الوسم: المضروبه

السلام عليكم خواتي أكلتي اليوم لذيذه بس يبالها شوية وقت
نبدأ المقادير : كويكر ( شوفان )
بصل حبتين
لومي أسود (تكونين مطلعه الحب الي داخله لأنه يخلي الأكل مر ) حبتين
كزبره + بقدونس + شبت + بصل أخضر ( من كل شيء قصي شوي )
طماطم صلصه
طماطم ( حبتين صغار )
دجاج مسلوق ومفتت أو ممكن تونه
ملح وبهارات (بزار )

الطريقه : اذا كانت المضروبه بالدجاج فاحتفظي بماء السلق
نحمر البصل بالزيت
ثم نضع الطماطم واللومي الأسود
ثم جميع المقادير السابقه ولا ننسى الدجاج أو التونه
ثم الكويكر ,و أخيرا ماء الدجاج اذا كانت بالدجاج أو ماء عادي اذا بالتونه
اختي نسيت أقولج ان الماء يكون بالتدريج ( يعني ما تكون المضروبه
غليظه نفس الهريس ولا خفيفه نفس الشوربه )
ولا تنسي التحريك المستمر حتى لا تلصق بقاع الجدر
وبالعافيه

نقلتها من احد المنتديات ما اعرف إذا هاي إلي تقصدينها ..