الوسم: الضيوف

عندي سؤال وحابة نتشارك تجاربنا وعاداتنا ونظامنا في استقبال الضيوف وقت النفاس بعد الولادة

مثلا هل يدخلون الضيوف عليج في غرفة نومج بيت أهلج او بيت أهل ريلج؟؟

أو إنتي تروحين لهم في مجلس الضيوف وتسلمين عليهم؟؟

هل تجهزون سرير للنفاس في مجلس الضيوف أو سريرها يكون في غرفة بعيدة عن مجلس الضيوف؟؟

بالعادة شو تكونين لابسة؟؟

هل تحطين مكياج خفيف مثل كريم أساس وكحل وجلوس؟؟

شو تكون الفوالة؟؟

هل تقدمون الأكل لعند الضيوف أو نظام بوفية؟؟

وبالنسبة للتوزيعات متى توزعونها؟؟ أو ما يوصلون ضيوفكم أو لما يودعونكم وهم طالعين؟؟

تصدقون حضرت زيارات وايدة للنفاس بس ما انتبهت للتفاصيل وأحس عمري مختصبة أللحين هههههههه

عطوني أفكاركم واقتراحاتكم
وإللي تعاملت مع محلات تسوي فطاير ومحاشي وكيك وبوصل للبيت يا ريت تخبرني

لو كنتي في بداية نفاس انصحج تحطين سرير في غرفة استقبال الضيوف لانه بتكونين تعبانه وتبين تنسدحين وبعدين في بعض الضيوف يطولون

فما بتقدرين تمين قاعده

بس لو كنتي بكر وتبين تسوين عزيمه يكون احسن لو عندج حجره ثانيه قريبه من حجرة الضيوف ترومين تقعدين فيها والي يبا يسلم عليج اييج هناك

وبالنسبه للفواله في ناس تسوي بوفيه او ذبايح على حسب امكانياتكم طبعا غير توزيعات

وثاني شي انصحج بالعزيمه بعد اسبوع من نفاس لو كنتي بكر عسب تفتكين من ازعاج الناس وترومين ترتاحين باقي الايام

وفواله تكون فطاير وحبه حمرا وشاي وقهوه وجاي حليب وبتي فور

تلبسين جلابيات الخاصه بالنفاس

الاهل المقربين ممكن يدشون حجرة الضيوف فبيت الاهل بس فبيتج او بيت اهل ريلج لا مادري احس ماحب حد يدخل جدرة نومي الا امي وخواتي وللضرورة بعد ..

أو إنتي تروحين لهم في مجلس الضيوف وتسلمين عليهم؟؟
باجي الضيوف يستقبلونهم الاهل فالميلس وانتي تسلمين شوي وتردين هذا فالنفاس ,, عقب عادي استقبليهم فالميلس روحج مب مشكله ..

هل تجهزون سرير للنفاس في مجلس الضيوف أو سريرها يكون في غرفة بعيدة عن مجلس الضيوف؟؟
بعد على حسب ,, فالنفاس لا سرير البيبي يكون فحجرته احسن جان بتيبينه شوي يشوفونه وتردينه ,, وفبيتج على حسب اذا مثلا بيتج دورين وماعندج غرفه تحت ومضطرة تنزلين البيبي وياج لازم تجهزيله سرير او سله اخف ..

بالعادة شو تكونين لابسة؟؟
جلاليب الدانتيل

هل تحطين مكياج خفيف مثل كريم أساس وكحل وجلوس؟؟
انا لاحظت اغلب الحريم فالنفاس ما يحطن شي حتى الي متعودات قبل يحطن وايد ,, واذا بغيتي جحال خفيييف بس

شو تكون الفوالة؟؟
اذا حد من قبل قالج بيي وبس نفر او نفرين تسوين خفايف سمبوسه فطاير جيه هالسوالف ,, واذا مثلا بيونج جماعه مرة وحده ممكن تتعبلين اكثر وممكن بعد تسوين نفس الشي عادي .. وللي بيي بدون ما يخبر يعني الاشيا العاديه تكون محطوطه فالميلس ,, جاهي وقهوة مكسرات بتي فور وهالسوالف ..

هل تقدمون الأكل لعند الضيوف أو نظام بوفية؟؟
هي نقدملهم بس مب المنفس روحها لازم حد وياها ..

وبالنسبة للتوزيعات متى توزعونها؟؟ أو ما يوصلون ضيوفكم أو لما يودعونكم وهم طالعين؟؟
وهم طالعين عشان ما ينسونهم

ان شاء الله اكون فدتج

بس احط سرير ومن اتعب اتسدح هذه مب حلوه.. تراني بكون قاعده ع غنفه ومريحه ظهري وشو من التعب اللي بتعبه وانا يالسه مع الضيوف؟

بالنسبه للبيبي فديته اكيد بييبه يشوفونه الناس اذا كان واعي.. وبخليه مال دقايق وبعدين برده الحجره عند خواتي وامي يرتاح.. ما بخليه قاعد معايه..

بالنسبه للبس انا بصراحه احس جلابيات الدانتيل مب لاستقبال الغرب.. يعني ربيعاتي وجيه.. فقط اذا عمتي وحمياتي زاروني.. حتى لو عمات ريلي وبناتهم زاروني ما بلبس جلابيه دانتيل.. احس هذه للاهل المقربي فقط.. بلبس جلابيه خفيف او فستان خفيف ينفع لقعده البيت..

بالنسبه للاكل حبيبتي يعتمد ع عدد الضيوف.. مثلا ربيعاتي يتفقون كلهم ويزوروني في يوم واحد ويكونون ما شالله 8 او9.. فانا بسوي البوفيه .. يعني بيب طاوله و بحط الاكل عليه بشكل بوفيه..

بس لو وحده او 2 زاروني لا..بطلب فطاير و بحط فواكه وشوكلت وشاي وقهوه وحبه حمراء..

بالنسبه للتوزيعات بعطيهم وهم مروحين..

تكون فيهاا فطاير ومعجنات وعصاير

انا أشوف أن الفواله تكون في البدايه قهوه وتمريه …

وعقب الفطاير والسنغرول والفواكه المقطعه ..

ياريت اهل الخبره يفيدونا

المشاركة الأصلية كتبت بواسطة زم_قمر_ان

الفواله تكون اهم شى القهوه والتمر

عقب على حسب الوقت يعنى مثلا لو شى عشاء

الافضل تكون بسيطه مثل البيتى فور والحلوى والفواكه

اما اذا عصريه ولا سهره وبيضهرون بدون عشاء

تكون فيهاا فطاير ومعجنات وعصاير

تسلمين الغلا فكرتج حلوه وايد

المشاركة الأصلية كتبت بواسطة s n f o r a

ؤup موضوعج وايد بيفيد البنات الي فاتحين بيت يديد ….

انا أشوف أن الفواله تكون في البدايه قهوه وتمريه …

وعقب الفطاير والسنغرول والفواكه المقطعه ..

ياريت اهل الخبره يفيدونا

تسملين عيونج الاحلى

صدقج اللي عنده خبره يخبرنا .. واللي فاتحة بيت يديد بعد بتستفيد من هالموضوع

الطريقة:
نضع كل المقادير بالخلاط ونخلطهم ليتجانسو جيدا وبعدها نحمي مقلاة صغيرة ونرشها او نمسحها بالزبدة ونضع كوب قهوة من خليط الكريب مع التحريك بشكل دائري لتوزيع الكريب بشكل دائرة داخل المقلاة نراقب الطرف التحتي حتى يحمر قليلا وبعدها نقلبها حتى يحمر الجزء الثاني ونضع كمية النيوتيلا التى نريدها بكاسة ونضعها بالماكرويف لمدة 15 ثانية ومن ثم نضعها على الكريب ونطبق الكريب الى النصف ويمكن تكرار العملية لو اردنا جعلها مثلث ونزينها بالسكر البودرة او النيوتيلا او الفواكه.

العنوان مبين ابقي اعرف اذا عندكم خلفية عن الصبابات اللي اين المستشفيات مثلا للولادة

يساعدن بالتوزيعات عالضيوف ووووووو

اللي تعرف تخبرني واذا ممكن اسعارهن ولكم ليلة؟

خواتي الغالياات علموني كيف ترحبون بالضيوف انا استحي
وما اعرف اقول غير كلمتين حياكم الله … الساعه المباركة .. نورتو البيت

شو من عبارات تستخدمون ؟
خلونا نفيد ونستفيد
الله يرزقها نعيم الدنيا والاخره اللي تشارك بالموضوع

بإنتظار ردودكم ومشاركاتكم الحلووووووه

قلت برد لانج اللهم بارك سميتي وسلمتي و عيببتيني …

نقول نورررتوا البيت منور بوجوودكم
يبتوا وياكم السعاادة والألوان >> خخخخ ترجمة حرفية
يا حياااااااكم الله يا بارك الله فيكم يا مرحبا فيكم حبايبي
الحين ما نقول زارتنا البركة لأن الشيخ صالح الفوزان بين اغلاط الكمتين ذول ..بس قبل كنا نقول والله المستعان
ربي لا يحرمنا منكم يا حبايبنا
يوم تقدمين اكل قولي كلوا البيت بيتكم وخذوا راحتكم , الحمدلله انج ييتي ونستيني و الاكل وياج اطيب والذ وانتي بعد كلي وياهم عسب يرتاحوا اكثر
يوم يروحون مثلا نقول لهم
لا تحرمونا من زيارتكم يا احلى ناس ومشكورررررررررين وااااااااااااايد ربي يحميكم واستااانسنا , وربي يديم صحبتكم و……ادعية وادعية

ما اندل اترجم كلمة كلمة بلغتنا شو نقول بس عادة هالاشياء نقولها

المشاركة الأصلية كتبت بواسطة Jawharah

أهلاً سهلاً اشحالكم إن شاء الله بخير
كل شوية قولي هلا ومرحب بالغاليين

مشكوره جوهره

يلا…

المقادير.
قشطة 1
سكر فنجان …حسب الرغبة …
5 ملاعق حليب نيدو ..
معلقة نسكافية
ماء مغلي ..
التزين :
نسكافية أو كاكاو حسب الرغبة
الطريقة
تبين خلاط ….. وتحطين فية ( سكر + الحليب + النسكافية +الماء مقدار كوبين كبار)
وتخلطينهم 2 دقيقة
وعلى طول صبيهن بسرعة علشان الرغوة…. وذري عليهن نسكافية ولا كاكاو

مشكورة يبالي اجرب عاد انا احب الكابتشينو

الطريقة:
نضع كل المقادير بالخلاط ونخلطهم ليتجانسو جيدا وبعدها نحمي مقلاة صغيرة ونرشها او نمسحها بالزبدة ونضع كوب قهوة من خليط الكريب مع التحريك بشكل دائري لتوزيع الكريب بشكل دائرة داخل المقلاة نراقب الطرف التحتي حتى يحمر قليلا وبعدها نقلبها حتى يحمر الجزء الثاني ونضع كمية النيوتيلا التى نريدها بكاسة ونضعها بالماكرويف لمدة 15 ثانية ومن ثم نضعها على الكريب ونطبق الكريب الى النصف ويمكن تكرار العملية لو اردنا جعلها مثلث ونزينها بالسكر البودرة او النيوتيلا او الفواكه.

عقبالي ^^

بس سؤال من وين يبتي الخدامه الفلبينيه ؟ عندج رقمها وكيف شو الي يقدمونه بعد

تستاهلين السلامه الغاليه .. وربي يحفظ البي بي ^.^ …