الوسم: النسبة

السلام عليكم
بنات انا سويت الشوربة اليوم بالطريقة الصحيحة
طلعلي الجدر ممزور يعني اشربها نفسها باجرعادي
يعني اخليها في الثلاجة كم يوم ؟؟

أظن يومين عادي ف الثلاجة

مشكورة ع ردج
بس مستحيل هالكمية كلها اشربها في يومين

بنات اللي جربت الشوربة تخبرنا تجربتها بليز
يعني كم كنت تخلين الشوربة في الثلاجة؟

عادي ممكن تخليها 4 ايام اكثر شي طبعا عن تجربه ما يتغير طعمها وثاني مره سوي كميه على يومين بس

عسب تشربيها فريش اكثر

هي خضار ما بتخرب بالثلاجه

مشكورة على ردج

هلا اختي ممكن تعطيني الطريقه الصحيحه ؟؟؟؟؟؟؟؟؟؟؟؟

السلام عليكم و رحمة الله و بركاته

بنات بغيت اسألكم شو التجهيزات اللي لازم تسويها العروس بالنسبة للصالون, يعني مثلا تنظيف بشرة و هالسوالف ..

و يزاكم الله خير ياليت تردن علي بسسسسسسسسسسسرعة

انشالله البنات يفيدونج

الي اعرف العروس تسوي اشتراك حمام مغربي وتنظيف بشره وكورسات للشعر

جلسات لاخفاء الهالات السوداء وتشقق الكعبين وعندج بعد اهم شيء تفتيح الفخذين والمنطقه

الحساسه والسموحه منج الغاليه هذا الي اعرفه بس وان شاء الله البنات بيفيدونج

اشتراك حمام زيت حق الشعر

وحمام مغربي <<الأفضل في البيت اذا حابه عندي رقم حرمه تي البيت اذا تبينها طرشيلي ع الخاص

وتنضيف بشره

بنات أنا عندي بنتين وحدة بسير صف ثاني روضة و الثانية بسير صف ثاني ابتدائي

المشكلة هم في مدارس خاصة و أبوهم يبغي يحولهم حكومي و أنا أحاتي بنتي الثانية هل

بيقبلونها في الحكومي و لا لأ؟

لأن مثل ما تعرفون المدارس الخاصة يدرسونهم رياضيات و العلوم باللغة الانجليزية وأنا الصراحة ما عندي خلفية عن المدارس الحكومية في الشارجة لأني من راك

بنات اللي عندها خلفية تخبرني بليز

بليز حد يرد علي و الله محتارة

اختي شوفي مدارس الغد الي في الشارجه هم بعد دراستهم للعلوم والرياضيات بالانجليزي
وان شاء الله بنات الشارجه بيفيدونج اكثر بالنسبه لاسماء المدارس

انا حامل في شهري الثاني تقريبا عادي اركض احيانا ركض خيف .. مثل يوم اكون مستعيله …

اختي المشي مش زين للحامل باالاشهر الاولى فمابالج االركض الخفيف

مانصج تركضين سبحان الله يمكن الياهل مايتحمل

اهتمي بعمرج وبالبيبي..

اول شهورج اتحملي خاصة لو كنتي بكر..انا سافرت في الثالث وكنت امشي المشي العادي والله ستر..ولاني من النوع الي العب دووووم رياضه ما اتحملت اني اتم من دون الرياضه ورجعت اتدرب بس رياضه خفيفه تناسب الحوامل من الشهر الرابع وحطيتلي مدربه خاصه اتدربني بروحي في البيت وطبعا بعد استشارت الدكتورة بس سبحان الله ما تعبت لين بداية السابع تعبت والبيبي نزل في الحوض واتبهدلت والحين أعاني,,,

تحملي حبيبتي لا اتجازفين..

ولا تفكرين بالرياضه وخصوصا في الشهور الاولى
يلسي وارتاحي اللي في بطنج امانه من رب العالمين انتي محاسبه عليه اذا ما تحملتي بعمرج ونزل

شكرا على الردود والمرور ..
ولكن حياتي اليومية تتطلب مني الركض الخفيف احيانا وصعود الدرج اللي في اليوم ما ادري كم مره من كثرهم …ادعوا لي ان الله يثبت حملي ويمرر لاشهور على خير

السـلآم عليكم و الرحمه
شحـالكنـ كلكن عسـآكن بخير ؟

بغيت استفسر ..
بالنسبة لشركات التوصيل اذا واحد حاب يوصل بضاعة و جيه كيـف نتعامل مع الشركة ؟ هل نـروح للشركة و نودي البضاعه أو بالتلفوون ايوون لنا البيت ياخذونها و يودوونها و يردون لنا المبلغ؟

إليـ تعرف لا تبخل علينـا بمساعدتها
و السموحة

اتصلي أرامكس أو امبوست اخذي أرقامهم من الاستعلامات
وايون لييييين البيت
وياخذون طلبيتج وايوصلونها وين ما تبين
وعن الدفع,,,اذا عليج تعطينهم في نفس الوقت
واذا على الشخص اللي بيستلم الأغراض ما ياخذون شي منج الي يستلم هو الي يدفع
شركة الأرامكس أغلى من الامبوست وما عندها تغطية لكل المناطق
يعني ما اتروح لبعض المناطق يقولون لج اتي تعالي المكتب(:
وبس

مشكووورة الغاليه
ما تقصرين

موفقه

ربي يوفقج

شركه امبوست ب 20 … تروحيلهم افضل.. لانه يذلونج لين ماييون ..بس مب دايماً .. وبخصوص الفلوس نفس ماقالت لاخت سعر التوصيل يا انتي او الزبونه تدفع ….. والزبونه تدفعلج عن طريق الانصاري (يعني ماييبولج فلوسج) ..

شركه هوت لاين ب 25 ويووون ياخذون الطلبيه من عندج وييبولج الفلوس..(هذا احلى شي انه اييبولج الفلوس واول ماتتصلين ايوونج بسرعه )

شركه ارامكس + فديكس .. السعر غالي .. وياخذون من الطرفين …(وماييبون الفلوس)

واذا بطرشين برع البلاد … يا امبوست او البريد الممتاز … بس الارخص اظن البريد الممتاز

تسلمين والله
مشـكوره الغـاليه عالمساعده في ميزان حسـناتج ان شاء الله

الي تاخذ حبوب الكلوميد
متى قالتلج الدكتوره تاخذينه أول يوم دورة والا ثاني يوم والا خامس يوم

حرام عليكم
ليش مارديتوا عليه
حد يسوي خير فيني

انشالله يفيدوونج الخوااات … ماعندي فكره

حبيبتي الكلوميد ياخذونه من ثاني يوم دوره

حبوبه اسالي دكتورتج احسن

مرحبا

انا ماعرف عن الاتصالات شي بسير الغي رقم اخوي واظهر له رقم يديد

بس الرقم هذا باسم الوالد الله يحفظه اقدر اروح انا الغيه سمعت قالوا نييب الجواز عادي ولا لازم صاحب البطاقة يحضر شخصيا ؟

تسلمون

انصحك اختي ان يكون صاحب الرقم موجود والا وكاله نعتمده واعتقد انهم هالايام بعد يسألوا عابطاقة الهوية او اسالي الاتصالات عابرين ١٠١ والله يوفقك

اختي شلي الجواز و ورقه منه لا مانع و خليه يووقع و انتهت السالفه

لكم الف شكر للرفععععععع

الله اكبر الله اكبر الله اكبر

صورة الجواز ورسالة لا مانع

لازم صاحب الرقم يكون موجود (الوالد)

شو الحل بالنسبة للمؤخرة اللي مثل الجيلي أنا أسوي رياضة وتمارين في النادي بس لاحظت هالمنطقة ما تنشد ولينه لينه بشكل مزعج ومحرج بليز ساعدوني شو الحل وشو نوع الرياضة اللي تشدها أو شو الاجهزة اللي ممكن تساعد في شدها ؟ مثلا المشي أو شو بالضبط

ماعندي فكره

حبيت ارفع لج الموضوع

المشي اول شي وعقب رياضه الابيروبيك

اختيه افضل تسالين مدربة اذا شي في النادي اللي اتسيرين له
لاتنها بتعطيج تمارين

حبيبتي السيكل روعة الاوربتراك بس يباله التزام واستمراريه
مساج السليوليت بالالات والكريمات بس المشكله من ممكن يسويه لج
الافضل السيكل

مشكورات لكل اللي رفعوا الموضوع..
أنا بادية رياضة من شهرين ونص تقريبا بس المشكلة أن هالمنطقة بالذات ماحس تتأثر يعني أنا أمشي على جهاز المشي وأزيد سرعتي وبعد هالجهاز اللي إسمه اوربتراك اظن قصدكم كروس أفر اللي فيه مقابض على صوبين ومثل الدري أو السلم هذا بعد أتمرن عليه..بس ماشوف نتايج فمنطقة الأرداف..باقي الجسم يمكن أستفدت شوي بس هالمنطقة لا..يعني إذا وحدة لبست تنورة تحسون المؤخرة مب مشدودة تتحرك أثناء المشي..انا هالشكل أبا أتخلص منه.

فديتج في تمارين خاصة بها المنطقة
انا الصراحة لي اسبوعين مجربتنها مع رياضات ثانية
وكانت في عباة وااايد ضيقة من ها المنطقة وما البسها بس والله
والله يشهد علي ان لبستها بعد اسبوعين حسيتها واسعة من عند الؤخرة والحين اقدر البسها ومستمرة على هاي التمارين
اختي ها الرابط اللي كل يوم اشوفه واسوي مثل ما تسوي الحرمة
اسوي باليوم مرتين وكل يوم على ها الحال
https://www.youtube.com/watch?v=u83bMnU-9tE

وان شاء الله تستفيدين

مرحبا حريم المنتدى
شحالكن
طبعا الأغلبية مب الكل يعرف أن الأناناس ينشط البويضه وقت الدورة الشهريه
وينظم الدورة …
بس سؤالي هو إني أنا محطيه لولب ..من سنتين وتيني الدورة 10أيام من سنتين
بس من شهرين قمت أشرب عصير اناناس شركة ك دي دي
وصارت الدورة عندي بس 5أيام استغربت ومنها أفتكيت من الصدعه بس اخاف لها اعراض
بعدين …
بس هو نظمها مثل قبل لا اركب اللولب مادري إذا في خطورة علي ولا
أبي …أكتشافاتكم للأناناس بالنسبة للدورة وإذا دكتورة ناصحه فيه وقت الدورة ولا
وأشكركن ..خواتي

ما عندي فكرة عن الموضوع
واالبنات ما بقصرن,,

للرفع

أنا بعد ابغي اعرف

معلومه حلووه يالله نتريا الباجي

الغاليه الي اعرفه ان الاناناس ينزل الدوره

يعني انا لما اشربه يومبن ورا بعض تنزل الدوره و ينزل علي بغزاره واااايد

انا اعتقد هالشي عادي

والله اعلـــــــــــــــــــــم

انا سمعت عن هالمعلومه بس مب متأكده ….

ومنكم نستفيد

انا اشتريت شقه في دوله عربيه من شركه سياحيه
وفالمقابل هذي الشركه تقدر توفرلي شقه عباره عن غرفه وملحقاتها في اي دوله فالعالم
اذا انا ما اريد اروح البلده الي فيها شقتي وبلاش طبعا واقدر استثمرها حق اي شخص غيري والحين منقهره لا سافرنا ولا استثمرناها ومب بالرخيص اشتريناها
واللحين طلبتكم كيف اقدر استثمرها هم قالو نقدر نتعامل مع مكاتب السفريات بس ما اعرف كيف

للرفع

مشكوره عالرفع وما تقصري

شوفي ممكن واحد واثقين منة ياجر لكم الشقة ويصير مسؤول عنها
وممكن سفارة بلدك تساعدك
بس المكاتب السياحية مدري بتاخذ عليك ارباح كثير
كثيررررررر يملكون شقق في مصر وياجرونها سنوي خاصة للدبلوماسين اوالاجانب

شوفي شركة تأجرها

مشكورات فديتكن بس ما تعرفي يا فطيم اسم الشركات
لاني ما اعرف دورت في قوقل بس ما طلع شي

اول مره اسمع عن هالطريقه انزين ليش روحكم ما اشتريتوا يمكن كان يطلع عليكم ارخص وغير جى ممكن كنتوا تاخذون اكبر غرفه واحده ما تكفى احد