الوسم: الريجيم

شحالكم خواتي مبارك عليكم الشهر

بدخل في صلب الموضوع وطبعا حبيت اشاركم تجربتي
في الريجيم …. مب عارفه كيف اكتب لان اول مره اكتب
شرات هالموضوع =S

بديت ريجيم شهر 3 واحين نحن شهر 8
وزني كان 112 واحين 89

خلال هالفتره نزلت كل هالوزن نظام غذائي فنان مافيه اي تعب + رياضة المشي
وانا مب يايه اسوي اعلان للدكتور او شي من هالقبيل بس حبيت اشاركم في تجربتي
وفرحتي اللي ماتنوصف وطبعا انا مستمره في الريجيم لحد الان وبتم مستمره لين ماوصل
الوزن الصحي اذا الله احياني ….

وحبيت اقول بالاراده القويه بتوصلين للوزن اللي تبينه صدقيني

كنتي بس مشي ,,والا مشي وتخفيف

بس ياختي كيف تسويين برمضان؟؟؟

المهم عزمت على الريجيم والرياضة
والله إني نقصت 20كيلو في أربعة أشهر
وكان ريجيمي مريح ورياضتي كانت بس الدراجة اللي في البيت طبعا
والحين وزني65 اقدر ألبس الي ابغيه من تنانير وجلابيات لا كروش ولا هم يحزنون

المهم اول شي لازم تعزمون على هالرجيم ترى هو صحي ويوم تسونا وتضعفون يكون من الصعب انكم تردون نفس اول متان ومتختخين لانكم بتنزلون في 4 اشهر 20 كيلو ولان اللي يروح بسرعة يجي بسرعة
انا والله فادني وايد والحمدلله على كل حال
اول شي توكلوا على الله وروحوا الجمعية واشتروا الاتي
1-كورن فليكس للريجيم
2-سكر كاندريل للريجيم
3-جبنة بيضا اولبنة قليلة الدسم واللي تباع بالكيلو(لاتشترون جبنة الكريمة او جبن الجلاس حتى لو مكتوب عليه قليل الدسم)

والحين بدا الجد
الفطور:
**1/2 كوب كورن فليكس+1 كوب حليب (ريمبولايت مع 3ملعقة صغيرة كاندريل)+حبة خضار +حبة فاكهة
او
**1/2 صمون+ 2 ملعقة صغيرة جبنة او لبنة+حبة خضار+حبة فاكهة
او
**1توست+2 ملعقةصغيرة جبنة او لبنة+حبة خضار+حبة فاكهة

الغدا:
**1كوب ارز مطبوخ+1كوب روب قليل الدسم+2كوب سلطة+1كوب سوتيه+1/4دجاجة مشوية+حبة فاكهة
او
**1/2خبزة صغيرة+1كوب لبن اب+2كوب سلطة+1كوب مرق خضاربدون بطاطا+حبة همبرغرمشوية+حبة فاكهة
او
**1كوب ارزمطبوخ+سمكة مشوية+2كوبسلطة+مرق عدس مع خضارعدا البطاطا+ حبة فاكهة

على الساعة 7 مساء بعد صلاة المغرب أحسن لبسي ملابس خاصة للتعرق (من البلاستيك وتبا ع في محلات الرياضة ب30 او50درهم تقريبا )وابتدي سوي الرياضة وصدقوني الدراجة احسن شي ومارسي الرياضة من نص ساعة الى ساعة كاملة على راحتكم
وبعدين عقب ما تخلصين استحمي واستعدي للعشاء

العشاء:
**1/4خبزة صغيرة+2ملعقة صغيرةجبنة او لبنة+حبة خضار+حبتين فاكهة
او
**1/2صمون+2ملعقة صغيرة فول+حبة خضار +حبتين فاكهة
او
1توست+بيضة واحدة+حبة خضار+حبتين فاكهة

**كثروا من شرب الماي
**الفاكهة ممكن تكون تفاحة او برتقاله اوكمثرى او3حبات تمرأو 6حبات فراولة
**الخضار ممكن تكون طماطم او خيارة او جزرة او خس اوجرجير او فلفل حلو
**السلطة على كيفج بس يا حبذا وجود الخس والجزر والملفوف دائما
**اذا شعرتي بالجوع بين الوجبات كلي حبة خضار او شوية بوب كورن
**ممنوع ممنوع الزيت والكولا (ممكن دايت كولا)
**البهارات والليمون عادي

اول اسبوع سوو الريجيم طول الايام وثاني اسبوع عطوا نفسكم يوم راحة (بس لا تاخذون راحتكم وايد)
وهذا كل شي إذا تذكرت اي شي برد عليكم

وكنت مسويه عمليتين قيصريه
والله العظيم راحت كرشتي
مع انها كانت كاني حامل في السابع

تسلميين ما تقصرين ^_^

مشكوره حببتي ..ماتقصرين ^_^

ما شاء الله عليج الغالية

بصراحة احسه رجيم صحي وايد

تقريبا يشبه الرجيم اللي مرات اسويه

تسلمين فديتج

ويا رب نضعف =)

حبيت اعرف كل وحدة شو يعني لها الريجيم؟؟؟؟

يلا اترياكم !!!!

صراحة خاطري خاطري أتخيل نفسي ولو بيني وبين نفسي إني رشيقة .. خاطري أوصل لهالصورة
وان شاء الله هالمرة ما في تراجع ..

المشاركة الأصلية كتبت بواسطة بيسونة

السلام عليكم…
وعليكم السلام

حبيت اعرف كل وحدة شو يعني لها الريجيم؟؟؟؟
بالأول كان يعني حرمان من الأكل اللي أحبه عشان مناسبة قريبة مثل أعراس الأهل ..
والحين صار طريق للكشخة ^^ وتعديل من الأكل الدسم المدهن للأكل المريح واللي يخليني دوم متحمسة ونشيطة ^^ واحم احم يصغر من عمري *_^

و يوم تفكر تسوي ريجيم شو تسوي؟؟ و شو تحط في بالها اول شي؟؟
أول شي ألغي الرز + المكرونة + الخبز الأبيض + الشوكولا + كل محتويات الزبدة
وأتذكر الفواكه وألوانها و أنواعها والخضار والعصاير الفريش + الأكل الأسمر اللي يشبع بسرعة

شو أحط في بالي .. اني خلاص مليت من المتن ، وأريد أستمتع بحياتي شرات خواتي ، أريد أطقم وياهم .. وما أريد أدش محل ولا ألاقي مقاسي .. أحط فبالي ان جسمي تعب من الدهنيات ويباله فترة نقاهة و تنظيف بالأكل الغير مصنع

و هل تسالين قبل اذا الريجيم صح او غلط.. ولا مثلا تدورين على النتيجة السريعة و تحرك الميزان؟؟
امممم لا لأني ما أتبع شي عشوائي ولا أضغط على نفسي ولا أحرمها إلا من مسببات السمنة
هيه أحياناً أدور على النتيجة السريعة فالشكل لأن الميزان ما يتحرك بسهولة بس الجسم يتغير بسرعة و بشكل ملفت ..

شو .. ان شاء الله النتيجة طيبة ^_____^
طبعاً ماذكرت الصحة لأنها شي ننساه وقت الأكل .. بس كلما كبر الانسان طلعتله أمراض والسبب ماضيه اللي كله اكتئاب وحسرة و سمنة .. والحين مب كل شي سهل مقاومته

صراحة خاطري خاطري أتخيل نفسي ولو بيني وبين نفسي إني رشيقة .. خاطري أوصل لهالصورة
وان شاء الله هالمرة ما في تراجع ..

ما شاء الله عليج،، حلو تعبيرج عن نفسج و شرحج للريجيم،،

انتظر البقية

المشاركة الأصلية كتبت بواسطة تويتي نونو

السلام عليكم…

حبيت اعرف كل وحدة شو يعني لها الريجيم؟؟؟؟

و يوم تفكر تسوي ريجيم شو تسوي؟؟ و شو تحط في بالها اول شي؟؟

و هل تسالين قبل اذا الريجيم صح او غلط.. ولا مثلا تدورين على النتيجة السريعة و تحرك الميزان؟؟

عطوني اجوبتكم وانا بعطيكم درجات من 10 ,,, هههههههه حشى امتحان ،،

يلا اترياكم !!!!

الريجيم بالنسبه لي : انا من فكرت اسوي ريجيم ما كنت افكر به كحرمان من الاكل بس كنت ابى اعدل اسلوبي فالاكل .. مثلا اللي يضرني حاولت ابعده , لاني فكرت اني لو الحين ما حافظت متى بحافظ على صحتي ,,

انا ما ادور على النتيجه السريعه والدليل توقيعي يمشي شوي شوي هب لاني مب شاده حيلي لاني اكل اللي اكله واسوي رياضه يوم اروم بس ما اضغط على عمري عشان ما تي على راسي

المشاركة الأصلية كتبت بواسطة aroma_girl

الريجيم بالنسبه لي : انا من فكرت اسوي ريجيم ما كنت افكر به كحرمان من الاكل بس كنت ابى اعدل اسلوبي فالاكل .. مثلا اللي يضرني حاولت ابعده , لاني فكرت اني لو الحين ما حافظت متى بحافظ على صحتي ,,

يوم فكرت اسوي ريجيم : اول شي سويته سألت وايدين وقريت وايد عن الريجيم .. ما عيبني شي خاصه انه كل شي فيه حرمان ..

الا يوم شفت موضوع الاخت همس ريجيم بدون ريجيم : يعني نظام تخفيف عيبني وبديت امشي فيه واقراه .. بس ما سويت ريجيمها بالعكس سويت نظام لي اللي هو تخفيف ( يعني بيبسي ما اشرب لانه ينفخ البطن وفيه غازات وما ينفع للصحه ليش اشربه كل يوم !! فسويت له كانسل
الحلويات ليش كل دقيقه اكل واكل كيك وحلاوه ( ما يفيد جسمي سويت له كانسل الا يوم خاطريه فيهن

اكلات من برع البيت خففت وايد وايد لانه ما منهم فايده غذائيه لصحتي الا مرات اكل

واستبدلت يعني اكل خيار وجزر وطماط هالاشياء اللي ما كنت اكلهن ههههه

وعصاير اشرب كل شي بس هب متروس شكر ومواد صناعيه
واول شي حطيته فبالي قبل ها كله الرياضه ..

انا ما ادور على النتيجه السريعه والدليل توقيعي يمشي شوي شوي هب لاني مب شاده حيلي لاني اكل اللي اكله واسوي رياضه يوم اروم بس ما اضغط على عمري عشان ما تي على راسي

تسلمين على المشاركة و حلو الضعف ببطء عشان ما يرد الوزن

العشاء:
تناول السلطة الخضراء بدلا من البطاطس، أو تناول الكورن فليكس مع اللبن خالي الدسم بدلا من اللبن كامل الدسم. وتناول المشروبات الغازية قليلة السعرات بدلا من العادية.

يد مانعدمها