري عند الدكتور رام في مستشفى الزهراوي ..

و الله يشفي بنتج

الله يشفي عيالكم انشاء الله

هنهون دخيلج قوليلي بنتي سنة و9 شهور ربي يحفظلج عيالج خبريني والله تعباااانه معاها والكل يلومني يقولو انا ما اعالجها

حبوبه انا طبيبه عائله واقولج البلغم عند اليهال شي شاااااااااااايع.. اول سبب له هو الحليب!! انتي ترضعينها وترقدينها؟

هالشي اللي يسبب البلغم عند اليهال.. لازم بعد الحليب تسحبين المرضعه من حلجها وتعطينها مرضعه فيها ماي … عشان اول شي يغسل الحليب عن ضروسها فما تسوس و ثاني شي عشان ينزل باجي الحليب عن صدرها..

ثاني شي حبوبه.. اذا عندج جهاز البخار في البيت سوي لها جلسه بالليل قبل لا تنام وحطي في الجهاز نص ميلي من الاتروفين ونص ميلي من الفنتولين وعليهم 2 ملي من ماء وملح.. هالشي يذوب البلغم عن صدرها وبتشوفينها حتى تنام مرتاحه ..

واي سؤال طرشيلي رساله ع الخاص فديتج ^__^

مشكلتى كيف استطيع ازاله البلغم
لان لى ولدي عمره سنة 3 شهور وهو مريض وخاصة بالبرد يتعب وااايد و بالذات بالليل فيضيق صدرهو يكح وااايد ويتعب من البلغم فى حلقه اول مايشرب الحليب يرجع ومايتم في بطنه شي
فياليت كل وحدة تدخل تقولي الحل فى ازالة بلغم ؟؟؟؟؟؟؟؟
وجزاكن الله عنى خير الجزاء

هلاا الغلااا شحالج انا بنتي خذت اسبووع وفيهاا بلغم بس من استخدمت اللبان والكركم الحمد الله احسن احيين

وبعد حلوو انج تعطينه عسل وتبشرين فييه شوي ثووم وتعطينه ملعقه منه …

والسمووحه

مرحبا … الله يشافيه ان شاء الله أنا جربت البابونج مع العسل وايد زين بس اذا ما خف احسن تودينه عند الطبيب بيوصف له دواء مذيب للبلغم والله يشافيه.

مشكورين خواتي عالرد…. اناا مودتنه العيادة بس ماانفعه….ممكن تقوليلي كيف طريقة اللبان مع الكركم

والله الغالية نفس مشكلتي ولدي وااااااااااااايد بليل يتعب خاصة من البلغم

والبارحة بليل رجع كل إلي بطنة .. ووديته عند كذا دكتورة واقول هذا بيبه وبيعرف له

متابعة للموضوع …

بس انا اعطي ولدي عسل

وحد قالي لي عصري ليمون على العسل …بس ما جربت

كركم نثى +لبان عربي +مثيبه

او بابونج

كركم نثى +لبان عربي حطيه في المرضعه

السـلام عليكم ..

بنتي وايد تعبااااانه

تكح ,, ووديتها المستشفى ..

الدكتور قال فيها بلغم وايد .. ووصف لها كم دواا ..

شو نصايحكم لي ..

شو اشربها غير الحليب ..

وشو الاشياء اللي تزيد البلغم ولازم امتنع عنه ..

والسمووحه …

اختي انتي ما وضحتي كم عمر بنتج بس نصيحه اعطيها ماي دافي حلوو واايد حق البلغم ينزله واذا كانت تاكل لا تاكلينها روووب ولا تعطيها فيمتوا لانه يزيد البلغم والله يشفيهااا

للرفع

الباااااااابونج يوميا شربيها اياه أنا أحط وياه خاشوقتين شاي امبرس أو ثلاث عشان يحليه وااايد نفع ولدي الحمدلله كان وايد يعاني من البلغم وكم مره عاطينه مضاد بس من جربت البابونج الحمدلله ألف مرة وااايد ارتاح ماشااء الله..

الله يشفيهاااا وديها الدكتور يعطيها مذوب البلغم وووعليج باللبان الاخضر نفس اللبان الاصفر حطيلها فى فنيال مع شويه عسل وووشربيهاااا لو اقل من 6 شهور مالج الا الطبيب

مشكـورين فديتكم ..

بنتي كملت 8 شهور وداشة التاسع ..

ابعدي عنها أي أكل فيه دهون

هلا بنات اشحالكم ..

انا حامل في الشهر الثالث .. والبلغم ذبحني يخليني ارجع .. كل يوم على هالحال

شو اسوي شربت شاي بليمون .. خذيت عسل .. ما خليت شي

بسألكم هل الزعتر مضر ؟؟ يعني لو شربت نص كوب .. فيها شي يضرني ؟؟؟

الدكتوره مالتي قالت لي مافي شي مضر بس لا تكثرين شوي شوي

شو رايكم ؟؟

أختي خذي حليب دافي وحطي فيه عسل شوي .. الزعتر عادي بس مب وااايد .. وخذيلج شاي بالليمون بعد ..الله يسهل عليج الغالية ويهون عليج انشالله

وفيه حق زوجي

تسلمين حبييتي .. تعبت من كثر ماشربت شاي بليمون

الله يسهل يارب

الحامل ما تقدر تاخذ أي دوا .. انزين في مضاد حيوي حق الحامل زين أنا قبل استخدمته
ليش ما تسألين دكتورتج وبتكتب لج عليه بعد

الله يسلمج انا اخذ ادويه وايد حبوب الغده وحديد وفوليك و مثبت

ماقدر اخذ شي زياده بعد مافيه ..

الحين قاعده اشرب زعتر شوي .. واحسه فادني شوي احسن من الشاي وليمون .. وان شاء الله يارب مايكون مضر

اختي انا شراتج كنت هانيت من الكحه والبلغم شهرين بحمالي الثالث والرابع متت لين شربت حليب بقرنفل(مسمار) فوري حليب وخلي فيه 3 او 4 حبات قرنفل واشربيه وشوفي الفرق
واذا ما حبيتيه ترا في ادويه ماتضر الحامل للكحه خلي دكتورتج تكتبها لج لان الكحه مب زينه للحامل تسوي انقباضات حتى ضهرج يعورج من وراها

ريم و فرح

شربت توي زعتر وخف عني البلغم .. ان شاء الله مايكون مضر ..

وبجرب الحليب وبالمسمار

مرحباً سيدات
حبيت اسأل عيالي دائماً فيهم بلغم و زكام وكحه
ودينهم لكذه دكتور ويقول عادي يمكن تحسس من عطر او شي وما يعطيهم دوا آلا قطرات ماي وملح
بنتي عمرها 6 شهور والولد سنتين

للرفع

أنا بعد ولدي وااااااايد حليييله بلغم لكن عطاه الدكتور دوا مال الكحه اسمه بلسم طبيعي ما يضر و بعد عطوه موسع للشعب الهوائيه و اللللله يعافي عيالنا يارب

بس فعلا نحاول نبعد العطوووور و الغبار من العيال قدر المستطااااع لأني يوم قمت أتعطر و بدا ولدي يكح واااااايد مللللللللليت لمتى ما أتعطر اللللللله كرييييييييم

وديه عيادة جاويد منصور عندهم إبره و أدويتهم زينه للصغار و الله يعافيهم و عليج بلبان ذكر و كركم

وحااااااولي تبعددددين عيالج عن الدخخخون و خااااااصه اللبان لأنه واااااايد يتعب الصدر و عطيهم عصييييير جواافه زيييين للصدر

يزاكم الله خير
وبالنسبة للدخون والعطور الدكتور قايلي انه الدخان ورذاذ العطر اهو اللي إيأثر لكن عقب الريحة عادي
وانا خير شر مستويه ما أبخر ولا اعطر

. اشحالكم عساكم ابخير حيت اسالكم شو علاج البلغم والكحه عند الاطفال الرضع عمرها 4 شهور وبعد التهاب الازن عمرها سنتين

ادهني صدره بزيت السمسم وايد ممتاز للكحة
وشربيه معلقة صغيرة الصبح على الريق الله يشفيه يارب

ربي ايعافيه..

اذا التهاب في الاذن لازم علاج عن طريق دكتور اطفال
البلغم والكحة دهني رقبتها و صدرها و ظهرها بزيت زيتون مع شوووووية زيت الحبة السودا
الزكام قطرة محاليل الماي والملح اللي من الصيدلية على شكل انابيب بلاستيك صغيرة قطرة في كل فتحة ثلاث مرات في اليوم واذا في شي جامد في خشمها بعد قطرة المحلول الملحي بدقيقة شفطي خشمها بشفاطة خاصة للاطفال متوفرة في المحلات والصيدليات وحتى السوبرماركت قسم الاطفال وين تنباع المراضع
الله يعافيها

البلغم ..
جربي زيت السمسم .. خذي وسخنيه شوي لين يدفى .. ومسحي صدره وبطنه وبيخف ان شاء الله ..

* نجربه عالصغاريه دوم والحمدلله وايد زين

الرضع يجب ان لا يعطى اي زيت عن طريق الفم لخطورته عليه!

سلام عليكم

بنات ممكن تعطوني شي يخلي الشخص يتخلص من البلغم

امايه وايد تعاني منه

بليزخبروني

الله يشفي الوالده ما تشوف شر …. عليج اختي بالكركم مال الاكل مع العسل يخلط ملعقه كبيره عسل مع ربع ملعقه كركم ويؤكل يوميا … انا هذي طريقتي كل ما اييني بلغم لانه وايد ايطول فيني بس بهذي الطريقه الحمد لله وايد احسن

عندج بعد ذكر اللبان مال عمان هذا وايد مفيد وعن تجربه بس تمضقينه على الريق لمده عشر دقايق

الغالية اعصري ليمون بدون ما تحطين فيه ماي وحطي عليه ملعقة عسل وخل تشربه يوميا …بيروح بإذن الله البلغم …مجرب

ا الله يشفيج يالوالدة