الوسم: التفكير

كيف حالكم يا بنات ان شاء الله بخير وسهاله اليوم انا عندي سالفه اريد الكل يشاكني فيها هالسالفه تخص اعز ربيعاتي وهي مب عارفه اتفكر عدل لان هالسالفه فيها تقرير لمصيرها

ما بطول عليكم ربيعتيه هاذي عمرها 30 سنه تقدم لها شخص عمره 50 سنه هالانسان منفصل عن زوجته وعنده عيال بس العيال عند امهم وهو عايش بروحه وعلى استعداد بتلبية رغبات ربيعتي في اي شئ هي تباه

هذا الريال ملتزم دينا ويصلي الفرض بوقته وحريص على صلاة الفجر مشاء الله انسان مقتدر وفوق هذا انسان رياضي وما يبان عليه الكبر له حضور قوي انسان اجتماعي من الدرجة الاولى يحترم المرأه
وقادر انه يعطيها حقوقها(( طبعا انا كتبت صفات هالشخص علشان ما اظلمه وعلشان اتكون الامور واضحه جدامكم))

بالنسبه لربيعتيه هي صلت الاستخاره ومازلت اتصليها الين ما توصل لقرار السليم

انتوا شو رايكم؟؟
اريد اعرف وجهة نظر كل وحده فيكن واعتبرن ان هالبنت اختكن والله يعطيكن الصحه والعافيه
ويارب كل وحده بعدها ما تزوجت الله يرزقها بالزوج الصالح واللي متزوجه الله يسخر زوجها لها ويرزقها الذريه الصالحه

والله احس انه محترم وايد الريال اهم شي صلاته لان الصلاه تنهى عن الفحشاء والمنكر

والله يوفقها يارب

والسمووووووووحة

غرور اشكرج على وجهة نظرج عقلانيه بشكل كبير

الله يوفقكن يا رب

بناات انا وااايد مضايجه
الله يخليكم ريحوني وريحواا بالي
والله اني الليل ما انامه

بنات شوفوا انا كنت وايد ويا وحده من اربيعاتي وكنا ساكنين بنفس الغرفه في السكن الجامعي اقولكم فجأه بدت هالبنت اترابع وحده وياريت ربع.. كانوا حبايب و24 ساعه ويا بعض واربيعتي صارت مووول ما يهمها انها تقعد وياي او شي 24ساعه ويا حبيبتها وترقد وياها وكل شي وياها… اتخيلوا كنت دايما ارقد بروحي او احيانا هي اتي ترقد وياي بالغرفه بس لازم الحب وياها وعلى نفس السرير يرقدون
المهم انا ما ارتحت لهم اولا لانه كانت امبينهم حركات.. ثانيا انا ارقادي خفيف وهم يتمون يسولفون ويسوون اصوات وموبايلاتهم اترن 24 ساعه غير انه دواماتنا مختلفه فهم كانوا يقومون قبلي ويسووولي وااايد حشره
والله احيانا كنت اقوم اصيح
لاني ماكنت اقدر ارقد وكل مره اقول بصارح اربيعتي وبقولها اني مب مرتاحه وجي بس عقب اغير راااي
المهم كنت اشكي لربيعه ثانيه لانه ما كان عندي حد اشكيله غيرها اقولكم عقب صارحت بنت غرفتي بهالشي اني مب مرتاحه وجي بس بمسج مب وجها لوجه اقولكم صارت ضرابه وجي وهي ماتقبلت هالشي ومادري كيف وتمت اتقول كلام من عندها… المهم بعد كم يوم صارت ضرابه ثانيه مايخصها بسالفتي
صارت بين اربيعتي اللي كنت اشكيلها وبنت غرفتي وعقب هالبنت من القهر قالت كل اللي كنت اقوله حقها ويارييت قالت نفس الكلام اللي كنت اقوله… لا زيدت كلام من عندها وقالت كلام كبير وعقب صاااارت واايد سوالف وضرابات بيني وبين بنت غرفتي لدرجة انه الاهل ادخلووو.. والحين انا خلاص ابد مالي علاقه بالبنت على انها هي الغلطانه بس والله العظيم اني مووول ماخبرت اهلها عن حركاتها مع حبيبتها وسكت عنها المهم انا خلاص قطعت علاقتي فهالبنت والبنت الثانيه والحين مر على هالسالفه اكثر من سنه صح اضايجت وقتها من اللي صار بس الحين عادي
بس شو هي المشكله الحين انه كل البنات اللي كانوا اربيعاتها مووول ما يسلمون علي يعني يشوفوني ولا يعبرووون طااااف
ونصهم كانت علاقتهم وياها سطحيه مب لذاك الزود بعد مايعبروني ولا حتى يسلمون علي يعني اشوفهم بالكليه وبعضهم وياي فالكلاس ابد مايكلموني لييييييييش ما ادري رغمنه فيه واايد منهم كنت اسولف واضحك وياهم والحين جنه ولا وحده تعرفني منهم
اللي مضايج فيني يا بنات اني ابا اعرف شو السبب ليش هم جي يعني
انا ماسويت فيهم شي اوكي السالفه صارت بيني وبين بنت غرفتي الناس الثانين شو يخصهم والله اني واايد تعبانه وافكر بهالموضوع ليييش يعني صار أي حد له علاقه فيها مايكلمني ولا يعبرني حتى اللي علاقته فيها سطحيه واللله واااايد مضايجه اقول هي شو قايله عني احسها قايله شي من عندها غير انها عندها اربيعه ما شاء الله اتحب نتقل هالسوالف وترمس
والله امس ماقدرت ارقد فليل اقول ليش هم جي لاني امس رحت عرس وحده من الجيران وشفت ثنتين من ربعها اتخيلواا سووا روحهم مايشوفوني ليش مادري رغمني والله العظييييم اني ماسويت شي وهي الغلطانه مب انا
هي اللي خلتني ورابعت حبيبتها انا كل اللي سويته اني صارحتها وصح صارت ضرابه بس كان من حقي اسوي هالشي وبعدين انا اتفاهمت وياها بعد ماصارت سالفة اربيعتي الثانيه وعادي المهم انا خلاص هذول مايهموني وقاطعه علاقتي فيهم بس اللي هامني ليش البنات اللي كانت اتسولف وياهم جي يعاملوني والله احس اني مظلومه واحسها قايله لهم شي عني
وانا وحليلي والله مالي ذنب باللي صار كله بسببها هي
بناااات انا مقهوووره والله مقهوووره بليييز ريحوني بلييييييييييييز
ولاتقوليلي اسأل وحده من ربعها ليش انتي متغيره او شي لاني مستحيل اسوي هالشي احس كرامتي ماتسمح لاني جني اقولهم دخليكم رمسوني او شي من هالقبيل

فبلييييييييييييز ساعدوني وقولولي كيف اريح بالي من هالتفكير

حبوبه سالفتج تعوووور القلب..حسبي الله ونعم الوكيل..

لاتشكين لصديق ..او ربيعه مقربه..لان هالزمن مافي يعنى مجال للثقه ..الثقه معدوومه بين الناس..

..الصاحب اللى ما تجى من صحبة غير العذاب نذر علي ان ما هجرني ابا اهجره..

وجهي شكوتج لله سبحان وتعالى ..وهو راح ينصرج على هايل اللى ما يخاااااافون ربهم

..ربي يساعدج الغاليه..

والسموحه..

عندي وايد مشاكل في الحياة واكبر مشكلة اني وايد افكر في كل صغيرة وكبيرة !!!!!!!!

في كل شي في كل شي ..حتى ولو مريت بمشكلة صغيرة افكر فيها وايد وما ارقد الليل ..
افكر في المرض اللي فيني …افكر في المستقبل …!!! حتى ساعات افكر في الزواج واخاف منه ..!!

وشخصيتي وايد ضعيفة …ما اقدر اغيرها …مثلا لو كنا نتكلم بين مجموعة ..الكل يتكلم بس انا اتم ساكتة ولو تكلمت محد يسمع رايي ..وكله يقاطعوني ..!!!!!

وما عندي ثقة الكبيرة في نفسي …اي وحدة تعلق علي ،، على طول اصدقها وحتى لو التعليق ما عيبني …وما اقدر ارد عليها لاني مب متعودة ارد برد يسكت ..

نفسيتي وايد تعبانة ما عرف شو اسوي …شوروني بحل..حقي مآكول

حبيت ارفع الموضوع بدعوة

الله يريح بالج ويقويج

واهم شي الدعاااااااااااااااااااااااء ان ربي يقويج

عزيزتي جوفي ، وايد من البنيات الي يعانن من مشكلة فقدان الثقة بأنفسهن ، و الشخصية الضعيفة …

صدقيني ف هالدنيا كل انسان يبا يكون راعي شخصية قوية و راعي ثقة كبيرة بنفسه جدام الناس و جدام نفسه حتى ، و الثقة نحن ما نتعلمها عشان نوصل لها ، لا عزيزتي ، بالعكس ، الثقة شرات الحلم الي تتعبين طشونة عشان توصليله…

انتي ثقتج بنفسج كبيرة وايد ، و شخصيتج قوية ، و اترومين اتردين على اي حد يقولج كلام يجرحج او يظايجبج ، عمرج لا تقولين انا ضعيفة شخصية و ما عنديه ثقة باللي اسويه و بنفسي ..

ترا عزيزتي انا اباج اتحطين ف بالج شي مهم وايد ، (( اي شي سلبي اتفكرين فيه او تنطقينه بلسانج ، في مجموعة كبيرة من الايحاءات و الاشارات السلبية الي توصل للمخ على حسب التفكير الي اتفكرين فيه و الكلام الي اتقولينه ، ف كلامج و تفكيرج لو كان ف شي ايجابي ، الايحاءات الايجابية بتوصل لمخج و بتلاحظين انج تقبلين على هالشي بكل سهولة و حماس ، و لو كنتي اتفكرين ف شي سلبي ، الايحاءات توصل لمخج بشكل اسرع و اكبر ، و بتبدين اتحسين بهالشي السلبي الي فكتي فيه او قلتيه ، ف عشان جذه غناتيه دوم قولي انا شخصيتي قوية و ثقتي بنفسي كبيرة و انا اقوى من الي يطنزون عليه ))

اثبتيلهم هالشي من خلال تصرفاتج ، اذا في اي نقاش او حوار ، عطيهم رايج و ووظحيلهم وجهة نظرج من هالشي و قوليلهم كلام مقنع و اي حد يسكتج ردي عليه بأنه انتي لج الحق كله انج تتكلمين شرات ما هم يتكلمون و يتناقشون و يتبادلون الآراء فيما بينهم…

بس عززي ثقتج بنفسج شوي شوي ، يعني كل شي يكون خطوة بخطوة ، لا اتخططين للكلام الي بتقولينه ف هالموقف ، لا بالعكس ، خلي الموقف و خلي الكلام يظهر منج بشكل بديهي بدون تخطيط مسبق له…و بتلاحظين انج بديتي تثبتين نفسج ، بس هالشي محتاي صبر منج طشونة…

خليني اقولج ، انا عنديه بنت خالتيه ، معرسة ما شا الله عليها ولا شي قاصرنها ، لكن شخصيتها ظعيفة ، و ريلها يحبها وايد لكنه على اي شي بسيط يقول لها انتي شخصيتج ظعيفة و ما تعرفين تتصرفين و من هالكلام الي يجرح و يحبط و يثبط المعنويات…

كلمتني بخصوص هالموضوع ، كانت تسالني وايد و تتكلم وايد و فيها ظيجة من هالشي ، قلت لها الحل بسيط وايد و انتي ما يحتاي اتكبرين السالفة…

قلت لها يلسي ع الكمبيوتر ، افتحي الوورد ، و عطيتها كم جملة تكتبهن ، و خلاف تطبعهن ، و اتعلقهن ع الكبت او ع الشبرية او ف اي مكان بحيث انه عينها اطيح دوم ع هالمكان عشان اجوف الي علقته و بالاخص تقرا العباراات..

خليتها تقريبا شهر كامل او شهر و نص بليا ما اتصل بها و اجوف حالها شو من بعد هالفكرة الي عطيتها اياها…

ف ذمتيه انها قامت روحها و سوتلي تيلفون و تمت تشكرني وااااايد على اني زرعت الثقة ف نفسها بمجرد فكرة الاوراق…

و الاوراق طبعن مكتوب عليهن مجموعة من العبارات شرات : (( اانا شخصية ناجحة في المجتمع )) ، (( انا صاحبة شخصية قوية )) ، (( انا ثقتي بنفسي كبيرة )) ، (( انا اقوى من كل المواقف الي امر بها )) ، (( انا اقدر اتحدى الي يتحداني )) ، (( الابتسامة باب مطلق للسعادة الزوجية )) >>>> قلت لها تكتب هالعبارة لأنها متزوجة..

حاولي اتسوين هالشي ، و علقي الاوراق ف مكان بحيث انج دوم اتشوفينهن ، يعني اول ما اتنشين من الرقاد تطالعينهن بحيث تتجدد نية تغيير شخصيتج…

و باذن الله بيتغير كل شي ، طبقي الي قلتلج عنه ، و خبريني بالنتيجة و باذن الله بيتحقق الي ف بالج….^^

سعادتج تكمن في شخصيتج و اثباتها جدام الكل من خلال كل الي اتسوينه و اتقولينه…

بارك الله فيج عزيزتي ، الله يحفظج من كل شر….

اختج :

/

د.حصــــــة الظـــــاهــــري