انا مشكلتي فريلي مادري بلاه ..
ألبس له واتكشخ له ولا يصد صوبي لا وفوق ل ها ما اشوفه وايد اتخيلوا هو الصبح يروح الدوام وعلى الساعه 3
يرد انا هالوقت الع اروح الجامعه وهو يطلع يرووح بيت اهله واخلص الساعه 8 فليل وهو يرد البيت يتلبس ويروح
التمرين ويرد الساعه 10 فليل يكون تعبان يتم ساعه ويروح يرقد واخر الاسبوع يوم الخميس يروح بيت اهله ويرد
البيت عاد هني انا مستانسه اتلبس واتكش0خ حظرته يرد البيت يرقد وا جنه وحده من اسبوع مب شايفنها
عااااااااااادي عنده لا احسااس ولا شي وانا انكسر داخليا موووت ليش يطنشني ويووم اتلبس واكشخ ما يقول حلو او
شي ما يرمس والله انكسر اقول انا اسوي لمنو اتم يالسه كاشخه اتم ساعه او ساعتين لو ما رمس ولا قال شي
اروح ابدل البس جلابيه وايلس العب ويا بنتي والله متضايجه وكل بيت اهله واول شي اهله وعقب انا ويقولي ما
يخصج ..
هو يقول يحبني ومب مقصر فيني فالبدايه وعقب كله يتصرف تصرفات غريبه ويقولي لا ترمسين لا ترادين شو ما
ارادد وانا اسبوع كامل ما شفته ولا يلست وياه واخر الاسبوع يوم اقوله ابا ايلس وياك وجي ومب لازم تسير اليوم
بيتكم لان طول الاسبوع انته عندهم وانا ما اشوفك حراااام عليك س شوي ولا يطلعني ولا شي يوم يطلعني احس
يشوف بنات ونتضارب يقول شو انتي ومج جي تتضاربين يوم تطلعين اقوله انته شو ماتحس تشوف بنات وانا جدامك
يقول شو فكل مكان بنات وين اتنقب يعني ومستوي شرات الشيبه من يرد البيت اول شي يدووور فالبيت يدور شي
وصخ او شي مفروور يقول ليش ما نظفتي وليش ما رتبتي ويوم ما اسويله مرات اكل مرات مب دوم يتحرطم وانتي
مقصره وانتي لازم كل يوم تسوين اقوله انا اروح الجامعه وعندي بنت تأذيني فليل ماقدر مرات اتعب وما اسوي اقوله
بسويلك شي خفيف ا يبا لازم يبا طبخ ونفخ شي شي يبين اني تعبت بالاكل عشان يقول حلو ..
والله ودوم ايلس بروحي فالشقه بعد مب بيت يقولي انتي مكانج البيت تدرون من شهر ماركبت السياره وياه انا عندي
سيارة وهو خلاص غسل ايده مني انا بروحي اروح المستشفيات وبروحي اودي بنتي الا مرات هو ايي وياي يقول
انتي شو خانتج ليسن عالفاضي اففففففف مليت منه بس المصيبه الكبرى انه هو يموت فيني وانا بعد احبه ولكن ماقدر
ابد اتحمل تصرفاته ..طول الاسبوع ا اشوفه كل بيت اهله واخر لاسبوع يوم الخميس يطلع بيت اهله ويرد يرقد ما
ييلس وياي واذا يلس ساعتين يقول شو انتي ما تشبعين ساعتين يلس وياج تخيلوا وفوق كل هذا يطلع يوم الجمعه
حق صلاة الجمعه وعقب ما يرد يروح بيت اهله لازم دوم على هالمنوال وعقب يرد المغرب يلبس ثيابه ويسبح ويطلع
عند ربعه لين الساعه 3 او 4 الفير وانا ما ييلس وياي ويوم يرد اكشخله وجي مرات يستجيب ومرات يقول تعبان
ويرقد والسبت يقولي ظهرتج انتي بس والله الصبح يروح التمرين وعقب يمر بيتهم وعقب الظهر او العصر ايي يلبس
ويقوي اتلبسي نطلع عالمغرب ساعة فالزحمه ونحنا رايحين وساعه فأي مول مليت والله من مولات وساعه فالزحمة
ونحنا رادين وطبعا اليوم الثاني دوامات نرد بسرعه ااف ضيجه ومب كل سبت يطلع وياي يقول مرات مالي خار
تطلعين وياي ابا اطلع بروحي يروح بيتهم وييلس هناك يردفليل يرقد حق الدوام وكالعاده مثل هذا الروتين وانا دومي
صياح فصيااح حتى قمت اصدع ..
يباني انف البيت اول باول ما يبا شي طايح ويبا اكله قبل لا يدخل الباب يكون جاهز ويبا يطلع ويرد وما احاسبه وانا
اسكت يقول شو انتي تحاسبيني يوم اعترض شوي وعقب خلاص انفجر اقوم واعق رمسه واضارب وجي وحتى
مانعني اليوم اسير مكان بنكمل سنتين بس مره وحده رقدنا بفندق عقب ليلة الدخله ملل ملل لا ظهرات شرات الناس
ولا يسفرني ولا ييلس وياي وايد وفوق كل ها مب رومانسي ويوم اقوله انته مب رومانسي يقولي انتي تبين حب مهند
ونور يطنز ..علما هو اكبر مني ب 10 سنين وجكيته مرة وهو يرمس بنيه وانا كنت فالاربعين اتخيلوا حالتي عشان
جي اغار عليه واايد
ويوم اكشخ يقول لي ها وقته تتكشخين انته كله تبين حد يقولج حلوة وحلوه خلاص كم مرة الواحد يقل انتي دوم حلوة
مب لازم ارمس بس يوم بشوفج خسفه بقولج اليوم انتي خسفه قلت لا والله يعني حق المغثه والضيجه انته اول واحد
بس حق المدح والرومانسيه ماشي.
ومرات يوم ايي صوبه يوم راقد يقو خليني ابا ارقد فيني رقاااد..
بس انا ولا مرة رديته …
وواااااااااااااايد يحب اهله واااااااااايد مب شوي صح هايلا اهله بس انا مرته بعد يعاملني شرات البشارة يقول انتي
لا تحاسبيني على طلعاتي بس انتي عندج يوم واحد الا هو السبت اني اطلعج اخس الايام اللي عقبه دوامات ونرد
بسرعه وما يمديلي واذا قلتله ابا اظهر يوم بين الاسبوع يقول يوم الاسبت بظهرج ومب كل سبت يظهرني شو
هالارف..
ابا حل ..
مشكوووورين على المروووور
يدق الباب الحين ما بفتحله ماحس ابا اشوفه ..
ويهددني اذا رحت بيت امي وهو ما يبا…
الحين حظرته يبا يدخل يسبح ويتلبس ويطلع ويا ربعه خله يدق لين باجر …
ما بفتحله الباب …
مب شوي اللي يسويه فيني
المشاركة الأصلية كتبت بواسطة رويــانــة 
