الوسم: السونار:(:(

السلام عليكم ورحمة الله وبركاته

كيف حالكم يا حريم المنتدى
في الشهر الرابع رحت عند الدكتوره في الأسبوع 17 وقالتلي ولد
بس يوم رحت في نهاية الخامس قالتلي بنت وصورت لي العضو
إلحين شو أشتري علما إن هذي الدكتوره غير عن هذي الدكتوره

يمكن مآ كآن امبين وآآآضح في البدآآآية ..

حآليآ اشتري ألوآآن محآآيدة .. أحمر .. أصفر.. أخضر .. بني .. ليــن مآ تتأكدين ..

والله يسهل عليج

مساااء الخير الغلااااااا

اقولج الغلاااا صبري شوي لغاية ما تدخلين الشهر السادس

وتكونين متأكدة من نوع الجنس وتتشرين على راحتج

بعدين بين كل فترة والثانية تنزل ديزاينات روووعة حق البيبي

وانا لاحظت لما اتشرى حق بنتي وبعد فترة تنزل ديزاينات احلى

وهذه احلى فترة استغليها واستانسي وإنتي تتشرين على راحتج

لانه عندج وقت وااايد وهذا بس نصيحة صغيرة وإنتي ع كيفج

والله يسهل ولادتج الغلااااا

بعدج تأكدي

وتاكدي اكثر بالخامس وان شاء الله خير

الغالية اتريي لين ما تتأكدين احسن … ولاحقة عالمشتراااا اتريي اشوي وربي يسهل عليج ان شاء الله

هيه حبيبتي عادي السونار يغلط انا حميتي قالت لها فالرابع ولد وعلى السادس خبرتها بنت

مرحبا كروشات اخباركم ؟؟؟
واخبار رمضان وياكم ؟؟؟
بغيت اسالكم عادي الوحدة اتسوي تلفزيون كل اسبوع بالشهر التاسع ؟؟ يعني مايضر البيبي ؟؟
البيبي بهالشهر كبر والدكاترة الله يهديهم يعصرون البطن وهم يكشفون علي ف ما اعرف اذا حد يقدر يفيدني جزاه الله خير ..

للرفع

انا بعد ابا اعرف

عادي اختي طبيعي انها تسويلج سونار كل اسبوع

غريبه ..!!!
ليش كل اسبوع يسوون لج ؟؟

ما اعتقد يحتاي لانهم من بداية الحمل يجيكون على البيبي كل شهر ..ولو فيه شي لا سمح الله بيعرفون من البدايه مب من الشهر التاسع….!!!

على العموم اذا الدكتوره تقول لازم سوي واتوكلي على الله

الله يسهل على كل حامل ..ويرزق كل محرومه يارب ..

UP UP

للرفع ^_^

السلام عليكم خواتي

سؤالي واضح من العنوان ياريت اعرف تجاربكم في يوم الولاده شو الاصدق موعد الدوره والا السونار؟

لاني انا يوم اسير عند الدكتوره دوووم السونار يكبرني اسبوع وشويه يعني مب مره ولا مرتين فحابه اعرف شو اللي ضبط وياكم السونار والا موعد الدوره وانا ان شالله ها شهري بخبركم يوم بربي

موعد الدوره الغلا…

تربين بسلامه ان شاءالله

فديتج انتي لين الحيم ماربيتي اقوول القروب اللي كان ويايه
نااقص باجي انتي ومسوووه وامووووله ومنوووه بعد ؟؟؟
الله يقومج بالسلامه

وانا مثل الغاليه كل ماروح العياده او اغير الدكتوره تقولي موعد غير عن الثانيه والحين يقولون انه الماي بزياده ويمكن تربين قبل الموعد والله اعلم

اعتقد ان السونار اهو اللي يشبت اكثر
لآن الحساب على طول الدورة مش مضمون ، ممكن يصير الحمل متأخر

حساب الاربعين اسبوع..
فقط معدل اللي تمشي عليه الدكاتره…

على حسب ما اذكر ابمولودي الأول… سويت سونار وانا على الشهر السابع/ثامن تقريبا…وعطاني موعد نفس اليوم اللي ولدت فيه..

ومولودي الثاني.. الصراحه ما اذكر كم عطاني السونار… ذاكرتي امتحت من الصغاريه….

انا (السونار)

بنات ابا اعرف متى ايبين الجنين او الكيس بالسونار يعني بأي اسبوع ضروري بنات ابا اعرف لو سمحتوا يعني متى سويتوا اشعة وبين؟؟

حبوبة الكيس يبين فالأسبوع السادس والنبض فالسابع ومرات فالثامن الله ييسر لج ويهدي بالج

انا اول ما سرت كان توووه يعني

و كنت فالاسبوع بين الرابع و الخامس يعني اربعه وشي …

و بالاسبوع السابع و لا الثامن تسيرين تشوفين النبض

إذا سرتي عند دكتوره جهاز السونار وااااااااضح عندها عادي بيبين فالأسبوع الرابع والخامس

والجنين بيبين فالاسبوع السادس والسابع

وكل وحده غير عن الثانيه

والله يثبتلج حملج يارب

انا سرت في الاسبوع السادس راوتني الكيس وسمعتني النبض وقالتلي النبض خفيف لانه توه صغير واذا ييتي الاسبوع الياي بتسمعينه اعلى ..

الدكتوره فاطمه نوح

يبين من ثاني اسبوع على ماعتقد

الغالية يختلف من حمل لين حمل ومن وحدة لين وحدة انا ف حمل الي قبل اشوفة من الرابع لكن ف حملي هذا سرت الاسبوع الرابع ماشفت الكيس سر ت الاسبوع الخامس ماشافت الكيس وتحليل الدم يرتفع سرت الاسبوع السادس شافت الكيس بدون الجنين ف الاسبوع السابع شافت الجنين وف الاسبوع التاسع سمعت النبض معنة الدكتورة الي اسيرلها اجهزتة واضحة الله يعينا ان شاء الله

هلا خواتي

منوه منكم قالولها ولد وله بنت وفي التاسع طلع عكس اللي قالولها

ومنوه منكم قالولها ولد وحلمت وتفسير حلمها بنت ويابت بنت والعكس

اتمنى ماتبخلون علي بردودكم وخبراتكم

محد رد علي شدوا حيلكم

اعرف وحدة طول الحمل التسع شهور يقول لها بنت ..
وعند الولادة يابت ولد …

وانا احلامي تقول بنت والسونار قال ولد والعلم عند الله
اهم شيء اطلع ونونوتي بصحه وعافية ..

الله يسهل على الجميع يارب

~¤ô¦¦§¦¦ô¤~ سبحان الله وبحمده .. سبحان الله العظيم ~¤ô¦¦§¦¦ô¤~

يستوي اختي ليش لا
عادي اللي سوت لج السونار تكون غلطانة
بس انتي كم مرة سويتيه وسويتي الثلاثي الابعاد اوضح
الله يرزقج باللي تتمنينه ويكون في صحة ياااااااااارب

ابــــــــــــــــــــــــــــــــــــــــــــــــ ـــــــــــ

السلام عليكن خواتي إشحالكن

أنا معرسة من 8 شهور ولين الحين ماحملت سرت قبل شهرين وطلع فيني التهاب وتعالجت بس بعدني ماحملت أنا بودي ريلي باجر ان شاء الله يمكن منه الالتهاب اييني
المهم باجر 3 أيام الدورة وتقدر اتجيك لي من تحت يعني اتدخل العود اللي يطلع الأفرازات وأنا فيني الدورة ؟

ساعدني حبايبي ما أعرف هالسوالف فديتكن ويزاكن الله خير

بسير عن أوراس ان شاء الله

هي ما بدخل لج شي مدام فيج الدورة خخخخخ
وبعديين هالسونار المهبلي مب حق الالتهابات ها تصور فيه عشان تشوف المبايض وجدار الرحم وهالسوالف
يمكن الالتهابات ف البول عندج …
يمكن الهرمونات متلخبطه عندج سوي فحص وقبل لاتبديين اي علاج خلي ريلج يفحص تاكدي انه هو سليم بعدين انتي ابدي علاج لانه واااااااايد حريم يتعبن عمارهن بادويه وابر ومراجعات اخر شي يطلع ريلها مب فاحص

لا مابتدخل شي اذا فيج الدوره

تسلموووون حبيباتي ^^

عادي أدخل
أنا كشفت عند كاميليا وكان فيني الدوره ودخلت شي عادي هي قالت احسن عشان بعد السونار تسوي تحليل الهرمونات والتحليل ما يبين إلا إذا كانت فيج الدوره

شكرا حبيبتي والله يرزقج ويرزق الجميع يااااااارب فديتج

للرفع

السلام عليكم ..

امنوه حامل حمل متأخر و دورتها ممنتظمه نفسي يعني

لاني للاسف ما عرف متى بربي و كل وحده تعطيني موعد غير عن الثااني لدرجه فرق الموعد عن ال2 اسبوعين و لا ادري متى ادش شهر يديد بسس افرح عمري و غصب ادخل عمري شهر يديد ..

ابغي اعرف على اي اسااس الدكاتره يخمنون اني بربي بها اليووم طبعا عن طريق السونار ..

كل سونار يعطي موعد غير عن الثاااني ..
و المشكله مب فرق يوم او يومين .. فرق اساابيع ..

يعني يعتمد السونار على طول الجنين و لا نمو الجنين و لا الثنين مع بعض و لا ع شو بالضبط ؟؟!!

اكتبي موعد اخر دوره وانا اقولك امته بتولدين باذان الله
بس علي العموم السونار اوقات كتير مش بيكون صح

يعتمد عمر الجنين على حجم الجمجمة وطول الساق

انا دورتي ما اذكر متى
و حملي حمل متاخر ..
يعني مب بعد الدوره مباشره ,,
مشكووره ما تقصرين

يمكن ها فالشهور الاخيره

بس انا فبدايه حملي خم السونار يعني بجيس حمل بسسسس

للرفع

السونار يعطيج الموعد الصح اذا كان في بداية الحمل

انا في فرق 10 ايام بين موعد الدورة والسونار

بنات توني طالعه من العياده

انا فالاسبوع السادس و 3 ايام

سوتلي سونار عادي وسونار مهبلي وما بين النبض

حتى ويها تغير

يوم سالتها قالت حجم الكيس والجنين طبيعي بس قالت اللي مب طبيعي انه مافي نبض لين الحين

ياربي وايد احاتي

قالت تعالي عقب اسبوع نتاكد

هذا الحمل الثاني

اجهضت قبل شهرين بدون سبب كنت مكمله اربع اسابيع

بنات عادي ما ينسمع النبض في هالوقت؟؟ حتى فالسونار المهبلي؟؟

الله يتمم حملج على خير حبيبتي

الله يتمم حملك على خير يا رب
لا تخافي حبيبتي اختى كانت زيك بالاسبوع السابع بين النبض بس خلي الدكتوره تعطيكي ابر مثبته وانشا الله خير يا رب

حبيبتي طبيعي صبري و سيريلها في الاسبوع الثامن و ان شاء الله بتشوف النبض

اختى اصبري يمكن انتي عندج حمل متاخر انا نفسج في البدايه وكنت متروعه …. بس الحمد الله بين معاي بعدين

السلام عليكم ورحمة الله

علومكن … كروؤؤشأت … عساكن ع القوة …

كرؤؤشات محتارة بين السونار العادي و الموجات فوق الصوتية ….

انا ف الاسبوع 24 حسب السونار العادي .. والحسبة مالتي من اول يوم لاخر دورة 8-3
.. بس يوم رحت العيادة عسب يفحصون البيبي حجمه ووزنه وصحته مب بالسونار بس يجهاز ثاني اوضح … قالت لي الدكتورة اني فالاسبوع 26 …. لان البيبي الله يحفظه كبير ..

استغربت … الحين اخذ على اي حساب … السونار ولا هالجهاز ؟؟؟

انا استوتلي نفس السالفه تصدقين .. قالولي اني فالاسبوع ال11 وعقب قالو فالاسبوع العاشر
ياللا بنشوف البنات شو بيردن عليج

للرفع

عادي الغلا هو يعتمد على حجم البيبي انا عسبت البيبي طويل زادت لي الايام فهذا الطبيعي وكل بيبي يختلف نموه فهمتي
في نصهم ياخرونهم اذا البيبي صغير

الغاليه شوفي كل دكتوره لها نظامها في الحساب ..
بعضهم يحسبون بعد موعد الدوره بأسبوع .. بعضهم يحسبون على اليوم الـ 14 وبعضهم بعد 3 اسابيع من الدوره وهذا يكون كحد أقصى … فلا تحاتين في الحالتين انتي بتربين يوم الله بيكتب لج
بس خذي آخر حساب اللي 24 احسن عسب تكونين في السيفتي سايد .. يعني على بر الأمان ..

فهمت …. بنووو ثانكس حبوبه

بثينة باخذ برايج ولا بزيد اسبوع … وان شالله خير

وانا بعد شراتكن

السونار يعطيني موعد الولاده غير عن الجهاز الثانـــي

والفرق بين الجهازين { اســبوع }

الله يسهل علينااا الولادهـ

مرحبا

هل ممكن أيبين الحمل في السونار وما يبين في الدم ولا في البول

جاوبتني بلييييييييييييييز

للرفع

فى الاصل مابينعمل سونار قبل الاربع شهور الاولى وبالتالى اذا ما بين فى التحاليل يفضل اعادة التحليل مره اخرى بعد اسبوع من التحليل الاول

ماعندي فكرة ،،
بس أنا الدورة متأخره وأفكر أسوي سونار لانه مابين الحمل عندي لا فالدم ولا الفحص المنزلي

للرفع …
الله يرزقنا الذرية الصالحة …

للرفع …
الله يرزقنا الذرية الصالحة …

امبلا يبين

احيد انا كانت متأخره عني الدوره وسرت العياده والدكتوره ماقالت بسويلج تحليل دم او بوول على طول قالت سونار بس طلع ماشي حمل :d

يعني يبين ..