التصنيف: الأمومة و الطفولة

سياادتها ووقايه الصلاه والمقالم والافلاام من وين

خواتي اانا عندي مشكله متعبتني نفسيا بنتي عمرها اسبوعين ووايد ترجع مع العلم ارضعها طبيعي ومرة وحده في اليوم اعطيها حليب صناعي واحيانا ما اعطيها صناعي الي هو حليب اس 26

وديتها عند الدكتور وغير لي الحليب وعطاها حليب نان وابدا ماتقبلته

وفوق هذا تعاني من الغازات و البلغم لانها شربت وايد ماي في البطن ..

وديتها عند دكتورين و قالولي هالشي طبيعي و كل مره يغيرون الحليب

بس انا اللي ابا اعرفه

اني انا ارضعها طبيعي و هي ازوع .. هل الغلط من حليبي؟؟ و انا وايد محاسبه على اكلي

وايد ازوع لدرجة ينصب ع الارض ..

اقلبها على بطنها و اخليها على يمب و عقب كل رضعه ادسعها .. بس نفس الشي لازم ازوع مايتم حليب في بطنها فديتها

شسوي ؟؟

انا new Mama .. الكل قاللي طبيعي بس انا خايفه لان الزواع بكميات كبيره !!

لا اختي ما عليج هاي فترة ترا الياهل ما يتحمل ةايد وشي طبيعي انه يزوع وبعدين علشان الغازات يوم بتكمل شهرين بيخوز عنها كل شيلا تخافين هاه شعور طبيعي

فترة صدقيني وبتعدي ولاتخافين من الزواع في هالعمر وايد يزوععون

انا بنتي عمرها 3 اسابيع وارضعها طبيعي…ونفس الشي تزوع حتى لو جتيتها..

قآلولي يمكن هي تشرب حليب وايد ومعدتها صغيره..فترجع الزياده…

فـ انا بروحي مب عارفه شو الحل وما وديتها عياده
ان شاءالله استفيد معاج في موضوعج..
والله يحفظ لج بنوتتج

المشاركة الأصلية كتبت بواسطة uaq_g

حبيتي بنتج ماخذه برد حاسبي من المكيف خليه معتدل ودفي بطنها وخصوصا لما ترضعينها

انا احاول ادفيها .. والمكيف مااخليه بارد

بس تدين الاحظ ان اطرافها تبرد وايد

مشكوره ع لرد حبيبتي و النصيحه

عندي ولد عمره سنه وثلاث اشهر

من بديت اطعمه التطعيمات حسيته يوم يصيح

تغب عليه روحه يعني يزرق وياخذ غفوه ثواني ويرجع طبيعي

فقمت كل ما اشله التطعيم اقرأ عليه واااايد قرآن والحمدلله راحت عنه الحاله

الحين من كبر اذا صاح وايد تيه هالحالة والله العظيم كثر ماروم ما اخليه يصيح او اييه شي

لانه من تيه الحاله أموت من الخوف واقعد انفخ في ويه واهوس على مقعده عشان ينتبه عليه

ويتنفس لانه يقطع يوم يصيح

اليوم الدريشه سكرت على صبع وكان ابوه موجود لانه ابوه ما خبرته عن الي فيه قبل

فيوم عورته الدريشه صاح وايد ويته الحاله قدام ابوه وشافني اناقز

واقرأ عليه استغرب ابوه اني ماخبرته بحالة لاني مابيه يستهم
من ولده علما انه كان عندنا طفلين متوفين بشلل دماغي

وأبوه كان متأثر فيه عشان جيه ماخبرته عنه ماباه يقعد يشكك فيه

ولديه بخير ماشاءالله عليه بس يوم يصيح تيه هاي الحاله

ارجوكم من مر بنفس حالتي

بس تكفلينه واتبينه عندج فالبيت وتربينه ليما يكبر

شورايج ف كفالة بنت ولا ولد احسن؟؟

لانه الولد يوم يكبر يصير حاله حال الاجنبي يعني ريال غريب مايصير تطلعين جدامه حتى لو انتي اللي ربيتيه الا اذا رضعتيه حليب صدرج هذا شي ثاني يصير ولدج

مثلا ريليو اخواني بيكونون محرمين عليها صح؟؟

بس اهم شي تخلين حد يرضعه

يا اختج او حرمة اخوج او انتي لو تقدريين

عسب يكون عادي وما يكون محرم علينا

و شورايكم فرده فعل اهلج واهل ريلج ؟؟

انا الصراحه ما فاتحت حد الموضوع غير ريلي

ويزاج الله كل خير على هالمبادره الطيبه

ولدي عمره سنتين ونص بس عنيد جدا ماياكل الا بصراخ ومستعد ماياكل طول اليوم ولا يرقد الا بصراخ حتى اذا سوى الكاكا مايخليني اغسله الا بضرابه تخيلوا حتى في لبسه يبا ينقي على كيفه طبعا (عنقاش ) واذا رفضت صرخ وعصب دق براسه الارض المهم كله عنده صراخ ورفض وحتى وهو راقد يصيح لازم يقطع على نومي ..يرقد تعبت منه لدرجة اني اطلع من طوري واضربه على ايدينه افقد صبري.. وعقب اندم واحضنه كل يوم ابلع بندول من صراخه وارتاح لما يرقد شو اسوي معاه

بنتي عمرها تسع شهور فيها امساك من فتره ما عرف شو أسبابه ولا خليت شي ما عطيتها برتقال فواكه حتى الكيوي عطيتها بس للاسف ما ياب نتيجه ..

سرت العباده البارحه عطوني دوى من هملايا للامساك بس ما شي نتيجه

يمكن بعده انا مستعيله بس والله غامضتني وابالها حل

أفيدوني يزاكن الله خير شو اسوي ؟؟ شو أعطيها ؟؟

علما انه اكلها عاده سيرلاك الصبح
غداها عيش وخضروات
فواكه
وعشاها مرات عيش وروب ومرات عيش وخضره يعني على حسب

بس الدكتوره قالتلي لا تعطينها عيش بس احس انه هو الشي الرئيسي شو بعطيها غيره ؟؟؟

شحالكن عزيزاتي
ولدي عمره 4 شهور وبعدي أقمطه
من زمان ودي أتركه لأن في عادتنا اعتبر طولت في التقميط
نحن نقمطه شهرين بالكثير

بس مب عارفة كيف حاولت وياه
مايرقد على طوول ايده على ويهه وصياح

خبروني كيف تركتوا عيالكم القماط
وهل طبيعي انه في البداية بيصيح وايد
واذا مارقد شسوي ؟؟

اللهاية مامسكها ولدي للاسف
اذا وحدة مرت بهالتجربة ياليت تفيدني

مشكورة حبيبتي ♡♡

المشاركة الأصلية كتبت بواسطة M-Alshehhi

عوديه بالنهار يرقد بدونه وطبيعي بيصيح بالبداية بعدين بيتعود

المشكلة أني أبا أرقده وأجوف شغلي اطبخ ولا اتسبح
فأستسلم وأقمطه وأبوه يتضايج من صياحه بعد

شحالكن صبايا انا الصرااحه من اول مره اشارك بس طبعا كنت اتاابع وانا ساكته

وبحكم اني اشوف خبرااتكن ماشاءالله وتعاونكن مع بعض تحمست وقلت بنزل اول موضوع لي

وابا مساعدتكن لي انا مربي من اربع شهور ويبت بنوته فديتها وهي اول بنوته لي

بنتي مارضعها رضاعه طبيعيه بحكم دوامي بس ماشاءالله تشرب حليب (سميلاك) اكثر من 5 مرات يوميا 120 م مع بسكوت مره في اليوم والحين دخلت لها مره في اليوم تفاح مهروس او جزر مهروس

بس وزنها 5 كيلو و100 جرام وتقريبا كل شهر تزيد 100 جرام بس

وكل من شافها قال ضعيفه شوه اسوي بليييز ساعدووني

شوه تشوفن اكلها اوكي او لا وشوه وزنها اوكي او لا وياريت لو تقولون لي شوه اعطيها بعد
لاني بكر ولا اعرف شي بهذي الاموور

الصبح بعد الفجر عطيها رضعتها بس زيدي كمية الحليب اللي تحضرينه

بعد ثلاث ساعات تقريباً جهزي رضعتها وسوي لها بسكويت فارليز مذوب في حليب الاطفال يكون قوامه مثل المهلبية الخفيفة او الزبادي المرجوج
عطيها نص رضعتها المتعوده عليه او اقل واكليها فارليز ورجعي كملي رضعتها

بعد ثلاث ساعات او اربع حسب جوعها
عطيها رضعة
بعد ثلاث ساعات رضعة
بعد ثلاث ساعات عطيها رضعة وارز اطفال بيبيسيريال ممتاز تمزجينه مع ماي دافي ( لحاله او ممزوج مع الجزر المهروس او التفاح المهروس)
حاولي ماتعطينها خضرة او فواكه لحالهم
امزجيه على طول مع ارز اطفال عشان يزيد وزنها
وخلي الوجبة في نص الرضعة
بعد اسبوع زيدي كمية الفارليز بدل بسكوتة وحدة حطي بسكوتين
بعد اسبوعين اذا ماشفتي نتيجة غيري الحليب
S26 Gold ينصح بسرعة بس طعمه كثير اطفال مايحبونه
اشتري العلبة الصغيرة اذا ماعجبها طعمه خليه بس للمزج مع الفارليز
ابتاميل حلو اغلب الدكاترة هذي الفترة ينصحون فيه

لايكون بتضهر لها اسنان صح ولا انا غلطانه بس ما شاءالله عليها هي تحبي واصغر منها طلعتلهم اسنان وما يحبون وهي العكس

ما عرف شو اسوي ؟؟^^

بعد المرض