الوسم: الهندي

السلام عليكم ورحمه الله وبركاته . .

حبيباتي
حبيت افتح تجمع خااااص لنا للي عندها تكيس وضعف تبويض خلونا نشجع وننصح بعض ونستفيد من تجارب بعض لأن اعتقد معظم بنات الخليج عندهم تكيس للاسف . .

أنا حاليا اعاني من التكيسات اللي مسببه لي ازمه نفسيه واليوم سرت للدكتوره لأن اليوم العاشر من الدورة قالت لي ان عندي بويضتين وحده 10 والثانيه 12 قالت لي تبويضج ضعيف .. معني اخذت كلوميد والحين معطتني موعد تاريخ 1-12 وان اشالله خييير

بس والله مليت من المراجعات والكلوميد والابر قلت ليش ما اجرب القسط الهندي لأن جدا مفيد للتكيس ولكل مرض بس ايام الدورة لازم ما ناخذه .. شرايكم نبدى مع بعض ناخذ (القسط الهندي) لأنه يعاالج التكيس وينظم الدوره
وحتى الرسول (صلى الله عليه وسلم) نصح فيه .. وفي حديث عن القسط الهندي

طريقة الاستخدام :يستخدم بعد الدوره
وقت الدوره لااااااااايستخدم مع الاستمرار عليه لمدة شهر – شهرين – 3 لين تحسين في تحسن نتركه وطبعا لين قرب موعد الدورة ب5 – 7 ايام نتركه لأن اذا في حمل ممكن يسقطه .. !
فنستخدمه لحد ما تخووز التكيسات ويقوى التبويض عندنا و تتنظم الدوره وتحملين بإذن الله

انا خلصت الدورة مني تقريبا من 10 ايام وبديت فيها من اول امس شريته من مطحنه وخليتهم يطحنونه وخلطته مع عسل لأن طعمه جدا مررررر + ريحته ماساه ! فحاولت اكله ملعقه صغيره ( ملعقه شاي) مره الصبح على الريج ومره مسا قبل النوم ونشرب وراه ماي على طول عشان ماتلوع جبودنا …
وفي طريقه ثانيه عشان تكون النتيجه اسرع واللي تقدر مثلا :
يوخذ ملعقه صغيره مطحونه من القسط خمس مرات باليوم (بعد كل فرض)
وتشربين بعده ماء , ثم بعد شهر نروح نسوي سونار للتكيس

من حابه تجرب وياي ونقول شو صار ومن انتظمت دورتها وراحت التكيسات؟؟
ومن حملت بفضل الله ثم بفضل القسط الهندي؟؟
شوفوا خواتي خلونا نساعد بعض وانتم مآآآرآح تخسرون شيء جربوا شهر وشوفوا النتيجه لكن وقت الدوره مانستخدمه
وهذا شكل القسط الهندي :

طبعا افضل شيين وصى فيهم الرسول (صلى الله عليه وسلم) الحجااااامه و القسط الهندي ..

قال رسول الله صلى الله عليه و سلم : " إنَّ أمثل ما تداويتم به الحجامة و
القسط البحري " . رواه البخاري (5696) كتاب الطب
و قال رسول الله صلى الله عليه و سلم "عليكم بهذا العود الهندي ن فإنَّ فيه
سبعة أشفية : يسعط به من العذرة ، ويلدُّ به من ذات الجنب"رواه البخاري
(5692) كتاب الطب .

في نوعين من القسط الابيض والاسود بس الافضل الاسود !

ياااااالله بنات خلونا نشجع بعض وناكله وكل وحده تقولنا النتيجه بعد ما تسير المستشفى

لعشاق الاكل الهندي شوفوا هو مش شراته 100%
لا يعني تقدرون تقولون ولد عمه
سويته بأسهل طريقة
امممم مكتوب بالوصفة احط قيمر بسسسس احسس طعمة بيكون غير اسغفر الله
فـــ بدلت القيمر بــ الروب احسسسن و طلع طعمه تووحفا
المهييييم اممم يمكن شكله ما يساعد بسسس بصراحة طعمة حلو
يعني ما بتخسرون شي اذا جربتوا و المكونات جداً بسيطه

المخآآسييير الله لا يخسركم

صدور دياي
2 طماطم
2 بصل
زبده
ورق غار حبتين
علبة روب
ملعقة صغيره من معجون الطماط
ملعقة صغيره كم بهارات منوعه كمون كاري فلفل …
و ملح حسب الرغبه

نقطع الدياي قطع صغيره

و نضيف البهارات ونخلطهم مع بعض وعقب معجون الطماط

نخلي الزبده و ورق الغار ع النار و عقب نضيف الدياي و نقلب

نقطع الطماط و البصل شرائح طويله

بعد ما نقلي الدياي نشله من على النار و نضيف الطماط و البصل

نقلبه شوي لين ما يذوب شوي و عقب نخلي فــ خلاط العصير لين ما يستوي سائل

و عقب نرد الدياي ع النار و نضيف الطماط و البصل و عقب نضيف الروب و نخلي ع النار تقريباً 10 دقايق

و يقدم مع الخبز ولا العيش انتوا وذوقكم