الوسم: العايله

هم مرور الأيام اتبادلنا أنا وبنت خالتي البن كود و ضفنا بعض على لبلاك بيري
وسوت بنت خالتي إلي عمرها 18 قروب اسمه فملي يعني الأهل و ضافتنا كلنا
أنا و بنات خالتي أواحد من أعيال خالتي و لمحت اسم غريب بلسته عضوه اسمها دلع بوظبي

الموقف الثاني
ضافتني دلع بوظبي عندها على الخاص و أنا قبلت الاضافه لأني سألت عنها
وقلت لهم أمنوه دلع قالت لي بنت خالتي هاذي أربيعتي و أربيعت أختي إلي خبرتكم عمرها 18
أنا صدقت حليلي وعلى نياتي بس لا هي كانت اتسولف معاي ولا أنا أسولف معاها
بس كنا انطرش لبعض الأشياء إلي انطرشها للكل ،، المهم يتني اضافه من دلع بوظبي
لقروب و أنا مووول ماعرف للقروبات المهم سويت قبول اكتشفت انه قروب شباب و بنات
ما سولفت ولا شي أول ماعرفت كيف يظهرون من لقروب ظهرت بس بعد ما نتشر البن كود
مالي ..

الموقف الثالث
بعد مرور أيام صار حوار بيني و بين دلع بوظبي
دلع بوظبي : فلأنه اتعرفين أنا أمنوه (وكانت اتناديني بنكي إلي حاطتنه على لبلاك بيري )
أنا : لا ماعرف انتي أمنوه ؟
دلع بوظبي : أنا أعرف انتي أمنوه
أنا (وكنت امعصبه): وخير يا طير اتعرفين شو يعني
دلع بوظبي : أنا بويه و مطلقه 3 مرات و كرهت الرياييل بتمين معاي ؟
أنا (وكنت حاسه ان فيه شيء قلت يمكن وحده من بنات خالتي ): ههههههه
سرت سألت مرت ولد خالتي و كانت معاي على لبلاك بيري قلت لها فلأنه أمنوه دلع بوظبي
قالت لي ليش بنت خالتج ما خبرتج قلت لها لا قالت هذا ريلها ( يعني ريل بنت خالتي إلي جذبت علي و قالت هاذي أربيعتي )
أنصدمت
ليش جذبت
المهم طنشت السالفه
قامت بنت خالتي كل يوم ادش و اطرش لي ويه رافع حواجبه و أنا اضحك و أقولها بسم الله شو فيج
ما كانت أترد علي أنا مول ما هي فبالي شي و قلت أكيد تستهبل ..
الموقف الرابع
طرشت لي بنت خالتي على لبلاك بيري فلأنه كم رقمج طرشت لها رقمي و لا سألتها ليش
قلت يمكن تبي شي اليوم الثاني طرش لي ريلها إلي هو دلع بوظبي صباح الخير و من هالسوالف
يعني هو كان امطرش للسته كامله و شي لي أنا بس كان الوقت العصر قلت له الحين إيقولون مسا الخير
قال أنا كنت راقد مأجز اسبوع أنا سكت و ما رديت أبشي
عقب دقيقتين قالي ليش البارحه حرمتي طلبت رقمج قلت له والله ماعرف قالي إذا سألتج عن شيء لا اتخبرينها
قلت له عن شو بتسالني قالي عن قروبات البنات قلت له أوكي أنا ما كنت أبي أشوي مشاكل
مع انه هو غلطان بس قلت أنا لازم ما أكون السبب بخلافهم
بعد 3 دقائق من حوارنا كلمتني حرمته على لبلأك بيري قالت لي أحذفي دلع بوظبي
من اللسته و من لقروب
أنا حذفته من اللسته بس من لقروب ما قدرت لأني أنا ظهرت من لقروب
الموقف الخامس
أنا انقهرت من موقفها و استغربت قلت ليش ما أتقولي ان هو ريلها ليش بعدها مصره ان دلع بنت
اتصلت فبنت خالتي إلي كانت وايد مقربه لحرمة دلع بوظبي و سألتها شسالفه و قلت لها ترئ ياني رقم غريب
وقال انه مغلط و عقب نص ساعه طرش مسج هذا البن كود مالي ضيفيني أنا مناوب
لاحظو فنفس اليوم قال أنا مأجز و عشان يبعد الشبهه عنه قال بلمسج أنا مناوب و أنا كنت متأكده انه هو
هذيج انفجرت و حطت علي اني كنت ارمس ريلها وووالخ..
ما خليت شي ما قالته
قامت بنت خالتي شبكت الخط معاي ومع حرمة دلع بوظبي و خلتني ارمس و أقول كل شيء
من غير ما أدري ان هي على الخط وقلت انه ضافني على الخاص أنا و أختي و على قروب شباب
ليش شو يتحراني ما خليت شي ما قلته و الحمد لله الحق معاي
المهم حرمة دلع ما عيبها الحال ان ريلها غلطان مع العلم هو مدمن بلاك بيري و زاختنه قبل 3
مرات انه يرمس بنات و قروبات وهالسوالف يعني أنا ما يخصني وهي لعبت اللعبه وجذبت من البدايه
ولا أنا ما بقبل أي بن كود
بالبدايه قالت أكيد هالرقم رقمه وكانت امعصبه علي بعد مرور كم ساعه اتصلت لي
وتمت اتصارخ جني أنا ضايفه ريلها ولا أصلا كنت أعرف ان ريلها أنا ما سكت و قلت لها
و جذبتني قالت لي الرقم إلي ياج مب ريلي أنا سكت قلت ما بكبر السالفه مع اني متأكده ان ريلها
يعني أنا لما طرشت لها رقمي على لبلاك بيري هو شافه و الدليل انه سالني ليش حرمتي طلبت رقمج
يعني ما يبالها ذكاء
كبرت السالفه أكثر و أكثر وطلع غلطي اني صدقت جذبتهم ان دلع بوظبي أربيعت فلأنه و غلطي الأكبر
اني سرت .وقلت الموضوع لبنت خالتي المقربه لحرمة دلع مع ان نيتي صافيه
كنت أحاول إدافع عن نفسي
بعدها بيوم قام يهدد الحبيب يبي ايخبر العايله أونه عن شي زاخنه عني أنا تميت اضحك قلت شو هاليهال
هي ما تبي اطلع ريلها غلطان جدام بنات العايله عشان ما تفتشل
و لما أقولها ان هو ضافني على قروب شباب قالت هذا مب ريلي هاذي أختي إلي عمرها 18
يعني هي مستعده اتشوه سمعة اختها بس عشان يبقئ ريلها بصوره حلوه
مع العلم ريلها معروف بلعايله ان مافيه غيريه ونص ريال وهذا كلام خواتها
عاد أنا لما شفته ايهدد سرت اتصلت بولد خالتي وقلت له السالفه وهو كان شاهد اين لما سألت
أمنوه دلع بوظبي قالؤلي إربيعة فلأنه
المهم
أذوني بالسالفه
وطلعت بنت خالتي قايله حق ريلها اني أنا و أختي عندنا سوالف البويات عشان جيه هو طرئ البويات
أتخيلو لما سافني بلمبزره قال لحرمته بنت خالتج قويه
أنا استغربت قلت ليش شافني أمشي. امطلعه شعري حتى اني كنت لابسه عباه أمسكره
وكنت يالسه عند خالتي ولا فارقتها
عاد أتقولي بنت خالتي المقربه لحرمة دلع
هو كان يبي إيقول انج حلوه بس ماعرف كيف
شو هالتفكير أبوه أعيال و تفكيره مثل اليهال
و بالنهايه
طلعت أنا الشينه وهو كان يمزح وما أتوقع اني جيه وهو ريال ما اعيبه شي و أنا إلي كنت غلطانه
لما صدقت جذبتهم ان دلع بوظبي بنت مب ريال

أبذمتكم
شو المفروض أسوي ؟ السالفه إتسكرت من البارحه بس أنا بعدني ادعي وأقول حسبي الله ونعم الوكيل فيهم
يبي يشوه سمعتي وأنا مالي ذنب غير اني صدقت لعبتهم

سلام

ماعندي تعليق بس انا لومكانج من البدايه مابقبل اظافه اي حد ماعرفه شخصيا

اسمحيلى الغاليه بس حسب ما فهمت من كلامج انج تتحملين جزء من الغلط الى استوى كيف :

– اول شي يوم بنت خالتج خبرتج انه ريل اختها بيدخلها القروب ما بينتى انج نصحتيها ولا اى شي صح انج استنكرتى الامر بس ابدا ما قلتى لها اى شي .

– ثاني شي انتى عرفتى انه النك نيم دلع بوضبي لريل بنت خالتج ومع ذلك يوم طرش لج صباج الخير رديتى عليه عادى ولا كنه ريال محرم عليج من جهه ثانيه يوم قالج لاتخبرين حرمتى بالتواصل حسيت انج عادى تتكلمين يعنى مو مستغربه تواصله وياج معنه نيتج سليمه ومو مال مشاكل .

– ثالث شي حسيت من كلامج انكم البنات والاولاد وايد ويا بعض يعنى ما من بينكم حواجز وهذا اكبر غلط يصير .

وبعد كل الى صار لازم تعرفين شر وخير هذا المبايل وكيف ممكن يدمر السمعه فى لحضه وحده وبدون ما نحس .

اختى العزيزة ترا انا ما ابرء بنت خالج الصغير والى متزوجه ترا كلهم دايرين فى شبكة الغلط على حسب كلامج وانتى شكلج صغيرة فى السن وهذه قرصه صغيره على انج تتعلمين وتحاسبين من هذا التواصل الى يتم فى القروبات والمسن والبلاك بيرى .

والله يستر علينا وعليج يارب العالمين

ترا انا كتبت ردى بناء على كلامج والسموحه اذا كان ردى جارح .

سلام

ههههه ولين الحين نسويها يوم نسهر

تاخذين الاندومي الابيض

المقادير :
5 اكياس اندومي الابيض
3 حبات بصل مقصوص شرائح
2 جزر مبشور
ملفوف ابيض
خس
حبة فلفل اخضر بارد
صلصلة صويا
ليمونتين
فلفل احمر اليابس
زبده (( كلما كثرتي الزبده كلما الطعم بيكون الذ ))
بهارات الاندومي والزيوت الي داخل اكياس الاندومي

الطريقه ::

نذوب الزبده
ونحط البصل ونتريا لين يصير شفاف
ونحط الملفوف والفلفل الاخضر البارد والجرز ونحمرهم
ويوم الخضره تذل شوي حطو الخس وخلوه يذبل
وافتحو كل اكياس البهارات والزيوت الي ف اكياس الاندومي وضيفوهم ف الخضره
حطو شوية صويا صوص
واذا تبون الفلفل الاحمر حطوه الحين واذا ماتحبونه حار لا تحطونه
المهم خلوهم دقيقه وطفو النار

وف هالفتره طبعا تكونون سلقتو الاندومي وصفيتو الماي منه

ولا تخلوون الاندومي برع لانه بيصير يابس

عطووولحطوو خلطة الخضار .. واذا شفتو ان الاندومي بعده ابيض حطو شوية صويا صوص

واخر شي اعصرو الليموون وحطووو في الاندوومي

وهنااا وعااافيه ع قلوووبكم

حلو الاندومي اللي يسوونه الفلبينيين واعتقد نفس هالطريقة
بس سالفة هذي وايد اشياءات هههههه طبخة كبيرة مو اندومي

سلام

بس ديري باالج على خواانج ترى مالهم غيرج
وعسى الله يحنن قلبهاا ويهديهاا >>اميــــــــن،،،،

بس كله كوم والبسبوسه كوم ثاني..ويدي يالله بالستر..

بس غناتي انا ما بعطيج رد حلو وفيه من هاك الزين الي يخلي غيري يقتبسه..انا برد عليج بصراحه وامانه..انا حسيتج مب انج مظلومه وساكته..يعني انتو مظلومين ويا ها اليده ربي يهديها لكن ((بسبوسه؟؟)) المهم..أحس أنج تردين عليها وما تسكتين..وبعد أحسج انتي وأختج ظهراتكن مش انها بالمعقول..غناتي الفطور لازم يكون ويا الاهل مش ويا ربيعاتج..يعني يدتج صح انها شكلها ترمس ع الفاضي والمليان بس بعد شكلكن تعطنها مجال ترمس..أنتي حاولي تكسبينها..تعرفين لا تقولين ما ينفع وياها الطيب جربي لو انه دهان سير ..جاملي..سايري..بس اشتري راحت بالج انتي واختـج..

وربي يفرجها عليكن بالزوج الصالح انتي وأختج..

ويهدي يدتج..ويغمد روح أمج الجنـه يارب..

طولي بالج

إن شاء الله ينصلح حالها

العمر ياثر علي البني ادم
تحملوها و اجبروا بخاطرها كل ما قالت لكم شي قولوا ان شاء الله و روحوا لها من كل الطرق
لو يت لكم من اليمين روحولها من اليسار و حاولوا تلطفون الجو و تشوفون يمكن تتغير مع مرور الوقت
ويمكن في شي مخليها تزيد قساوه عليكم
حاولوا و لا تياسون
خاصتا و انها تخرب سمعتكم جدام الناس و هالشي مو حلو موليه
والله يهديها و يستر عليها و يحنن قلبها عليكم
والله يرحم امكم و يسكنها جناة النعيم و يستر عليكم بالازواج الصالحين

فمان الله

من جد ترفع الضغط

هب زين الي تسويه

الله يكون بعونكم

في بيتنا كثره السرقات بس مش عارفين نحن شاكين بالخدامات بس ما نعرف شو نسوي

فالي عندها فكره تقولنا
لانه المبلغ المنسرق واايد ومنسرق من الخزنه مع العلم الوالده الله يخليها ماتخليهن يدخلن الغرفه هيه تنظفها

بليس ارفعن الموضوع و مشكورات مقدما

بس انتو اظهرو من البيت ويا البشاكير
و خلو حد في البيت يركب الكاميرات

الله المستعاااان

السالفه انا من بديت افهم و كون لي صداقات عمري ما كونت صداقه وحده عائليه يعني مع بنات العايله مع ان شي 4 بنات من عمري و تقريبا كنا في نفس المدرسه كلهم مع بعض الا انا و اذا بس امر و اسلم احاول اكون معاهم بس ما كنت احب سالفه ان الاخبار تروح للامهات صح مافي شي غلط بس كنت اتضايج و حد علاقتي معاهم السلام

لدرجه انا الحين عمري 26 سنه لما اروح اي عرس مع امي و خواتي و اي وحده تيي تسلم اشوف علامة الاستفهام على ويهها و احس بها تقول هااي ؟منو ؟؟ شو تقرب لهم و مرات امي تنتبه و على طول تقول هاي بنتي فلانه ما تذكرينها؟؟
ان ما اتضايق بس اللي افكر فيه انا ليش ما كونت علاقة مع بنات العايله من الصغر

بس بخبركم شي
لما كنت فالتقنيه كانت وحده تقرب لي من بعيد بس من دمنا تسولف معاي و انا عادي بديت اسولف معاها و مر الكورس على خير و انا وهي زيارات عائليه لين كان نص السنه خطبها واحد من اهلنا بعد و انا كنت وااايد مستانسه و سرت الحفله و بعد الكورس الثاني كان عرسها و انا كنت اترياها تعزمي كربيعتها مش اهل و انا اعرف ان امها عازمة امي و بصراحه انا ما سرت و هي ابدا ابد ما سالتني لين ما دخلنا السنه الثانيه وهي بدت تبتعد لدرجه انها غيرت التخصص و حتى البنات يقولون بلاها فلانه ما تقعد معانا انا كنت اقول كيفها يمكن تسولف مع ريلها و تقريبا بعد شهر من السالفه كنا متيمعين في بيت يدي و دخل علينا يدي معصب و قال ليش امس ماسرتو عرس ولد فلان يعني اخووها انا سكت و ردت امي قالت انا مااعرف لا خبروني و لا تصلوو بي و المهم طاف
و عقب يومين كنت فالكليه قاعده اكل يتني و قالت لي ترومين توصليني البيت لان كلاسي يخلص 4 اليوم قلت لها اوكي عادي و فالسيارة تمت تسولف عن ريلها و خواته و انا عادي مستمعه جيده لها و عقب قالت ما دريتي ان فلان عرس الويك اند اللي طاف قلت لها هيه دريت و قالت نحن عزمنا بس اللي نباهم و الزياده سوينا لهم طاف انا هي دمي فاااااااااار قلت لها سواد ويكم ماخذ زلمه ومفتشلين تعزمون العرب تمت تقول البنت امها مش اماراتيه بس هي اماراتيه و بصراحه ما كثرت كلام وياها لاني انا و كل العايله عارفين هاي اللي ماخذنها منو
و خلصت السنه و انا رجعت ابوظبي بنت اهلي و مرة اتصلت كان يومها مطلعين ابوي من العمليه و انا ما كنت فاضيه لها طرشت لها ابويه توه ظاهر من العمليه و بعدين برمسج
ردت طرشت لي مسج لانتي و لا ابوج تهموني ردي يللا انا دمي فار و اول ما اتصلت قلت لها احترمي نفسج على شو شايفه عمرج و ابي اعرف هالنفس الخايسه على شو ؟؟
تخيلو متصله تقول لي ليش يدج يخرب ابوي و يخليه يتزوج انا انصدمت قلت لها اي وحده على خبرني ابوج ماخذ 6 يدي قاله يتزوج اي وحده بالضبط قالت اليديده و قلت لها اسمعي انتي ابوج مزواجي و الكل عارف هالشي و ليش يدي بيخربه شو يبى به اصلا يعني الثانيه و الثالثه و الرابعه و الخامسه عادي حبكت الثالثه من دوله عربيه يدي و اخوانج كانو معاه الحين طلع يدي مخربنه ليش مب اخوانج اللي مخربينه ؟؟ تمت تزاعج و انا سكرت الفون في ويها
و كلمت يدي و تم يضحك و قال انا اشلي فيه نحن سافرنا والريال مالج قبلها بشهر و هو كان ساير اييبها و قال لي تبين اقول لابوها و قلت له لا لا تكون هي ماعندها عقل
ومن عقب هاي السالفه تقدرون تقولون ان العايلتن انفصلو تماما لا كلام و لا سلام لانهم ام و بناتها حاطين هالشي في بالهم
و مرة في ملجه وحده من اهلنا نحن دخلنا و هي و امها كانو قاعدين انا سلمت عالحريم و اتشاور اسلم و لا لا المهم وصلت وز سلمت على امها و الحرمة عاديه و تسالني وينج و ما تبينين و من هالكلام و عادي و لما يت اسلم على البنت مد يدها بس سلام بالاصابع و لفة ويها صوب بنتها و انا قلت في داخلي اللي علي سويته

و لين يومكم هذا لا هم يسلمون علينا و لا نحن نسلم عليهم مااعرف ليش و ابوهم الله يرحمه توفى و الحين بيكمل سنتين من وفاته و اللي ذكرني فيهم من شهر حضرت عرس اهلنا و نفس الشي لا سلام و لا كلام و كنا يالسين حذااااهم يعني اللي تعدل كرسيها تضرب كرسي و الموضوع صار من 2024

يعني هاي العلاقه الوحيده اللي كانت بين يو بين وحده من اهلي وما كانت فاشله لا مدمرة

مدري يمكن موضوعي يكون مخربط و اتمنى انكم فهمتو عليه

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

ولو هي وحدة جييه من العاايلة مب شرط ايكوووونن كلهن..

وعلعمووم داايما خلي عهلااقااتج سطحية وبحدوود…

المشاركة الأصلية كتبت بواسطة bellegirl

لا حول ولا قوة إلا بالله

ما عليه أختي

انتي حاولتي تصلحين

ولا تتوقفين بنية الأجر ..

حاولي تصلحين أختي

حتى لو الغلط منهم

سوي الواجب وان شفتيهم سلمي

وادعي لهم ربي يهديهم يصلحهم

اولا مشكورة عالرد ختي

امممم مااحس اني انا الانسانه اللي قادرة تصلح ما بين عايلتين
بس الله يهديننا

المشاركة الأصلية كتبت بواسطة بنت الشوامس 2

الله يرد علاقتكم احسن من قبل
صدقيني مصيرهم بيندمون وبفهمونكم

اولا مشكورة عالرد ختي

امين احس الدنيا ما تسوى بس بعد ابي اعرف هي ليش ابتعدت