اسمحن لي في هذا العنوان…قصدت به الخوات اللي دوم يسون عزايم في بيتهن ولهن معرفه بأسلوب الضيافه.
الله يسلمكن انا متوقعه زياره ناس خلال هالاسبوع….أول مره يزوروني…والمشكله انهن يمكن يكونن
حوالي 15 حرمه ويا عيالهن وممكن اقل شويه…الحينه انا ميلسي فيه طقم جلوس ل8 اشخاص وعندي طاولة طعام ل8 اشخاص ممكن نستخدم كراسيها.
انزين كيف اقدم الاكل….ما اقدر ايلسهم على الطاوله لانها مابتسد…ومب حلوه افرش لهن سماط في نفس المكان(ماعندي مكان مستقل مثل غرفة الطعام) شو الحل الحين؟؟
وشئ ثاني بعد…بكون بروحي في استقبالهن وماعندي حد ممكن يساعدني….يسولف وياهن يوم انا بنشغل بتضيفهن؟؟ ما ادري شو اسوي
بصراحه داير راسي وخاطري تكون الضيافه على اصولها من جميع النواحي….شورن علي يزاكن الله خير.
انا كنت راعية الضيافات بس الفترة الاخيرة بسبب ما كانت عندي خدامة كنت موقفة!!
المهم ان شاءالله اقدر اساعدج لو شوي غاليتي
اول شئ لالالالالالالازم تذكرين حد من اهلج او اهل ريلج و لو اكثر من وحدة افضل
عسب وقت انشغالج تشوفهم و تسولف معاهم
ثاني شئ ان عندج مكان في الحوي يلسيهم داخل و وقت الاكل
يبيلج طاولات بلاستك من الجمعية او من ربعج اتسلفي و افرشي عليهم قماش ابيض (اخر مرة حطيت شرشف
ابيض قطن !!!! )) طبعا تصففين 3 طاولات اقل شئ
حطي الملاعق كل ملعقة و شوكة ملفوف بمنديل ورقي
عقب حطي الصحون الكبيرة فوق بعضهم و عقب ابتدي من السلطات لين الاكلات الرئيسية
و لا تنسين مني مناك تحطين ملل صغار فيهم آجار و انواع الزيتون و المخللات
و طبعا تفرشينلهم زولية حلوة كبيرة او اكثر من زولية و تحطين تكي حواليها
وقت الاكل تقولين تفضلوا و عقب العشاء
حطي الحلاوة و الشاي و القهوة
طبعا عقب ما تردون داخل بل تتمون برع
و لكن ان ما عندج حوي .. حطي الاكل على طاولتج الطعام و خلي الكبار ييلسون حوالي الطاولة
و الاصغر كل وحدة تشل صحنها و تيلس على الكنب و تأكل
و قبل الاكل قدميلهم انواع الشاي و الكوفي و بسكوتات صغار
ان شاءالله ساعدتج حبيبتي ؟ اي خدمة آآآآآآآآآآمري فديتج
من خلال كلامج فهمت اني لو اسوي بوفيه وايد أحسن لي من التسليف .
تعرفين مطعم يسوي بوفيه ل15 حرمه؟؟؟
حوالي 15 حرمه ويا عيالهن وممكن اقل شويه…الحينه انا ميلسي فيه طقم جلوس ل8 اشخاص وعندي طاولة طعام ل8 اشخاص ممكن نستخدم كراسيها.
وليش اليهال ؟؟؟؟؟ يبالهم تشييليز عيل
سويلهم بوفيه احسن