الوسم: الدونات

السلام عليكم و رحمة الله
كيف حالكم يا طباخات

الغاليات انا من زمان عندي مكينة الدونات
معاها وصفه العجينه ..بس صراحه مااااااااااا ضبطت ابدا …ومستحيل تضبط ..أحس فيها شي غلط
لدرجة اني ملييييييييت و فريت المكينه في كبت المطبخ:1 (82):
بس دوم تطري عليه و نفسي اسوي الدونات فيها … اعرف ناس صارو يسوون الدونات مثل الكيك
هذيلا فقدوا الأمل اكثر مني ..خخخخخخخ

عاد الحين يالمحترفات في الطبخ .. افزعوني بالطريقه الصح :22 (18):

:22 (18): مرحبا ختيه … أنا اسوي دونات بس موب بالمكينة … لكن بحثت لج في موقع ثاني وجربي هالطريقة وخبريني عاد كيف بتطلع يمكن آخذلي المكينةعجين دونات :

2 كأس كبير ماء +6 ملاعق حليب بودرة + 4/3 الكأس زيت +
1 كأس صغير سكر مطحون
ملعقة ونصف خميرة فورية + ملعقة ونصف بكنج باودر .
تخلط جميعا وتترك ساعة من الزمن حتى تلاحظين أنها
تخمرت ثم نضيف لها 3 كاسات دقيق وذرة ملح اخلطيها
في الخلاط ثم اتركيها حتى تخمر مرة ثانية وهذه العجينة
تكون سائلة وتحتاج لقالب الدونات الخاص .

______________________________

مشكوره الغاليه
يزااج الله خير حبيبتي
إذا نجحت الطريقه بصور لج الدونات

من وين احصل ماكينة الدونات

يله جوفي الوصفه وطبقي واتريا النتيجه

الغاليه شوفي طريقتي في عمل الدوناات..

_ 1 ونص كوب طحين رقم(1)..

_ بيضتين + فانيليا ملعقه صغيره..

_ 3 ملاعق لوز مطحون + ذرة ملح..

_ خميرة فورية ملعقه صغيره + باكينغ باودر ملعقه صغيره..

_ 3 ملاعق كبيره حليب نيدو بودر..

_ نص كوب زيت أو زبده..

_ 2 ملعقه كبيرة سكر او على حسب الرغبه..

_ ماء للعجـــن..

الطريقه…

حطي المقادير مع بعض واعجنيهاا لين تصبح متماسكه ولينه شوي..وخليهاا تتخمر لمدة 3 ساعات تقريباا..أنا أسوي العجينه واخليهاا تتخمر من الظهر لين العصر..

بعدين شكليهاا وخليهاا 10 دقايق لين ترتفع وقليهاا بالزيت..

وبالهناا والعافيه..

جربي الطريقه وخبريني بالنتيجه..

تسلمييين على هالوصفة بس بخصوص اللوز مطحون ناعم ولا المبشور …وينعجن ويالخليط ؟؟
بصراحة بجربها

الســـلام عليكـــم ورحمـــة الله وبركاتـــه
جماعـــة الخيـــر اشحالكـــن…؟؟؟

طالبتكن طلبـــه…………
ابي مقادير كريمة الدونات اللي تكون محشايه في وسط الدونات
شرات دانكن دونتس اللي طعمه كستر بس هب كستر مادري شو…

وتسلمـــــــون…

والله ما اعرف ان شاء الله البنات ما بيقصرن

والله ما اعرف ان شاء الله البنات ما بيقصرن

أن شاء الله البنات يفيدونج

واااو تخبل احلى شيء الي تكون عليها سكر بودره ناعم

خويتج تمووت فيها يوم اكلها جني ياهل عبااتي تستوي بيضاء من السكر عفان الله

ودي اعرف الطريقه

مرحبا اختي ….انا حصلت طريقه الكريم باتسري ..وهي تكون مثل الكستر..وانا استخدمها لما اسوي التارت..وان شاء الله تكون هي اللي تبينها…

كريم باتسيير

المقادير

صفار بيضتين
ربع كوب سكر
ثلاثة أرباع كوب من الحليب المغلي
3 ملاعق طعام طحين
نصف ملعقة صغيرة فانيلا
رشة ملح

الطريقة

نضع صفار البيض والسكر في وعاء..ونخفقهم بالملعقة جيداً حتى يصبح المزيج كثيفاً نوعاً ما..

نضيف الدقيق والملح بالتدريج إلى الخليط السابق ونقلبه بالملعقة حتى يمتزج جيداً ويختفي الدقيق..

ثم نبدأ في إضافة الحليب بالتدريج إلى الخليط السابق مع التحريك المستمر

ثم يوضع الخليط في قدر على النار ويستمر في تحريكه إلى أن يغلي المزيج ويتكاثف فنرفعه عن النار ..ويترك إلى أن يبرد ثم يستخدم..

الكمية كوب واحد

الغاليات اشكر مروركن..
العيوز تسلمين حبيبتي بجربها وانشأالله تكون هي نفسها

اليوم بحطلكم وصفة جديدة مثل ما وعدتكم وهي طريقة عمل الدونات واللي يطلع مثل اللي نشتريه من السوق والذ بعد…. لذيذة وخفيفة يعني سكرها معتدل

الطريقة
في اناء خلط كبير تذوب الخميرة في الماء الدافئ، يضاف الحليب والسمن والسكر والملح والبيضة وكوبان من الطحين
يخفق المزيج حتى يتجانس، يضاف ما يكفي من الطحين تدريجيا حتى تتجمع العجينة وتنفصل عن جدار الاناء
تعجن العجينة على سطح مرشوش بقليل من الطحين لمدة 5 دقائق او حتى تصبح مطاطية
تسقط العجينة في وعاء مدهون ثم تقلب لدهن سطح العجينة
تغطى العجينة وتترك لتتضاعف حوالي ساعة ونصف
معلومة قيمة : ( عشان تخلي العجينة تتضاعف وتصير كبيرة انا احط تحتها القربة املأها ماء ساخن واحطها تحتها عشان تظل دافية ويتضاعف حجم العجينة بسرعة)
يضغط بقبضة اليد في وسط العجينة المختمرة تكور ثم تغطى مرة اخرى ليتضاعف حجمها
ترقق العجينة بسمك نصف سم تقريبا على سطح مرشوش بقليل من الطحين وتقطع بقطاعة الدوناتس او تقطع على شكل دوائر بقطاعة مستديرة ثم تقطع بقطاعة مستديرة اخرى اصغر لعمل دائرة مفرغة وسط الدائرة الكبيرة وتترك بدون غطاء الى ان يتضاعف حجمها حوالي 45 دقيقة اخرى
يحمى زيت غزير وعميق وعندما يقدح تسقط دوائر الدوناتس فتطفوا وتقلى على الجانبين حتى تحمر جيدا على الجهتين
ترفع من الزيت وتصفى للتخلص من الزيت الزائد
نقوم بدحرجتها وهي دافئة في كيس يحتوي على سكر مطحون وممكن تتفنني بالتزيين يعني ذوبي شوكولاته وضعيها على الوجه ورشي عليها فستق حلبي مثلا او ضعي عليها المربى باي نكهة تودينها

الله يعطيج العافيه

ليش ما في صور

مشكوورة
بس الصورة مب ظاهرة عندي

مشكوره الغلا

تسلم ايدج عالوصفه

مشكوره على الوصفه
جزاك الله خير

السلام عليكم

خواتي لو سمحتوا منوا تقدر اتوفرلي ماكينة الدونات لان محتاجتنها ضروري ولكم جزيل الشكر

الاخت

المصارعه

تبيعه ممكن تشترين من عندها

اختي لو انتي من الشارجة متوفر في محل البر والبحر اللي في السوق القديم

في سوق التنين موجوده

مشكورات خواتي ما قصرتن

الحين متوفرة فكل مكان حتى في الجمعيات ..
وام خلوف تبيعه..

موجوده في السفير دبا قبل فتره ماخذه وحده 52 درهم وشفت مثلها في سفير رأس الخيمه 58 درهم

ابغي طريقة الدونات بالمكينة

انا صراحه اسويها بقلي وتتطلع لذيذه بس انت تبين مال مكينه اظني نفس طريقه بس زيدي حليب ولا ماي ..بدورلج الطريقه وبحطه………

اهاي الطريقه من منتدى ثاني ومثل ما قلتج………

خواتي هذه طريقة ( دونات الالة ) وهي طريقتي المفضلة

المقادير
واحد وربع كأس دقيق – واحد ونصف ملعقة باكنج باودر
في الخلاط ( نصف كأس زيت – ثلاث أرباع كأس سكر – بيضتين – واحد كأس حليب سائل )

الطريقة
تخلط المقادير السائلة بالخلاط الكهربائي ثم نضيف المقادير الجافة بالتدريج مع التحريك
ثم بعد ذلك تصب في الالة الخاصة بالدونات
وما تحتاج تضعين سكر لانها هي في الاصل حالية وطعمها حلو

وبالهنا و الشفا

وحصلت هذي الطريقه في منتدانا….وشدي حيلج وطرشي لي يو بتسوينه لاني احبه……

https://www.uaewomen.net/showthread.php?t=203282

ماشاء الله الاخت شوق ما قصرت

يعطيك الف عافية

مشكورة على الطريقة……………………………..

وللى دشوا وما ردوا بعد مشكورين عالمرور…

السلام عليكم بنات وحريم وأمهات شحالكن عساكن بخير .طويلات العمر أمي الغالية فديتها اشترت مكينة الدونات وأنا عاد خذت طريقة الدونات من أحد أقسام الموقع لكن المشكلة المكينة ما عرفت استخدمها واللي عندي بدون موقت أو مضبط حرارة أول مرة سويت الدونات فيها صار يحمر بسرعة من الاسفل لكن من فوق يكون لونه أبيض مع أنه ينتفخ ؟هل لازم أخليها تسخن بالأول بعدين أحط العجين ؟ فيا ليت اللي تعرف استعمالها ما تبخل علي . خاطري اسويه . والسموحة منكن

للرفع

ما اعرف

غناتي انتي في كل مره دهني الجهاز بالزين من فوق وتحت
عسب الدونات يحمر من فوق
جربي وردي علي خبر

للرفــــــــــع

منيتي 4 مشكورة الغالية على الرفع وتسلمين

أم خليفة مشكورة على ردج وعسى ربي يخليلج خليفة ويتربى في عزكم انشاءالله ،بسوي طريقتج انشاءالله أنا باجر الجمعة العصر بسويه .بعدين أنا دهنته بالزبدة مب بالزيت صح طريقتي ولا غلط ، والعجينة ما خليتها تتخمر ، بعدين جو المطبخ كان بارد وهواء المكيف كانت مباشرة اتجاهه صوب المكينة فهل تعتقدين انه أثر على العجينة ، وسمحيلي يا أم خليفة إذا طولت عليج .

للرفــــــــــع

السلام عليكم ورحمة الله وبركاته

وعيدكم مبارك

خواتي بغيت منكم طريقة الدونات ؟ أنتظر ردكم

أنا بعد ابغي طريقة حلوة ومجربة وسهلة

حتى انا

4 كاس طحين رقم1
ونص كوب زيت
3 فنجان سكر يعني حسب رغبه
ملعقه ونص خميره
وملعقه بكنج باودر
وحليب ابو فوس واذا تبين حليب نيدو نص كوب انا اجرب هذا وهذا
ملعقه صغيره ملح
وجليها 40 دقيقه تتخمر وبدي وبشغل،،

ودعولي براحت البال،،، ونجاح،،،

مرحبا بنات قسم المطبخ
بالتحديد قسم الحلويات

اول موضوع لي في قسمك و اتمنى يعيبكم
وايدات راسلوني يسألوني كيف نستخدم جهاز الدونات

عشان جي حبيت اطرح هالموضوع و ان شاء الله الكل يستفيد

لعمل خليط الدونات ممكن تستخدمون خلطات الكيك الجاهزة او تستخدمون اي طريقة كيك تضبط عندكم

لكن بعطيكم طريقتي الخاصه و بشهادة كل من جربها قال لذيذه جدا

المقادير :
كوبين طحين
بيضتين
كوب سكر
شوية فانيليا
ملعقة اكل بكين بودر
نصف كوب زيت
نصف كوب حليب طازج
ربع كوب حليب مركز غير محلى
زعفران و هيل مطحون شوي
ربع كوب ماء الورد

طريقة التحضير :

قبل لا نبدئ بعمل خليط الدونات نشغل المكينة الدونات و نتركها تسخن 7 دقائق تقريبا

قبل البدئ يتم تسخين الجهاز 7 دقايق كامله

اخلطي جميع المقادير ( يرجى الالتزام التام به و اي تغيير او استبدال في المقادير يخررررب الوصفه بالكامل )

بعد ماسخن الجهاز
افتحيه و صبي مقدار ملعقة اكل كامل في كل خانه

الجهاز مايحتاي تزيتينه ومايلصق ابدا

سكري الغطاء مال الجهاز و بعد 3 دقايق افتحيه و بيكون جاهز

شيلي الدونات بهدوء ,, لا تشلينه بالملاعق او الادوات الحاده عن تتقشر الطبقة السوداء و يخترب
اغرزي اعواد الاسنان في الدونات و شيليها برفق

احيانا يظهر زوايد في اطراف الدونات
استخدموا مقص نظيف و يديد و قصوا الزوائد

وهذا الشكل النهائي

مقادير العجينة خنفروش الدونات بالمكينة :

كوبين طحين
كوب طحين رز
بيضة 4 حبات
ملعقة طعام بكين بودر
اربع ملاعق طعام زبدة سايحة أو زيت
فنجان قهوة عربية منقوع زعفران وماء ورد
كوب حليب طازج
حليب ابوقوس علبة وحده
سكر كوب الا ربع
طريقة التحضير

اخلطي جميع المقادير مع بعض
سخني الجهاز 7 دقائق
زيتي الجهاز بالفرشاة
اسكبي من الخلطه في الجهاز و اغلقية
بعد 2-3 دقائق افتحي الجهاز وشيليه بحرص وتاكدي انج بتحصلين على الذ دونات خنفروش على الاطلاق
احذري استبدال ماء الورد بالماء على الاطلالالالالاق
لا تستخدمي الملعقه لرفع الدونات عن الجهاز لانه بيزيل الطبقة السوداء و بيخدشه
استخدمى اعواد الاسنان الخشبيه و اغرزيه بلطف و شيليهم

اتمنى الشرح يكون وافي و عيبكم

اتريا ردودكم الحلوة ع الموضوع

تابعوا ايضا موضوعي في قسم المعجنات لكيفية عمل خبز الخمير باستخدام جدر الخمير الكهربائي

والسموحه ع القصور

العفو الغالية

جزااكم الله خيرا ونفع الله بكم

منزمااااان وان ادور الطريقه الله يرضى عليج ياااارب جت في وقتها ..

سبحان الله العظيم سبحان الله العظيم

العفو حبيبتي

ويشرفني بعد تشوفي طريقة عمل خبز الخمير في قسم المعجنات
الطريقة بالتفصيل الممل و بخطوات واضحه

الطريقه سهله
شكلج طباخه ماهره ماشالله عليج
ممكن تقوليلي من وين ماخذه ماكينة الدونات
تسلمييييييين

روعة الغالية توني اعرف عن مكينة الدونات احسها اسهل من الكوب وغطاية الماي مسافي >>>>>مااااااااال اول

يعطيج العافية

السلام عليكم ورحمة الله وبركاته..
بنات الي خذت جهاز الدونات ونجحت عندها وصفات مع الجهاز ياليت تفيدنا انا فخاطريه اسوي كيك فهالجهاز اباها هشه ..

حبوبه جربي كيك الكراتين
انا هذي الخلطه الوحيده اللي طلعت وياي روعه
اماخلطات النت كلها ما عيبتني

فووووووق

انا جربت خلطه من النت سهله وطلعت روووعه .. معتمده عندي من سنتين وااايد حلوه
لي عوده مع المقاادير

اختي ماخذه الجهاز والطريقة موجوده معاه.. من رمضان ونحن نسويه..

روعــــــه والطريقة ولا اسهل ^_^

للرفع

=}

انا استخدمت كيك الكراتين حلو

كيييييييف الحال حبوبات منيه منكن تقدر أتوفرلي ماكينة الدونات ضروري