الوسم: الشغل

السلام عليكم ورحمة الله وبركاته

أخواتي العزيزات

اربيعتي ياها عرض تاخذ دوره عسكريه في سويحان

نباا نعرف هل رتبة عريف زينه ؟
وهل الشغل في الشرطه زين؟ وهل الدروره متعبه ولا لأ

اللي عندها النصيحه لاتبخل علينا . الله يجازيها الجنة بإذن الله

مشكورات الغاليات

بس في استفسار هل المدربات حريم ولا رجاجيل

الله يوفقه

اكييد ريايل والله اعلم

رتبة عريف زوينه والدورة متعبة في البداية

وبالنسبة للراتب احتمال مابين 15 الي 18 حسب المهنه بس 50 الف مستحييييييييييييييييييييل

عنبوة راتب رائد او مقدم باللكاد يوصل 45 الى 48 لا تبالغون وتنصدم البنت

انا ماتكلم من فراغ انا كنت عسكرية سابقا .

بنات انا مليت من كلام الناس مش معقوووله يعني كلما اروح مكان ولا اقعد مع حد يسألني ها ما اشتغلتي لين الحين بنات والله مليت لاعت جبدي من كلام الناس انا ادور شغل بس المشكله ادور مكان ما يكون فيه اختلاط وايد عسب جذي لين الحين ما شتغلت انزين شو اسوي يعني اروح اموت ولا انتحر؟؟؟ شو شايفيني ريال كل شوي يسألوني ما قدمتي ما اشتغلتي صاروا يشوفون البنت اللي ما تشتغل نفس الريال العاطل حالها من حاله شو يعني محد بيخطبني مثلا؟ بيقولون والله هاي عاطله عن العمل ما نباها شرات ما نحن نرفض الرياييل العاطلين؟ شو يعني صارت البنت نفس الريال في كل شي؟؟ اخاف باجر يقولولي سيري قدمي في الجيش وغيرهم يمكن يقولولي سيري سوي عضلات لازم تكونين قويه شو هالقرف _ انزين شو اسوي يوم انا لين الحين ما لقيت وظيفه وانا حتى يوم بشتغل ما بشتغل لاني محتايه بشتغل علشان اسد الفراغ اللي في حياتي وعلشان اسكت الناس الكل محسسني اني فاشله وعاله على المجتمع وما مني اي فايده انزين شو اسوي يعني ….. قبل كانوا يسألون ها ما عرستي متى بتعرسين لكن الحين خلاص هذا صار موضه جديمه الحين اليديد متى بتشتغلين وليش لين الحين ما شتغلتي وكيف عايشه جذي حياتج .. قرف ولوعة جبد

انتن قدمن ف كل مكااان خاصه هالاماكن لي مافيها اختلاط نادر ماتلقين

الله يوفق اليميع ان شاءالله

https://forum.uaewomen.net/showthread…C7%E1%DD%E6%E4
السالفه الحين انه من اسبوع وشي اي حد ايي بيتنا يسالني عن الوظيفه وعندي احساس اني بتوظف واليوم اختي قدمتلي واحتمال كبير اتوظف وشاورت ابوي وقالي عادي اذا كانت الوظيفه تناسبج واذا لا رفضيها بس انا اخاف من اخوي انه لو قدر الله وشاء ان اتوظف اتوقعه ما يوافق لانه على جيه لازم يكون عندي فون وهو مب طايع يرده الا اذا انخطبت
قولولي الحين اذا ربي كتب وتوظفت واخوي ما وافق شو المفروض يكون ردي وشو اسوي دخيلكم من كلمتني اختي وانا احاتي مافيني ارد ع المشاكل من يد ويديد*

أختى فى الأخير أسال الله لكى التوفيق لما يحب ويرضى وأن يعينك ويثبتك على الخير,,وأن يرزقك الزوج الصالح عاجلا غيرآجل,, وسامحينى أن لم يعجبك حديثى وتذكرى أن اختلاف الرائ لا يفسد للود قضيه.

المشاركة الأصلية كتبت بواسطة نفثات انثى

السلام عليكم ورحمة الله وبركاته

أختى الدين عند الله النصيحة أسمحيلى عاد واسمعى من أخت تريد لكى الخير,, أختى عندما قراءت مواضيعك هذا واللى قبله وجد أن كل تركيزك وهمك هو حوجتك للفون او عدم اخبار الوالد او التقرب من اخيك ,, فيا أختى الكريمة المشكله لا بل المصيبة فى نظرى هى ليس عدم امتلاكك فون بل ما يجره امتلاكك له من محادثات محرمه وتعارف ممنوع ,,أختى لابد لكى أن تحمدى الله أن لديكى مثل هذا الأخ نعم هو متفهم ولكن يا أختى انتى من لا تقدر الفرص .

أختى انتى تقولين انه ربما تتوظفين ,, فاذا شاء الله وحصل وأسال الله لكى ذلك لابد لكى ان تحمدى الله اولا على ذلك وقبل كل ذلك لابد أن تختارى المكان الوظيفى المناسب لكى كبنت ويعينك على المحافظة على دينك ولا يترك لكى مجالا يقودك للعصيان .

ثانيا قبل أن تسعى لكسب ثقة اخيك لابد أن تسعى الى العودة الصادقه والبعد عن ما كان من غير دافع الخوف من الوالد او الأخ او اى احد كان فالتوبة يا أختى لا تكفى وحدها بل لابد العزم من أن لا تعودى الى ما كنتى فيه . فمحادثه يا أختى ربما البعض يراها صغيره او شئ تافه ولكن ربما تقود الى أعظم الطامات . فالنار يا أختى من مستصغر الشرر.

أختى الغالية عندما تواصلين فى هذا الدرب الطيب الذى بداتيها ووثقتيه بالعزم والدعاء واللجؤ الى ربى وربك حتما سوف تجدين أخيك اول من يدعمك ويعطيك كل الثقة التى تريدينها واكثر ان شاءالله ولكن دعى رياح التغير تسير كما تشاء.

أختى استخيرى للوظيفة الجديده وأجلسى مع أخيكى فى لظة صفاء اخويه كما جلستى مع والدك من قبل وأخبريه وقولى له انكى غلطت ولكن من منا لا يخطأ فكل بنى ادم خطاا المهم ان الشخص يتعلم من اخطائه وأخبريه بالوظيفة وأطلبى رايه لانه يريد مصلحتك وما فعل ما فعله الا لانه يحمل لكى مشاعر الأخوة …أختى مشاورتك له سوف تسعده وصراحتك وأعتذارك سوف يجعل الثقه تنبص فى قلبه ان شاءالله وتنبت وانتى عليكى أن تسقيها بمزيد من الأثباتات الطيبة.

أختى فى الأخير أسال الله لكى التوفيق لما يحب ويرضى وأن يعينك ويثبتك على الخير,,وأن يرزقك الزوج الصالح عاجلا غيرآجل,, وسامحينى أن لم يعجبك حديثى وتذكرى أن اختلاف الرائ لا يفسد للود قضيه.

كلام جميل
وصدقها

حباايبي هذي مشكلة انطرحت علية
بحط انا رااي واتمنى تحطون راايكم بماا ينفع

وعليكم السلام ورحمة الله وبركاته

ربي يسخرلج ريلج ومافييج الا العافية الغالية

ما بقولج اشتغلي لاااا

الغالية انتي ابدا مب منظمة وقتج
ولا اكلج ولا رااحتج

انتي جيييه مكركبة نفسج ومتعبة عمرج

ماشاء الله في قروبات للحريم الي ماعندهم خدم في سيدات
وشوفي كيف منظمين وقتهن

الحياة تفرق بين يوم انتي بنت ويوم انتي متزوجه الحين ع ذمة ريال واكيييد
لازم تقومين بواجباته

لازم ايشوووفج ويحس ان البيت ما يسوى بدونج
الحريم الي اعتمادهم ع الخدامات
بالله عليج لو يوم راحت بيت اهلها بيفتدقها كيف واللخدامه هي الي قايمة بكل شي بيفتقد الخدامة يمكن

برتب لج جدول لو مشيتي علية اسبوع
ارجعي طمنيني كيف حالتج وتتعبين لا

اولا ارقدي من الساعه 11 او قبل
لا تنسن اذكار النوم
في موقف حصل لفاطمة بنت الرسول صلى الله علية وسلم كانت تتعب من الشغل في البيت عاد مب شرات شغلنا نحن ولااشي فاحتاجت لمن يعاونها في الشغل فشو رد عليهاا

عن علي بن أبي طالب أن فاطمة عليها السلام أتت النبي صلى الله عليه وسلم تسأله خادما فقال ألا أخبرك ما هو خير لك منه تسبحين الله عند منامك ثلاثا وثلاثين وتحمدين الله ثلاثا وثلاثين وتكبرين الله أربعا وثلاثين ثم قال سفيان إحداهن أربع وثلاثون فما تركتها بعد قيل ولا ليلة صفين قال ولا ليلة صفين

واضبي على هالشي قبل النوم

الساعه 4 ونص قومي وصلي ركعتين السنة قبل الفجر وعقب صلي الفجر

قول اذكار الصباح وناميلج ساعه
وعقب نشي رتبي حق ريلج الريوووق

ما يبالة وايد جبنة ولبنة وخبز وحليب او شاي او نسكافي يعني الي هو يحبة
وملاابسة جهزين له .

يوم بيروح الدوام ارقدي لساعه 9 لو فيج نوم
وعقب تشي شربيلج شي يصحصحج

وابدي رتبي البيت
وغرفج رتبيها
عطري البيت ودخنيييية

وعقب ارتاحي شوي وتمي ع سيدات مثلا

بس مب اكثر من ساعه

انا ما اعرف الساعه كم يرجع ريلج من الدوام

فلازم تزهبين الغداا

قبل لا ايي بساعتين لان ساعه ونص للطبخ

وعقب بتروحيين تااخذيلج شاور وتتكشخين حقىة

يوم بيي رتب الغداا

وانتي مستاانسة

خلية يتغدا ويريح ينام شوي حتى لو نص ساعه

عيالج لازم تحمينمهم الصبح ما يباله 10 دقايق

في القوت الي ريلج بيكون نايم الظهر

تقدرين تروحين تغسليين الملا بس

بس من الافضل تقسمين
الجمعة والسبت اجازة
الاحد ملابس الاطفال
الاثنين ملابس ريلج
الثلاثاء ملابسج
الاربعاء ريلج والاطفال
الخميس ملابسج وملابس الاطفال
الاطفال دوم موسخين ملابسهم عسب جييه يبالج تزيين عددهم فالاسبوع

حاوي تنجزين شغلج اول باول

لا تاخرين ولا دقيقة

صدقيني بيكووووووووون عندج وقت فاااضيي

الليل سوي خفايف سندويجات و شوربة يعني لا تكثرين بالطبااخ

طبعا لو طلع ريلج برا البيت تقدريين لو عندج اشغال بعد تخلصينهاا
مع انو مفروض شغلج كله تخلصينة الصبح عسب الليل تكونييييييييين فااضية ومرتااحه
لغالية مافي احلا من الشغل لمرتب

التمارين الصبح تساعد الجسم على النشااط بدل الخمووووووووووول
صدق الجسم يوم يتعود ع الكسل مصيبة حتى رقاد ما نشع وهااي صفة ابدا مب حلوة

اذا ريولج تعور روحي المستشفى شوفي من شو تعورج ما تشوفيين الشر طهور ان
ومافيها شي لو يبتي خادمة مدامج تتعبين وايد مع ان من نظرتي بيت بدو ن خداااااااااامة احسن والله

واي شي فالج طيب ترا الحريييييييييييييييييييييييييم ما يقصرن هناا ف عالم سيدات

اتمنى بعد من الحريييييييييييييييييييييييييييييم المتزوجات يفيدنا بتجاربهن فالشغل ^^" لان انا ما مريت بهالشي ان شاء الله امر وان يبت خدامة ضربوني ضرب ههه

وسامحوني لو نسيت شي ما ذكرته ..

ياحي ياقيوم برحمتك استغيث اصلح لي شاني كلة ولا تكلني الى نفسي طرفة عييين

انا مريت بهالشيء بس الحمد الله انا من يوم بيت امي امي معلمتني على الترتيب والطبخ وكله .. رغم اني بنتها الوحيدة ودلوعتها ..
ومع اني موظفة ..
سفرت الشغالة وبنتي كان عمرها سنة .. ما بقلج تكركبت حياتي فوق تحت .. الا اتدهورت بس لانها مب كانت كل الشغل عليها ..

بس تخيلي موظفة وبنت عمرها سنة ! وملابس ريلي ما شاء الله والبيت والترتيب والطبخ ..
قسمته جي .. خذت لبنتي كرسي للسيارة وانا رايحة الدوام امررها بيت اخوي واغراضها ما خليت زوجي ينشغل باله بإي شيء ..
بس مرة فديته دخل علي شافني ابكي وعوره قلبه .. قال بييب لج مؤقته لين توصل اليديدة قلت له لا ..
كنت اول ما ارجع من الدوام .. ارتب الصالة وغرفة النوم قبل ما يوصل وابخر البيت واقعد بنت احط لها الالعاب واشغل التلفزيون ..
اجمع الملابس واغسلها .. واروح اشيك على الملابس اللي تبي كوي .. واجهز لريلي الحمام ..

يرجع من الدوام فديته يكون يايب لي غدا نقعد نتغدى واخليه شوي مع البنت يروح يرتاح وانا اكمل وياها العصر تكون نامت .. اكوي شوي واهتم بنفسي ..

وبالليل العشا احيانا اسوي خفايف يكون هو ماسك البنت والا فبيت عمتي .. والا فبيت اهلي ..
ويوم تنام حبيبتي .. اكوي وارتب الصالة وارمي الزبالة ..
واول بأول الصحون فالمطبخ اغسلها ..
لا تراكمين شيء عليج بترتاحين ..
ولا تقولين هذا شيء صعب بالعكس سهل بس استمتعي فيه .. وريلج ما بقول عنج الا كل خير ..
ريلي للحين يذكرني بهاذيج الفترة يقول لا خلاني الرب منج .. لو ما نييب شغالة ابدا هههههههههههههه
قلت لا ما يصير
انا معضلتي منو يمسك بنتي حزة الدوام .. صح تكون فبيت اهلي وعمتي ربي يخليهم ..
بس يبالها بعد ..
ربي يوفقج حبوبة ..

حفظج ربي ..

آه بدخل ف مشكلتي دايركت
تخرجت من شهر و جبدي لايعه مالبيت خلاص ماقدر اتحمل
قدمت فكذا مكان بس ابويه مب متقبل الفكره
ونا مابا اسوي شي و امي و ابوي مب مقتنعين فيه
احس ابداً مابتوفق

افكر بالماستر بس بعد مليت من الدراسه

مب عارفه شسوي و تفكيري مشتت

شورو عليه ؟

لان انا خلصت دراسه وماكملت صارلي سنتين يالسه لاشغله ولامشغله. وتندمت اني ماكملت. ولين الحين محد قبلني من الدوامات الي قدمت فيهن. حتى توطين ماسولي سالفه.
تخيلي حتى الانجليزي نسيته. ماشي براكتس. لاتغلطين غلطتيه. وان شاء الله ارد ادرس على بداية هالسنه
قبل ها كله استخيري

وموفقه

موفقه الغلا

أنا ويا ختيه (روح الورد) .. أقول استخيري وتوكلي ع الله ووافقي ع الشغل والأيام بتبين لج إذا الشغل مناسب ولا متعب.. المهم تتوكلين وتبدين..

الله يوفقج..

انتي شوفي ليش تبغين تشتغلين هل لقضاء وقت الملل ؟؟!! اذا على جذي انتي حامل وعياالج بياخذون من وقتج وايد وما بتحسين بالملل ..

لكــن اذا حابه تعتمدين على نفسج وتساعدين ريلج فكري بالشغل ..

وشخصيا الشغل صعب جدا خاصة وانتي اول مره تحملين ..

بس كل حرمة وطاقتها ..

دام مافيها تعب توكلي ع الله تراها فرصه ماتعوض
وبالتوفيييييييييييييييق

بنات سيدات انا بقوللكم مشكلتي
واتمنى بجددددد ان حد يتفهم مشكلتي
ويساعدني برايه وتكون انسانه واعية وفاهمه

انا مشكلتي بالدراسه وبنفسي
انا دفعة وايد قديمة بجامعة الامارات
مادرست الا اول كم كورس ووقفت وااايد
ربيعاتي اللي دخلوا معاي خريجات وانا بعدني عالمتطلبات

انا وقفوني الحين عشان الايلس مايبته
وقالولي لو مايبته لين شهر 9 بنطرد نهائيا
انا قبل فتره امتحنت وماقدرت اكمله
حسيت بياس مو طبيعي وحسيت ان الدنيا مقفله بويهي

المهم انا قلت ان خلاص بشتغل وبودر الدراسه
ولقيت وظيفه وقريب ع اساس بتوظف وباخذ الليسن
مشكلتي اني بجد خاااااطري اخذ الشهادة واكمل دراستي
قبل ماكنت حاسه بقيمة الدراسه والشهادة وهالسوالف
والحين خاطري ارجع امتحن بس ماحس اني بعدي
خاص ان من زمان مب دارسه ومخي فاااارغ

هالايام كله فالبيت لادراسه ولا شغل ولاهم يحزنون
حلمي اني ارجع الجامعه واكمل دراستي
بتقولولي روحي امتحني ودرسي ورجعي الجامعه
بتحسونها سهله ومافيها اي مشاكل

بس احيان اقول اني مابي ارجع ليش اني متاخره
واخاف ان حد يتمصخر علي ويعق علي كلمة تضايقني
خاص اني حساسه وبسررررعه افقد الامل وانهدم
واحيان اقول شعلي منهم المهم ارجع واكمل

خاطري القى شي يساعدني بالامتحان واحس بالامل
او اني اشتغل واخذ الليسن واتم بدون شهادة طول عمري
للعلم انا عمري 21 وباقيلي يمكن ثلاث سنين بعد
يعني بتخرج باذن الله وانا 24 او 25 احس وايد جيه

حد يفهمني ويعتبرني اخته او حتى بنته
وياخذ بيدي ويساعدني ويقولي رايه
هالموضوع وااااايد تاعبني وماثر ع نفسيتي
والف شكر

عادي والله نص البنات متخرجات على 24 و 25 وانتي بعدج صغيره والعمر جدامج شدي حيلج وكملي وخذي التعليقات بروح رياضيه لا تستوين حساسه تيك ات ايزي وااايد بنات مثلج مب اول ولا اخر واحده وانج تكملين وعمرج 24 احسن من انج توصلين 30 وانتي على شهادة الثانويه

ربي يوفقج الغلااا

اذا استسلمتــي واللــه مابتنجحيــن في حيــاتج,, لازم تعطين نفســج تشجيــع وتفــائلي بالخيــر,, لاتقولين برسب وماروم تفائلــو بالخير تجدوه,, وبعدين شعليج من كلام الناس الي ماوراه فايده,, ويااحبهم لشمـــاته,, عطيني نفســج اهدأأفج عشــان تحققينها,, وحته لو حققتيــها لاتوقفيــن عطي نفســج اهداف اكبـــر ,, وانتي قدهــا والله

موفقه

بسم الله حسستيني انج عيوز مكسرة

بعدج 21 سنة يعني في ريعاااااان شبابج بعدج صغغييرررة

بنات اتمني لي تدخل موضوعي ما تطلع لا وهيه رافعتنه ^^

شحالكم …………

بغيت استشيركم في شي

وياريت اتساعدوني

انشالله قريب بكمل سنه من عرسي وبتخرج شهر 6 انشالله

وقدمت على وضائف

واليوم دقولي عسب المقابله

ريلي يقولي عادي اشتغلي

بس انا متردده

الحمدالله وضعنا اوكي وريلي مايقصر علي

بس انا ساكنه بيت بروحي واتعرفون مسؤوليات البيت

بعدين انا بعدي ماعندي عيال يعني لازم الواحد يفكر في المستقبل

يوم ايولي عيال

بعدين انا مابي خدامه لاني ابي اخذ راحتي في البيت

والحمد الله انا شغل البيت قادره عليه

بس المشكله اني خايفه يوم اشتغل انشغل عن البيت وريلي اكيد بيضايق لان دوامه شفتات

( سالت اخوي وقالي الحرمه مالها غير بيتها لان الريال متزوج عسب يرتاح مب عسب الحرمه تشتغل وقالي اهم شي ان عندج شهاده الشغل مب مهم )

شو تنصحوني

فديتج امي ساكنه بعيد عني وعمتي حرمه كبيره

يعني وين احطي عيالي ؟؟؟؟؟؟؟؟ فديتهم

(( ما خاب من استخار ولا ندم من استشار ))

وانت براحتج

والعمل هالايام نوعين يا عمل بلا اختلاط مع الرجال واكيد يعني معلمة ((( وهذي المهنة انسي حتى تقعدين مع ريلج فما بالج بالعيال ان شاء الله )))

واما عمل باختلاط مع الرجال ,,, وهذا فيه حرام وحلال ,,,

عالعموم الله يوفقج عزيزتي ولا تنسي الاستخارة

وشكراً كتيييييير

ياليت أكون فدتكم

وخاطري لو احصل شي غير