يسعد صباحكم ياحلوين
اول الشي حابة خبركم انو اليوم بموضوعي هاد حيكون اخر موضوع الي بقسم المعجنات لفترة قصيرة فقط وليس الى الابد ( يعني راجعتلكم ماقدرش على بعادكم ) ههههههه
بس لاني رح انشغل بموضوع جديد بقسم الصحة بخص الحمية الغذائية فمارح يمشي الحال حمية غذائية ومعجنات مع بعض بس انشاءالله باخد نتيجة حلوة وبرجع للقسم باشياء جديدة
المهم مابدي طول عليكم
هلا اكيد في مغتربات متلي لما يجو يتسوقو ويدورو عالخبز العربي الظريف بلاقو بس مارح يكون متل الخبز لمنعرفو وهاد الشي لصار معي كنت دايما ادور عالخبز العربي وجيب منو بس يطلع سميك او معجن ومرات مااستعملو غير بس للفتة ومايمشي حالو للاكل والسندويش فجربت اكتر من طريقة للخبز حتى اعتمدت على هي الطريقة ومن يومها ماعد جبنا خبز عربي من برة دايما اعملو بالبيت
وصدقوني غييييييييييييييييييييييييييييييير شكل وهلا بتشوفو وبتعرفو ليش :
اول الشي المقادير جدا سهلة :
2 12 كوب طحين منخول
1 ملعقة صغيرة خميرة
1 12 معلقة طعام سكر
12 معلقة صغيرة ملح
1 كوب ماء دافي
طبعا هالمقادير بتعمل 12 رغيف
الطريقة :
نذوب الخميرة والسكر بكوب الماء الدافي
نخلط الملح والطحين وبعدها نضيف خليط الخميرة والسكر ونعجن بالبداية رح تلزق بالايد بس معليش خليكم عم تعجنوها منيح حتى تتماسك وانتو عم تعجنو صيرو اضربوها بقوة كل شوي لمدة 5 دقايق والنتيجة عجينة ناعمة وماتلصق بالايد وتكون اتقل من عجينة الفطاير
نغطيها ونخليها ترتاح ربع ساعة وهي شكلها
بعدين نقسم العجينة ل 12 كرة متساوية بالحجم ونصفهم على صيتية مرشوشة بالطحين ونغطيهم بشاشة رطبة شوي مدة نصف ساعة
نشغل الفرن من فوق ومن تحت على اعلى درجة ونخلي الصاج بالوسط وبعدين نفرد العجين على طاولة مرشوشة بشوي طحين ونرقها على شكل دائرة ونخليها رقيقة بيطلع الخبز اطيب
وطبعا هالمرحلة بتخلصوها للاخير يعني كل ماتفردو رغيف تخلوه عجنب وتغطو بورقة المحارم تبع المطبخ والتاني نفس الطريقة وتحطو فوقو وهيك حتى يصير طبقات وتخلصوهم ولما تبلشو بالشوي
ابدو من اول وحدة عملتوها بتكون تخمرت اكتر
وهي مرحلة الشوي بالفرن :
وشوفو النتيجة كيف طلعت ….
^
^
^
^
ههههههههههههه وصلنا :
وطبعا لما طلعوهم من الفرن كل رغيف خلوه مدة دقيقة يبرد شوي بعدين طلعو الهوى منو وفورا غطوه او حطوه بكيس نايلون حتى يضل طري وهيك حتى يخلصو كلهم
هي صورة جماعية بكيس النايلون وجاهزين للاكل :
وطبعا تقدرو لما يبردو تمام تحطوهم بالفريزر لوقت استخدامهم
وصحتين وعافية
ـّخِِِخِِخِخَ).•°°•=)) 
المشاركة الأصلية كتبت بواسطة ناروتا 
