التصنيف: التنمية البشرية و تطوير الذات

خواتى فيه اشياء في شخصيتى ابغى اغيرها بس ما عرف كيف

1- من النوع الى انسى وااااااااااايد بشكل فظيع

مثلا :

ياسة اقرا القران وحد كلمنى انسى الى اي ايه واصلة

عديت شي وحطيه في مكان ثانى يوم انسى العدد كم

بشكل يومى مفتاح السيارة اضيعة في السيارة واضيع الوقت وانا ادورة

شي يكون في يدي وسويت شي ثانى انسى وين حطيت الى في يدي

2-الوسواس القهري وما ادراكم ما الوسواس

مثلا :
اروح اشيك على فيشة الكواية كم مره مع انه في المره الاولى شفت الفيشة مسكرة بس بمجرد ما ارجع الى غرفتى اقول لا اكيد الفيشة ما شفتها عدل وسايرة راده على الفيشة 4 مرات
ويتكرر مع الاشياء الثانية سواء تلفزيون مكيف

3- اي يحد يسئلنى عن شي ارد بشى ثانى ما يخصة بالسؤال وين اذنيك يا جحا
مثلا :
وحده تسئلنى شو تقربلج فلانه ما ارد على سؤالها اقولها تعرفين افلانه تكون غير عن الى سالت عنها تراها تقربلى يعنى ما ارد على سؤالها ويوم اروح البيت اضحك واقول ليش ما رديت على السؤال على طول

4- ساعات ما عرف ارد على الى يجرحنى ويوم ارد البيت اقول ليش ما قلت جيه وجيه

5- ساعات اقول للناس جمل بالغلط ما عرف كيف تطلع هالجمل وبدال ما اجحلها اعميها

شخصيتى :
طيبة بصفة عامة
خدومة بس مب مع الكل الدنيا علمتنى ان مب كل الناس تستاهل
ما حب اختلط بالناس وايد لانى مب فايقة ووراي مسؤليات
كل احس الدنيا تركض ركض يعنى حياتى كله ركض ما في وقت للراحة الا فليل
ما احب اتكلم على الناس وان زل لسانى وتكلمت اندم واتم احاسب عمرى
بسرعة احلل شخصية الانسان الى جدامى وتحليلاتى كلها صح
ما احب ادخل في خصوصيات الناس ولا اسئل عن اي شي

ها منو منكم خبيرة في علم النفس اساعدنى

يمكن بالج مشغول بشي معين وفكرج مشغول ترا في اشياء قلتيها انا مثلج في بعضها بس والله يشفيج ويعافيج

عديت شي وحطيه في مكان ثانى يوم انسى العدد كم

هاذي من ااشياا اللي اتصيرلي بعد .. ومرات انسى درب المكان اللي بسير له معنه دايماُ اكون سايرتله قبل مثل العياده .. ف كشفت وقالولي عندي نقص ف فايتمن ب12 أو B12 اسمه

ف سيري العياده وبيسون لج فحوصات .. وهالاشياا ماتخوووف .. بس من الظغوطاات اليوميه والدوام والنوم الغير كافي .. يعني اذا ماشي راحه وجي

فـ لاتفاولين على عمرج ! والزهايمر مايي الا حق العيايز ,, و اتوقع انج ف عز شبابج ولا ؟

انا وياااج

بس نصحني باكل الزبيب

مع انه تونا كتاكيت احنا وين والزهايمر وين

اما الوسواس القهري
شي عادي من الضغوطات

][ ~ زلـــة لســـــآن ..تفقـــدك إنســــآن ~ ][

منقوووووول

موضوع يناشد مشاعرنا ويشعرنا بقيمة اللسان
فقد يكون ضدنا في حالات ومعنا في حالات أخرء
لكن كل شيء بختيارنا…

تقبلوا تحياتي

آلله يستر علينا من اللسان اللي يضيعنــآ

..|

بس في ناس بسم الله ماشاء الله مايهمه شي

لا زلة لسان ولا غير متقصد عينك عين

الله يعطيج العافيه

1- أن يكون والداه مثالاً يحتذى به ويشكلان قدوة حسنة.. مع مراعاة تهيئة الأجواء النفسية المريحة في الأسرة، فالشخص المطمئن لا يكذب أما الشخص الخائف فيلجأ إلى الكذب كوسيلة للهروب من العقاب

2 – إذا اعترف الطفل بذنبه فلا داعي للعقاب، لأن من اعترف يجب أن يكافأ على هذا الاعتراف مع التوجيه الدقيق شرط ألا يستمر الوقوع في الكذب

3 – القيام بتشجيع الطفل على قول الصدق

4 – التروي في إلصاق تهمة الكذب بالطفل لئلا يألف الكلمة ويستهين بإطلاقها، كأن نتهمه بالكذب ثم نسحب هذا الاتهام، لأن هذا يضعف من موقفنا التربوي، ومن قيمة أحكامنا القابلة للنقض

5 – بعض الآراء التربوية في هذا المجال تشير إلى أنه من القواعد المتبعة في مكافحة الكذب ألا نترك الطفل يمرر كذبته على الأهل والمدرسة، لأن ذلك يشجعه ويعطيه الثقة في قدرته على ممارسة الكذب دائماً، فبمجرد إشعارنا له أننا اكتشفنا كذبه سيحجم في المرات التالية عن الكذب، ولنتذكر أن إنزال العقوبة بعد اعتراف الطفل بالذنب، كأننا عاقبناه على قول الصدق، فيجب التسليم ولو لمرات بأن الاعتراف بالخطأ فضيلة

6 – العدالة والمساواة بين الإخوة

7 – تنمية ثقة الطفل بنفسه

8 – المعالجة النفسية للمصابين بالعقد

9 – التزود بالقيم الدينية

يعني تقولي ابا حلاوه اقولها كلتي واحد بس خلاص ..تقولي لا ما كلييييت …وتصر انها تاخذ الحلاوه وانا امنعها بس اقولها ليش تجذبين انا عطيتج مره ..إلي يجذب الله يعقه في النار ..ترجع وتعترف؟

خحخخ

خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

المشاركة الأصلية كتبت بواسطة وضحة 23

و كذب الكبار كيف نعالجه؟؟؟؟؟؟؟؟؟؟؟؟؟؟؟؟؟؟؟؟؟؟؟

صدقتي والله ………..

اليهال يشوف امه ولا ابوه يجذبون و يقلدهم ………..

و المشاكل الأخرى في هالباب

بس الظاره البنات هاليومين مشاكلهم كلها متعلقه بالحياه الأسرية الله يكافينا الشر

ان شاء الله المشرفات يساعدنج

المشاركة الأصلية كتبت بواسطة سحايب دبي

اعتقد قصدهم المشكلات المتعلقه بالحياه الزوجيه في قسم الحياة الأسرية

و المشاكل الأخرى في هالباب

بس الظاره البنات هاليومين مشاكلهم كلها متعلقه بالحياه الأسرية الله يكافينا الشر

ان شاء الله المشرفات يساعدنج

والله مادري ياختي هني يرمسون عن الخيانه وهناك نفس القضايا اتمني انلاقي جواب
ومشكورة الغلا علي المداخله

اقترح ان يدمجونهم مع بعض

لان في رايي كله نفس الشي

المشاركة الأصلية كتبت بواسطة أم بو مايد

أنا معاج اختي

اقترح ان يدمجونهم مع بعض

لان في رايي كله نفس الشي

وانا معاااااااااااااااااااااااج اختي واضم صوتي لصوتج تسلمين الغلا علي تواصلج

أنا رديت عليج فـ أول موضوع
و ألحينه ماعندي غير أدعيلج الله يوفقج و يسهل أمرج
و يفتحلج باب الخير و والبركه

الله ييسر امورك ويشرح صدرك ويوفقك حبيبتي

شوفي لو انا مكانج الصارحه مستحيييييل أأمن او اوثق فمثل هالرياااال ..~

يعني اذا انتوا جيه وهو يعرف بنات كيف عقب؟؟

شوفي حبيتي انا ما اقدر اقووولج رفضي ولا وافقي .. القرار قرارج .. وانتي تعرفينه اكثر ..~

وصلي استخاره << انصج ..

والله يوفقج ^^

او تقتررح علي كمن اقتراح لانه يبغي اييمع من احيين ودعوواااتكم

اختي خليه يسويه عملية ليزر

لان اخو ربيعتي كان نفس حالته

سوا ليزر و قبلوه فشرطة دبي و درس برع ع حسابهم ^^

و ما شاء الله هالسنه تخرج

و اخوج كيف بعرس و هو ما عنده راس مال

الحين ما يعطوا سلفيات ><

و الله يوفقه

عقب يعرس بكون احسن له

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

نصيحتي لاخوج اذا يبي يدرس لازم يدرس التخصص اللي هو يحبه علشان يشتغل في المجال والتخصص اللي هو يحبه مو بس علشان يداوم ويحصل راتب اخر الشهر الكل يشتغل ويحصل راتب اخر الشهر بس خلال 25 يوم اللي يشتغلهم الراحة النفسية مهمه جدا للانتاج واذا حد ما حب التخصص اللي هو يشتغل فيه ترى صعب انه يبدع ويتقدم في مجال عمله وبيظل محلك سر وما شاء الله عليه اخوج الظاهر مستعجل ويبي يشتغل ويدرس في نفس الوقت مو عيب ولا غلط بس التاني مطلوب علشان ينجح في المجالين ويبدع فيهم …. اما العروسه الله يوفقه ويحصل اللي تعينه وتسعاده وتكون له حافز في انه يكمل دراسته وتوقف معاه في الحلوه والمره…..بس نصيحتي مثل ما قلت سابقا يدرس التخصص اللي يبيه ويسال بعد شو التخصص اللي دارج في السوق وفي شركات توظف وتبعث الموظفين لانهاء دراستهم والحصول على شهادات ….البحث ثم البحث ثم البحث ….لان الشباب والعمر ما يتعوض ولازم واحد يسوي شي يستفيد منه ويفيد الغير والله يوفق اخوج ويوفق الجميع

الله يوفقــّــهـ .. ~

خل يقدّم أورآقه فـ كل مكــآن
سوآء حكومي أو خــآص
=)

اسمحيلي ع المدآخله
بس لو اخوج يبـآ يعدل نظره خل يرآجع عيادة المغربي فـ دبي .. فيهـآ دكتور فنـآن =)
يسوي عمليــآت وشغله ميه ميه .. طبعـآ يعتمد على مشكلة عيون اخـّوج

محمد النغيمش

كاتب أداري سمعت له في أذاعه الشارجه

وفعلا أنسان له قدرة في الإقناع وتغير الذات

وأنصحكم في الدخول لموقعه

والإستفاده من مقالاته ,,

https://www.nughaimish.com/

بالتوفيق

مشكورة اختي يزاج الله خير

ذكرتيني

بالصخله الصغيرة ,, اللي ويا هايدي

الله صح هذه أنا

اللي ربيعها بيتر,,

أششكرج…

ما عندي مشكله بس شي قهرني وحبيت افضفض اهني براحتي

بنات ان امس زاريت اربيعتي المهم اشوف الاخت لاهيه في بي بي ومشدودة بشكل يلفت

القهر اني قبل لا اروح عندها محطيه ع خدمة المسن صامت بس عشان ما انشد وما سبب ازعاج

الصراحه تغيرت احس ابد مافي اعتبار للانسانه اللي قاعده عندها حسيت نفسي مب موجودة
وهي ابد مووووول انزين ع اقل تصبر عنه بس لين ما اروح بس وهي ابد ونفس شي مع صديقتي الثانيه ملهوفات على البي بي اكثر من اللي قاعده عندهم شي قهر صراحه لدرجه اني قلت في خاطري مب زايرتهم مرة ثانيه دام السالفه جي المشكله ماعندي جرأه اتكلم وانصح اقول يمكن يزعلون او يفهمون اني اقصد اعلمهم الذوق من جي ساكته والله قهر

المشاركة الأصلية كتبت بواسطة Amore

عادي انا يوم اشوف حد مندمج جي اقولهم خلو البي بي شويه على الاقل يوم تكونو يالسين ويا ناس

المفروض جي اصلن يخلونه اشوي نحنا مب كل يوم بنزورهم على الاقل يحطونه صامت ع المسن ترى يقدرون يحطونه صامت مو كل شوي يزعج
مشكورة ع المرور

بنات انا صار لي فتره تقريبا اسبوعين احس اني بموت واني خلاص بفارق هـ الدنيا

هـ الموضوع صار بعد موت وحده نعرفها بس انا ماكنت وياها وايد ولا بيني وبينها شي ومن ماتت الله يرحمها واا بحاله خوووف واحساس مب طبيعيي بقرب الموت والله انه لدرجة يوم اشووف اخواني وخواتي اقول انا ما بقا لي شي وامووت ,,, بس هـ الشي غير فيني الصلاه قمت التزم بصلاتي بوقتها وما اخرها ,,, وطبعا الشي السلبي اني كارهه كل شي ومابا شي من هـ الدنيا حتى ولدي وريلي ما قمت اهتم فيهم اقووول انا بمووت عنهم لازم يتعودون ع فرقاي,, واول الليل احس بضيقه فظيعه واقعد اصييييح … وسرت المقبره مره وشفت القبور وهـ الشي زادني خووف من الموت اكثر احس حياتي كلها مختبصه كارهه كل شي واقعد احاتي لحظة الموت ..

ادعولي ان الله يريح بالي ,,,