الوسم: النقانق

هلا خواتي
أبا اسوي باستا بالنقانق بطريقة الصلصة البيضة و طريقة الصلصة الحمرا
وياليت لو تكون الطريقة سهلة لأني مبتدئة

ليش محد يرد؟؟ معقولة ولا وحدة عندها طرق عمل الباستا؟؟؟؟!!!

حبيبتي ممكن تحصلين الطريقة على جوجل

السلام عليكم الصلصه البيضا ولا اسهل لكيس معكرونا واحد علبت كريمت خفق الععوده 3 فصوص ثوم وملعقة زبده عوده ملح فلفل ابيض وجوزة الطيب شويه انا شخصيا افضل الفلفل الاسود تذوبين الزبده على نار خفيفه مع الثوم اضيفين الكريما والبهترات المذكوره لين ماتغلض افضل المعكرونه ماتكون ناضيه 100%تخلينها تكول سواها في الصوص الابيض

الصوص الاحمر ايطالي اصيل نفس المطاعم زيت زيتون يتسخن بثوم وملح شوي فلفل اسود اوريجانو وحبق ينضرب الطماطم في الخلاط ويضاف عليه وتخلينه على نار هاديه لين مايتسبك

وانشالله تدعيلي بعد ماتجربينهم

في كل الحالات احب المعكرونه تكمل سواها في الصوص

بالصوص الاحمر وبطريقة سهلة للمبتدئات ومن تستصعب الطبخ

خذي صينية فرن وحطي فيها طمام مقطع قطع صغيرة الكمية محترمة عسب الصوص ( ممكن طماط مهروس ) + ممكن اضافة معجون طماطم وممكن الاستغناء عن معجون الطماطم بزيادة الطماطم الطازج
نقانق مقطع ( ممكن تقلين النقانق قبل بخلطة ببهارات مشكلة (كركم فلفل احمر اسود بزار كمون ثوم مهروس وتقومين بتحميره بالزيت مجرد تحمير يكتسب لون بدون ماينضج وممكن تلغين هذه الخطوة وتستخدمين نقانق مقطع على طول )
بصل مفروم ناعم جدا
وتضيفين بهارات في صينية اما النوع الاول او الثاني ا
لاول ( مثل كركم فلفل احمر فلفل اسود كمون اعشاب مجففة ارويجانوا روز ماري بقدونس كزبرة نعناع وملح حسب المذاق وزيت زيتون ربع كوب او حسب الرغبة الكمية بالتناسب مع كمية النقانق والطماط )
البهار النوع الثاني ( مسحوق كركم بزار فلفل احمر كمون جرفة هال مسمار بقدونس ونعناع مفروميين طازج ومعجون ثوم )

نخلطهم كلهم مع بعض ونغطيهم بورق قصدير وندخلهم الفرن ونشغل الفرن من تحت ونتركه لين ماينضج النقانق وبعدين نشل القصدير ونخليها لين ماتتسبك الصلصة
تغلظ وبعدها انظهرها من الفرن ونكون مجهزين الباستا ونخلطهم مع بعض ونتركه على الضو يتسكر 10 دق وممكن نسويه بصلصة البشاميل ونصب الخلطة بين طبقتين من الباستا ونغطيها بالباشميل والجبن وندخلها الفرن

اااااااااااب

كنت محتاره وايد شو أسوي عشاء وقلت بخبص بالمطبخ يمكن تطلع أكله حلوه

أنا عن نفسي ما أحب البيض مع اللحم ( العجه ) بس ما أعرف ليش اتخيلت البيض مع النقانق بيطلع

حلو المهم طولت عليكم …….

المقادير: بيض / نقانق/ بطاطا / فلفل أسود وملح

الطريقه : قطعت البطاطا مكعبات صغيره وسلقتها مع النقانق

بعدين قطعت النقانق المسلوق دوائر صغيره

بعدين حطيت زيت ع التاوه وبعدين البيض وبعدها حطيت النقنانق والبطاطا والفلفل والملح

وخلطتهم مع بعض ……… وبالعافيه

ملاحظه : طبعا النقانق والبطاطا بعد السلق اشخليهم علشان تتخلصين من الماي

شكلها لذيذة يمي يمي
بجربها ان شاء الله
تحياتي
مشكورة عالوصفة اللذيذة

ياسلاااااااااااام

ذكرتيني كنا دوووووم نسويها وصدق تظهر لذيذه لكن بدال البطاط نحط جبن

جربي الجبن مع النقانق والبيض يطلع رووووووووعه

خاصة الجبن كراااااافت

وبالعافيه ،،

تسلمين انتي بعد ع الوصفه بجربها مع البطاط ^_^

اختج
شيخة الحريم

مشكورة عالوصفة اللذيذة

خواتي كيف طريقة طبخ النقانق >> يمكن سؤال غريب بس انا ولا مره أكلته

انا دورت بالنت حد يقول يفور بالماي ربع ساعه .. وحد يحطه مثلا ع البيتزاء من دون ما يطبخه .. وحد كاتب انه يحطه بالمايكرويف ..؟

انا مره حطيت حبه كامله وثورتها بالماي مده ربع ساعه … >> بس حسيت انه فيها رائحه ,, والا هذا شي عادي ..؟؟؟

فكيف اطبخه سواء بالماي او الفرن او في حالة استخدمته لحشو الفطاير او البيتزاء

انا الي عندي نقانق دجاج chicken franks

اختي اني اقليه بالزيت بس زيت قليل حتى لايشرب زيت كثير

نفس ما قالت الاخت

انا فورته بالماي طلعت فيه ريحه

فقليته بالزيت الخفيف مثل ماقالوا الخوات ويطلع حلو

أنا هذا النوع بالذات اللي حاطته بالصورة ما أحبه

لن دوم يوم نقلي النقانق بالزيت يفتح بالنص و يتبطل و يستوي من الداخل بس هذا النوع ما ينظى من الداخل فما عيبني

بتحصلين نوع ثاني و ذبح حلال بعد ..

حبيبتي.. فوريه 3 دقايق بس.. مب وايد يكفي جم دقيقه..

وقليه لمدة دقيقتين تقريبا .. لين يحمر خفيف..

وبالعااافيه

طيب لما افوره بس بالماي والا احط معاه شي ..
ولازم اقطعه والا عادي احطه كامل ..؟

بسم الله الرحمن الرحيم

السلام عليكم ورحمة الله وبركاته

حياكم الله …نقلت لكم هذه الوصفة عجبتني كثيراً ..والأطفال يحبونها ؛ وشكلها حلو جداً للتقديم فيه فن إن شاء تنال إعجابكم …

المقادير :-
العجينه 3 كوب طحين ابيض1م ط خميره1 م ط سكر 3 م ط حليب بودره2 م ط سمن ذايب1 م صغيره ملح1 م ط اوريغانو1 1/2 كوب ماي فاترتعجن وتترك لتخمر ساعهننقع النقانق بماء مغلي وبصل ربع ساعه نصفيها خليط
الدهن – بيضه-2 م ط حليب سايل- ملعقة صغير اوريغانوكتشب ومايونيز للتقديملكل حبة نقانق نسوي كرة عجين
لا تكون رفيعه حيل ونفردها شكل النقانق ندهنها بخلطة البيض ونحط نقانق فيها ونسكرها من جانب واحد زين
نجيب سكين ونقص العجين بالنقانق بس طرف العجين الفوقي ما نقص عليه بس نتاكد من قص النقانق وبيكون
فتحات ملصوقه بالعجين من فوق نفتح كل قطعه ونخالفهم ببعض يعني وحده فوق ووحده تحت عشان تفتح
بشكل مرتب بس ما نفصل العجين لا بس نلفه بالراحه ويفضل انه نسويها في صينية الفرن هالحركه عشان ما
تحتاسين وانتي تشيلينها وبس نتركها تتخمر نص ساعه وندهنا بخليط البيض وتدخل الفرن بس تتحمر تطلع نشخط
عليها وهي حارة مايونيز وكاتشبو ممكن جبن شدر مبشور لو تحبين وبالعافيه

بنات ترا عيبني وايد و قلت انقله ان شاء الله عيبكم……..

مممممممممممممممممم
يم يم
والله انج فنانه
والله عيبني واااااااااااااااااااايد
تسلم ايدج وعسى ربي لايحرمني من اكلاتج الطيبه
وانشاءالله اجربها حق الكبار هب لصغارررر

ههههههههههههه

ياااااااااسلااااااااااااااام شكلة يشهييييي واااااااااااااايد

يسلمو حبيبتي شكلها وااااااااااااااااااااااااااااااااااااااااااااااااا ااااااااااااااايد نايس

مشكوره الغاليه

تسلمييييييييين حبوبه

تسلمين اختي شكله شهي

سلطة المكرونة بالنقانق

اقدم لكم
طبق سلطة رااااايق لمحبي السلطات

سلطة المكرونة الملونة بالنقانق
المقادير
نصف باكيت مكرونة ملونه

نقانق دجاج

نرة
زيتون اسود واخضر شرايح
فلفله حمراء وخضراء وصفراء مقطعة على شكل اعواد صغيرة
حبة جزرة كبيرة مبشورة
مقادير الصوص
ليمونة ـ 2ملعقة صلصة فرنسية ـ ملعقة مايونيز
وممكن تستغنين عن الصلصة الفرنسية اذا تبغين ويكفي المايونيز والليمون

الطريقة
تسلقين المكرونة بماء وزيت شوي وحبة ماجي

تقطعين النقانق انصاف دوائر وتشوحينها بزيت شوي وفلفل اسود

ومن ثم تضيفين باقي المقادير

وآخر شي تضعين الصوص وتقلبين المقادير مع بعض

يميييييييييييييييييييييي شكله لذيذه ههه برووح اسويهاا اللحين ههه
مشكوووره حبيبتي…….

يمي يمي

لذذذذذذذذذذذذذذيذ

متى بي باجر عشان اويها يمي يمي لذييييييييييييييييييييييذه

تــســلــم ايــدك
رووووعة ما شاء الله

يمي يمي

يسلمووو على الطريقه

كلت لين ماقلت بس خاصة من صب واي خخخخ كلي عادي

ههههههههههههههههههههههاي قموووووووووز انتي فنتك ..

الدكتورة ما قالت لج شي ؟ عيل انا يمكن كلت 3 مرات و دوم جي احس بتأنيب الظمير :S

الحمدلله اني مااحب هالاشياء

لاااااا عـــادي الدكاترة حركات عليهم .. كل شي بيقولون لج مب زين خخخخ
بس اهم شي تضمنين الاكل يكون نظيف خلاص مايحتاي بعد <<< تفلســـــــــفت

وعليــج يالعافية

همســة : زعلانــة عليـج يا دبــة

انا قبل يومين ماكله النقانق اللي يسوونها فواحات ادنووك… امووووووووووووت عليهاااااا…

انا بعد الدكتوره مانعة عني وايد اكلات ومشروبات ..

اللي هي .. المشروبات الغازية بكل انواعها .. التانج.. ماجي.. الاندومي.. وبعد اكلتين ما اذكرهم

بس صراحه هالدكتورة اوكيك .. لان بفضل من رب العالمين اولا .. وثانيا بفضلها حملت ..

وصفتلي اشياء عشبيه .. وكل شغلها بالاعشاب..

بس اقولج شي .. اللي فخاطرج اكليه .. لا يظهر فالياهل وتتوهقين..

اوييييييييه كيف عايشه .. ههههههههههه الذ شي .. لوول ..

الله يثبت حملج ياااااااااااا رب ..

اكيد نظيف و مطبوخ ههههههههههه ..

فديتج ليش زعلانه والله تعرفين زرووفي خخخخخخخخخخخ

المكوّنات

500 غ من نقانق لحم العجل. الحرّة، منزوعة القشرة ومقسّمة على شكل كريات

1 كغ من الدجاج. منزوع الجلد ومقطّع إلى 8 قطع

2 وحدة متوسطة أو 250 غ من البصل. المقطّع

3 ملاعق طعام من معجون الطماطم

3 وحدة متوسطة أو 300 غ من الطماطم. المقشّرة والمقطّعة إلى مكعّبات

1 ملعقة صغيرة من القرفة المطحونة

1 ملعقة صغيرة من أكباش القرنفل المطحونة

1 ملعقة صغيرة من الهال المطحون

1 ملعقة صغيرة من الكزبرة المطحونة

6½ أكواب أو 1.6 لتر من الماء. الساخن

2 مكعبات أو 20 غ من مرقة الدجاج ماجي

2 ملاعق طعام من الزيت النباتي

1 وحدة متوسطة أو 250 غ من البطاطا. مقطّعة إلى مكعّبات متوسّطة الحجم

1 وحدة متوسطة أو 150 غ من الفليفلة الحلوة الخضراء. (قطع بحجم 1 سم)

4 أكواب أو 800 غ من الأرز البسمتي. مغسول ومُصفّى

2 أكواب أو 300 غ من الفاصوليا الحمراء "كيدني" المطبوخة. مُصفّاة ومغسولة

طريقة التحضير

تُقلى النقانق في قدر كبير حتى يميل لونها إلى الذهبيّ، ثمّ تُخرج من القدر وتوضع جانباً.

تُقلى قطع الدجاج في القدر نفسه في الزيت والعصير المستخلصين من النقانق.

يُضاف البصل والطماطم ومعجون الطماطم في القدر وتُقلى المكوّنات حتى يصبح البصل شفّاف اللون.

تُضاف البهارات والماء ومرقة الدجاج من ماجي إلى القدر وتُحرّك المكوّنات على نار خفيفة لمدّة 45 دقيقة أو حتى يُطبخ الدجاج جيّداً.

تُرفع قطع الدجاج عن النار وتوضع جانباً. يُحتفظ بمرقة الدجاج.

في قدر آخر، تُقلى البطاطا لمدّة تقارب 15 دقيقة. ثمّ، تُضاف الفليفلة الحلوة والدجاج والنقانق المطبوخة والأرزّ ويُضاف على السطح 1500 غرام من المرقة (تُضاف المياه في حال دعت الحاجة لتغطية سطح الأرزّ بـ2 سم من السائل) ويُترك المزيج ليغلي.

تُضاف الفاصوليا الحمراء إلى القدر الذي تتمّ تغطيته. وتُحرّك المكوّنات على نار هادئة حتى تلين البطاطا ويجهز الأرزّ لمدّة 25 دقيقة تقريباً.

يم يمييييييي تسلم ايدينج

تسلم ايدج
نبي صورة

عندي سؤال عن النقانق الكل ياكل نقانق الا انا يعني عائلتي

عيالي ماحبهم ياكلونه … ولا انا ولا زوجي … هو من شوى يتكون؟؟

هلا اختي،،، احسن شي انكم ما تاكلونه لانه النقانق عباره عن مصران يعني بدال ما يعقون المصران في الزباله اكتشفوا اكله يديده اسمها النقانق ونحن نحطها في بطونا.. هاي مكوناتها عزيزتي..

ههههههههههههههههه مصارين الحمدلله اني ماادخلته بيتي

أنا أختي من عرفت أنه يتكون من المصران وفتات العظام ما أدخله بيتي مثلك مع أنه أعيالي إذا ايشوفونه عند حد ياكلونه

انا صراحة في حياتي ما قد ذقت النقانق وتلوع جبدي لانه مثل ما قلتي مصارين ولا بعد شو يضمن لنا ان الي داخل لحم

اوييييييييييييييييييي انا اكله هههههههههههههه

ليس بالضرورة ان يكون محشو يالمصران فقط

والدي اعرفه عن النقانق هو شكل من اشكال حفظ اللحم المفروم في أوقات لم تتواجد فيه المبردات او الثلاجات

ويمكن أن تطلبي من جزارك الدي تتقين به أن يكون الحشو لحم حسب دوقك

سلاااااااااااااامي

شحالكم الغاليياات

لو سمحتن بغيت طريقة البيتزا بالنقانق

انا شفت طريقه بس ماعرف احمسهن اول في الزيت بعدين احطها ع البيتزا وادخلها الفرن

ولا ع طول اقطع النقانق واحطها على البيتزا وتنضى زين في الفرن ؟؟

UUUUUUUUUp
UUUUUUUUUUUUUp

اباا الرد ضروري

بيت عموووه مايقلونه….يقولون لذيذ
بيت امي….تحطه شوي بالشوايه….

عقب ينحط عالبيتزا
يعني انتي شو تحبين…

عني انا؟؟ماحب النقانق^.^

الغالية انتي خذي النقانق المعلبة
وقطعيها حلقات
وعقب حطيها عالبيتزا وطبعا تكون هيه ناضجه من البداية

اتسوين عجينة عادية للبيتزا وتسوينها دواير متوسطة وعقب اتحطين الكاتشاب والنقانق وفوقه جبن الموزاريلا
اوتحطينها في الفرن على نار متوسطة وبس

مشكووورات الغاليااات

انا قطعتهن وحطيتها ع البيتزاا بصراحه طلعت رووووووووووووعه

لا اتقلينها
ثوريها (فوريها) بالماي ليما تستوي
بعدين استخدميها للمعجنات والبيتزا او
سويها مع طماط وبصل ناشف صالونه