thanks 7abebte
الله يجزيج كل خير ^_^
الله يجزيج كل خير ^_^
بس للاسف انا ما احب اللحم و لا احب ريحته
تسلم الايادي
اشحالكم خواتي … عساكم مرتاحات ….
اشتقت حق قسم الطبخ … من زمااااااااااااان ما نزلت موضوع في هالقسم … واليوم يبتلكم طريقة المعكرونة بالكريمة … من ايدي وحياة عيني …. وطبعا هذي طريقة اختي فديتها الله يسهل عليها وتربي بالسلامة ….
ويلا … نقول بسم الله … ونبدأ
المقادير …
صدر دياي .. مقطعة الى مكعبات صغيرة .. ومنقعة في ملح وخل وليمون
كيس معكرونة … بصل … ثوم … جزر …. فلفل بارد … فطر ….. ذرة …. قرفة …. مكعب ماجي … رشة فلفل اسود …
مقادير الكريمة ….
3 م ك جبن كرافت … كرتون صغير كريمة الخفق … 4 م ك صلصة البيتزا
الطريقة ….
نبدأ نحمر البصل فالجدر … وبعدين نظيف الثوم … وننتظر لين شوي يحمر البصل
نضيف الدجاج على البصل …
وننتظر لين ما ينضى الدجاج .. ويتشرب الماي … وينشف …
في هذي الاثناء … نفور المعكرونة في ماي حار ….
والحين نضيف الخضرة على الدجاج …. ونقلب
نضيف الكريمة …
صلصة البيتزا
الجبن
ونخلي الجدر على نار هادية لمدة 5 دقايق ….
الحين نضع المعكرونة عالخلطة ….. ونقلبها لين ما تختلط كل المكونات مع بعضها
وعلى طووووووول شليها وحطيها في حرارة .. ورشي عليها جبن موزاريلا .. وسكريها … عسب يذووووب الجبن
وهذا الطبق حق اول وحدة ترد على موضوعي ……
وفالنهاية …. اتمنى تجربونها لانها اكله سهلة ولذييييذة … واكيييييد بتعجبكم …..
واتمنى تدعون لأختي ان الله يسهل عليها ولادتها …. ولكم مني كل الحب والتقدير
نفس طريقتي بس انا ما اضيف الجبن..المرة الياية ان شاء الله بغير وبضيف الجبن مشكووووووورة
واعتقد مع الجبن ,,, يطلع الذذذذذذذذذذ …
تعالوا معايه براويكم ..
كيف أعد عدت الاكل ومعدات النظافة وادوات الطبخ للأطفال في السفر .
وخصوصا انا من هواه السفر يعنى في السنه نسافر 4 مرات تقريبا
وفيه أسأله ممكن تخطر على بالكم مثل :
كل هالاغراض تأخذينها معاج ووايد ؟ وهي اشياء عاديه ممكن تتوفر في كل بلد ؟؟
1- علشان تكون الرحله مرتبه وما يضيع الوقت في البحت عن مستلزمات الاطفال أخذ كل اللى احتاجه من البيت
2- لانه فيه منتجات معينه موجودة عدنا ومتعودين على استخدامها لما نسافر ما نحصل نفس المنتج بالضبط .
3- توفير في السعر مثلا ممكن اشترى كل الاغراض من الجمعيه بـ 200 درهم واذا اشتريت نفس الاغراض من اوربا يمكن تكلفى 200 يورو .. هههه
4- اكون متأكدة من الاكل اللى ما خذتنها معايه حلال .
في الفنادق تتوفر وجبه الفطور مجانا (بوفيه) ؟؟ فليش نشل اغراض الفطور ؟
1- فيه فنادق او شقق فندقيه ما توفر وجبة الفطور.
2- ودائما بوفيه الفطور في الفنادق يغلق على الساعه 10 او 10.30 ومش دائما الاطفال يقومون الصبح من وقت علشان يلحقون على الفطور .
3- فيه فنادق تقدم وجبات فطور غير متنوعه ( كورن فلكس + فواكهه + روب ) فقط .. حتى بيض ما يحطون .
وشو عن الاشياء الطازجه ..؟؟
وتبقى الاشياء الطازجه اروح السوبر ماركت هناك واشتريها مثل ..
(البيض + الجبن + الروب + الخبر + الفواكهه + الخضروات)
واللى راح تكون ملاحظتها .. هل نحنا رايحين نستانس ونغير جو ؟؟
والا رايحين نطبخ ونغسل وانظف؟؟
خواتي انا ما اسافر الا معايه خدامه لانه اولادي صغار (الله يحفظهم)..
وانا وزوجى نحب السفر مع الاولاد
وفي نفس الوقت هم أمانه في اعناقنا يعنى لازم نوفر الهم كل متطلباتهم في السفر
مش معقوله راح اسافر معاهم استانس واغير جو
واقعد ااكلهم فاست فووود واكل المطاعم الغش ..
وامشى الحال ما احب هالاسلوب ..
اهم شي النظافه والترتيب والاكل الصحي .. وطبعا بدون ما اتعب حالي هههههه
فأغلب الوقت الخدامه تتم في الفندق .. واتسوي السيرفس .. ونحنا نطلع مع اليهال
وفي الاوقات اللى ما عندها شغل نطلعها معانا .. وما نقصر فيها ..
**********************************************
اولا نقوم بتحضير شنطه خاصه فقط لهذي الاغراض ..
وطبعاً بعد ما نحط الاغراض لازم وزنها ما يتعدى 32 كيلو ..
بسم الله الرحمن الرحيم نبدأ
وجبه الفطور ..
حليب المراعي
حليب بالفراولة
قشطه + عسل
فول مدمس
كورن فليكس (اي نوع اولادك يفضلونه)
بلاليط (هيل + زعفران+ سكر)
شاى لاتيه ( لي انا )
حليب رينبو + شاي ليبتون ( لي انا ولزوجي)
وجبة الغداء او العشاء
أرز
معكرونه
اندومي
تونه معلبه
معجون طماطم
ماجي + ملح
زيت طبخ + زيت زيتون
دقوس ( لي انا طبعا)
أغراض الـ baby
بسكويت
حليب أطفال
أكل جاهز (حبوب)
Bibs ورقي استعمال مره وحده
ترمس لحفظ الماء الحار
بامبرز + كلينكس مبلل لتنظيف
جهاز تعقيم المراضع + مراضع + فرشاه لتنظيف المراضع (نسيت اصورها)
معدات الطبخ
جدر على حسب الحجم اللى تحتاجينة + مقلاة (لقلي البيض او للفول)
كنكه كبيرة لعمل الشاي بالحليب (لي ولزوجي)
دله كهربائية لتسخين الماء (ما احب استخدم اللى موجود في الفندق)
خلاط لهرس أكل الاطفال مناسب للأطفال من عمر 6 -12 شهر
مقص + سكين + شوكه او ملعقه خشبية + مفك للعلب المعدنية
cooker كهربائي احسه احسن عن جدر الكهرباء (لانه ممكن احط المقلاه او الجدر او الكنكه عليه)
أدوات النظافه
كلينكيس
مناديل ديتول المبلله
ديتول لتنظيف الحمامات
دواني الحنون لملابس الاطفال
صابون سائل لغسيل المراضع والصحون
صابون بودة لغسيل الملابس الداخليه للأطفال
اسفنج لغسيل الصحون + فوطه + اسفنجه لمسح الاسطح
اكياس بلاستيكيه لرمى المهملات والبامبرز من الغرفه اول بأول
كأس بلاستيكى كبير حق التشطيف لان اكثر الفنادق ما فيه شطاف عند المرحاض (الله يعزكم)
الادوية
جهاز لقياس الحراره
دواء خافض للحرارة
دواء مضاد للحساسة عن التعرض لقرص
لزقات + كلينكس طبي معقم للجروح
جهاز التبخير والادوية الخاصه فيه (للأطفال اللى يعانون من الربو)
واي ادوية أخرى قد تحتاجينها لأطفالك
او للكبار مثل الاستربسل والمضادات الحيوية الخاصه بالاحتقان وادوية الضغط وجهاز الضغط ..الخ
وفي انتظار أرائكم واقتراحاتكم .. علشان يكون السفر مريح وبدون عناء .. بإذن الله تعالى
ما خليتي شي ….
كفيتي و وفيتي ….
بس تدرين في ناس ما اتحب تاخذ اي شي من اللى ذكرتيه … و عندهم اطفال بعد
وتقريبا نفس الاشياء الي اشلها
لان عيالي وريلي ما يحبون اي اكل
بس حبيت ازيد التمر
واذا دولة باردة حلو تشلين شوربة بعد
والتلبينة بعد
الفراش الي ينفرش للاكل استخدام مرة وحدة
ومخمة صغيرة
ويمر ودخون *_^
شرايكم بهذا اللوك ؟!!
تعالوا نشوفه بالخطوات المصورة
هذه الأدوات اللي استخدمتها الموديل ،
طبعاً اهي بدت بعين نظيفة تماماً ،،
أول خطوة هي توزيع البينت بلون طبيعي واسمه Bare Canvase كـ بيس للشادوووو ،
ووزعته على كامل الجفن العلوي حتى تشربته البشرة بهذا الشكل ،،
ألحين بلشت بالشادوووو ، بواسطة الفرشاة رقم ( الفرش المرقمة في صورة الأدوات المستخدمة )
حطت من شادوووو Phloof على عظمة الحاجب كإضاءة ،
وبعد توزيع الإضاءة صارت العين بهذا الشكل
قامت الموديل وقبل لا تبلش بتوزيع الشادوووو الغمق قامت بوضع لوس باودر تحت العين حتى تلتقط
الشادوووو المتناثر وحتى ما تتدمر المنطقة ،،
بواسطة فرشاة رقم 2 قامت الموديل بوضع الشادو التركواز واسمه Electric Eel
طبعاً اهي بدت من الجفن الثابت ووزعته ليما وصلت إلى الجفن المتحرك بهذا الشكل ،
وبواسطة الفرشاة رقم 3 قامت بضع شادووووو Deep Truth على الزاوية الخارجية للعين ،
وأصبح بهذ الشكل ،
وبواسطة فرشاة رقم 2 خذت من شادووووو Electric Eel وحطته فوق الـDeep Truth
بواسطة فر شاة رقم واحد خذت من شادو الإضاءة Phloof وقامت تدمج حتى تحصل على أطراف مرتبة ،
وصار بهذا الشكل ،،
بواسطة فرشاة رقم 3 حطت الموديل من شادووو Black Tied بلمسة دائرية بدءاً من الزاية الخارجية للعين ،
بهذه الخطوة حطت من شادووووو Phloof بواسطة فرشاة رقم 1 لترتيب الأطراف ،
وأصبح بهذا الشكل ،
بواسطة فرشاة رقم 5 قامت بوضع شادووووو Electric Eel تحت العين على الرموش السفلية بهذا الشكل ،
وأصبح بهذا الشكل ،
وبنفس الفرشاة رقم 5 قامت بوضع شادووووو Black Tied تحت العين وعلى الرموش السفلية فوق الـ Electric Eel بهذا الشكل ،
بعدين وبواسطة فرشاة رقم 1 قامت بتنظيف وترتيب منطقة العين باسطة شادوووو Phloof ، بهذا الشكل ،
وبواسطة فرشاة رقم 6 قامت بوضع الكحل الكريمي الأسود على الرموش العلوية ،
بهذا الشكل ،
وبنفس الفرشاة رقم 6 قامت بوضع الكحل الكريمي أسف الرموش السفلية ،
وداخل العين ،
تابعوني
وهذه بعد العين بعد الإنتهاء من وضع الماسكرا << طبعاً الخطوة هذه مو مصورة ،
الشكل النهائي للـ لوك ،،
انتهى اللوك ، وأتمنى يعجبكم وتستفيدون من الخطوات المصورة ،،
مشاء الله
انا اموت في الكفته
وحب اعمل هذي الكفته الجاهزه بطريقتي الخاصه لانها بتوفر الوقت
وخاصه انها روعه لااصحاب الرجيم والي مايحبون الكفته الي مليانه زيت
المقادير والطريقة
علبه كفته جاهزه
حطي الكفته في الطابي توفال وصبي الماي شوي قطعي الطماط والبصل
والثوم الدقوق …. ورشة ابهارات … وملعقتين صلصل او على حسب الذوق ورشه ملح
وغطيه لو احتاج ماي حطي شوي حتى يستوي
وتركيه على النار حتى يستوي
وماراح تأخذ منج وقت في الطبخ
وبالعافيه
ممكن تحطين ملعقه صغيرر ه زبده لو حبيتي
ويقدم مع الارز واحب اقدمه مع ارز المصري
اليوم كنت فايجه وبغيت اطبخ مجبوس لحم وصورت لكم الطريقه
ان شاءلله تجربونهااا وتعجبكم
نبتدي باسم الله
المكونات لـ سلق اللحم دارسين عود و ورق غار وبصلتين
وزنجبيل وبهارات مشكله و كركم فقط نغسل اللحم ونحطه في جدر الضغط
ونضيف عليهم المكونات مع ليتر ونص ماء حارونحطهم على النار حتى يستوي
مدة نص ساعه من عقب سماع صفارة الجدروعقب ما يخلص نخليه على جنب
ولـ طريقة طبخ المجبوس مطلوب معجون طماط عدد2 ومكعبات ماجي لحم عدد 2
وبهارات طبعا ..،
نقطع بصل كبارعدد 2 ونحطهم في جدر ونحط زيت زيتون لانه قليل الكلستيرول
وعقب مايشقر البصل نحط الى سلقناه في جدر الضغط
ونخليه على نار هادئه مدة 10 دقايق ومن يحمر اللحم شوي نضيف البهارات والملح
وعدد 2 من مكعبات الماجي ونخلطهم عدل ونخليهم لمدة 10 دقايق اخرى
وعقب نحط علبه ونص من معجون الطماطم ونخلطهم ونحطه مدة 5 دقايق فقط
ونضيف ماء مغلي حوالي ليتر واحد ونغطي الراس ونخليه لحد ما يغلي
من يبدا بالغليان نضيف العيش وانا استعمل عيش محسن الايراني روووعه
الله يذكرك بالخير يا القريه العالميه بندوج خخخخخخ بغيت اشتري من هالعيش
لانه جد روووعه
ونوطي على النار ونخلط بس شوي شويومن نحس ان العيش ارتفع
نقصر على النار حتى الاخر ومن ثم نغطي الراس ونخليه مدة 3 ارباع الساعه
حان وقت التقديم
جربوهااا وبتعجبكم ان شاءلله
سبحان الله و بحمده سبحان الله العظيم
استغفر الله و اتوب اليه
لا الله الا الله محمد رسول الله
اللهم لك الحمد و الشكر كما ينبغي لجلال و جهك و عظيم سلطانك
اللهم عليك بكل من يكيد بالإسلام والمسلمين
اللهم انصر أهلنا في ليبيا وسائر بلاد المسلمين
اللهم ألطف بهم وعافهم وأيدهم بجند من عندك يا قوي يا عزيز
حسبي الله ونعم الوكيل