الوسم: المندي
بغيت اعرف طريقة عمل الشطة اللي تجي مع عيش البخاري او المندي
شحالكم خواااااااااتي ؟
بغيت اعرف طريقة عمل الشطة اللي تجي مع عيش البخاري او المندي
انا اسويها بس الطريقة الاعتياديه طماط + قرن فلفل ورشة ملح
ابا الطريقة الأصح
انا اسويها بهالطريقه
احط طماطم وشوي كزبره وشوي بقدونس وفصين ولا ثلاثه ثوم وعصير ليمون وقرون فلفل كيف تحبينها حاره ولا معتدله
وهاي طريق الاخت العزيزه عزيزه في منتدى حواء محد ذاقا مع الاكل ما عيبته ودوم يطلبونها وامس مسويتنها على الفطور
ان شاء الله تعجبج
دمتي بود
الله يوفق الجميع
الغالية اخلطي الطماط ، والفلفل ، والثوم ، والملح ، والليمون واذا تبين اتحطين كزبرة براحتج بالخلااط وعقب ما تخلطينهم ،، هاتي جدر وجبي الخلطة داخلهـ وعقب حطيهـ ع النار لين ما اتلاحظين انهـ شكل الشطهـ بدا يستوي شرات إلي انتي تبينها
وان شاء اللهـ قدرت افيدج
جزاكم الله الف خير
صورة فرن المندي
أول مرة اشوفه…
بس تسلمين الغاليه ..
بس حلو والله سهل خدامتنا بتستانس عليه
بس احس استعمااله صعب اشوي
تسلميين الغلا
طريقة عمل المندي بالفرن وبالصور التوضيحيه
——————————————————————————–
/
المندي من الذ الاطباق واهمها في الخليج
والطبق الاساسي في اغلب المناسبات
فكرت انقل لكم الطريقه اكيد لانو الاغلب حاب يتعلمها
واللي بعرف يعملها يدخل يساعدنا
/
نبدا بالمقادير
دجاجة واحدة
اربع كاسات رز ابو كاس طويل الحبه
بصله مقطعة جوانح
نص كوب زيت
مكعب ماجي مذوب في نص كوب ماء ساخن
(بهارات الرز)
ملقة اكل كمون حب وزيها كزبره
هيل حب
مسمار حب
قرفه
ملح حسب الذوق
نص ملعقة صغيرة معزز نكهة
حبتين ليمون ناشف
ثلاث حبات فلفل اخضر حار
بهارات الدجاجه)
ربع كوب زيت
ملعقتين اكل كركم
ملعقة اكل كمون وزيها ملح
ملعقة صغيره فلفل اسود وزيها فلفل احمر وزيها معزز نكهة
عصير ليمونه
نص ملعقه صغيره ملح ليمون
(الطريقه)
ننظف الدجاجه واقسموها نصين وبعدين اخلطو بهاراتها المذكوره فوق ونقعو الدجاجه فيها << موشرط وقت معين بس كل ما طولت كانت اطعم
بعدين ولعو الفرن على اعلى شي
جيبو قدر واطي يعني زي الصينية المرتفعه وحطو فيه الرز بعد ما تكونو غسلتوه ونقعتوه تمام وحطو الزيت والماجي المذوب في المويه والبهارات حقت الرز اللي ذكرناها فوق ولا تنسو الفلفل
وبعدين خذو ورقتين قصدير على قد القدر وغطو القدر فيها زين وجيبو شوكه ولا عود اسنان وخرمو القصدير عاد انا اخذت عود الشوي
بعدين جيبو كمان قطعة من القصدير وغطو فيه الدجاجه والقدر سوى ودخلوهم الفرن
خلو الشعله اللي تحت شغاله بس وبعد ساعه ولعو اللي فوق عشان تتحمر الدجاجه لمدة نص ساعه يعني التوتل الكلي ساعه ونص ********ساعه من تحت ونص ساعه من فوق
وبعد ما يخلص الوقت طلعو القدر من الفرن
وراح يكون الطبق بعد التقدبم
منقول
صرااحة ترتوبيشن والله
كل الشكر لج
طريقة المندي بالصور
من صنع البيت بلا مطعم بلا شي
وسهل وسريع
المقادير :
دجاج او قطع لحم حسب الرغبه
رز حسب الكميه المطلوبه
بهارات صحيحه ( دارسين مسمار فلفل اسود هيل )
راس بصل وحد
حبتين طماط
نصف زبده
فلفل حار حسب الرغبه
زعفران ربع ملعقه صغيره
ملح
ماء حسب كمية الرز
الطريقه :
https://www.y111y.com/
1- تبلي الدجاجه بالبهار والملح ومسحيها بالزعفران وحطي عليها شرائح زبده وزعيها من فوق
2- في الطنجره حطي الرز والبهار الصحيح وقطعي البصل أربع قطع أو شرائع كبيره مع الطماط وحطي ملح حسب الرغبه وصبي الماء لمن يطمي الرز ويرتفع عنه مقدار صبعين
3- نحتاج هنا شبك بحجم الطنجره او ادا ما عندج خدي قصدير غلفي الطنجره وخرميه من فوق
وحطي الدجاجه فوقه وغلفيها بالقصدير مره ثانيه
4- وخليه ساعه بالفرن مني لين ينضج الرز الدجاجه رح تنضج شوي
بس خديها بصينيه حطي عليها شرائح زبده وحمريها بالفرن ربع ساعه
وهذا الشكل النهائي
وان شاء الله يعيبكم
بس ماشي صور
حاولت بس ماعرف
المندي
~*¤®§(*§العيش المندي من مطبخ مرحباني §*)§®¤*~
السلاااام عليكم ورحمه الله وبركاته
شحالكم غاليااتي عسااكم بخيير
شرى ماوعدتكم انزل لكم طريقتي ف عمل العيش المندي وتروميين تتحكميين ف الكشنه بمزااجج
والحشوه بعد
واهنييه سوويت الحشوة بالفلفل الرومي البارد والزبييب
يالله تعالوو نشووفهاا
بسم الله نبداا
المقادير :
عيش
بصل + فلفل رومي بارد + بهارات عدله + بهارات +ملح
فلفل اخضر + مكعب ماجي + زبييب + زييت + كزبره خضرراء
بطاطس للويهه
الطريقة موضحه بالصوور :
نحط الزيت والبصل والفلفل الاخضر ف الجدر ونبدا نحمسهاا
وهنيه بداا يتشقر
نضييف الفلفل الرومي الباارد
ونحمس اليين يتغير لون الفلفل ويذبل
وهنييه ننقع الزبيب ف ماااي
نشيك ع الكشنة ونحط البهارات العدله والمطحونه والملح والمعكب المااجي
انا ماحطييت العدله ابوويه قالي لا تحطين خخخخخخخخخ
نحمس اليين تتشرب البهارات البصل والفلفل عقب نحط الزبييب
هنييه بدت الكشنة تستوي والزبييب يستوي
ونضييف الكزبره الخضرااء ونحمسهاا شوية ونبد عنه
ونحط العيش يستوي ونضيف له الكمون والملح والميا طبعاا
عقب اذاا خلصناا وشخلنا العيش
7
7
7
يتبــع
وعقب نحط الكشنه ع الويهه
نحظر الجمره ونحطهاا ف فنجال ونحطهاا ف نص الجدر
ونحط عليهاا الزييت ونصكر الجدر عسب يتبخر العيش ونخلييه عشر دقايق يتسبك ع نار هادئه
وهنييه الشكل النهاائي للعيش ونزيينه بالشيبس المقلي ( اختياري )
وهنييه يمي يمي الريحة خبااااااااااال
وهنييه ويا الديااي الشوايه يبنااه من بررع والي يحب يسوويه تراه وايد سهل
وبنزاكم الطريقة ان شاء الله
بس كنت مستعيله ف يبناا من بررع
والي ماايبغي العيش شي شيبس مقلي وياا كااتشب يمي يمي
هييه بقولكم نكتة ف طماااااااط عطست قالت كااااااااااااااااااااااتشب خخخخ
وعووافي علينا وعليكم
تقبلوو ووودي
اختكم
مرحبااني
تجنن وتشهي
هاذ اكلة مشهورة عندنا ومحبوبة ههههه
تسلم الايادي يا غااااااااااالية
ماشااااءالله عليييييييج مرحباني متى بذوووقه خخخخ تســـــلم إيدج.والنكته واو حللللللوه..
بس بسالج كم كيلو زدتي بعد هالاكل خخخخخخخخخخخخخخخ
طريقي في عمل المندي .
2 دجاجة مقطعه من النصف مع الاحتفاظ بالجلد
4 يصلات مقطعه شرائح
4 فصوص ثوم مقطع قطع صغيره
2 حبات جزر مبشور
قليل من الزيت
مكعبين ماجي
ماء
(البهارت الي بكتبها حسب الذوق الي تبا زياده..)
5حبات هيل
3 حبات قرنفل
4 اعواد جرفه
5حبات فلفل اسود حب
علبة صلصل صغيره
ليمون معصور ربع كاس تقريبا
وملح وشوية فلفل احمر
الطريقة:
اول شي اتحطين الزيت في الجدر ليما يسخن وعقبها اتحطين البصل والثوم واتحمسينه شوي يعني ليما يبيض مب اتخلينه احمر مهم
وبعدين البهاات واتحمسينهم ليما تتطلع ريحتهم وبعدين حطي فوقهم الجزر وحمسيه شوي معاهم وبعدين اتحطين الدجاج على الخلطه بدون ما اتجلبينه وتقصرين على النار وتغطين على الجد لين 7 دقايق تقريبا ليما تظهر مرقة الدجاج وبعدين اتحطين تقريبا 2 غرشة ماء كبير واتحطين مكعبين الماجي واتخلينه ليما ينضج الدجاج .
وبعد ما ينضج الدجاج اتطلعينه وتحتفضين بالماي لانا بنطبخ فيه العيش
تتريين ليما يبرد الدجاج شوي وبعدين اتحطين عليه الخلطة التالية
علبة صلصة طماطم صغيرة +ربع كاسة ليمون +ربع كاسة ما ء الدجاج +شوية فلفل احمر ورشة ملح حسب الحاجة وبالنسبة للخلطة لازم اتكون كثيفه مب سايلة وتقدرين تتحكمين في هالشي من خلال كمية عصير الليمون وماي الدجاج.
وبعد ما اتسوين الخلطة اتحطينها على الدجاج وتغطينه عدل بالخلطة وبعدين اتحطينه في صينية الفرن واتخلينة في الفرن بس ليما تنشف الخلطه على الدجاجويحمر شوي .
وبعد ما اطلعينه من الفرن اتحطينه في حرارة الاكل وتيبين ملة صغيره واتحطين فيها زيت نصها تقريبا وتحطين فحمة (ساخنة) في الزيت واتسكرين الحرارة بسرعة عشان الدخانة الشوي اتم في الدجاج.
طريقة العيش:
اتيبين 2 كاسين عيش وتنضفينه عدل واتخلينه تقريبا نصف ساعه في الماي قبل لا تطبخينه
اتيبين ماي الدجاج واتزيدين عليه شوية ماي (كأنج بتطبخين مجبوس) وتتأكدين من الملح واتحطين عليه العيش وتقصرين على النار وتغطين الجدر بقصدير واتغطين عله ليما يتشرب كل الماي ويستوي
اذا حسيتيان العيش الي فوق مب مستةي بعد ما نشف الماي عنه خليه مغطاي بالقصدير لين وقت التقديم
المهم بعد ما يستوي العيش نفس الشي يبي مله صفير زجاج واتحطين فيها زيت وفحمه (ساخنه) واتحطينه في نص العيش الي في الجدر واتغطين عليه بالقصدير لين وقت التقديم.
وقت التقديم اطلعين ملة الفحم من الجدر واتحطين العيش وفوقه
الدجاج.
وممكن اتقدمين معاهم صلصة عباره عن (قي الخلاط 2طاطم ناضجه+ ربع كاسة عصير ليمون + 1فلف اخضر واذا تبينها حاره اكثر اتزيدين +شوية ملح).
وهني وعافيه على قلوبكم
اختكم شمس الحياه
ذكرتينا بأيام العمره والحج
عزيزتي المقصود انا نحن نحصل على ريحة الشوي من خلا ل وضع ملة صغيرة فيها زيت ونضع عليه الفحم الساخن فيكون الناتج ريحة الشواء الي نريد اتكون موجوده في الدجاج او العيش نفس ريحة المندي الي يكون مطبوخ على الفحم
تسلم يدج
المندي . يميييييييييي
شو الاخبار
الصراحه هاي الاكله وايد لذيذه
خذت طريقتها من منتدى حواء بس هي مسوتنها على لحم وانا سويتها على دجاج
وزدت شوي في البهارات
وانا جربتها كم مره والحمدلله ضبطت من اول مره
وهاي صورتها
وبسم الله نبدأ
دجاجه مقطعه 4 قطع
2 كوب عيش منقوع في الماي
4 بطاطا صغيره
بهارات العيش(عود قرفه +ورق غار+حبات مسمار+هال)
زيت او زبده ذايبه
ملح +فلفل اسود
بزار
كزبره مطحونه
قرفه مطحونه
بهار التندوري
ثوم مهرووس
زنجبيل مهرووس
شويه زعفران
تشغلين الفرن على حراره 200
تخلطين تتبيله الدجاج وتحطينها على الدجاج وتخلينه على جنب
تقطعين البطاط قطع كبيره يعني كل وحده 4 او 3 قطع وتخلطين بنفس تتبيله الدجاج
وتصبين الماي الحار لين تغمرين العيش نفس الصووره
تغطين البايركس بالقصدير ويكون طبقتين وتسوين فتحات بالسكين
تحطين الدجاج على القصدير وتوزعين البطاط
تغطين الدجاج وتدخلين الصينيه الفرن
بعد مرور ساعه تقريبا ترفعين الغطا عن الدجاج وتخلينه يتحمر وفي ها الوقت وزعي على الدجاج قطع صغيره من الزبده
تسلم الايادي يا شيف Rosewater
وين الاقي برميل المندي المتنقل في الامارات؟
شخباركم …
انا من كم يوم شفت في موقع برميل المندي والشوي شرات التنور متنقل حق البيت او الرحلات …
حد يعرف وين نحصله هني في الامارات .. انا لما سويت بحث بس لقيت في الدمام والبريكة مادري مناطق سعودية يبيعون ..
بغيت اعرف اذا حد عنده فكرة ونحصله هني؟؟؟
مشكورين
تقريبا جذي شكله
بنات اللي عندها الوسيط بليز تشوف لنا
موفقة حبيبتي
شفته بالقريه العالميه
القريه اليمنيه
بس بشكل ثاني على الفحم
وماعندي فكره عن سعره
موفقه إن شاء الله