الوسم: التوصيل

مرحباااااا

عندي هدية ابا اطرشها لربيعتي هي ساكنة ف دبا الفجيرة .. ابا توصل باااااااجر

امبوست او ارامكس يوصلون اذا عطيتهم باجر الصبـــــــــــــــــــــــــح ؟؟؟؟؟؟؟؟

ارامكس اسرع

يعني توصل باجر ؟؟؟؟

حبيبتي ارامكس اليوم انا مكلمتنهم وقالولي انهم ماعندهم هالخدمه الي توصل نفس اليوم لانها مب مضمونه الخدمه عندج دي اج ال يوصلون الاغراض نفس اليوم اظن بس ياخذون دبل السعر
اتصلي اتاكدي حبيبتي

من خبرتي مع امبوست توصل

أراميكس للتوصيل

حبيباتي عندي اغراض ابغي اعرضهن بالكراج سيل
وبيكون التوصيل على المشتريه

كيف الطريقه؟
يعني اتصل بمندوب معين؟
او شركه معينه؟
ابغي الطريقه بالتفصيل لو سمحتن؟

الغاليه لازم يكون عندج عضوية تاجره عسب تقدرين تعرضينهم

اعتقد مايحتاي عضويه

لازم عضويه تاجره

السلام عليكم

شحالكن خواتي ..؟

اريد اسالكم عن شركات التوصيل

شوه الشركات الي عندهم سلم واستلم.؟؟

فرضا انا بعت شي .. ف هم بعد ما يوصلون الزبون الاغراض هم راح يوصلون لي الفلوس والا لازم اراجعهم ،؟؟

واذا عندي اثاث واريد ابيعه فهل هم راح يوصلون.. والا يوصلون الاشيا الصغيره بس ؟؟

هل المفروض يكون فيه اشتراك معاهم .. مثلا من البدايه اشتري مجموعه كوبونات للتوصيل ؟؟

او ممكن بدون اشتراك مجرد اتصل فيهم ويجون ويوصلون الاغراض.،،؟

ياليت تجاوبون ع الاسأله بالتفصيل الممل

https://www.empostuae.com/Courier/arabic/index.html

https://www.aramex.com/default.aspx
روابط شركات التوصيل باللغة العربية دوري كل اسئلتك بهالروابط افضل شي تاخذين المعلومة من صاحبها

مشكوره اختي

بس مواقع الشركات فيه مقدمه طويله …

انا اريد اجوبه مباشره ع اسالتي

؟؟؟،،

شوفي اختي انا مشتركه بهوت لاين

تتصلين لهم وتطلبين اشتراك

تشترين كوبونات توصيل قيمة الواحد 25 درهم اقل كميه تشترين عشر كوبونات

وتعطينها اسمج او اسم ريلج او اخوج او نك نيمج ورقمج ومن اي اماره

بعدين بييج المندوب ويا الكوبونات تعطيه البيزات

وكل ما تبين اطرشين طلبيه تتصلين بالمندوب

بالنسبه للأثاث ما عندي فكره بس قيمة الطلبيه تزيد بزيادة الوزن

والزياده تاخذها الشركه

ام عذور مشكوره فديتج

طيب بالنسبه للتاجرات الي يتعاملون مع الشركات الي عندهم سلم تستلم

كيف ياخذون فلوسهم ،؟؟ هل المندوب يرجع للتاجره ويعطيها فلوسها او هي تراجع الشركه وتاخذ فلوسها

ممكن احد يوضح لي
جزاكم الله خير

اللي اعرفه انك انتي تراجعي الشركة وتاخذي الفلوس منهم

السـلآم عليكم و الرحمه
شحـالكنـ كلكن عسـآكن بخير ؟

بغيت استفسر ..
بالنسبة لشركات التوصيل اذا واحد حاب يوصل بضاعة و جيه كيـف نتعامل مع الشركة ؟ هل نـروح للشركة و نودي البضاعه أو بالتلفوون ايوون لنا البيت ياخذونها و يودوونها و يردون لنا المبلغ؟

إليـ تعرف لا تبخل علينـا بمساعدتها
و السموحة

اتصلي أرامكس أو امبوست اخذي أرقامهم من الاستعلامات
وايون لييييين البيت
وياخذون طلبيتج وايوصلونها وين ما تبين
وعن الدفع,,,اذا عليج تعطينهم في نفس الوقت
واذا على الشخص اللي بيستلم الأغراض ما ياخذون شي منج الي يستلم هو الي يدفع
شركة الأرامكس أغلى من الامبوست وما عندها تغطية لكل المناطق
يعني ما اتروح لبعض المناطق يقولون لج اتي تعالي المكتب(:
وبس

مشكووورة الغاليه
ما تقصرين

موفقه

ربي يوفقج

شركه امبوست ب 20 … تروحيلهم افضل.. لانه يذلونج لين ماييون ..بس مب دايماً .. وبخصوص الفلوس نفس ماقالت لاخت سعر التوصيل يا انتي او الزبونه تدفع ….. والزبونه تدفعلج عن طريق الانصاري (يعني ماييبولج فلوسج) ..

شركه هوت لاين ب 25 ويووون ياخذون الطلبيه من عندج وييبولج الفلوس..(هذا احلى شي انه اييبولج الفلوس واول ماتتصلين ايوونج بسرعه )

شركه ارامكس + فديكس .. السعر غالي .. وياخذون من الطرفين …(وماييبون الفلوس)

واذا بطرشين برع البلاد … يا امبوست او البريد الممتاز … بس الارخص اظن البريد الممتاز

تسلمين والله
مشـكوره الغـاليه عالمساعده في ميزان حسـناتج ان شاء الله

سواق ياخذ ع التوصيل 30_35درهم جنسيته مصري الرقم ع الخاص وهو من الشارقة

,,,,,,,,,,,,,,,,,,,,,,,,,

للرفع

مرحبــا خواتي ..

اعرف وحده من الاهل كانت تطرش اكل حق عيالها في امريكا ..

هالرمسه من 7 او 8 سنين ..

مادري هل هالخدمه بعدها موجوده ؟؟

وكيف يوصل الاكل ؟

وشو الشركات المضمونه ..

انتظركمــ.,

حرام

اتصلى على DHL على ما اظن لاننى لسه الاسبوع اللى طاف طرشت لامريكا زعفران كان الوزن 200 جرام دفعت 335 درهم ووصل بعد 6 ايام

اكل اممممممممم احس لين يوصل بيخترب

وااايد ليش عااد الا هو زعفراان

انا ابغي اطرش بريطانيا يستوي ولاء

مرحبا بنات
حد يعرف اسم مركز التخسيس اللي يوصل اكلات الرجيم للبيت؟سمعت عنه وما اعرف شي عنه…….حد عنده معلومات عنه……وشكرا لحسن تعاونكم وان شاء الله تضعفن

الغاليه انا مشتركه في مركز رايت بايت يوصلون الاكل للبيت الاكل حلو وما تحسين انج محرومه من الاكل ويصير نزول بس طبعا على حسب الجسم وعلى حسب ممارستج للرياضه.

يعني انا البطه نزولي بطيء لاني مب ربع واايد ويا الرياضه بس عندي اثنين في الدوام ماشاء الله نزلوا بشكل ملحوظ.

هلث كويست في بوظبي نزلت علية في الشهر كيلوين بس غالي 2400 والحين سمعت عن عيادة مكه يوصلون الاكل

اختي انا مشتركه في سلم ان لايت صار لي اسبوع ………….
1900 درهم في الشهر…………هذي اول مره اسوي فيها رجيم من جي كنت متخوفه اني بنحرم من الشوكليت بس الحمد لله كل شي متوفر وما تنحرمين من شي…….

okحصلت حد
انزين فقيره الحظ ماخبرتيني عن السعر وفي اى اماره وانتى لازم اسيرين ولا بالتيلفون.اذا عندج مكينه المشي حطيها جدام التلفزيون وتفرجي عليه وانتي تمشين ولا بتحسين بالوقت ولاالتعب ……اختي< صعب توصلني>اشو وجباتهم يعني المنيو من شوه يتكون………حصاوه ما خبرتيني في اي اماره وشو المنيو …..يوع- بروتينات-لان انا كنت متبعه نظام نيوتريشن بس اللي خلاني اودره عقب ما ربيت ما كان فيي حليب للبيبي ……..

انتي من دبي

زين

عندج في جمعية النهضه في دبي

قسم جنتي

عندهم هالخدمه اسمها لايفلي

غاليه يمكن مممممم مادري بسأل اخت ريلي باجر

هي مشاركه معاهم من شهرين تقريبا اكلهم حلوووووووو

ووايد ضعفت الصراحه

هي مشاءالله عليها مداومه عالمشي والرياضه وهالشي ساعدها انها تضعف

شي في الشارجة ؟

السلام عليكم خواتي
انا بنتقل باْذن الله لمدينة خليفة أ الشهر الياي
و بكون في الدوام و الشغالة بتجابل البيبي
فما بيمديها تطبخ الغدا
بغيت ارقام حريم يطبخن في البيت اكلاتنا الشعبية و عندهم توصيل في مدينة خليفة أ
و بنتعاقد وياها شهري
شاكرة لكم وقتكم

ان شاءالله تحصلين

الله يوفقج يارب وتحصلين طلبج ،،

مشكورين و بانتظار بقية اللي ساكنات بوظبي و مدينة خليفة

والله اختي في حرمة بس بالفلاح اليديده وما عرف ان كانت اتوصل بس ممكن اعطيج رقمها ووتواصلين معاها

السلام عليكم

خواتي بتخبركن

شو هي أوفر طريقة لشحن الاغراض الثجيلة
تعرفين شركات التوصيل كله تحسب بالكيلو

وايد يطلع

والله ماعرف

ان شالله الخوات يساعدونج

إن شاء الله البنات بفيدونج

الله يوفقج

مشكورات خواتي

ماعندي فكره .. ان شاء الله البنات يفيدوونج

فوقققققققققققق

اختي انتي من وين؟؟