الوسم: المدقوق

شحااكم حريمات

بغيت طريقه مضبوطه وحلوووه للقرص المدقوق

انا قريت كم طريقه مافيها شكر او شي حلوو

انا مطعمتنها مره كانت حلووه وفيها هيل وزعفران

بليييز ساعدوني

عموما انا بقولج طريقتي بالقرص

3 اكواب طحين
رشة ملح
3 ملاعق طعام شكر
ماي لين تحسين العجينه صارت خفيفه مب مثل الفطاير قاسيه ولا مثل اللقيمات خفيفه كلش بين هاي وهاي !
خليها عشر دقايق ترتاح بعدين خذي طوبي وحطي العجين وتمي افرديها دار ماداير الطوبي يكون مب سميكه ولا خفيفه اوكي وسط (نفس اي قرص عادي ) المهم يوم تسوين عجينتج كلها طبعا تنضينه عدل مب على طول اول مايستوي لا خليه شوي لين ينشف ويصير شبه قرمشه فيه مب وايد بس شوي عاد اذا عندج الخلاط اللي يفرم حلو ماعنددج بايد النجر(الهاون) تمي دقيه حطي عليه وانتي تفركينه وتدقينه دهينه وشوية سكر حسب الرغبه عاد اذا تبين ماي ورد وزعفران وهيل هاي منكهات يعني انتي ورغبتج وتمي دقيه لين يصير النعومه اللي تبينه وبس.

ان شاءالله اكون افدتج حبوبه

تشكراتي

والله يرزقج من فضله

ميروووه

هههههههههههههه

فالج طيب عزيزتي

ان شالله اليوم بكتب لج الوصفه

الطريقه:
اتعينين المقادير كلها مع بعض بالماي لين ماتستوي عيينه متماسكه بعدين اترققينها لين ماتستوي دائره مب سميكه وايد ولا رقيقه وايد اتخلينها وسط
بعدين ادخلينها الفرن لين ماتحمر ويوم يستوي اتحطينه في طحانه القرص مع دهن غنم وسكر حسب الرغبه
او ادقينها عادي

طحين حسب الكميه المطلوبه كوبين او ثلاثه او حتى كوب

ماي دافي للعجن

سح – تمر مذوب في ماي حار عشان لونه

الطريقه :

1- في مله تحطين الطحين المطلوب

2- ماي السح صبيه فوقه اعجني باليد وزيدي ماي دافي لين ما تتماسك العجينه يعني ما تلصق باليد تكون ناشفه

3- كوري العجين كور وافردي كل كوره بيدج بس ما تكون وايد رقيقه يعني مثل البيتزا

4- كل رقيقه سوي قيها دواير بصبعج يعني تخرمينها عشان الزيت يوم تتقلى

5- بعد ما تخلصين اقليهن في الزيت ليم ما يحمر لونهم

6- نشفيهم من الزيت بالورق وقصي الخبزة صغار باليد يعني خبز غموس

7- في الخلاط العادي حطي كمية بسيطه من الخبز المقطع واضربيهم لين ما يتفتتون وجبيهم في جدر لين ما تخلص الكميه

8- بعد ما تخلص الكميه يبي شويه هال مطحون ونثريه عليه وكثري من الشكر حسب ما يناسب ذوقج وحطي الجدر على الضو وتمي حركي لين ما يذوب الشكر وصبي زيت زيتون او سمن عربي حسب ما تحبين
تحملي يحترق او يتعقد من تحت في قاع الجدر

9- اغرفي القرص من الجدر في صحن او حراره

10- سمي بالحمن وكلي منه بالعافيه

واخييييييييييييييييراُ

دعواتكن

واي استفسار انا حاضره

الغاليه القرص

تحطين جيلة طحين (طحين عادي او بر) وتحطين وياه ملح وتعينينه بالماي لي ماتحسين ان العينه تماسكت ومب لينه اهم شي تكون متماسكه

وبعدين تشكلينها ع شكل دواير وتقرصينه مثل القروص … وتسوين خبوق ع القرص بصبعج ( تقدرين تحمرينه فالدهن او ع اليمر او فالفرن)

بس احلا شي يوم تسوينه فالدهن …تحطين دهن فالتاوه بس يكون غزير شوي وتحطين القرص من يتحمر جلبيه وخليه يتحمر من الصوب الثاني

وهوه حار ادقينه سيده وتحطيله سمن او دهن عربي …

وان شاء الله تعيبج الطريقه والسموحه منج

المشاركة الأصلية كتبت بواسطة ورديه

سمعت حد يزقرني خخخخخخخخ

الغاليه القرص

تحطين جيلة طحين (طحين عادي او بر) وتحطين وياه ملح وتعينينه بالماي لي ماتحسين ان العينه تماسكت ومب لينه اهم شي تكون متماسكه

وبعدين تشكلينها ع شكل دواير وتقرصينه مثل القروص … وتسوين خبوق ع القرص بصبعج ( تقدرين تحمرينه فالدهن او ع اليمر او فالفرن)

بس احلا شي يوم تسوينه فالدهن …تحطين دهن فالتاوه بس يكون غزير شوي وتحطين القرص من يتحمر جلبيه وخليه يتحمر من الصوب الثاني

وهوه حار ادقينه سيده وتحطيله سمن او دهن عربي …

وان شاء الله تعيبج الطريقه والسموحه منج

ما تقصرين الغالية…………..واليوم بجربها وبخبرج

المشاركة الأصلية كتبت بواسطة ورديه

سمعت حد يزقرني خخخخخخخخ

الغاليه القرص

تحطين جيلة طحين (طحين عادي او بر) وتحطين وياه ملح وتعينينه بالماي لي ماتحسين ان العينه تماسكت ومب لينه اهم شي تكون متماسكه

وبعدين تشكلينها ع شكل دواير وتقرصينه مثل القروص … وتسوين خبوق ع القرص بصبعج ( تقدرين تحمرينه فالدهن او ع اليمر او فالفرن)

بس احلا شي يوم تسوينه فالدهن …تحطين دهن فالتاوه بس يكون غزير شوي وتحطين القرص من يتحمر جلبيه وخليه يتحمر من الصوب الثاني

وهوه حار ادقينه سيده وتحطيله سمن او دهن عربي …

وان شاء الله تعيبج الطريقه والسموحه منج

نفس الشي اسويه بس ندق وياه تمر

تفضلي اختي هذي طريقة شوكولاته >>> ادعيلها حبوبه

عندج 2 كوب دقيق يفضل رقم 1
1/2 كوب تمر منزوع النوى ومهروس
رشة ملح
1 بيضة
وللعجين ماء

في البداية تسخنين نص كوب ماء وتضيفين له التمر وتخلينه لحد ما يذوب وما أفضل نصفية . اخلطي الدقيق والملح والبيض وضيفي خليط التمر وابدأي اعجني وضيفي ماء يوم تحتاجين لحد ما تتكون عندج عجينة متماسكة وطريقة شوي وقابلة للتشكيل .
كوريها ورصيهم في صينية مرشوشة بالدقيق وغطينة بفوطة نضيفة وخليهم يرتاحون لحوالي الساعة . وبعدين افردي كل كره واخبزيها في الفرن أو ممكن في تاوه تيفال بعدين خليهم يدفون شوي ووابدي افركيهم بإيدج . وبعدين بيصير مثل البسكوت المفتت . قدمية ورشي عليه دهن خنين . وهني وعافية على قلبج . هذي طريقتي البسيطة والسريعة وبتشوفينه لذيذ ويذوب في الحلج لاني البيض يعطي العجين طراوة . لاني شفت أخوات مش ضايفين بيض للعجين .

عزيزتي قياس الماء في الجباب ما أقدر أحدده يعني المفروض تكون بين الرفيعة والغليظة لاني راح نخمرها فبتزيد كثافتها . وما بيستوي نضيف ماء بعد التخمير اذا طلعت غليظة وايد فحطي في بالج هذي النقطة وانتي تعينينها.

لا يحلى الصبــــاح إلا بذكـر الله تعالى …

غـــــــــــــاليتي شـــاركينـــا في حفظ عشر آيــات من سورة الكهــــف … بجوائـــز قيميهـ ..

مسابقة {حفظ 10 آيات} للشاطرات فقط .. هنــــــا

اللـــــــــهمـ إن كآن رزقـي فـي السمــآء فأنزلهـ
وإن كآن فـي الأرض فأخرجهـ
وإن كآن بعيدا فقربهـ
وإن كآن قريبـا فيسرهـ
وإن كآن قليلا فكثرهـ
وإن كآن كثيرا فبـــــاركـ لي فيهـ

✿✿✿

بنات حريم شحالكم

الغاليات بغيت طرقت القرص المدقوق بالسح لو سمحتن قالو في كذى طريقه بس انا حابه اسويها بنفسي

وياريت تقولن لي الطريقه شوه ولو فيه اكثر من طريقه بعد قوليلي او اكثر عن وصفه ومقادرير عشان تفديوني وتستفيدون

اترياكم

فمان الله

وينكم بنات من امس اترياكم