السلام عليكم ورحمة الله
اليوم قررت ابدأ ريجيم ال Dukan بعد ماشفت وحده من العضوات حاطه موضوع عنه (تفاصيل الريجيم هي ترجمتها) :
طبعا بنكي لما تشوف دايت تسوي عليه بحث طويل عريض عسب تعرف تفاصيل الدايت وتقرأ تقرأ لما تفهم كل صغيرة وكبيرة في الدايت
المهم أنا من يوم الخميس وانا اقرأ عن هالدايت ماخليت موقع ولا بلوق ولا حتى فيس بوك
قريت تجارب الناس الى اتبعوه نزلت وصفات حلوه للريجيم و دخلت موقعهم وحددوا لي كم الفترة الى اروم انقص فيها وزني
المهم
اولا : براويكم اكثر وحده حبيتها و قررت اني اكون شراتها وتكون عندي العزيمة اني انقص
كان وزنها 107 ونزلت الين 70 كيلو وهذي صورتها قبل وبعد
المهم حلوات أنا وزني حاليا 70 و ناويه اوصل الين 60 كهدف اول ان شاء الله
بديت اليوم 10 ابريل 2024
وبوصل لوزني المثالي يوم 23 – 6 – 2024 ان شاء الله
طبعا أنا بكتب وزني في المنتدى حسب هالجدول فأرجو المتابعة حسب التواريخ للي تبى تتابع النقصان مالي (ان شاء الله):
لو لاحظتوا في الجدول الوزن المفروض ينقص محدد لي من الموقع فلازم احاول اني اكون نفس هالوزن او اقل ان شاء الله
تابعوا تقدمي كل يوم بكتب لكم ان شاء الله شو ريوقي ، غداي ، عشاي و اي سناك كلتها مع الصور
اليوم الاول :
الريوق:
– 1 نقانق خزان مغليه (0% دسم)
– 2 مرتديلا خزان بالزيتون محشية بجبنة خالية الدسم (0%)
– 5 حبات بسكويت الشوفان (أنا طبخت وطعمه واو لذيذ)
– 1 نقانق خزان مغليه (0% دسم)
– 2 مرتديلا خزان بالزيتون محشية بجبنة خالية الدسم (0%)
– 5 حبات بسكويت الشوفان (أنا طبخت وطعمه واو لذيذ)
وصفة بسكويت الشوفان:
1 ملعقة شاي باكينج باودر
1 بيضة
3 ملاعق طعام شوفان
1 ملعقة طعام سكر الريجيم
2 ملعقة طعام روب خالي الدسم (انا شريت من كارفور مكتوب عليه 0% دسم)
الطريقة تخلطين كل المقادير مع بعض وبعدين تطبخيهم في في صحن الكب كيك (يفضل تحطين اوراق كب كيك عسب مايلصق)
أنا حطيتهم في اكواب السيليكون مال ميني كب كيك فحصلت على 10 حبات من البسكوت استخدمت 5 فقط (لأن مسموح ب 1.5 من الشوفان)
الساعة 1 الظهر :
بشرب هوت شوكليت من تروبيكان سليم .. (يمي يمي)
الغداء:
– قطعت 2 صدور دجاج قطع صغيرة وحطيت معاه 1 روب خالي من الدسم + 2 فص ثوم + شوي بهارات (ملح + كاري + كركم) وبطبخه في المقلا بدون زيت على نار هادية لين مايجف الروب وينضج الدجاج
– قطعت 2 صدور دجاج قطع صغيرة وحطيت معاه 1 روب خالي من الدسم + 2 فص ثوم + شوي بهارات (ملح + كاري + كركم) وبطبخه في المقلا بدون زيت على نار هادية لين مايجف الروب وينضج الدجاج
بالنسبة للعشاء :
بعدني مافكرت شو بتعشي ؟؟؟
القوانين الى بتبعها ان شاء الله:
– الجمعة تكون يوم فري (بس مب زياده عن اللزوم)
– الوزن يكون كل يوم خميس الصبح ان شاء الله
– يوميا بصور لكم كل شي اكله وبحطه كل الصور اليوم الثاني (يعني اكتب يومياتي عن اليوم الى طاف)
– لازم اسوي مشي يوميا لمدة 20 دقيقة اول 4 ايام وبعدين 30 دقيقة لباقي الايام
ارجو عدم ارسال اي رسائل على الخاص .. الاسئلة على العام
بالتووووفيق حبووبه
بالتوفيــق فـديتج والله يعطيج الصحه والعاافي يارب
حبيبتي بالنسبة لجدول الوزن من الموقع و الا انتي امسويتنه؟؟
ربي ايوفقج
بس لو مسويه قروبات احلا جان دخلت وياج
انا من البارحه مخففه
الله يوفقج،،،
بالتوفيييييييييييييييييييييييييييييييييييييق ^^
