الوسم: الكاسترد

السلام عليكم
خواتي أبا أأسألكن. الكاسترد هل زين أعطي البيبي له ست شهور.
وشو أحسن شيء الجاهز اللي فالجمعيات وللا أسوي فالبيت أحسن.
أترياكن

في البيت احسن

اختي الكاستر زين بس الياهل لسى صغير لانك راح اتسوي بالحليب الطازج والحليب الطازج ثقيل على معدة البيبي فالافضل انك تتري اشوي بعد وطبعا شغل البيت وايد احسن من الجاهز الله يحفظلك ولدك

مثل ما قالت حلو مالح اصبري ليصير عمره سنة لان الحليب الفرش قوي على المعدة البيبي

الغاليه انا عطيت بنتي مال الجمعيه الجاهز وايد اوكيه و لما سويته فالبيت طلع حبوب فجسمها و بقع حمرا و عرفت انه من الحليب فقمت اسويلها بدون حليب او اضيف حليبي او حليب صناعي و بالعكس وايد مفيد حتى من عمر 4شهور

الحين كل شي متوفر للياهل من 4 شهور بالصيدليات و الجمعيات

مال البيت احسن وافضل

هلا خواتي شحالكن بغيت اتساعدني بليييييييييييييز كيف اسوي الكاسترد الاصفر والله ما عرف كيف يسونه ويطلعلي معقد ابغي اعرف الطريقه بالضبط

الغلا المفروض يوم تحطين الكاسترد وتحطينه شوي شوي مع التحريك عشان ما يتعقد عليج

عندي طريقه عجيبه والله يطلع كريمي مثل دانيت

اممم بعطيج الكميه الصغيره ل 4 او 6 اكواب

2 كوب ماء + 4 خواشيق نيدو + 2 خاشوقه بودره الكاسترد مليانه عدل

خلطيهم عدل بعدين ع نار خفيفه لين يغلط شوي و تقدرين اتزيدين الكاسترد لو تحبينه غليظ و متماسك ..

تمي حركيهم عالنار لين يتماسك

و في خلاط الكيك ( 1 قشطه + 2 جبن كيري + 2 دريم ويب ) الدريم ويب ع كيفج حسب الحلاه اللي تحبينها

خلطيهم عدل لين ما يتجانس وياج بعدين صبي الكاسترد اللي طبختيه ع النار لكن عقب ما يكون تماسك .. ردي خلطيهم ويا بعض

بعدين صبي فالاكواب و حطي بسكوت ولا كيك اي شيء تبينه

ملاحظه // اذا تبين الكاسترد يتم كريمي غطيه بقرطاس شفاف بحيث يكون لازق فيه

و بس

جربيه والله عجيب و ماياخذ وقت بالرغم من كثر الشرح

للرررفع

اختي ما يباله تعليم و هو سهل جدا جدا ..

تشترين علبة الكاسترد البودرة من الجمعية

و اول شي تخلطين خاشوقتين مع شوية حليب تقريبا ربع كلاص يعني فقط تذوبينه

و تحطين الحليب كمية نصف لتر على النار و يكون مخلوط بالسكر و تفورينه عادي

و قبل لا يفور بشوية تصبين الكاسترد اللي خلطتي قبل مع القليل من الحليب و تمين تحركينه لين يتماسك

إذا شفتيه ما تماسك ضيفي شووووية فقط من الكاسترد و رجعي حركي و خلاف حطيه فالثلاجة يبرد شوية

تقريبا 5 دقايق بس ..هذا اذا بغيتي مثلا تسوين به حلويات او تحطينه في الكيك او تورتات ..

اما للاكل بروحه حطيه فقالب و اصبري عليه لين ثاني يوم او 4 ساعات اقل شي و هنا و عافية .

انا هاي طريقتي بدون اضافة نشا و لا اي شي آخر نهائيا .

للرفـــــــــــــــع

لا إله إلا الله محمد رسول الله

تسلمين الغاليه

مرحبا وجمعة مباركة عالكل

أبغي أعرف طريقة الكاسترد بالضبط، ما أدري ليش ما تغلظ معاي؟؟؟؟ حاسة باحباط

طريقتي اني أذوب الكاسترد شوي في الحليب وبعدين في جدر ثاني أحط حليب وسكر وماي ورد عالضو وبعدين أضيف عليهم الكاسترد….

أرجوكم ساعدونيييييي

انا ادور على سهل اييب القدر احط فيه حليب افرش مع ملعقتين ماي ورد واشوية زعفران وحط كاسترد واخلطه لحد ما يذوب بعدين احط القدر على النار اتم احركه لين ما يغلظ بعدين اغرفه بالمله وسلامتج هاي طريقتي

نسيت اقولج كوب سكر واحيانا احط اشوية هال مطحون

مشكورة عزيزتي وما تقصرين

المقادير :

1 اصبع زبدة مسيح
2 بيضة
1 علبة قشطة
بنفس مقدار علبة القشطة سكر
بنفس مقدار علبة القشطة جوز هند
بنفس مقدار علبة القشطة سميد
1 ملعقة كبيرة بكنج باورد
فانيليا

لخليط الكاسترد :

2 ملعقة اكل كاسترد
1 كاس حليب
1 علبة قشطة

الطريقة :

– نخفق البيض ونضيف له السكر ونخلطهم زين
– نضيف لهم الزبدة السايحة والقشطة ونخلط الخليط
– نضيف السميد وجوز الهند والبكنج بودر والفانيليا ونقلب الخليط
– نصب نصف الخليط في صينية مدهونة بزيت ونخبزه في الفرن
– نجيب الحليب ونذوب فيه الكاسترد ثم نغليه على النار لين يثخن الخليط ونضيف له القشطه مع التحريك.
– نصب الخليط على البسبوسة اللي خبزناها في الفرن ونساويه ونتركه خمس دقايق
– نضيف باقي خليط البسبوسة على الكاسترد ونخبزه في الفرن بس من فوق ( نولع الشواية )
– نطلع البسبوسة ونخليها تبرد شوي ثم نسقيها بشيرة أو حليب مركز ويرش عليها فستق

وبالعافيه عليكم ،،،

اتمنى الردود

thnx 7aboobah

تسلمين حبوبة …

انا جربتها من قبل بس ما ضبطت . . .

تسلمييييييييييييين..

كشخه الطريقه ^^

ثانكس

مشكوووووره

تسلمين اختي ع المرور الطيب

مشكوره على الطريقه

تسلميييين ياقلبي عالطرح

تسلمين اختي ع المرور الطيب

عيبتني حركة الكيييييس ^__^

مشكوووووووووووووووره

يم يمــــــــــي .. أحب القيمــــــــات ..^_^
تسلمين الغاليه عالنقل ..

السلام عليكم
ممكن طريقة الجلي بالكاسترد اللي هوه طبقات يكون. طبقة كاسترد وطبقة جلي
شكرا

ان شاء الله البنات يفيدونج الغلآ ..
تحياتي لج

ماعندي فكره عنه
انشاء الله البنات يفيدونج

تطرين الجلي وفوووقه طبقة الكستر او الاسكريم ولا شو؟؟؟

الي اعرفه انه اول شي اتسوين الجلي ومن يبرد ويجمد اشوي اتقومين اتحطين فوقه الاسكريم

يا ويلي انا اسويه بالقواااطي الصغااار وداخل الجلي احطي كمن حبة رماااان يطلع رهييب ^^

البنات يفيدونج انشاء الله

انا بعد ابا الطريقه

للــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــرفــــــــــــــــــــــــــــــــــــــ ــــــــــــــــــــــــــــــــــــــــــــع

تسليمن ام عبد الله علي الوصفه
الله يعطيج العافيه

وتسلم اعيونج على المرور الرائع حياج الله غناتي

ما شاء الله عليج ….. وتسلمين ع الوصفه الحلوة …
لازم اجربها اليوم ….

جربيها وادعيلي وخبريني بالنتايج موفقة غناتي وشكرا على المرور

عاد انتي كم تحطين سكر ….. <<<<<<< عذريها حليلها ما تعرف في سوالف الطبخ خخخخخخخخخخخ

يسلموا اموت عليه خاطري فيه

ممممممممم شهيتيني

تسلم ايدك بس ايه هى الحبه الحمراء

تسلم ايدج

السلام عليكم ورحمة الله وبركاته

الأسبوع اللي فات عملت هذي اللقيمات

وطريقتها للامانة أخذتها من ورد الريف الله يجزاها كل خير

المقادير والطريقة :

1كوب دقيق & واحد ونصف ملعقه كبيره حليب باودر
ملعقه كبيره كاسترد بودرة "يعطيها لون رائع"
1 ملعقه صغيره سكر & اقل من الملعقه الكبيره بشوي (خميره فورية) & ذرة ملح & 1 كاس ماء دافئ

* * *

اخلطيها مع بعض واعجنيها (اعجني اعجني واعجني )
لمدة 5-10 دقائق
وخليها ترتاح مدة ساعة

* * *

تلقمينها في زيت غزير وحار
وعلى نار هادئه مع التقليب المستمر

وبعدين صبي عليها عسل وإلا دبس

وهذي النتيجة معي

صورتها قبل لا أصب الدبس

شو رأيكم ؟؟

نصيحتي جربوها سهلة ولذيييييييييذة

منقوووووووووووول للمبدعه ( هند )

شكلهااااا لذيذ من كم يوم أدور على خطوات للقيمات

يعطيج ألف عافيه

ان شاء الله ………….

منوريين

لذيذة

يمي يمي

رووووووووووووووووووووعه

المقادير :

1 اصبع زبدة مسيح
2 بيضة
1 علبة قشطة
بنفس مقدار علبة القشطة سكر
بنفس مقدار علبة القشطة جوز هند
بنفس مقدار علبة القشطة سميد
1 ملعقة كبيرة بكنج باورد
فانيليا

لخليط الكاسترد :

2 ملعقة اكل كاسترد
1 كاس حليب
1 علبة قشطة

الطريقة :

– نخفق البيض ونضيف له السكر ونخلطهم زين
– نضيف لهم االزبدة السايحة والقشطة ونخلط الخليط
– نضيف السميد وجوز الهند والبكنج باودر والفانيليا ونقلب الخليط
– نصب نصف الخليط في صينية مدهونة بزيت ونخبزه في الفرن
– نجيب الحليب ونذوب فيه الكاسترد ثم نغليه على النار لين يثخن الخليط ونضيف له القشطه مع التحريك
– نصب الخليط على البسبوسة اللي خبزناها في الفرن ونساويه ونتركه خمس دقايق
– نضيف باقي خليط البسبوسة على الكاسترد ونخبزه في الفرن بس من فوق ( نولع الشواية )
– نطلع البسبوسة ونخليها تبرد شوي ثم نسقيها بشيرة أو حليب مركز ويرش عليها فستق

عوافي عليكم

اتمنى الردود

تسلم الايادى

شكلها روعة بسويها باجر يايين اهلية من العمرة

انا خبرتني ربيعتي الطريقه سويتها بس ما ضبطت اذا ممكن حبوبه حطي لنا الطريقه مع الصور بيكون احسن ومشكوره وايد…

تسلم ايدج

يسلمووووووووووووووووووو