الوسم: الوسواس

صباح الخير خواتي..اشحالكم..دعوااتكم لا تنسووني..
بس ابي اخبركم عن مشكلتي الي ماامخلتني ارقد شراات خلق الله…يعني بالمختصر..اناا الحين استوويت واايد شكاكه مااعرف ليش..يعني اشك على خطيبي..ومااعرف شوو اسوي..يعني مرات اتصل على خدمه كولكت كوول استهباال بس..يظهر لي مشغوول ويوم اساله يقول ماارمست حد..مااعرف شوو سالفت الخدمه هااي..المهم اناا قبل مااكنت ج كنت اثق منه واايد ..مااتييني هاا الافكاار..بس الحين احس انه يخووني ومااعرف شوو.يااربي مااعرف وشوو اسوي..حتى امس اضاربت ويااه..على اساس انه كان مضايق من الدوام..وقالي اناا بوصل البيت وبتصل دخيلج خلني برووحي..وخلاص اناا سكرت الخط..وحزتهاا مااكاان عنده رصيييد يعني كلمني وخلص الرصيد..وعقب سااعه ونص اناا اتصلت بس مارد وردييت اتصل بعد ماارد..بعدين اتصلت كوكلت كوول..وطلع لي مشغول..اناا ترااني مااعرف كيف اكشف اذاكاان الخط بزي والا لا..عساس ج سويت هااي الخدمه..ف طرش مسج يقول دقايق وبتصل عند الوالده..ف عقب مرت عشر دقايق ولا اتصل..وبعدين اناا اتصلت هااي الخدمه عساس اشوف مشغول والا..ف طلع لي صااحب الرقم ليس لديه رصيد..ف اتصلت عاادي اااناا وسالته ليش مشغول..قال والله هب مشغول وانا كنت عند الوالده..قلت له انزين انت حطيييت رصييد وليش الحين خلص رصيدك ..قعد يلف ويدور واايد ..بس اناااا قلت له خلك من الخط..اسال عن الرصيد وين رااح..يقول مااعرف وين رااح..يدوور واايد..
واضايق عااد هوو قاال انتي وايد شكااكه وماعرف شوو وقاال اناا ابي ارقد ..وسكر..
بعدين كمل يوم كاامل ماا اتصل واليوم الي بعده بعد ماا اتصل ..بس طرشت له مسج حزن..
بس طااف..
المهم هاا الايام ماايدق على واايد..كله يطلع اعذار..وعاادي عنده يرمسني والا.
بس والله خوااتي اني تعباانه من هاا الشي..مرات اقول لا هوو كلاكمه صح مراات اقول غلط.مرات اشك في ومرات اثق..مااعرف..بس ابي منككم مسااعده لمشكلتي..وتخبرووني شوو اسوي..وابي اعرف حقيقته يعني بالمختصر..الي يصير يصير..بس ابي اكشفه اذا يخون والا..واحطي عند الامر الوااقع..وشي ثااني اناا ابي اعرف ذاا اتصلناا لاي حد كيف اعرف انه الخط بزي.مااعرف اناا موول..والله اني انسانه على قد نيااتي..بس ماااستحمل الخياانه مووووووووووول..بموت
ادعوووولي بناااااااات
زربي يوفقكم

الله يعينج ويسخره لج ولا يخلي انسانه ولا انسان بهالموقف

عزيزتي الله يهديج لا يكون حياتج كلها شكوك

صدقيني ما بتستمر ابعدي عنج الشكوك ولا تهتمين ليش مشغول وغيره

بتتعبين نفسج وتقهرين قلبج على الفاضي ادعي ربي يسخره لج ويهديه

واذا بيخونج عنده رب بيحاسبه

ويمكن هذه كلها افكار من بالج تعوذي من ابليس حبيبتي
ربي يوفقج

لاتهدمين حياتج بالشكوك والاوهام
راج وايد بتتعبين والله يوفقج
الغاليه شو خدمه كولكيت

بسم الله الرحمن الرحيم

السلام عليكم ورحمة الله وبركاته…

أسعد الله أوقاتكم بالخير والبركات..

يصاب الكثير من الناس بما يسمى بالوسواس القهري في كثير من العبادات كالصلاة والطهارة وغيرها
وهنا تسع خطوات للتغلب على هذا الوسواس

أولاً: دعاء الله بأن يجير الإنسان من الوسواس ويحفظه من شر الشيطان ومن همزه ونفخه ونفثه.

ثانياً: الإكثار من قراءة المعوذتين بقلب حاضر واستحضار لمعاني هاتين السورتين.

ثالثاً: أن يعلم المصاب بالوسواس القهري ويتيقن بأن الرب جل وعلا يحاسب الإنسان على القصد والعمد ولا يؤاخذه على الخطأ والنسيان، لأن أغلب من يصاب بالوسواس في العبادات يكون نتيجة حرصه الشديد ورغبته في إتقان العمل فيظن أن هذه الصفة من العبادة لم تقع على الوجه المطلوب أو أن هذه الطريقة لا تجزئ فيقع في الوسواس ولكن لو علم أن الله يعفو عن السهو والنسيان كما أخبرنا بذلك المصطفى صلى الله عليه وسلم يوم قال: ( رفع عن أمتي الخطأ والنسيان وما استكرهو عليه).

رابعاً: لو علم إنسان من نفسه أنه كثير الوسوسة فعليه أن يعرض عما يطرأ في ذهنه من أنّ هذه العبادة سواء وضوء أو صلاة لم تقع على الوجه الشرعي وخاصة لو انتهى من العبادة.

خامساً: أن يقرر من ابتلي بالوسواس أن يؤدي العبادة مرة واحدة فقط ولا يكرر مهما كان السبب فمثلاً من يوسوس في الوضوء عليه أن يغسل العضو مرة واحدة فقط وكذلك في سائر العبادات .

سادساً: أن يعمل على قهر الشيطان وإغاظته بعدم طاعته وهذا منهج إسلامي كما هو معلوم في حِكَم سجود السهو قهر الشيطان وكبته فعلى الموسوس أن يعاند ويتحدى الشيطان ولا ينقاد لوسوسته أو أوامره، وسيتركه الشيطان بعد فترة إن رأى قوة وثباتاً.

سابعاً: صرف الذهن عن التفكير في الأمر الذي يوسوس فيه كلية ولا يجعل الأمر عظيماً أمام عينيه بل عليه أن يعيش حياته هادئاً طبيعياً .

ثامناً: لا بأس أن يستعين المصاب بالوسواس بأحد من أفراد أسرته ليتابعه أثناء تأديته للعبادة لينبهه ويرشده حتى يتخلص من الوسواس بإذن الله.

تاسعاً: طلب العلم الشرعي والتفقه في دين الله ومعرفة مداخل الشيطان فإن ذلك من أقوى أسباب دفع الوسوسة ويراجع في هذا الجانب كتاب نفيس لابن الجوزي اسمه (تلبيس إبليس) وغيره كثير .

جزاكي الله خيرا

يزاج الله خير

بارك الله فيج وما قصرتي

جزاج الله خير

يزاج الله خير

يزاج الله خير في ميزان حسناتج ان شاء الله

العلاج الديني للوساوس وضحه لنا سماحة الشيخ عبدالعزيز بن باز رحمه الله

الوساوس من الشيطان
س – أنا رجل يغلب علي الوسواس في كثير من الأحيان؟ فعندما أريد أن أذهب من طريق يعارضني هذا الوسواس بأن الطريق من الجهة الأخرى، وعندما أريد أن آكل الطعام يوسوس لي الشيطان بأن هنا الطعام ليس بصالح وأنه يضر. فأرجو توجيهي وجزاكم الله خيرا؟

الجواب: الوساوس من الشيطان ، كما قال الله جلا وعلا: قُلْ أَعُوذُ بِرَبِّ النَّاسِ مَلِكِ النَّاسِ إِلَهِ النَّاسِ مِنْ شَرِّ الْوَسْوَاسِ الْخَنَّاسِ [الناس: 1-4] . وهو الشيطان.

فعليك يا أخي أن تتعوذ بالله منه، وأن تحذر مكائده، وأن تجزم في الأمور؛ فإذا سلكت طريقا فاجزم، وامض فيه حتى تعلم يقينا أن فيه شيئا يضرك فاتركه.

وهكذا الطعام إذا لم تعلم أنه محرم فكل ودع عنك الوساوس، وهكذا الوضوء إذا توضأت فاجزم ودع عنك أن توسوس فتقول: ما كملت، ما فعلت؟ امض ما دمت ترى أنك قد أكملت فالحمد لله، وهكذا في صلاتك. فاحذر الوساوس في كل شيء، واعلم أنها من الشيطان، فإذا وقع في نفسك شيء من ذلك فتعوذ بالله من الشيطان، وامض في سبيلك، واجزم على ذلك حتى ترغم عدوك الشيطان، وحتى لا يتمكن من التسلط عليك بسبب لينك معه؟ نعوذ بالله من شره ومكائده.

منقوول

جزاك الله خير

يزاج الله خير

رفع للافاده

بنات يايبتلكم موضوع مهم
بس ممكن يكون مش مهم عند البعض علشان( حفظهم الله) مافيهم بس لو يحسون في اللي فيهم بيكتبون وبكل صراحه0

بس ارجو من الي فيها او تعرف حد فيه تكتب 0
علشان نستفيد من اخطاء بعض ونوجد حل للمشكله 0

وممكن تخبرنا وين تعالجت

والله يعين كل وحده
ارجو عدم اهمال الرساله

هلا أختي الصراحه أمي أتعالجت عند مطوع

العلاج يبدا بالنية وبعدين اخذ بالاسباب والايمان بقضاء الله
ويمكن العلاج عند دكتور نقسي والا مطوع

الدعـــاء الخــالص

و قرآة القرآن

وين المشاركات اترياكم

انا سمعت هل الموضوع في برنامج لون حياتك للدكتور احمد النجار بصراحه البرنامج ولا اروع والله يشفي كل انسان انشاء الله واللي اعرفه انه الدكتور قال اللي عنده وسواس قهري يباله جلسات عند الدكتور موب شرط دكتور نفسي يستوي عند دكتور اجتماعي عسب يتخلص من هل الوسواس وهل الشيء على حسب الشخص وقدرته ع التغلب بس لا ننسا نتوكل ع الله ونخلي ايمانا بالله قوي ونقرا القرأن والاذكار يمكن فاديتكم شوي بس هل اللي اعرفه

انا والله كان فينى وسواس الموت وبعده موجود بس خف نسبة 70 بالكية وتعالجت عن طريق مطوع اذا تبين رقمة راسلينى عالخاص وبعطيج الرقم واللاج عبارة عن ماء مقري عله وعسل ولعض الادعية وبدا معاي الوسواس تقريبا من3 او اربع شهور والله ما ودي اتذكر شو صار لي
الله يعينهم ويشفيهم الي فيهم وسواس والله تحسين عمرج في عذاب بس كلة امتحان من الله اللهم لا اعتراض

النساء يصبن بالوسواس والتوتر عقب الولادة

وجدت دراستان نشرتا حديثا أن النساء يصبن، وبعد الولادة، بأعراض الوسواس القهري (OCD) والتوتر بمعدل أكثر مما كان يعتقد في السابق.
وأظهرت إحدى الدراسات، وشاركت فيها 400 امرأة لمدة ستة أشهر، أن 11 في المائة من الأمهات الجدد يعانين بعد الولادة من تلك الأعراض، التي قد تتحسن أو تسوء بعد ستة أشهر.
وقالت د. دانا غوزيت، الأستاذ المساعد في طب أمراض النساء والولادة بجامعة "نورث ويسترن: " النساء بعد الولادة قد يتعرضن لأعراض الوسواس القهري بمعدل أعلى من أي وقت آخر في مراحل حياتهن."
وأما الدراسة الثانية، التي نشرت "الدورية الأمريكية لطب الأطفال"، فقد وجدت ان التوتر هو الأكثر شيوعاً من الكآبة التي تصيب النساء بعد الولادة، على الأقل خلال الأشهر الستة التي تلي ذلك.

https://www.anaween.com/Content/Secti…x?NewsID=50550

مشكووورة على هالخبر ..

و هالخبر أو الدراسة الي قاموا بها صحيحة 100%

السلام عليكم

اشحالكم خواتي

الغاليات أنا عندي استفسار عن الواقي الذكري

لانه زوجي لاول مرة يستخدمه و طبعا صارلما عليه ثمان
شهور

سؤالي هو هال المواد الي تكون داخل الواقي تقتل الحيوانات

لانه صار لي موقف و خائفه
من بعد ما جامعتي زوجي بالغلط تم الواقي فيني بس
مب كله المنطقه الي فيها الحلقه او بداية الواقي تمت
تقريبا شوي برع

وانا خائفه الحين ذابحني الوسواس

و الله ما عندي فكرة

ان شاء الله البنات يفيدونج

مشكورة حبيبتي نورتي

مشكوره حبيبتي dr.who

طمنتيني

سواال هل الوافي حقج ولا حقه ؟؟؟
لاااان اعرف نوع اللي يدخل في الحرمه بس هل نفسه ولا

ام علاوي

الواقي حقه

للرفع

خواتي انا بطبيعتي انسانة مش متفائلة, يمكن بسبب الظروف اللي شفتها بس بعدمب شرط في ناس شافوا الويل بحياتهم ومتفائلين.
دوم اتخيل ان حد من اهلي بيموت و ايلس اصيييييح لين ماعيوني تطلع بره, التخيلات هذه تراودني بسبب و بدون سبب يعني مثلا" مرة اختي كانت مسافرة فوصلتها المطار و طووول الدرب ميودة عمري وبس نزلت من السيارة نقعت من الصياح جني مابشوفها مرة ثانية!!
وساعات يوم اضحك ويا ريلي فجأة اتخيل حياتي بدونه بعيد الشر و عيوني اتدمع ما ادري ليش!
الوسواس ذبحني و مب قادرة اغير نظرتي للحياة
احس مادري كيف يعني كل ماكون مستانسة اني ما استاهل افرح و انه في شي بيصير
يوم ربيت صابني اكتئاب ما بعده اكتئاب صيااح طول الوقت اتخيل لو انا مت منو بيربي ولدي و ريلي كيف بيعيش بدوني و لا اتخيل ريلي بيموت و اختي و لا امي ولا ابوي لييش؟
انا مش متدينة بس اصلي الحمدالله صح في تقصير بس احاول ارضي ربي وكل ما اغلط استغفر ربي وارد اغلط و بعد ارد استغفر بس احس نفسي ضعييييفة
اخاف من الموت واااايد وااايد
اخر موقف صارلي من كم يوم كنت بروح راس الخيمة عشان عندي موعد مع دكتور الاسنان فقلت بخلي ولدي عند امي وبروح راك , ما ادري ليش حسيت اني اذا رحت ما برجع و تميييت طوول الليل اصيح و سبحان الله صار ظرف و فعلا ما سرت. دوم افكر اني ابا اقول لحد وصيتي قبل ما الله ياخذ روحي و ماالحق بس استحي اقول هالكلام حق اي حد و لا ابا اخوف حد بس ابا اوصي حد على ولدي و ريلي وامي وفي وايد كلام ابا اقوله حقهم بس مب قادرة ما اقدر اكلم اي حد لأني مابا اخوف حد و لأني لو رمست بتم اصيح..
في حد يحس بنفس هالشعور ولا انا بس؟
واسمحوا لي عالمغثة بس قلت دام انه محد يعرفني ولا اعرف حد ابا افضفض..

قال تعالى: وإما ينزغنك من الشيطان نزغ فاستعذ باللّه إنه سميع عليم

بارك الله فيج..

اختي تعوذي من ابليس.. كلها وساوس مالها اي تأثير في الواقع إلا إذا انتي سمحتي لها..

ونعم بالله
تسلمون عالردود خواتي و ان شاءالله افتك من هالوسواس

اذكري الله دووووم وتقربي منه
وهالواساوس كلها من الشيطان
ربي يبعدج عنها ..~

كلامكم والله برد قلبي و الله يبعد عني و عنكم وسوسة الشيطان

واختي bellegirl جزاج الله كل خير عالكلام الطيب وباذن الله برجع ارتب اولوياتي و اتقرب من ربي اكثر و صح كلامج سبحان الله ابسط مثال يوم ارقد و انا مصلية ال5 صلوات اكون مرتاحة و يوم انقص فرض مووول ما ارتاح

جزاكم الله خير خواتي ما قصرتن

السلاااااااااام عليكم اشتقت لكم مره
انا اخر سفره كانت من 3 س الى ماليزيا
ودي اسافر بعد العيد
بس افلونزا الخنازير مره مخوفتني
وبناتي 1عمرها5شهور
2عمرهاسنتين وشهرين
وشرايكم ابئ دبي اخبار الاوصاع عندكم
انصحوني

توكلي ع ربج الله الحافظ

انا باذن الله مسافره انا بوناتي لماليزيا بالعيد عمرهم 3 سنوات والثانيه 6 سنوات

انا الي قريته انه خطير على الاطفال تحت 2 سنه والكبار فوق 65 سنه

والناس الي تعاني من الربو او السكر او امراض القلب والحوامل

لا تسافرين ,, لا تعرضين نفسج و عايلتج للمرض ^_^

توكلي على الله وستخيري

الله يعطيكم العافيه ويجعللكم من المعتقين من النار في الشهر المبارك
انا بقضب ارضي
والحمدلله على العافيه

إللي أعرفه إنه المرض منشر في بلادنا أكثر من برع ،،،حتى فتحولهم قسم في مستشفى الامراض النفسيه لانه ما شي مكان في المستشفيات ،،،،الله يحفظنا ويحفظ عيالنا ،،،
الغاليه بالنسبه لدول أسيا حاولي لا تروحيلها لأنه المرض منتشر عندهم بكثره ،،لكن إذا حبيتي تسافرين روحي دول أوروبا

شخباركن بنات انا تعبت وحااسه اني بمووت والله مع اني ملتزمه بصلاه وبالقران بس الوسواس ذبحني بنظاافه اذا صحيت صبح انظف غرفتي وظهر انظفها وبليل انظفها مع انها نظيفه محد غير ولدي فديته عندي مع انه ما يلعب فيها شو اسوي والله بموت صح في ناس بيقولون تاافه ما عندها سالفه بس والله تعبت شو اسوي شو اسوي تعبت والله ادعولي

هونيها وتهون الغاليه وربي يهونها عليج .. عودي نفسج لو نظفتيها الصبح ودخنتيها اطلعي منها قعدي مع هلج سوالفي لاعبي ولدج . دشي المطبخ .. واذا حسيت انج موسوسه تبين تنظفينها رشها بالعقمم مال الفراش الديتول وان شالله تنحل مشكلتج

والله حاولت مشكلتي بعد الغدا ادخل اتسبح ولدي ينام او يتفرج ع تلفزيون في الغرفه بس تدرين شو انا قبل ما كنت جيه بس الحين لاني عانيت من الله يذكرهن بالخير مهما سوت فيني بذكرها بالخير اي شي اسويه تقلدني حسد ونخلط مع وسواس تعبت

بنات سااعدوني اسوي جدول والله بدعيلها من كل قلبي ابغا ارتااااااااح

بنات ساعدوني بخبراتكن

والله بدعيلكن من كل قلبي باا اخر ليل

ام الورس هالوساوس صعب تسيطرين عليها وتظل في بالج

عليج بطبيب نفسي يالغاليه بس اهم شي قوليله مابي استخدم ادويه سوي عنده علاج سلوكي بدون ادويه حتى لو قالج لازم تستخدمين دوا قوليله ماااااااريد اي دوا او قوليله انا حامل مابي استخدم ادويه