الوسم: التخصص

هلا بنات شحالكم ؟؟؟
بنوتااات فيدوني انا على هالكورس الثاني على بدش التخصص .. وانا حاطه لحد الحين ادارة اعمال …. وطبعاا لا تقولولي شوفي شو ميولج انا كان لي ميول ف الاعلام بس ما صارلي اني اخذه لعدة اسباب
ف قالولي اختاري اداب انجليزي وانا والاداب كل واحد مناا ف درب ابدا مش داش ف بالي ف قلت باخذ ترجمه قريب من الاداب .. ف شو تنصحوني وش هي مجالات العمل ف الترجمه ؟؟ وهل هو صعب ولا سهل ؟؟؟

وشو من التخصصات اللي تحسونها مطلوبه هالوقت … ساعدوني لان ما بقى لي وقت

60 مشاهده ولا رأي

إن شاء الله طالبات كلية الآداب يفيدونك

بالنسبة لمواد إدارة الأعمال فهي ممتعة إذا تحبين هذا المجال خليط من الادارة والمحاسبة والاقتصاد

تمنياتي بالتوفيق

^

^

^

ان شا الله يفيدوونج

السلام عليكم خواتي

عندي اخت زوجي الصغيره فالجامعة ومش عارفه ايش تتخصص

هي فيه كلية التجارة بس تبغي تعرف التخصص المطلوب منهم

تدرس فيه جامعة فالعين اسمها الامارات

محتارة بين ذول

محاسبة
تمويل
اقتصاد
موارد بشرية
نظم المعلومات الادارية
تسويق
ريادة اعمال(يديد)
ادارة العمليات اللوجستية ( يديد )

انا ادرس بجامعة الامارات ،
و تخصصي على كلام الآدفآيزر مطلوب ..
تخصصي احصاء و تمويل،
و على حد علمي بيفتحون مكآن للاحصاء في السنوات القادمة .. يمكن 2024 !
والله اعلم ،
و التخصص مطلوب كل وقت ..

،
تخصص ادارة العمليات اللوجستية ،
الدكتور قالنا من فترة انه بيكون مطلوب خلال السنوات القادمة ..
خبري اختج تشوف شو التخصصات اللي بتكون مطلوبة عقب 3 او 4 سنوات
على اساس لما تتخرج تلاقي شغل ..
و بالتوفيق يارب

للرفع

السلام عليكم ورحمة الله وبركاته

خواتي اتمنى تساعدوني انا سجلت في جامعة عجمان كلية المعلومات والعلوم الانسانية تخصص علم اجتماع بصراحة انا حبيت التخصص وكان تشجيع اهلي وزوجي لهالتخصص لكن انا مترددة هل التخصص حلو ومغيد هل له مستقبل وظيفي والا بندم على قراري بعد التخرج

ياريت تفيدوني بنات واكون شاكرة لكم

بالتوفيق الغالية وعليج بصلاة الاستخارة

دآامج مقتنعه فيه توكلي ع ربج وآايد نـآاس دآارسين شي ويشتغلون فـ شي ثـآاني مـحد يروم يقولج إاذا بتحصلين ولـآا شي كله ارزآاق ..
توكلي ع ربج وهو بيــآاخذ بج للشي الصح .. بـ التوفيق .. ,

الوظيفه رزق من الله ياما بنات تخرجو من تخصصات الدوله متشبعه منها بمعدلات مرتفعه بس للحين ما حصلوا شغل
فرأيي اذا هالتخصص عايبنج وممكن تبدعين فيه ادرسيه

مشكورين خواتي على ردودكم

انا انا مقتنعة فيه احسه بينفعني بحياتي الاجتماعية والوظيفية يعني بالخاص والعام

لكن وايد سمعت ذم للتخصص وانه قديم وفيه تشبع بهالمجال وانه الخريجين انظلمو وكلام خلاني اتردد

انا ان شالله بدخل جامعة الشارجه

ومب عارفه اي تخصص ادخل

انا من القسم الادبي

انا خاطري بصحافه أو قانون

انا بصراحه ابي ادرس شي

مايبيله وايد دراسه لانه ادري اني ماعندي

وقت ظروفي يعني ماتسمحلي .. الخ

وأبي ادرس شي .. يعني مطلوب

فشو رايكم ؟؟

أنا أحس الميديا حلوو ^^

يسلمو

خذي اعلام ولا قانون ولا شريعة مافيها توفل ولا تلعوزين عمرج وقبل اي شي استخيري

ربي يوفقج

اختي
خذي شي اتحسين نفسج بتنجحين فيه
لاتدخلين شي انتي تعتبرينه هوايه
لانج في النهايه بتحسين عمرج مجبره اتسوينه
ولاتعتمديم على الغير شو ايقولون لج
شوفي اللي اتني تحسين قدراتج تساعدج انج تنجزين الافضل …
واهم شي استخيري ربج الغاليه .. .

انا عن نفسي تخصصي ترجمه ووايد مرتاحه فيه

انصحج بالترجمه

مرحبا حبيباتي

انا الحين ثنوية عامة علمي و بصراحه انا مهملة و مب مهتمه بدراستي (مب بإيدي لان محسودة) فسؤالي اذا الحين ابا ادش هندسة و شديت حيلي فالجامعه (ان شاء الله برقي نفسي و انا متاكده اني بتشافى من العين اللي فيني) بكون اوكي و لا ما ينفعلي لاني ما كنت شاطرة هالسنة و تراني ذكية يعني افهم بسرعه ما شاء الله بس اللي خايفه منه اني بعدين اواجه مشكلة انه اللي بندرسة مبني على دروس الثنوية العامة اللي انا مادرستها عدل؟؟

و اذا ما ينفعلي هندسة شو تنصحوني للعلم اني احب كل المواد العلمية بس مابا كيميا و لا جيولوجيا و اكره كل المواد الادبية الا علم النفس

السلام عليكم ورحمة الله وبركاته

كيف الحال خواتي؟

استشيركم في موضوع

الا وهو

اريد اغير تخصصي

الحين انا عندي بكالوريوس نظم معلومات من جامعة عجمان

المهم

احس ان بصراحة هذا البكالوريوس

مافادني بشي

يعني مافي شي مهم قدرت اسويه به

يعني كان اختيار خاطئ

ماعدا اني فهمت اشياء في البرمجة والرياضيات كاساسيات راجعتها(وبعد من مجهودي الخاص)

واغلب الاشغال صح تتطلب كمبيوتر اساسيات وتعرفين انجليزي والسلام عليكم

وانا اصلا اعرف انجليزي من قبل مادش الجامعة بس يبالي امارس شوي زياده

بس مب سريعه بالحفظ والحسابات امور بسيطه بس يوم ادرس اشد على نفسي واحصل علامات

فبعد تفكير عميق اظن بغير التخصص

وانا عمري 29

اتصور بدش الجامعة مرة ثانية وبدرس

لغة انجليزية

لانها احسها الشي الوحيد والبديهي عندي

المشكلة اني متحسره بصورة كبيرة ان مجهودي وتعب السنين

والفلووووووووووووووس راحت هباءً

منثوراً

بس الشهاده مافادتني بشي

المعاهد والمدارس اغلبها يدرسون الاساسيات بس

يعني ICDL وكل واحد وابداعها

وبصراحة مالقيت فرصه في المدراس (وبصراحة في مدرسات مبدعات في هذا المجال)

ولا فرصة في اي مكان اخر

ولو لقيت بصراحة مليت منه يعني

سويت الي اقدر عليه

ومهاراتي ماطورت فيه

يعني كله مجهود شخصي متعب

يمكن يوم دخلت التخصص حبيت شي يكون جديد ومطور وتعرفون التكنولوجيا مهمه ولازم الواحد يتطور فيها او يتعلم البسيط منها

بس الحين مليت مليت منها

وانا الحين قاعده افكر اغير للغة الانجليزية

انا شاطره فيها وخلاص

وممكن اخذ البكالوريوس في سنتين ونص

يعني يكون عمري بحدود 32 او حتى يمكن اقل

بس طبعا بيكون في عندي ازمه ماليه

عوووووووووده

بس شو اسوي

مافي حل

شو رايكن؟؟؟؟؟؟؟

صح يمكن مالاقي شغل حتى به

ولكن بحس براحة نفسية لو خذيته

والله الموفق

ناس تكمل ماستر انا اغير التخصص!!!!!!!!!

انا اشوف اللغه الانجليزيه اختيار خاطئ شوفيلج شي احسن
وايد خريجات اجليزي يالسات في البيت
ومادري مالج ومال الاعاده ليش ما تكملي ماستر في تخصص ثاني

زين اختي تخصص مثل شو يعني

وصح مب ضروري بتعين به

بس احاول اصحح مسار

تعرفون ليش كل هذا

لاني احس اني ماشية غلط

اريد الاقي شي اكون واثقه من نفسي به

انا للحين عندي مشكلة بمعادلة الدرجة الثالثه!

ماعندي تعليق بس اسجل مروري
وبرفع لج الموضوع

مشكورة اختي

بس الفكره اني ادور شي جديد عرفتي علي

يمكن يكون فاتحت خير