الوسم: الشغل

ابي اخذ رااايكم شوي ممكن تسااعدوني
انا متزوجه وعندي ولد عمره 5 سنوات وسقطت مرتين وانا اشتغل بس زوجي يبيني اطلع من الدوام يقول اطلعي وبعطيج 4000 وانا معاااشي 10000 يقول اطلعي احسن لام مكاني مختلط وانا اشتغل من 3 سنوات
انا اخاااف اطلع وبعدين ماايعطيني شي وبعد انا تعودت ع الشغل مااتخيل عمري بدووون شغل
انصحوووني شو اسوي

أول الشي قال رب العالمين..وقرن في بيوتكن ..وهذا أمر من رب العالمين ..
وثاني شي ..حبيبتي ..حديث الرسول ..صلى الله عليه وسلم ..بمعنى الحديث ..من طاعت بعلها دخلت الجنه ..والوحده شو تتمنى أكثر عن هذا ..
وعندج ولدج الله يحفظه ربيه وكوني معااه ..ولاتخلينه عند أي حد غيرج ..لانج أمه أنتي اللي ربيتيه ..
وهذي نصيحه من وحده يالسه فالبيت ..ريلها يصرف عليها ولله الحمدوالشكر ..
وإذا خايفه أشتغلي بزنس فالمنتدى تاجري والله تربحين ..(^_^)

خذي اجازه لو بدون راتب وتمي فالبيت بس لا تستقيلين

مرحبا خواتي

حبايبي اذا ماعليكم أمر بغيت اسأل في حد يعرف يسوي مثل هالشغل بالخرز ؟

ضروري اللي تعرف تخبرني

انا اول ما يت خدامتي كنت اشتغل انا وياها مع بعض و هي تشوف و اللي خربته

أرجع اصلح لها اياه و تشوف و تنفذ وليومج هذا لأنه الحياة فيها تطور و أشياء وايد فالبيت تتغير

لكن إذا إنتي مصرة على انه تعلمينها عند احد أعرف حرمة خطيرة فهالسوالف لكن فبوظبي

تتركينها عندها فقط أسبوع ترجع لج ماجستير فشغل البيت ههههههههه

لكن الطبخ يباله شوي يعني اسبوع واحد ممكن تتعلم 4 أو 5 اكلات رئيسية + سلطات مثلا + بعض المقبلات

أنا يوم سافرت تركت عندها خدامتي و كانت توها ياية من بلادها و ماشاء الله صارت تتكلم عربي خفيف

و تطبخ بعض الامور لكن عدلت لها فالطبخ لنه طباخي غير و ما أحب البهارات كلها !

بس شرااااات ما قالن الخوات أنا وياهن ..

ترا الشغله ما يبالها شيء .

شـــو اللي إنتي تبينه علميها أحسن ،، يعني 1 2 3 هاي شروطج .

وبس ^^

انتي ما عندج شخصية ؟؟

قالت عمتج سيري اشتغلي و سرتي سمعتي كلامها ، وين شخصيتج و قرارج بهالموضوع ..

هالشي اللي نرفزني ..

ربي بنتج احسلج و امج مب ملزومة تشوف بنتج ، كافي انها ربتكم و زوجتكم ..

هاتيلج خدامة خل تشوف بنتج ..

اذا كل شي اتسكر فويهج فانتي ابخص بتربية بنتج و هيه اولى من الشغل
ريلج طالت ولا قصرت الدين بييه يوم وبيتسكر ان شاء الله وبترومون اتعيشون على باقي الراتب

كلنا عايشين بديون لكن الحياة اولويات واساسيات وزعيهم على حسب اهميتهم وبتعرفين تعيشين حياتج
محد له الحق يفرض رايه وشوره عليج .. عمتج يمكن نيتها صافيه ما قصدها تجبرج لكن ميبي تتمنى لكم اتعيشون باريحيه وما يسبب الدين
لكم ضيق ..
فرجاءا خواتي اللي يبا يرد يحاول يتفهم الوضع ويتلمس العذر عمره التهجم والتجريح ما اكل عيش ..

اذا ريلج ما قدر يوفرلج مربيه ايلسي في البيت…
واذا حصلتي حد تعرفينه وتدفعيله راتب شهري بعد زين ترا في النهايه لمصلحتج

والله ايسر كل امورج

بقولكم مشكلتي
انا حاليا لي سنة تقريبا اشتغل بشركة خاصة
و الحمدالله الوظيفة مناسبة ، لكن كانت مشكلتي الراتب
في البداية كان المدير وايد يحترمنا ، و يسوي قرارات تناسبنا
لدرجة وثق فيني وقالي ابي اوظف بنات مثلج فلو عندج معارف ييبيهم
ويبت اختي ووحده قريبتي ….المهم بعد 5 شهور بدأت اتضايق من شغله الكل لاحظها
ان المدير مب عند كلمته كل شوي يسوي قرار يديد ويصعب الامور علينا
وكل ماتكلمنا زاد العن والعن يتلسف لدرجة يسكتنا ومايخلينا نقول اللي عندنا
واذا توظفوا ناس يدد يقوم يعطيهم كل الاولويات وحتى الرواتب يرفعها لهم
و هذا اللي رفع ضغطي اكثرر ، الحمدالله انا انسانة مؤمنة انه الله كاتب لنا الرزق من غير مانحتسب
لكن هل لو طلعت من الشغل ، ربي بيغضب علي ؟
لانه سمعت انه الانسان لما يقطع رزقه بنفسه ، مايلاقي له رزق ثاني
يعني ربيعاتي يقولون الافضل هم يطلعونج ولا انتي تطلعين من نفسج
فانتم شو رايكم لاني صدق كارهة المدير بشكل ماتتخيلونه ، و ازيدكم انه انسان مب متعلم فلما
نكلمه بطريقة راقية يفكر انه نحن متعالين عليه لانه كملنا دراستنا عدل وجذي

اتمنى تفيدوني خواتي

ماعرفت شو مشكلتج … الواحد يخدم وطنه اول شي ويريح نفسه انه يداوم بضمير ويستلم راتبه بالحلال خلاص شو تبين من صدعه الراس خليج بشغلج وركزي بنفسج بس

ماعليج هاي ترقت وهاي تفنشت الارزاق بيد الله وكلن ياخذ نصيبه وصدقيني مصيرج ورزقج بتاخذينه لاتترين من حد رب العالمين هو المسهل والله يسهل عليج وبعدين مديركم والمدير طبيعي

كل يوم له قرار يا يغيره او يتفلسف فيه شيه المدرا ء وانتي اهم شي تخلصين شغلج … اما اسلوب المدير او اخلاقه او تناقض بشخصيته هاذي امور اعتقد راجعه له نفسه محد يدخل او يقدر يغير هالشي

وإذا حابه تتفنشين عادي ترى مب حرام يمكن وحده تاخذ مكانج محتاجه وتاخذين اجر ,,, بس نحن بوقت صعب تحصلين وظيفه فصعبه شوي فكري وراجعي نفسج

الله يسهل أمرج

بس اذا كانت نيته التكبر يعني اي مكان بياخذني يمكن يندم على هذا الشي

بس في ناس كثيره يوم مايرتاحون من الشغل يطلعون منه

خاصه اذا انتي متمكنه وعارفه تقدرين تشتغلين وعندك قدرات عادي مافيها شي تقدمين الاستقاله وترتاحين في البيت لييييييييين ماتحصلين شغل

احسن عادي

يعني ماحد ينجبر على شغل مايريده

او مثل ماقالت وحده من الاخوات دوري شغل ويوم تلاقين قدمي الاستقاله

بس

ام موضوع هم يفتشونك احسن من انك تستقيلين هذا غلط لانه يعتمد على الظروف

يمكن شخص ابدا مب مرتاح وفي عليه مشاكل ليييييييش يظل!!!

بس طبعا كل شغل في مشاكل فلازم تحاولون تحلون المشاكل واذا ماقدرتي ممكن تقدمين الاستقاله وزقك على الله

اما اذا مرتاحه للشغل بس موضوع الراتب صبري وشوفي كيف

وبعد في شي المدير المتعلم مشكله يمكن هو على قده احسن لكم

لو مسؤول من الكبار مابيعطيكم حتى راتب زين عشان هو يشوف عمره اكبر بكثيييييييييييييييير وشغلكم مايسوى له

صدقيني

بس إذا في مكان ثاني..ما عندي فكرة..

أتمنى الخوات يفيدونج..

ابا اقسم الشغل بينهم ما عرف انا عندي ولد عمره سنتين ابا عرف شو اسوي وكيف ما خليهم يشردون وكيف اعاملهم

امسكي عليهن معاشين :: علشان لو شردن اتحطين من فلوسهن التذاكر ::: اول شي

وثاني شي :: مثل ماقالت الاخت ::: اقسمي الشغل من بينهن يعني وحده حق المطبخ والحوي ووحده حق داخل البيت والعيال غسل الملابس والكوي يكون كل مره على وحده وطبعا في اليوم الي ما يكون عندها وايد شغل اتساعد الثانيه وانتي ساوي بالمعامله من بينهن ولا تفرقين حتى لو وحده احسن عشان ما تحقد الثانيه واذا شفتيهن متضايقات بدلي الشغل من بينهن بس شوفي كل وحده في شو تنفع وخليها وانا جذيه طريقتي

الله يعينج ..

ششحالكم

بنات بسالكم اذا تعرفون وظاىف صيفيه في العيين

حطو الموقع او ايميل او الرقم ع الخاص

اتريياكم

منزله مستشفى العين ومستشفى توام وعياداتها الخارجيه

الايميلات بتلقينهم بالبوستر

كتبي في قوقل تدريب صيفي في شركة صحه

ودخلي قسم الصور وبتلقين بوسترهم الازرق وعليه حرمه وريال مكتوبه عليهم الايميلات للمستشفيات سواء في العين او بوظبي والغربيه

اخر موعد لاستلام السيره الذاتيه
تاريخ
1-6-2016

فترة التدريب الصيفي من
29-6-2016
الى 28-8-2016

لقيت الاعلان بحسابهم على تويتر

والراتب كان السنه اللي طاقت 6000 درهم لشهرين

عندج مواصلات الامارات

ودائرة الماليه عن طريق موقعهم

https://dof.abudhabi.ae/ar/portal/summer.training.aspx

يعطيج العافيه

المشاركة الأصلية كتبت بواسطة 3lya

ليش ماتبينها شو السبب ماطولت 6 شهور

قلت لج السبب ماتنفع حق اليهال وهي من النوع الي يحب الشغل مو لليهال واذا مو مصدقه التجربه خير برهان وهي صغيره وما تشرط ومعاشها600 درهم

وانا الاندونيسية اللي عندي ماتحب العيال وأنا أشوفه
احسن عشاان مايسيرون صوبها أنا اللي علي انها تشغل
عندي … صح ولا لأ؟؟

الا اذا كنتي موظفة وماعندج حد حق عياالج!!!!

المشاركة الأصلية كتبت بواسطة حرم الوزير

انزين مدام هي سريعة ليش تتنازلين عنها ؟؟؟؟
اذا عشاان العيال احسن لج مااتي صوبهم خليهم
تحت ملاحظتج.. يااما سمعنا ونسمع عن مشاكلهم..

وانا الاندونيسية اللي عندي ماتحب العيال وأنا أشوفه
احسن عشاان مايسيرون صوبها أنا اللي علي انها تشغل
عندي … صح ولا لأ؟؟

الا اذا كنتي موظفة وماعندج حد حق عياالج!!!!

فديتج والله كلامج كله صح بس والله احيانا اظطر اطلع ونا ما عندي حد ايودهم واحيانا اكون مريضه و هم ما يحبونها وهي ما تعطيهم بارظ لهم