الوسم: المنتشر

أختي انت تقصدين اللي ييي اول على شكل لوز+حرارة !!
هذا بعدين يتحول زكااام …والله اعلم
انحنا يانا في العايلة يعني الكبار ,,
ما عندي فكرة عن الدوا
الله يشافي بنتج يا رب
واسمحيلي على القصور

مشكوره وما قصرتي قصدي بنتي ياتها حمه واليوم زكام وكحه وقالتلي الطبيبه يمكن فيها فايرس منتشر ه الايام

ادعولها تصح فديتهااااااااااااااا

الله يشفيها

هذا فايح في الكل…

يا ولديه فديته وعمره سنه واضطرينا نعطيه مضاد حيوي لانه اذنه عورته منه

لا تحاتين ولا يخوفونج

انتي بس عطيها ا لدواء .. واتصدقي هالايام بنية " ربي اشفي بنتي من هالمرض" وبتشوفين كيف انه ربنا عظيم بيشفي بنتج باذنه
نبينا عليه الصلاة والسلام يقول داوو مرضاكم بالصدقة
انا هاي اسويها مع ولدي والاحظ تحسن في صحته بفضل الله ثم الصدقة

لا تحاتين ولا تخافين .. لا توسوسين .. انا اختي توسوس واااااايد .. مرة سمعت عن فايروس الروتا وتمت تخاف وتحبس بنتها عمرها 4 سنوات وماخلتها تروح المدرسة .. سبحان الله اتصدقون ياها المرض .. ليشششش؟ انا بقولكم لانه وسوست وخافت وتمت تفكر بالفايروس والمرض فعلى طووووووووووووول صار جذب للقدر لبنتها فاستوالها

ما سمعتوا عن قانون الجذب انج تجذبين الاشياء الزينة بتفكيرج الايجابي والاشياء السيئة بتفكيرج السيء
ماسمعتوا يوم الواحد يقول انا قلبي مقبوض اليوم بيصير شي … وفجاة صارلها شي كبير وبعدين تقول الوحده انا حسيت انه بيصير شي اليوم .. ليش جذبت هذا الشي لها فصارلها

خواتي فكروا بطريقة ايجابية ولا تجذبون الاشياء السيئة لكم ولاعيالكم والتوكل على الله امر مهم .. بتعيشين بسعادة كبيرة

بنتي كمن مره ياها هالفايرس

بس اول ماتلاحظين انه ياتها الحراره على طول استخدمي الخافض كل 4 ساعات انا استخدم كالبول لانه مب بس خافض لاومسن للالم وانت كل ما عطيتيها خافض الفايرس يضعف لانه الحراره ماترتفع وايد لاتنتظرين ترتفع خلاص من تكمل 4 على طول عطيها وواذا تمت اكثر من يومين وبديت اشوفها تفرك اذنها اوديها الدكتور اطمن ان ماعندها التهاب او احتقان والله يحفظ عيالنا

//////////////////////////////////////

"""""""""""""""""""""""

……………………………..
يا كثر ما نشوف لافتات ملونة وعليها صور غرش العسل
مراكز لبيع العسل الشافي
ومركز العسل الطبيعي وإلخ ………

خواتي إلي جربت أجود وأفخر أنواع العسل الطبيعي وأصلي وفيها هذه المواصفات 100% لزيادة الوزن

(1) يعني مركز العسل مسوين التحاليل المخبرية العلمية للعسل وعندهم شهادة الفحص من مختبرات دولة الإمارات

(2) ولازم أقول لمختص الأعشاب مثلاً أبغي عسل لتسمين الخدين والرقبة
(3) أو أحسن يعطيني عسل لتسمين الجسم بس بشكل كامل يعنى يوزع السمنة على كل الجسم مع الوجه
إلي يعرف مكان مضمون يبيع أنواع العسل الأصلي في الشارجة
لأن شي أماكن وايد لكن للأ سف معظمه مغشوش ويتفننون في الغش والغش بالجولكوز وبالعسل الأسود والنشا وبسكر الأبيض وبالتغذيه على شكل محاليل سكريه بحيث إنج ما تكتشفينهم بسهولة

كل وحدة تقول طريقتها في طلب العسل لزيادة الوزن

ماعندي خبرة
بس احسن لج الضعف ياختي بدل هالأمراض الي اتيي من المتن ضغط وسكر وغيرة

للررررفع

شي عسل يمتن؟؟؟؟

ويين؟؟؟

انا اعرف ان العسل عسل

الا اذا خالطينه ويا شي ثاني

ان شاء الله الخوات يفيدونج

ليش في عسل يمتن وعسل يضعف..؟
الا لو في تدخل بتركيبته.. لكن العسل الطبيعي واحد..
اعرف في عسل الشتا وعسل الصيف ويختلف لونهم وطعمهم..
ما نشتري من مركز او محل معين ..نعرف ناس ايبونه من اليبل ومب دايما نحصل عندهم..
والغرشة سعرها يكون عـ 1000 تقريبا..

اناا اخذ عسل العاادي الطبيعي من عند حرمه ب150 د وعندهاا انوااع ثاانيه طبعاا السعر يختلف
وسوينا له اختباار وطلع اصلي 100%
بس اللي يمتن !! او مره اسمع!

السلام عليكم ورحمة الله وبركاته

اشحالكم خواتي عساكم بخير

بصراحه خواتي انا مصدومه من اللي اسمعه عن الطلاق

انا ما بقول عن الناس او اسماء حد

بس فعلاً شي يصدم تحضرين عرس وتستانسين وتفرحين للمعاريس وعقب يومين تتفاجأين بطلاقهم!!! هالشهر حظرت عرسين العرس الاول سمعنا عن الطلاق بعد اسبوعين من العرس والعرس الثاني فنفس الاسبوع ,,,الاول اونه المعرس مابغا العروس وعنده حرمه وافده والثاني بعد ما ادري شو بلاهم
وثنتين من هلي وحده انصدمنا بطلاقها مع انها من احسن البنات اخلاقاً والثانيه فنفس الشهر في مشاكل مع زوجها..

ابا اعرف اذا الريال والحرمه ما عندهم استعداد للزواج مب حرام يكسرون بخواطر اهلهم وما يحسون بالمبلاغ اللي اتخسرت ع العرس
والله قلبي يعورني يوم اسمع ان عروس تطلقت جي فنفس اسبوع عرسها

تتوقعون منو الغلطان الاهل اللي يعرفون بأن ولدهم معرس ويوزونه وحده بنت البلاد وهو ما يباها ولا اللي مدلعين بناتهم وموفرين لهم كل سبل الراحه ويوم ياخذون ريال على قده ما تعيبهم العيشه وياه ومب قادرين يتحملونه
ولا على الشباب والبنات اللي ما اعرف شو استوابهم!!!

لا حول ولا قوة الا بالله

السلام عليكم ورحمة الله وبركاته

انا بعد وياج اشوف الطلاق منتشر بشكل كبيييييير ! على اشياء تافهة
ومب الا عدنا فالامارات حتى فالخليج منتشر ماعرف شو هذا بالضبط يمكن انفلونزا الطلاق !!!
تخيلي فالسعودية معاريس توهم يدد يايبين بجرهم تضاربوا على اسم البيبي وربعت البنت بيت اهلها وريلها لحقها بورقة طلاقها ! تخيلي يعني خساااااااارة

بس الاسباب تعددت الصراحة بس اغلبها تكون من الريال نفسه
يمكن البنت مثل ماقلتي ماتعيبها العيشة اللي تعيشها عن قبل بس بتسكت مابتروم تقول شي !
الاغلبية من النوع القنوع اللهم ريلي وبس
والشباب الصراحة لو برمس مابوفي اسبابهم كثيرة
الخيانة
الشك وعدم الثقة
وغيرها من هالاشياء اللي الله يكافينا شرها ان شاء الله

والله يبعدنا عن الطلاق ويوالف بين معاريسنا هالصيف ان شاء الله

الله يهدي الجميع

قدر الله وماشاء فعل<<

وش يسوون المساكين هذا نصيبهم معلق بالسماء وربي ماكتب لهم

اتمنى يكون فيه توعيه اكثر للمقبلين على الزواج عشان يعرفون كيف يتعاملون مع بعض

تحياتي

سوسو

السلام عليكم

بعطيكم بعض المشروبات والارشادات اللي تساعد على تخفيف الزكام والرشح المنتشر ونحن في البيت كلنا مرضى ى ى

1_ مغلي الزنجبيل مع العسل ( انقعوا الزنجبيل الفريش في الماي لمدة 12 ساعه وبعدين اغلوه واشربوه واللي عندها طريقه ثانيه تخبرني)

2_ عصير الليمون الدافيء المحلاة بالعسل

3 _ اكل الثوم يعتبر مضااد حيوي

4_ مغلي القرفه مع العسل

5_ استنشااق الماء كل ساعه او ساعتين نفس ما تسوون في الوضوء لانه ينظف مجرى الانف ويقضي على البكتيريا

6_ خذوا حبتين بندول قبل ما ترقدون البندول الخاص بالزكام والانفلونزا بتلقونه في الصيدليه panadol cold and flue

7_ دهن الصدر والظهر والقدمين بفكس قبل النوم

8_ شرب السوائل بكثره الماء والعصائر خصوصا عصير البرتقال وتجنب الحلويات والشوكولاتات في هذه الفتره لانها تزيد من شدة الاصابه

)_ اكل الاطعمه الحاره المضاف لها الفلفل يفيد في علاج الزكام والرشح وشوربة الدجاج ايضا

والله يشفي كل مريض ان شاء الله

جزاك الله خير اختي
والله يبعد عنا وعنك الامراض

يسلمووو اختي

مشكوره

تسلمين حبوبة ع الطرح لا هنتي ^^

شو رايكم اتاجلون سفركم وتحمون نفسكم وعيالكم ودولتكم من المرض المنتشر هو خطير ومنتشر في جميع الدول الغير اسلاميه(احذروا)

عن نفسي ما راح أسافر
بس المشكلة مو منا نحن المشكلة من الوافدين على الدولة بشكل عام إلي الخوف منهم
اييبون لنا المرض لا سمح الله

الله يحفظج يا الإمارات دوم سالمة معافاه من الأمراض

يا الله يا كريم واحفظنا واحفظ عيالنا وأزواجنا

ابغي اسافر بس متردده
الله يعافي جميع المسلمين من هاي الامراض الخبيثه

الله يعافي المسلمين من الامراض

ربيعت اختى سايره المانيا علاج مادري شو اخبارها
الله يستر

الواحد هصيف يروح يعتمر احسن

الله يحمي جميع المسلمين من هذا المرض امين