الوسم: الحلج

ابي وصفه لعلاج الكحه والم الحلج

هلا خواتي

ريلي صار له اكثر من 6 شهوررر
وهو دوووم يحس بحرجاان في حلجه وكحه

منو تعرف وصفه تفيده

جرب ادويه
وزيت الحبه السوداء والعسل

وماشي فايده؟

والله ما عندي فكره بس العسل واايد زيين على ريق قبل لا ياكل شى وان شاء الله البنات يفيدونج………

جربي الزعتر والينسون

تسلمووووووووون

جربي
ماي دافي + عسل+ ليمون
الوصفة الثانية
حليب دافي+ زعتر+ زنجبيل

اولا خليه يشرب ماي زمزم و هو الي بنفسه يقراء الرقية فيه يوميا الصبح ماي زمزم

ثاني شي يشرب حليب دافي مع زنجبيل فرش مبشور + ملعقة عسل طبيعي

و الله يعافية و يعطيه الصحة و العافية ان شاء الله

ريلى كان تعبان من الكحة بس حمد الله من هالوصفة استفاد خليه يجرب ياخذ ملعقة صغيرة 3 مرات فى اليوم زيت زيتون اصلى والله يشفية انشا الله

حلاوة الاوريو ^^ اللي تذوب فالحلج

مرحبا ^__^

في خاطري الاوريو اللي على شكل الكور ما ادري وين يبيعونه

واللي تعرف كيف يسوونه تخبرنا

خليجية

سموحة الغالية ما اعرف لو كنت اعرف بخبرج

ما قصرت T.O.T.A يعطيها العافيه

و الله يوفقج حبوبه خليجية

خليجية المشاركة الأصلية كتبت بواسطة T.O.T.A خليجية
تفضلي حبوبه ^_^

سويت الدخون:

https://forum.uaewomen.net/showpost.p…04&postcount=2

https://forum.uaewomen.net/showpost.p…51&postcount=6

مشكورة وما تقصرين

بس انا اذكر ان فيها حشوة من داخل الكرة
ولذتها فالحشوة ^__^

اب اب اب

ميرسي حبي على الرفع ^.^

ألذ وأروع يـــــــــذوب في الحلج بالخطوات المصورة من مطبخ شيف شوكولاتة

عزيزاتي مساء الخير . حبيت أني أشاركم وصفتي لمحشي (ورق العنب) وهذي الوصفة خذتها من أمي الله يطول بعمرها وطبعا ما أغيرها لانها بسيطة وسهلة ومكوناتها متوفرة في كل بيت . وانشاء الله راح أطلعكم على طريقة تسوية محشي ورق العنب الطريقة الي تخليه يذوب بالحج بإسم الله نبدأ:

عدد 1 حبة بصل أبيض مقطعة مكعبات
خليجية

وعدد 2 طماطم مقشرة ومقطعة لمكعبات
خليجية

أوراق من النعناع الطازج المفروم
خليجية

½ لتر عصير طماطم فرش ونسوية كالآتي ناخذ عدد 4 حبات طماط طازج وبعد ما نغسلهم نقطعهم مربعات ونحطهم في الخلاط ويا شوية ماء ونخلطهم زين وبعدين نصفيهم بالمشخلة الدقيقة الثقوب.
خليجية

وهذا شكل عصير الطماطم عن قرب
خليجية

وراح نحتاج بعد لورق عنب فاخر شخصياً أفضل ورق عنب حلواني اخوان وهذا شكله
خليجية

بس ممكن تختارين أي نوع شرط يكون مكتوب عليه (ورق عنب بناتي). لانه بعد النضج بتحسين الورق العنب يذوب مش قاسي.
خليجية

وراح نحتاج لتشكيلة بهارات وهي 1 ملعقة صغيرة من (الملح والقرفة) و ½ ملعقة صغيرة كمون فرش او سنوت . و1/4 ملعقة صغيرة فلفل أسود مطحون. وذرة بسيطة من جوزة الطيب.
خليجية

وبنحتاج لحوالي ½ كوب من البقدونس المفروم ناعم .
خليجية

وكمية الرز لهذا المقدار هو ½ 2 كوب رز مصري مغسول جيداً.
خليجية

في وعاء عميق نحط كل المكونات والبهارات
خليجية

ونضيف عليه ½ 1 ملعقة طعام صلصة طماطم
خليجية

يتبع أحبتي

ونخلطهم جيد جدا ونتركهم على جنب
خليجية

وبعد نفتح وعاء الورق العنب ونطلع لفات الأورق . طبعاً عزيزاتي غرشة ورق العنب تحتوي على 3 أنواع من الأوراق كبير وصغير وبقايا أوراق أو الأوراق القصوصة وراح تلاقون هذي الأخيرة في قلب اللفة وهي تستخدم لترقيع الأوراق الي ممكن تحتوي على عيوب يعني ممكن نلاقي ورقة كبيرة وفيها في النص خرم ممكن ناخذ من الأوراق المقصوصة ونحطه على الخرم ونكمل لف وراح تلاحظون هذا الشي بالصور أدناه من خلال هذا التقرير عزيزاتي .
خليجية

وطبعا بنحتاج إلا جدر ونحطة فيه شوية زيت نباتي قبل البدء في لف ورق العنب او ممكن نحط بطاطس دوائر او دوائر طماطم وبصل او حتى من الممكن نحط عدد من أوراق العنب.
خليجية

عزيزاتي عموماُ في المحاشي يفضل يكون المكان الي انتي قاعدة فيه يكون فاضي وبس مجرد أدوات المحشي هي الي تكون موجودة علشان ما تحسين اني المكان مزدحم و علشان ما ترتبكين .
خليجية

الحين باسم الله نبدأ:

مثل ما نحن عارفين وفي أخوات وايد في المنتدى ما قصرو وشرحوا طريقة لف ورق العنب وبضيف على جهدهم المشكور التالي:
نفرد الورقة على صحن مسطح ونحرص عزيزاتي اني كون ملمس الورقة الخشن للأعلى والأمس للأسفل عشان بعد ما نلف تكون الورقة من برع ملساء وهذي ملاحظة مهمة جدا جدا جدا ونحط مقدار من الحشوه والي يحدد مقادار الحشوة عزيزاتي هو كبير الورقة.
خليجية

بعدين نسكر الجزء الأمامي من الورقة على الحشوة بهذه الطريقة .
خليجية

بعدين نثني الجوانب اليمين واليسار بهذي الطريقة
خليجية

وبعدين نكمل لف الورقة للأخر وهذا راح يكون شكلها النهائي
خليجية

ونحطها في الجدر
خليجية

وممكن عزيزاتي نلاقي ورقة منخرمة او مقصوصة نقدر ناخذ قطعة من الأوراق المقصوصة الي كانت في نص لفة ورق العنب ونكمل عادي جداً كأني نرقع.
خليجية

بعدين نحط مقدار من الحشو في الوسط.
خليجية

ونلف عادي الورقة
خليجية

وهذا شكل ورق العنب بعد الانتهاء منها بس عزيزاتي انتبهو اني تكون مشدودة وثابته علشان ما تتبطل وقت النضج.
خليجية

يتبع أحبتي

ومثل ما نعرف عزيزاتي كل ما كانت ورقة العنب كبيرة بهذي الطريقة
خليجية

تطلع حبات ورقة العنب أطول من ورق العنب الي يستوي من أوراق عنب صغيرة.
خليجية

وطبعاً نرص المحشي على شكل طبقات واحرصوا عزيزاتي أن تكون الحبات متلاصقة . كما في الصور أدناه. ونأتي لمرحلة طبخ الورق العنب أستميحكم عذرا عزيزاتي لاني لم أصور هذه النقطة ولكن سألخصها كالأتي : بعد الانتهاء من ورق العنب نقوم بوضع ½ لتر عصير طماطم طازج كما ورد في المقادير بالإضافة إلا كوب من الماء المضاف اليه رشة ملح بالإضافة إلا 4 ملاعق زيت زيتون ونضع طبق مسطح على الورق العنب حتى نضمن عدم ابتعادهم عن بعض والتفكك أثناء الطبخ ونضعهم على نار عالية مدة 20 دقيق مع تغطية الإناء وبعد مرور ال20 دقيق نخفض النار جدا ونتركها مدة ساعتان بالظبط وبعد الانتهاء من الساعتان نطفئ النار ونضيف إلا الورق العنب مقدار ¼ كوب عصير ليمون ونفتح الفرن على حرارة 120 درجة من الأسفل ومن الأعلى ثم نضع إناء الورق العنب ونترك مدة ½ ساعة فقط والغطاء مغلق .

خليجية

خليجية

خليجية

وهنا عزيزاتي بعد الانتهاء النهائي من طبخ ورق العنب لاحظوا كيف . بس طبعا كنت مستوتنه لغداء فما عطوني فرصة إني أصور لكن هذي صورة من صحني لحظوا طبعا عزيزاتي هذي من ألذ وصفات ورق العنب لانها وصفة أمي الله يخليها . طبعا ماماتي الله يخليها لي يوم تاكل ورق العنب الي أسوية تضحك خليجية وتقول بنات هذي الأيام ما يعرفون يسون شويخليجية طبعاُ تخيلو عزيزاتي كل هذي الخبرة الي عند شوكلاتة ترى لين الحين ساعات أسمع هذا الكلام من الناس الي عندهم خبرة أكثر عني طبعاً وطبعاً شكلي يستوي جذي خليجية وأشرب بيبسي خليجية. يمكن لاني أمي ماشاء الله عليها محترفة بكل معنى الكلمة في المحاشي يعني يوم تسوي ورق عنب ماشاء الله يكون كل طويل بنفس الطول والحبات يشبهون بعضهم تقولون توائم وطبعاُ طعمه ولا ألذ من جي .
خليجية

لكن بعد شوكلاتة محاشيها لذيذه وهذا الدليل . شوفو عزيزاتي هني ورق العنب بعد ما برد في الليل اتعشينا منه لاحظوا كيف بعد ما برد تماماُ كيف صار . صراحة وأنا أكتب الحين الصبح الساعة 9 اشتهيته .
خليجية

وهني لاحظوا من داخل كيف العيش يذوب في الحلج فعلا لكن بعده محتفظ بقوامها .
خليجية

خليجية

طبعا كنت مسوية الورق العنب حق الغداء وسويت بعد اسباجتي بصوص البولونيز وهذي صورته
خليجية

أتمنى أن يكون الورق العنب قد حاز على رضائكم وانتظروني في وصفة غير طبيعية ( لكيكة البرتقال ) لازلت في طور تحميل الصور دعواتكم أحبتي
خليجية

اختكم في الله شوكلاتة

يم يم لذيذ

انا كل ماسوي الورق عنب >>>اكتشف يستوي مجبوس كل شي يختلط ويا بعض هع

بغيت الفتره الي تنقعين العيش في الماي

يم يم لذيذ
أمووووووووووووووووووووووووووت على ورق العنب

تسلم ايدج حبيبتي على الورق العنب الغاوي اشتهيته مع كيكه البرتقال ..ننتظر جديدج.

خليجية المشاركة الأصلية كتبت بواسطة روعه الايمان خليجية
يم يم لذيذ

انا كل ماسوي الورق عنب >>>اكتشف يستوي مجبوس كل شي يختلط ويا بعض هع

بغيت الفتره الي تنقعين العيش في الماي

عزيزتي مافي داعي تنقعين العيش في الماي بس مجرد غسلية زين لحد ما تستوي ماي الغسيل شفاشفة وصفية واستخدمية .

بالتوفيق عزيزتي وتسليمن على ردج يالغلا

منو تبيع عين جمل وبيتي فور هش ويذوب بالحلج

منو تبيع احلى عين جمل بتوفي ونوتيلا
ويكون هش ويذوووووب بالحلج

ابا توفي مب فاتح اللي من دون طعم توفي غامج

انا اعرف وحدة مصرية ماخذة مواطن بس هي الحين مسافرة ان شاالله البنات يفيدونج

حبيبتي انا اسوي بسكويت عين الجمل ^__^

واسويه ملون .. عندي ست الوان وكل واحد محشي بحشوه غير عن الثانيه.. لو تحبين الغاليه طرشيلي ايميلج الهوت ميل و انا بطرشلج المنيو مع الصور ^___^

إن شاء الله البنات يفيدونج

دخلي منتدى كويتيات منتدى المطبخ بتلقين طرق عين الجمل وتسلمين

ماعندي وقت اختي اسوي

مشكورااااااااات اللي طرشولي اشسماء ماشاءالله وايد صار عندي ارقام وماعرف منو اختار

اختي
ما بسوي دعايه
بس الي اعرفها لو ذقتي سويتها يجن وما بتندمين ومن سنين تسوي
اذا حبيتي تجربين ابعث لج عالخاص
تحياتي

خبز يذوب في الحلج .وينكم عنه

خليجية

بنات انا شفت خبز في بيت ناس هم بدو واستغربت من خبزهم ..

اذا كلتوه يذوب في الحلج من خفته يعني خفيف مثل ورق الكلانكس وشكله مخبق يعني فيه ثقوب وايد

وااايد عيبني ..

فلو وحدة من الاخوات تعرف طريقتة تخبرنا وبارك الله فيها

وانا خذت قطعة صغيرة وصورتها في الموبايل

وهذي الصور

خليجية

خليجية

خليجية

هذا خبز رقااااق فديتج !!!
ليش ما تعرفينه ؟؟؟

أختي هذا محلى زايد

مشكووره

ونتريا اليديد

هذا خبز رقاق الي يسون منه الثريد

هذا محلى زايد
مرت اخويه اسويه لذذذذذذذذذذذذذذذيذ

هذا خبز محلى وااايد احبه يمممي

مجبوس بالحلج !

خليجية

مجبوس ( بالحلج) او ( بالعنسلانه ) خليجية

وهذا رابط الموضوع الاساسي خليجية
https://forum.uaewomen.net/showthread.php?t=820381

خليجية

وهاي الطبخه مخصوصه حق اللي تتوحم على مجبوس الحلج ! خليجية

المقادير :

(بصل – طماط – ثوم – بقدونس – فلفل حار )

صلصله طماطم

عيش (يفضل شعلان او بسمتي الي جيسه لونه ازرق)

ماي

ملح – – فلفل مطحون _ وبهار مشكل

الحلجة خليجية

لومي

الطريقة :

1 – نقصص الحلجة طبعا عقب ما ننظفها ونحطها في كعد ماي دافي فيه شوية لومي عسب الريحة ..

2 – نبدى نقصص بصلتين قص ناعم وانقصص طماط ونفرم ثوم ونقصص الفلفل الحار ..

3 – نشغل النار ونحط الجدر ونحط فيه زيت ونبدى بتقليبه لين يحمر عقب نحط طماط ونحركه لين

ينهرس ،، عقب نحط الفلفل والثوم المفروم وخاشوقتين كبار صلصله ونحط الماي ولين يبدى بالفوران

لمدة خمس دقايق وعقب نحط الحلجة ،، خليجية

ونغطيه لمده خمس دقايق وعقب نحط البهار (في عملية حط الملح على حسب كم مقدار العيش لو كوبين كبار عيش يعني خاشوقتين ملح ) ونحط فلفل مطحون والبزار والبهارات الاخرى وعقب نغطيه لين نحس انه بدى ييستوي يعني خلو ربع ساعه على درجه حراره عاديه وطبعا في هذي الاثناء يكون العيش يتنظف يعني منقع في ماي وعقب ما تخلص مدة طبخ الحلجة ونجوف انه استوى ننزله من على نار ونبدى بحط العيش فوقه يا بطريقة نيب جدر ثاني وندهنه بزيت وعقب نحط العيش ونجب علي مرقة الحلجة وعقب نحط الحلجة او بطريقة انه نجبه مره وحده فوق بعض بس افضل طريقه الاولى المهم تردونه على النار لمدة خمس دقايق درجه الحراره وسط وعقب ننزل عليها لين يستوي العيش خليجية ،، ويوم يستوي على طول نيب اللمنيوم ونغطي جدر المجبوس وعقب نحط الغطى عسب يتبخر
وفي الاخير نقطع بصل شرايح كبيره ونقليها اليييييييين يحمر وعقب ننثره فوقه ،،

ونسوي سلطة روب بالخيار ..

المقادير:

علبتين روب

ثلاث قرون فلفل

ملح

ثوم

خياره مبروشه

الطريقه :

نفرم ثوم مع الملح والفلفل نحط عليه خيار ونخلطه عقب نحط الروب ..

واتمنى لكم طبقا لذيذ ! خليجية

وصحتين وعافيه خليجية

عن تفروني بطماط خليجية عقب مووت حصلت الطريقه خليجية

يـــــــــــــــــــــا لهووووووووووووي
منو بياكله هذا

>< ^ ^

يااااااااااااااااااااااااااااااااااااااااااااااااا ااااالهوتي

نووووووووووووووووووووووووووو وي

ههههههههههه وانا داشه واقرا العنوان عبالي الحلج يعني حلجنا فمنا هههههههههههههههه

عبالي مزحه بس طلعت صدق

مستحيل اكله لو شو مايصيرررررررررررررر

ماتحمل

ضحكت من خاطر
لا مستحيل حد ياكله

وووووووووووووووووووووووووووووووووووووووووع

بسكوت ناعم يذوب الحلج من مطبخي سهل سهل

السلام عليكم حبيباتي عساكم طيبات

اليوم مسوديه وصفه يديده وسهله للبسكوت ناعم أو الكعك. تقدرون تحطون عليه سكر ناعم أو بدون أو أي إضافات.

يلا نبدأ بالمقادير

خليجية

@ كوبين ونص طحين رقم واحد
@ كوب سمن الأصيل. أو أي سمن تحبون. مذوب
@ ملعقتين كبار سمسم
@ ربع ملعقه صغيره ملح
@ ملعقه صغيره هيل ناعم
@ نص ملعقه صغيره قرفه مطحونه
@ ثلث كوب زبادي
@ ملعقه ونص صغيره بيكنباودر

ألطريقه

@ في وعاء الخلاط ضعي الدقيق، الملح، الهيل، القرفة، السمسم، البيكنج باودر، السمن والزبادي، ثبتي مضرب التقليب. شغلي على سرعة متوسطة إلى أن تتكون لديك عجينة ناعمة ومتماسكة. أو أعجني بايدج

خليجية

@ نخليها ترتاح 10 دقائق

خليجية

@ على قطعة من ورق الزبدة حطي ثلث كمية العجينة. ضعي قطعة ثانية من ورق الزبدة على العجينة ومدي العجينة باستعمال النشابة

( حطينا ورق الزبدة فوق وتحت العجينة علشان تقدين تفردينها وأنا حطيت ورق بلاسكيت لانه ما كان عندي ورق زبده )

خليجية

@ نقطع على حسب ما تبون انا سويت دوائر. وتقدرون تقطعونه بالقطاعات الأشكال

خليجية

نحطه بصينيه الفرن. ونثقب البسكويت بالشوكة علشان عقب لو نثرنا السكر الناعم يمسك فيه

خليجية

@ نسخن الفرن 180. فوق تحت ونخلي يحمر يستوي لونه ذهبي

خليجية

@ وأخيرا نطلعه من الفرن وهو حار ننثر عليه السكر الناعم. ونخليه يبرد. من يبرد ننثر عليه سكر مره ثانيه.

( تقدرين تقدمونه بدون سكر أو أي تغطيه تحبونها )

خليجية

وبالعافيه عليكم

ما شاء الله شكله لذيذ .. بس شدني أكثر كيك بو نجمه

ما شاء الله

وصفته سهله وشكله لذيذ

تسلم ايدج خيتوه

ماشاااء الله
شكله لذيييذ
تسلم الأياادي ؛)

يميييي شكله لذيذ
تسلم ايدج عالوصفه السهله

‎موفقه ان شاء الله

" أسأل ربي الذي قال وقوله الحق:
{ ادعوني أستجب لكم }
أن ينظر إليكم نظرة رضا لايعقبها سخط أبدا ويلبسكم ثياب العافية لاينزعها عنكم مددا آمين "

تسلمون خولتي على المرور الذوق فديتكن

الصراحة حلو وايد وخفيف

وأم الأطفال ها كيك البرتقال سويت ويا البسكويت

لا خليت ولا عدمت طلتكن حبيباتي

لا عدمتكن

بسكوت بالجوز والسمسم سهل ولذيذ ويذوب بالحلج

بسكوت بالجوز والسمسم

المقادير :
نص كوب جوز مطحون ( عين الجمل ) – كوب سمسم – نص كوب سكر مطحون – 2قالب زبد صغير – 3 أكواب طحين أبيض

الطريقة
ذوبي الزبد وخلطيها مع السكر المطحون في الخلاط ثم ضيفي بقية المقادير عجنيها بايدج

سوي العجينة كور صغيرة ثم فرديها بشكل مسطح وحرصي ان القطع تكون بحجم بعض ودخليها الفرن تقريبا تستوي في عشر دقائق ولما تبرد عند التقديم رشي عليها سكر مطحون . وبالعافية
( حرصو بنات على عمل البسوت في البيت علشان انخفف من أكل الأطعمة الى فيها موادحافظ )
أسأل الله باسمه الحافظ ان يحفظ أمة محمد صلى الله عليه وسلم

تسلم ايدج

^___^

تسلمين على الطريقة بس بغيت اسأل عن 2قالب زبد صغير <<

تقصدين اصغر حجم ..!!؟؟؟

تسلم ايدج

تسلم ايدج

شكله لذيذ مشكورة الغلا

حبيبتي الزبده قصدج
الاصبع اللي يجي 100 جرام
ولا المربع الصغير اللي يجي 50 جرام

ارجوج وضحي لاني ابي اسويها

ريحه تطلع من الحلج

السلام عليكم ورحمة الله

خواتي صار لي فتره ملتزمه بقراءة سوره البقره والرقيه الشرعيه والاستغفار وفجاة زوجي يقولي صارت تطلع من حلجج ريحه نفس ريحة الخشب الي في صراصير مع ان عشت ويا سنوات ماقال لي هالكلام وانا دايما اهتم بالتنظيف حتى فشله قالي ريحة جسمج غير مع ان اسبح مرتين في اليوم ولا مره اشتكى من ريحتي انا منحرجه ماتوقعت جيه خليجيةالي مرت بها الشي تنصحني

خليجية

غريبه حاولي تاكلين تفاح والرمان زين للمعده

Up Up Up

سبحان الله؟؟

حاولي تغيرين نظامج الغذائي

ما فيها شي يمكن القراية لها تأثير عليج و علية و طبعا تأثيرها ايجابي في كل الحالات
بالنسبة للريحة كلي لبان يوم انتي معاه فترة و بتعدي
سوي سيرج لفوائد سورة البقرة

غريييييييييييبة..

علعمووم غيري من رووتيين النظافة ..

سوي شي يديييد..

ممكن هو من فترة وهشي من زماان بس هو احيين اتكلم..

مرووره في الحلج

السلام عليكم ورحمة الله وبركاته

بناااااااااااااااات .. احس بمروووووره في حلجي !!! شو السبب منو تعرف !

مع العلم اني مب حامل

حبيبتي اذا انتي من النوع الي تشربين ادويه قبل ما تنامي شي طبيعي تيج مرارة فالحلج

نصيحتي لج انج تصرطي قطعه صغيره من الثوم مع الماء فالليل وان شاء الله المراره

بتختفي

خليجية المشاركة الأصلية كتبت بواسطة المهـــا خليجية
السلام عليكم ورحمة الله وبركاته

بناااااااااااااااات .. احس بمروووووره في حلجي !!! شو السبب منو تعرف !

مع العلم اني مب حامل