الوسم: الحبوب

طبعا يا بنات هالخلطه من العضوه ملكه بحجابي وواايد عضوات جربوه وفادهم ومدحوا الخلطه بواريكم الخلطه وتجارب البنات

بنات هالمحلول يكفي ل 15 يوم على قوله العضوه ملكه بحجابي
وطبعا لازم تحطوه بالثلاجه عشان ما يخترب وتستمرون عليه لمده شهر وبتلاحظين النتيايج في اسبوعين ^^

انتي حددي نوع بشرتك ضروري مهم مو تخربطون

ان افضل تخليها في الثلاجه 10 ايام لانها بعد 10 ايام تفقد خواصها الطبيعيه وبالتالي ما بتفيدج بعد 10 ايام ^^

بواريكم وحده من العضوات شو قالت

طبعا قبل ما تستخدمون الخلطه اعرفوا شو نوع بشرتكم عدل مو تخربطون يا لحلوووين

بواريكم وحده خربطت شكلها في الخطله

المشاركة الأصلية كتبت بواسطة أنين الزمن [IMG]https://forum-static.**********.com/themes/color_gucci/buttons/viewpost.gif[/IMG]
السلااااااام عليكم حبيبتي

فديتج أنا سويت الخلطة أحس بشرتي نظيفة بس الحبوب زادت ما أعرف ليش(زادت لانها وحدة من الثنتين _1- اما ان بشرتك حساسة ولذالك لازم تقللين كيمة قشر الليمون لحد 1 بس _ 2- او ان بشرتك دهنية وهذي عبارة عن حبوب دهنية جالسة تطلع بسبب المحلول )

أنا خذيت 3 برتقالات و 2 ليمون بالعدد

وبعدين خذيت القشار وقطعته صغير وحطيته بالخلاط مع نصف كوب ماء
لييين تجانس وصار غليط وبعدين رحت وحطيته على النار مع نصف الماء
بس نشف فحطيت مرة ثانية نصف دبة ماء وانتظر ليبرد وحطيته على وجهي

لما أحطيه على ويهي أول مره نصف ساعه لينشف وأحطي طبقة ثانية بعد نصف ساعة

هذا ثالث يوم بس الحبوب مشوهه ويهي صايره حمره وكثيرة

ياريت تردين على شو اسوي الحين استمر ولا؟؟؟؟؟؟؟؟

اولا قولي لي بشرتك حساسة

اذا كانت كذا …. حطي نشاء + موية ورد ….كقناع يوميا لحد ما تخف لك الحبوب واستخدمي معاه كريم فيدوسين الاحمر لمدة يومين بس بتروح لك الحبوب ….

وبعدها سوي المحلول بس بحبة وحدة ليمون >>>> في حالة لو كانت بشرتك حساسة

المشاركة الأصلية كتبت بواسطة قلم صادق [IMG]https://forum-static.**********.com/themes/color_gucci/buttons/viewpost.gif[/IMG]
ماشاء الله عليك الله يسعدك ويهنيك ابي اسئلك ينفع للبشره الحساسه والمتقشره
وتنصحيني استخدم افالون
وجزك الله كل خير اذا ناسبتني ماراح انساك من دعائي بي اذن الله

ورد صاحبه الموضوع هذا

هلا وغلا قلم صادق نورتي اي قمر
انا بشرتي حساسة بس مو مرة والحمد لله ماشي معاي …اما المقشرة والله ماعندي علم بهذا

يعني اتوقع بشرتك جافة خايك على قشر 3 برتقالات + قشر ليمونة وحدة بس

افالون يجنن استخدمية واذا شفتي تحسس لبشرتك وقفية على طول بس اتوقع يمشي معاك

تسلمين يا قمر ان شاء الله يجيب نتيجة معاك

ووحده من العضوات قالتها كم بالضبط الكميه

مشكوره بس ابي اسئل عن المقادير بشكل اوضح لما تقولين بشر ليمونه يعني الليمونه بالكامل نبشرها و علبه صغيره وضحي كم ملي

و مشكوره

ورد صاحبه الموضوع هذا

لا يا قلبي بشر قشر الليمون بس علبة الموية الصغير اصغر حجم 0,33 لتر
عرفتيها

المشاركة الأصلية كتبت بواسطة ام البوااسل [IMG]https://forum-static.**********.com/themes/color_gucci/buttons/viewpost.gif[/IMG]
الله يجزاك خير اشخلها ولا لا لاني سويتها طلعت ثقيله مره وكيف يثبت على وجهي احسه بيطيح ردي لي الله يعافيك

ورد صاحبه الموضوع هذا

لا
لا تشخليها خليها زي ماهي وحلو انا ابغاها تطلع ثقيلة لانهذي هية فائدتها
حطيها على الوجة بالطبطبة يعني كبي في يدينك وحطي بوجهك……… بالطبطبة بيثبت …

واذا نشف حطي طبقة ثانية

واذا طاح منه بيطيح شوي لا تخافي مو كثير انتي حطية واسترخي شوي

لحد ما ينشف ما ياخذ وقت على ما ينشف

انا يبت اسئله الاعضاء عشان تستفيدون منها

يتبع مع تجارب البنات ^^

وهاي موضوع سوته عضوه اسمها مهااااا

ابوس راسك يا ( ملكه بحجابي ) الله يسخر لك اللي تحبينه مثل خليتي بشرتي تصفى بعد الله

السلاااااام عليكم

بدخل بالمووووضوع على طووووول << ومن طالب منك مقدمات

حبيت اشكر انسانه بجد تستاهل الشكر والتقدير وكل الاحترام
انسانه افااادتني شخصياً ومن الممكن انه افادت اشخاص ثانيين
وانا اتكلم باسمي وباسم كل وحده استفادت منها
وقول :
( الله يفتحه بوجهك وين ماوجهتي
ويرزقك فوق ماتتمنين على قد نيتك
ويخليلك غاليك
ويرزقك السعاده وطوله العمر والمال
ويفرج همك مثل مافرجتي همي
ويرجعك من غربتك يارب
ويبيض وجهك يوم تبيض وتسود الوجوه )

وربي اني ادعي لها بظهر الغيب لانه افادتني

[ بخلطه لحب الشباب ]
انصح كل وحده تعاني من هالمشكله تصلح هالخلطه وتستمر عليها وتدعي لصاحبتها

والله اني تعبت من انوووواع الصابون والكريمات والمقشرات ومااااافيه فاااايته[IMG]https://forum-static.**********.com/images/**********/smilies/icon33.gif[/IMG]
وهالخلطه باقل من شهر افادتني ولله الحمد
وان شالله بستمر عليها لين اودع كل مشاكل البشره

حبايبي الكل يقول احسن شي اول شي تغسلين بصابونه البابايا وبعدين تحطي هالخلطه

الكل يقول صابونه ببايا

حبايبي سووه منتظم عشان يفيدكم مو تستخدموه مب منتظم وبعدين تقولون ما فاد

حبايبي تعبت في الموضوع الله يخليكم ادعولي الله يوفقني في دراستي الجامعيه واصير في الانجليزي شاطره وااايد

وحبايبي للعلم انا ما جربت الخلطه اليوم ببدأ اجربها اوووك بنات ^^

ماشي ردود افاااااااااااااااا

مشكووووووووووورة حبيبتي عالخلطة

تسلمين حبيبتي ع المرور منوره فديتج

بل مشاهدات اكثر من ردود

يزااااااج الله الف خير يالغاااااااليه على الخلطه

^^

مثثثل ماجفتوا عنوااان الموضووووع اتمنى حددد يساعدني انا ماعرف شو المشكلة بعضهم قالوا يمكن في شي انتي تاكلينه هو السبب وانا ابا اششياء طبيعية جرربت خلطة فادتني واااايد من عمان فتحتني بس من جافووني شكلي تغير الكل عيبهم ومامر كم يوووم وفجاة ظهرر فيني حبوب وبقع ف مادري ممكن تساعدوني خوااتي

Up up up

حياج ختيه

يمكن ضربوج بعين لان تقولين وايد تفتح لونج ومن جافوج تغير كل شي فيج
ماعلينـا طبعاً بنعطيج اشياء طبيعية , =) وتطمني ماعليهم ضرر

بس خبريني بشرتج وت دهنيه ولا وشو مشكلتها بالضبط ون شاء الله بخبرج بلي اعرفه

لا بشرتي عادية مش دهنية او شي تسلميييين

وصحح فيني بقع وحبوب ماعرررررررررف شو اسووووي اول مانش الصببح اجوف ويهي اقول حرااام والله يعني حبوووب وايد

زين بحط لج مكونات وقوليلي اذ متواجده عندج او لا
وبكتب لج جدول تمشين عليه اسبوعين وتخبريني النتيجة وامشي عليها شهر وردي خبريني بالنتيجة =)
واذ مب متواجدة بلغيني لما توفرينها وبخبرج كل واحد لـ شو ومتى !

عسل
نشا
روب منتهي
بيض
جلسرين سايل
ليمون
طين مغربي
اسكينول
خل التفاح
ماي ورد
حليب نيدو , او حليب سايل منتهي
فازلين
( كركم جسم – نيل أًصلي ) <– اذ ترومين توفرينهم من العطار واذ لا بلاها
؟

السلام عليكم ورحمه الله وبركاتة …كيف حالكم ؟؟

اليوم موضوعنا كيف نعتني بالبشرة بسم الله نبدا

اول شي طبعا تاخذين وعاء وكمية بسيطة من الماء و الفازلين وزيت الزيتون وتخلطينهم …وتحطينهم طبعا في الثلاجة 20دقيقة

وبعد ذالك … تحطين المخلوط على بشرتك واذا جف تشوفينا صاير مثل اللزاق وتشيلينا وتشوفين الحبوب و غيرها على المخلوط وبعد ذالك تحسين بالفرق انشاء الله تسفدتو مني

تحياتي نعتني بالبشرة وتصفيتها وخليها الحبوب
جربوها ولاتنسوني با الدعاء

السلام عليكم
بنات والله بشرتي متروسه حبوب وكذا مره اتعالجت ويخوز عقب اترد الحبوب مره الثانيه والله مليت مب عارفه شو اسوي سرت كذا مره صالون وحسيت انه الحبوب خفت بس مره الثانيه ظهرت الحبوب .
اللي عندها حل اتخبرني

الله يساعدج

روحي عند الدكتورة سعاد وااااااااااايد شاطره فهالامور

وان شاء الله ترتاحين من هالحبوب

روحي مستشفة المفرق قسم الجلدية في دكاترة اوكية انا كنت نفسج وانشالله بتحصلين العلاج

هلا وغلا اختي ريانه مشكوره على ردج بس بغيت اعرف دكتوره سعاد في اي مستشفى تتعالج أو أي عياده ؟؟ وفي اي اماره؟

كاتي الحلوه مشكوره الغلا على المعلومه جعل الله في ميزان حسناتج

حبيبتي استخدمي صابونه الكبريت عن تجربة شخصية

وامسحي ويهج مرتين في اليوم بماء الورد المخفف بخل التفاح

الدكتوره سعاد لطفي في دبي
تقدرين تاخذين رقمها من البداله
وفي الشارجه الدكتوره فاتن حلاوه شاطره ماشاء الله عليها (عن تجربه شخصيه )

ماعرف

حبيبتي امي واختي استعملوه وايد بتحبينه بيخلي بشرتج اجنن
توكلي على الله

تنفع لللي ترظع

اللي اعرفه انه هالحبوب عباره عن مضاد حيوي

الافضل انج تستشيرين دكتور جلديه

•°o.O ( اللهم إن كان رزقنا في السماء فأنزله) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o°•

حبوبه استشيري اول شي قبل لا تاخذين اي حبوب . .

السلام عليكم ورحمة الله وبركاته ..

هلا اااا بنات …؟؟
أنا عندي مشكله مأرقتني ووووووايد ووووووايد…

أنا عندي حبوب صغار على زنودي وظهري شوي مشوها شكل يدي بشكل فضيع , يمكن ها الشي وراثه عندنا سبحان طالع فيه انا وأخواني الشباب .. واختي شوي مش ووايد شراتي ..

مره كنت في الصالون وقالت وحده انه كان فيها مثلي وخوزته بكريم عاده انا نسيت اسم الكريم T_________________________T

خوواتتتتتتتتتتتتتتي ساعدني والله الي فيها مثلي ولقت كريم يخوزه تقولي …

خوآآتي بيسآعدوونج >>>>

ترآ يطللع من العرق >>> و ممكن النظآآفة آلتآمة هي الحل يعني تسبحي 3 مرآت في اليووم و حطي صآبوون مطهر للجسم مثل >>ديتوول<<

وهـ بس ^^

على مآ آظنن يعني

للرفع

.. كنت شرات حالتج بالضبط والحمدالله اختفن ماشاء الله ..
وهو لازم تسيرين عند دكتورة جلدية وتوصفلج الدوا واستمري عليه وإن شاء الله تفتكين منه ..

هلا أختي شو من العرق … أتسبح يوميا انا الحمدالله …

بس بخبرج بس على يدي هو …وظهري شوي …

لازم تسيرين عياده جلديه …. وثاني شي تأكد من النظافه ….. افركي ظهرج بالليفه مع صابون طبيعي او صابون ديتول

هلا خواتي أنا كنت أعاني من تكيس المبايض و عقب شليته بالعمليه و عقب طلع لي هرمون الحليب مرتفع وعالجت عنه ونزل الهرمون بفضل من ربي وبفضل الحبوب اللي كنت أخذها الحين تضهر لي حبوب تحت الذقن و بين الرجلين الفخوذ شؤون الحل ساعدوني وايد تعبت

لازم دكتورة جبيبتي
الظاهر تخربط الهرمون عندج …في زيادة في الشعر مع الحبوب؟؟ إذا في 90بالميه الهرمون

السلام عليكم ورحمة الله وبركاته:

خواتي كيف حالكم؟

خواتي بغيتكم تقوليلي كيف أتخلص من آثار الحبوب اللي ف ويهي وظهري

الله يخليكم اللي تعرف شي تخبرني بس أنا أفضل شي طبيعي مب أدوية
ومشكورين مقدما..

تمّ النقل للقسم الأنسب

نصيحتي تسوين حمام مغربي كل يوم …وبعد الحمام تسوين هالخلطه تحطين مقدار متساوي من الليمون والجلسرين وما ي الورد عالجسم
الأفضل إنج تتسبحين فالليل وتحطينه ع جسمج
وبالنسبه للويه أحسن شي وأحسن إنه نافع تحطين مقشر هيمالايا للبشرة الدهنيه أو المقشر لازاله الخلايا الميته والسواد وبعد ما تحطينه ع ويهج طبعا وبعد ما تغسلينه حطي عليه نفس الخلطه القبليه …

ولازم تسوين مرتين فالأسبوع قناع طبيعي يعني تسوينه فالبيت هو عباره عن :
بياض بيضه+ملعقتين نشا+ نقاط من الليمون وصدقين بيشد البشر وينظف البشره من الحبوب وإخليها بيضه ولازم قبل ما تحطين القناع تيبين جدر وتحطين فيه شاي أخضر أو زعتر أو أي شاي أو ميراميه وتحطيه عالنار لمدة ربع ساعه وبعدين تغطينه ونيبين فوطه وتفتحين الجدر وتحطين راسج عشان يدخل البخار في ويهج وتتفتح المسامات تخليه في ويهج لمدة ثلث ساعه وبعدين تغسلين ويهج بماي دافي مب بارد …وبعدين تحطين القناع الي مجهزتنه وتخلينه ثلث ساعه وتغسلينه بماي بارد عشان المسام تتسكر .

بعد أسبوع أو إسبوعين بتلاحظين الفرق
وفي شي ثاني في قناع لو تحطينه يوميا ما إضر يعطي ويهج لمعن وإخلي فيه نضاره عباره عن قفشة عسل وقفشه روب ..

ما أبغي منج غير دعوة من قلبج بالشفاء العاجل وتتيسر أمور زواجي

مشكورة الغلا علارد الحلو
لاني انا بعد محتاجه هالشي
وثانكس عالطرح

للرفع ~*..

فالجسم انا قاريه قبل لا ترقدين اتحطين كركم و فازليييين

انا بصراحه ما اقتنع الا بلاعشاب لانها فعلا تخلصج تماما من كل البثور والبقع القديمه ونتايجها سريعه ودائمه اما الادويه والكريمات المعطره للماركات الباريسيه لو يسون فيشل في مراكز 5 ستارس او عياده جلديه صدقيني اضرب عليها مليون اكس كلها خساير ولاسف ياليت الواحد يقتنع ان تنظيف او العلاج يكون فقط سطحي ولاحظوا من توقفون علاجكم من الادويه والمقشرات الغاليه لعلاج البقع والبثور ترجع بشرتكم بنفس مشاكلها …… انا مسويه اشتراك في صالون و مداومه على الحمام البخاري وعقبها اعشاب طبيعيه تغذي البشره والوجه والجسم وتوحد اللون والحمدلله بشرتي صافيه ولا اثر فيه حتى اذا فيج بثور تأكدي بتختفي تماما يعني يا اختي الغاليه لو تعرفين صالون عنده خدمه التنظيف العميق بلاعشاب الطبيعيه او الحمام بالاعشاب لا ترددين وروحي

تسلمين حبيبتي الغالية ..
..

تسلمين

مشكورين ع الرد..

هلا خووووووووواتي ..

عرسي جريب والدوورة نزلت ..

الدوورة كانت متلخبطة ورحت الدكتوورة وعطتني حبوب ديااان 35 وعقي ما خلصن نزلت الدوورة ..

وعقب عطتني حبوب progylution الي نصه ابيض ونصه بني ..

وقاالتلي اول ما تخلص الجبوب بتنزل الدووورة لكن مجرد ما خذتهن من عشر اياام نزلت اليوووم ..

بليز سااعدووني هل هالشي ماله تاثير والاطبيعي

رجعي للدكتوره شو فيها شتقولج

والحاله النفسيه ترى لها دور بعد

……………………………………

الله يوفقج

upupup

ماعندي فكره…راجعي الدكتوره
وان شاءاللّه خير…

اااااااااااااااااااب