الوسم: BaNoOTaT

شخباركم عساكم بخير =)

انا وخويتي Banootat AD

بعد الموضوع اللي كان مشترك بينا رشيقات فبراير وتواصلنا وعزيمتنا فيه

قررقررنا اللحينه من بدايه بكره ان شاء الله نبدى موضوع يديد وهوه موضوع شهر 3

هالموضوع شروطة نفس اللي قبله وهوه طبعا

برد اعيدها من اول ويديد

لتزم بالاكل الصحي

نبتعد عن ما نحب ونعشق الشوكلاته وهالسوالف بس ما يمنع انه ناكل قطعه صغيره او حبه بالاسبوع وتكون بوقت النهار عشان نحرقها

لا للمشروبات الغازية

نعم للمشروبات الطازجة و الطبيعية الخالية من السكر

ولا ننسى اهم شي الرياضة والحركة ع الاقل رياضه 3 ايام بالاسبوع او الحركة اقل شي

ولا ننسى نكثر من شرب الماي >>>>> وهاي اهم نصيحه لي انا الميم لاني ما اشرب وايد ماي

عن نفسي هالموضوع ما ابا احرم نفسي من شي يعني كنت اكلي سلطة كله لين صارت نفسيتي
>> تحت ><

صحيح بالموضوع السابق ع اخر اسبوع ما قدرت احدر لانه صابتني ضروف صحيه وعمليه وما قدرت
فاللحينه بلتزم بعزيمتي ويا بنووته

>>>>>> مب باجر تخونين فيني هع

الموهيم انا بحطي بياناتي حاليا =)

عمري : 21 سنه
طولي : 168
وزني الحالي: 70 كيلو
بالموضوع السابق لما بديت كان وزني بحدون 76 >>> يعني ضعفت 6 كيلو بشهر معني كنت شاده حيلي بس ما ادري ليش نزولي بطيء
الموهيم انا مالي هدف معين كل اسبوع بس نهايه هالشهر ابا اكون خافه تقريبا 5 كيلو

واوصل لهدفي

الكرشه تختفي نهائيا وجسمي يصير مرتب اكثر زياده

دعواتكم لي انا وبنوته نستوي رشيقات

ودعواتكم لي بالدراسه =) هالسمستر وايد متعب نفسيا وجسديا =(