بسم الله الرحمن الرحيم
مرحبا يا بنات هاي اول مرة احط موضوع بقسم الطبخ واتمنى انها تعجبكم…
اسم الاكله بانير بتر مسالا وهي اكله نباتية هنديه والبانير هو جبن يعد في البيت..
فالبداية نتعلم طريقة عمل البانير .
المكونات:
حليب طازج 2لتر
وكوب عصير ليمون
الطريقة:
نطبخ الحليب على نار عالية لمدة 10 دقايق مع التحريك
وبعدين نخفض الحرارة ونضيف الليمون شوي شوي مع التحريك بنلاحظ تكون طبقات من الجبن على السطح انطفي النار ونخليه يهدأ لمدة دققتين او ثلاث دقائق.
نحط المشخل فوق الجدر بهالطريقة
ونحط الشاش فوق الجدر بالطريقة هاي
,بعدين انصب الحليب فوق الشاش
ونلفه بحيث انكوره
بعدين انحط فوقه صحن ونحط عليه ثقل عسب يطلع منه كل الماي بهالطريقة
ونخليه لمدة ساعة او ساعة ونص
بنشوف الجبن صار بهالشكل
يكون شكلها طري ونفس المطاط
نقطعه مربعات ونخليه على جنب..
زبدة
2 بصل
4 طماط
معجون الطماط
ثوم وزنجبيل مطحون
كوب صغير حليب مراعي
2 فلفل حار
ورق الغار
البهارات (ملح-فلفل احمر-فلفل اسود-كمون-بزار مشكل-جرام مسالا-صبغة حمرا)
ا
لطريقة:
نحط البهارات كلها في مله ونضيف الحليب تدريجيا مع التحريك
بعدين نضيف معجون الطماط ونحركه ونخليه على جنب.
نحط الزبدة فالجدر الين تسيح
عقب انضيف البصل ونحركه الين يشقر لونه
عقب نضيف الطماط ونحركه الين يذبل
عقب نحط الخلطه
عقب نطفي النار ونشل الخلطه ونحطها بالخلاط بعد مانشيل ورق الغار .
بعد مانخلطه بالخلاط نرجع الخلطه بالجدر ونرجع ورق الغار
نضيف اليها الجبن اللي سويناه ونخليه على نار هاديه لمده دقايق عسب الجبن يتنكه بنكه الصالونة عدل
وهاي الصالونة بعد ماخلصناها
وسويت معاه هالخبز
وان شاء الله تعجبكم الاكله وجربوها ماراح تندموووون
تسلم الايادي
ونتريا منج المزيد
تسلم ايدج
المشاركة الأصلية كتبت بواسطة المـہلكہـة 
