الوسم: الوحيد

أعلن الناجي الوحيد من انفجار برج التجارة العالمي (11 سبتمبر) إسلامه في ختام أنشطة مؤتمر قناة (إسلام تشنال) الذي عقد في العاصمة البريطانية لندن مطلع الأسبوع الماضي وبحسب شبكة "الإسلام اليوم" فقد أسلم خلال المهرجان الذي يعقد للمرة الثانية العشرات من النساء والرجال والأبناء ولُقنوا الشهادة أمام جموع من الجالية الإسلامية بلغت الخمسين ألفًا الذين تفاجئوا بالناجي الوحيد من 11 سبتمبر وهو ينطق الشهادتين معلنًا دخوله في الإسلام ورافق المؤتمر الذي ناقش (الوحدة والسلام العالمي) معرض منوع فيه مواقع للأنشطة الإسلامية ومعروضات للكعبة المشرفة وجزء من كسوة الكعبة ومناشط متعددة في حين اكتظت قاعة (أكسل) بلندن التي تسع 35 ألف كرسي بالحضور من كافة الأعراق والمذاهب والجنسيات وقد اشتمل البرنامج على احتفالات إنشادية إنجليزية وعربية من أمريكا وكندا وسويسرا وبريطانيا وسوريا والكويت ويتخلل الأناشيد كلمات توجيهية شارك فيها عدد من الدعاة والعلماء منهم الشيخ سلمان العودة والشيخ سعد البريك والداعية يوسف إسلام وآخرون ويتطلع منظمو الحفل أن يكون هذا النشاط الأكبر والأفضل لا سيما وأنه يضم أنشطة متنوعة تلبي رغبات الأسرة المسلمة في بريطانيا . ويطمح المنظمون أن يكون هذا المؤتمر وسيلة لتوحيد المسلمين لتشكيل قوة إيجابية تطالب بالتغيير عن طريق الحوار السلمي.

منقووووووووووووووووووول

نحن شفنا اعصار جونو

لاني صدق صدق تعبت من المحاااولات ما اجوووف نتيجه ……….؟؟

بنات شو الحل ويا سوااااااد الباط …؟
كنت استخدم مزيل عرق ليدي ستيك والله دمار هالمنتج خاطري احرقه ؟؟؟
انزين ومدحلولي كونفيدنس مزيل عرق طبيعي بعد ماشي فايده حسيته يسمر …؟

من فتره اجرب جيلسرين وليمون بعد ما جفت نتيجه بس بعدني ما يأست …

انزين وكنت احف بالمكينه وغيرت للحلاوه يعني جربت كل شي …؟؟
باجيلي شهر ماعرف اتصرف شوو اسوي هالسالفه معقدتني …؟؟

(بيني وبينكم انا استنجت انه اللي ما تحط مزيل عرق مول ف حياتها وما تحف المنطقه المنطقه عندها بيضه …؟

بنات الليزر هل يفتح انا مابا بياض بس اباه يكون نفس لون الجسم
شو الحلول الثانيه …؟

اتريا ردووكم …………….

أفركي المنطقه بالليمون .. وعقب سيييييده حطي النشا // ولما يجف النشأ بعد افركيه مره ثانيه بالليمون ..

وإن شاء الله راح تدعين لي // موفقه ياااارب

ولا تخلين الشعر يطول

واول ما تحسين بعرق دشي الحمام وغسلي باطج ونشفيه ..

اول شي السلام عليكم جميعا

ثانيا بدخل في الموضوع بشكل مباشر ..

مشكلتي اني صابني حالة احباااااااااااط احبااااااااااااط احباااااااااط مستعصيه

كرهت الدنيا ,, كرهت اعيش ,, مابي اعيش

بتسألون عن السبب ,, السبب بنسبالكم تافهه بس مأثر فيني

اول شي تكويني يقول ياهله

يعني ..

(بيبي فيس ) و غير هذا فيني قصر قامه مبالغ فيه ..

و هالشي خرب حياتي كلها , انا عديت العشرين , يعني ماشي امل اطول زياده , في البدايه انا ماكنت

منتـبـهه , يعني كنت قنوعه و عاجبني القصر بس في موقف اثر فينـي اللي هو كنت محيره لشخص من كنت صغيره , و من كثر ما حيروني له حبيييته صج , و في مره سمعت من الناس ان هذا الشخص راح و خطب غيري من غير مايقولوا لنا و لا لحد عسب بس نحن مانزعل , سمعت من بنت غريييييبه , تخيلوا الموقف !!

نزين شو السبب ؟! و ليييييييييييش ؟!

السبب : بنتهم قصييره مش تنفع لنا .. << اللي هي انا .

نبي بنت عليها طول لولدنا ..

تتوقعون لو وحده منكم مكاني شو بتكون ردة فعلكم ؟ كيف بتتصرفون ؟ يعني مب سنه و لا سنتين محيره , سنييييييييييين سنيييييييين , يعني مب هينه .

ومــع ذلــك !!

نسيت السالفه , بالأصح عملت نفسي اني مش مهتمه فيهم , رغم التنغيز اللي كانوا يقطونه عليي

اللي منسيـني ان كانت لي اربييييعه كلووووووووز وياي , و اقترحت علي اني اخذ اخوها طبعا فكرت في الموضوع و قلت لهلي و رضيت فيه يعني وافقت لان امه رمستني و السالفه جد , في العيد اتصلت فيني قالت شخبارج كل عام و انتي بخير , قالت انا اليوم عندي مشوار قلت لها وين ان شالله , قالت خطبة اخوي اليوم ..( اخوها اللي خذت شوري اذا كنت موافقه اتزوجه ) قلت اوك و سكرت بدون اعلق على اللي صار و السبب نفسه .

و كملت صداقتنا و طنشت السالفه المهم عندي صديقه

بس صديقتي جاها اليوم و عرست و بقيت لحالي اسمع نغزات الناس عليي لوحدي ,, ماعندي حد يخفف عني ,,

والله اسمع قرآن , و استغفر , و ادعـــــــي << احس في داخلي حرب بين مشكلتي و الشيطان و الايمان ..

حالي مش مستقر و اعاني من الناس , احس اني مخلوق غريب

صرت كله قاعده وحدي ( يعنــي انطوائيــه )

والله عفت الكل و الحياه احس اني جسد بدون روح و الله ما اقدر اتحمل نفسي و الناس و العالم اللي عايشه فيه ..

والله مش ذنبي

شو اسوي بعمري؟

ابي حل …

حبيبتي هاي خلقة ربج شو بتسوين يعني ..؟

يوم قريتج كاتبه كرهت اعيش ومابي اعيش قلت هاي بتكون ياهل ومراهقه

بس ماشالله عليج ويه زواج الحين

واذا الله مو كاتبلج هالناس ترى مابتاخذين الا اللي الله كاتبلج ياه

لا بتاخذين نصيب غيرج ولا غيرج بياخذ نصيبج

ادري انها مشكله ووايد مأثره فنفسيتج

بس خلينا نطالع من منظور الواقع

حتى عمليه مافي حق التطويل !!

والبيبي فيس مش عيب ابدن انا بيبي فيس والحمدلله الكل يمدح بملامحي

توكلي على الله الزواج مش اول ولا اخر حياتج

حياتج اللي انتي فيها الحين هذي الكآبه والحزن اللي ابد ماراح ينفعونج

خليج متوكله على الله

المشاركة الأصلية كتبت بواسطة Rainbow Sweet

يعني انتي كل مشكلتج انحصرت عالزواج ..!

حبيبتي هاي خلقة ربج شو بتسوين يعني ..؟

يوم قريتج كاتبه كرهت اعيش ومابي اعيش قلت هاي بتكون ياهل ومراهقه

بس ماشالله عليج ويه زواج الحين

واذا الله مو كاتبلج هالناس ترى مابتاخذين الا اللي الله كاتبلج ياه

لا بتاخذين نصيب غيرج ولا غيرج بياخذ نصيبج

ادري انها مشكله ووايد مأثره فنفسيتج

بس خلينا نطالع من منظور الواقع

حتى عمليه مافي حق التطويل !!

والبيبي فيس مش عيب ابدن انا بيبي فيس والحمدلله الكل يمدح بملامحي

توكلي على الله الزواج مش اول ولا اخر حياتج

حياتج اللي انتي فيها الحين هذي الكآبه والحزن اللي ابد ماراح ينفعونج

خليج متوكله على الله

انا قصدي الزواج هو اللي خلاني انتبه على نفسي , و عقدني بقصري ..

ثانيا يوم اسير اماكن عامه ما يحترموني شرات خواتي يعني ما يعيروني اهميه ابد لان ما يبين اني كبيره ..

احس قهر , حتى هلي هلي يقولون لي يالقصيره .

المشاركة الأصلية كتبت بواسطة وحيده بدنيـتي

انا قصدي الزواج هو اللي خلاني انتبه على نفسي , و عقدني بقصري ..

ثانيا يوم اسير اماكن عامه ما يحترموني شرات خواتي يعني ما يعيروني اهميه ابد لان ما يبين اني كبيره ..

احس قهر , حتى هلي هلي يقولون لي يالقصيره .

ع فكره انا مثلج بيبي فيس ومليانه
وطولي 166 ويقولولي القصيره
ليش ان اهلي ماشالله كلهم 170 وفوق
والشباب 180 و190 الله يحفظهم
بس العيب مو فيني العيب باللي يتكلم عني
خليج واثقه بنفسج اكثر
وبييج النصيب اللي يخليج تفتخرين بنفسج
وع فكره الحرمه الطويله لاكبرت يبين عليها الكبر
اما القصيره تتم كيوت وصغيرونه
مع احترامي للطوال

وصي ولدج وخوفيه قبل لا يروح البجر ولا المزرعه قوليله لو رحت صوب البير بزعل منك ومن هالكلام …

عسب اليهال يخاف وما يروح صوب البير أو البحر …

وكلمي ريلج عن الموضوع …

المشاركة الأصلية كتبت بواسطة عاشقة حبيبي

الله يساعدج حبيتي …

وكلمي ريلج عن الموضوع …

وانا معاها

قولي حق ريلج ،، ان البحر خطر وايد ،، كل شي الا البحر ،، ما تعرفين لا سمح الله تنشغل عنه ..

لا تخلينه بروحه ،، سيري معاه ،، وخليج انتي اقوى عنها ،،

شو بحر ومزرعة فيها حفر وزواحف ما تعرفين عنها ،،

ها ولدج الغالية انتي امه مب عمتج ،،

لا تخلينه بروحه …………….. لاتخلينه بروحه …………….

اكيد هي على نياتها تباه يستانس ويطلع بس لاماكن مو آمنه للطفل ،،،

نحن اخوانا ما نخليهم يسيرون البحر وهم متزوجين كيف ياهل ….

ديري بالج الغاليه ،،،

تراه امانه عندج

والله يهدي عمتج

الله يهديهم العمات بلاهم هالايام متسلطات !!!

اشحالكم ان شا الله بخير ,,,

ما اعرف شو اقول والا من وين ابدأ ,,, على العموم انا وزني كان قبل فترة 147 كيلو واتوقع انه وصل الحين لين 150 او اكثر بعد لاني ما اسوي شي اصلا عسب ينزل يعني عادي لو زاد ,,, وطولي 166 سم تقريبا ,,, يعني تقريبا يبالي من 55 الى 60 كيلو انقصهم ,,, وممكن تشوفون هالموقع للي حابين يحسبون حق عمارهم

https://www.sehha.com/diseases/obesity/bmi.htm

المهم اللي لاحظته شو ان اغلب المواضيع تتكلم عن الاكل ,, ومشكلتي انا مب اكل لان كل اللي يعرفني ويعرف شو اكل وشو ما اكل يقول اني ممكن اخربط لكن اصلا اكلي مب واااايد صح انه مب صحي لكنه مب واااايد يعني اقدر اتحكم فيه يعني ما عندي شراهة في الاكل المشكلة اللي عندي اني في يوم من الايام كنت اعتبر من الناس الرياضيين لكن يوم عرست تعرفون ما شي حركة + حمل وولادة الله يخلي ما شا الله انتفخت وصرت ديناصور بعد الفيل يعتبر اضعف عني ,,,

فحبيت اني افتح هالموضوع للناس اللي يعانون نفس معاناتي او اللي عندهم نفس مشكلتي ,, (( عدم الحركة وليس الشراهة في الاكل )) …

اليوم شو : الاحد – 24/ فبراير / 2024

اوكي شو رايكم كل وحدة حابة تشترك طبعا في حملة الحركة السبيل الوحيد لجسم صحي ,, كل وحدة تاخذ قياس خصرها ولو تحب تكتبها هنيه اوكي ولو ما تحب بعد اوكي على راحتكم اهم شي انج تكتبينه لنفسج في دفتر خاص عسب يكون كمرجع لج ,, وكل اسبوع ( 7 ايام ردي قيسي مرة ثانية ) وكتبي حق نفسج نقصتي حتى لو عشر سم والا ما شي نقص ,,,

الحملة هاي اهم شي فيها هو شريط القياس مال الخياطين مب الميزان مال الكيوااات ,,, الغرض من هاي الحملة هو محاولة انزال الكرش عن طريق الرياضة مب عن طريق الحرمان ,, حتى الناس اللي عندهم شراهة يقدرون يشاركون بدون ما يقللون اكلهم او اي شي ,,,,

التمرين اللي المفروض انكم تسووونه هو تمرين ضغط البطن اتوقع ان الكل يعرف ( وهويوم تكونين ممدة على ظرج وحاطة ايديج ورا ظهرج لكن مب شابكتنهم ويا بعض يادوب الاصابع في كل كف تلامس اللي في الكف الثانية وترفعين راسج وظهرج وتمطينهم لناحية ريولج اقصى مطة ترومين عليها لكن مب وايد شوي شوي على عماركم عسب العمود الفقري وحليله لا ينتحر ,, !) سوري على الشرح اعرف اني ما اعرف اشرح بس اتمنى ان الصورة تكون واضحة ولو اي وحدة فيكم عندها موقع او رسم يشرح التمرين اتمنى انكم ما تبخلون علينا به ,,

ها هو التمرين الوحيد اللي راح نسويه لمدة شهر ,, يعني عقب شهر 24/ مارس /2017 كل وحدة تكتب هنيه كم نقص قياس خصرها طبعا لو نقص ولو ما نقص بعد تكتب ,,

واللي يحبون يشاركون مشاركات مشجعة للاخرين ممكن انها تدش كل يوم وتكتب كم مرة سوت التمرين في كل يوم ,,,

وانا راح ابدأ ,,

قبل شوي سويت التمرين ( 20 مرة ) اول عشر مرات وعقب استراحة شوي وبعدين كملت العشر الثانيات ,,, وبصراحة انا اعتبرته انجاز بعد 9 سنوات انقطاع عن الرياضة ,, صدق يعتبر انجاز بالنسبة لي ,, وان شا الله انه يكون دفعة لي اني اكمل ,,

وعن موضوع قياس خصري ان شا الله باجر بحطه ,,, والله يوفقني ويوفقكم ان شا الله لما يحب ويرضى ,,,

وعساكم على القوة ,,,

@ اختكم في الله @

ام ناصر ..

تم قياس الخصر وطلع 56,5 انش يلله بنشوف عقب اسبوع جم بيطلع ..

بنات ملاحظة :

حاولوا تشربون على الاقل كوبين ماي قبل لا ترقدون والصبح قبل لا تفطرون بساعة ,,,, ( عسب تنظيف المعدة ) ,,,,

انا اول وحده بكون وياج و ان شاء الله من ارد البيت بشوف قياس خصري و برد اكتبه ..

بالنسبة لي بعد اكلي مب صحي بس قليل .. اللي بسويه هو المشي يوميا (3 كيلو و نص) + تمارين البطن مثل ما قلتي

و ان شاء الله نطلع بنتيجه عقب اسبوع عشان نتحمس اكثر

ان شا الله الغالية نطلع بنتيجة حلووة ,,, والمشي اكيد حلوووو + تمارين البطن النتيجة ان شا الله بتحسينها بسرعة والله يوفقنا ويوفق الجميع لما يحب ويرضى ,,,, عساج على القوة ان شا الله وحياج ,,,

@ اختكم في الله @

وخصري قياسه 35 سم

والله يوفقنا

انا بعد حابة اشارك معاكم ، واريد انقص 5 كيلو، وقياس خصري 30انج مب سانتي ، اختي هواجس انا اتوقع انج حاسبه خصرج بالإنج مو سم..

واليوم انشاء الله ببدأ بتمارين البطن مع المشي

اريد الوصول 55

لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
((ربى إنى مسنى الضُر و أنت أرحم الراحمين ))

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .

و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .

و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة

المُضطرين .اللهم البسه ثوب الصحة والعافية عاجلا غير اجلا ياأرحم الراحمين..

اللهم اشفه اللهم اشفه اللهم اشفه..اللهم امين.
إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء لا كاشف له إلا أنت .. يارب العالمين آمين .. إلهي ..
إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..

إلهي ..
لا ملجأ و لا منجا منك إلا إليك .. إنك على كل شيء قدير ..

امـــــــــــــــــيــــــــــــــــــــــــن

{ سوريُ ملقووووفــه <~ هع ><"

انا بضربه وبقرصه عشان يخاف وما يشبر غرفتي هههههه شريره …..

انا بعدني ملقوووفه بس انتي لازم تحطين حد والا يمكن يتغير بعد مايدش السكوول مادر شو انصحج؟؟بس حالتج صعبه وانتي ف بيت اهل ريلج …

الله يكوووون ف عووونج

ليش ما ترمسين عمتج تكلم ولدهـا (أبـو الولد )..

.ربي ييـسرلـج أمـورج و يحققلـج كل لي فـخاطـرج

شحالكن خواتي عضوات المنتدى الراقي
وانا يشرفني أكون عضوة معاكم
قصتي طويلة وايد ومشكلتي أكبر بس بختصرها…

انا متزوجة من ثلاث سنين وعندي ولد وبنت ( الله يحفظهن )
المهم أقول ان همي الكبير بحياتي هو (( زوجي )) واذا راح هذا الهم بتتيسر حياتي انشاء الله….
زوجي وايد جاف معاية وعصبي على أتفه الأشياء ,من تزوجته ما ألاقي منه كلمة حلوة أو حركة رومانسية أو حتى غشمرة,,
الصراحة أنا كلمته بالموضوع اني متضايجة من هالشي بس يقولي : هذا طبعي واسلوبي وما أقدر أغيره وبالنسبة للكلام الحلو أنا ما أعرف أجامل ..
مع اني حلوة وناعمة والبس واكشخ له بس (لاحياة لمن تنادي) ..
اكتشفت بعد ولادتي لبنتي الأولى وكان عمرها سنتين انه يخونني وصارت بيننا ضرايب وصراخ قلت له : أنا بشو قصرت معاك كل اللي تبيه أوامر فوق ما أنا صابرة ومتحملة أسلوبك الجاف وعصبيتك الزايدة جي تجازيني ؟؟!! يقول : سامحيني هذي آخر مرة وانا مريت بظروف صعبة ولازم تتحمليني وتوقفين معاي .. سكتت وصبرت واهلي مايدرون لأأني أعرف انه مابيسكتون
وأكبر قهر وهالشي عمري مابسامحه فيه لين ما أموت انه سمى بنتي حبيبيتي بإسمهااااوانا وافقت عليه لأنه عايبني الاسم من زمان ,وما كنت أعرف اسمها لين بعد ولادتي بشهر,آآآآآآه يالقهر..
ايام الملجة كان يقولي وهو يتمصخر عقب ما نعرس اخطبيلي وانا اضحك معاه واقول عقب العرس نتفاهم … وصج صدمني لما يقومني الفجر وهو يقولي ((((((ابي اتزوج )))))
قلت له منو وقال البنت اللي كان يرمسها بنت ال…. , انا افتر عقلي وصارت ظرايب ومناجر ورحت بيت اهلي لأني ما أقدر أتحمله أكثر ,, وبعد كمن يوم رجع واستسمح ,وانا وايد أحبه ومابي أخسره بس ليش جي يسوي فيني لو يبا عيوني أعطيه .,حاولت بكل الطرق حتى اني اتصلت فيها وقلت هب زين عليج تخربين بيت بنيته قالت وبكل وقاحة : هو يركض ورايه,,

والحين عندنا بنت وولد والبرود لازال بس قمت اثق فيه لأنه من الدوام للبيت ومبايله أفتشه مافيه الا أدعية .. لاحظت ان نقطة ضعفه هي ربعة أذا كان مع لعابين صار مثلهم ,وألحين ف الفترة الأخيرة حسيته تغير لأنه رابع رياييل ملتزمين الحمد لله الحمد لله الحمد لله (( اللهم اني لا أسئلك رد القضاء لكني أسألك اللطف فيه )))

تعبت من التفكير انه يرجع مثل قبل ومليت من اسلوبه وعصبيته الزايدة حتى هذا الشي مأثر على عيالي فديتهم قمت أعصب على بنتي ومرات أضربها اذاكنت متضايجة …
منو الغلطان …..

اتمنى تسااااعدوني

الحين انتي غلطانة وغلطانة وغلطانة ,, انتي سميتي بنتج وانتي وافقتي ومب من حقج ولا ذنبها تعاملينها جي خافي ربج

واذا على ريلج اللي تاب ,, ترا الله يغفر لعباده كيف انتي ما تغفرين ؟؟ اللي خلاج ترجعيله يوم كان يخونج بيخليج ترجعيله وهو تايب

(( اللهم اني لا أسئلك رد القضاء لكني أسألك اللطف فيه ))) وهذا الحديث لم يرد عن حبيبنا عليه الصلاة والسلام ومكروه ومنهي عنه من الشيوخ والسموحة

كيف أحوالكم عساكم كلكم مرتاحين وبصحه وعافيه

بدخل في الموضوع على طوووووول
بنات ياريت تنصحوني وتحللون معاي مشكلتي مع ولدي الوحيد ..هي مشكله واحتاج بعد اقتراحاتكم وحلولكم القيمه من واقع خبراتكم كامهات وربات بيوت ..
احبائي انا عندي ولدي وعمره سنتين واربع شهور تتطوره اللغوي وايد اوكي..في البيت نشيط ويحب يلعب ويشاغب مثل كل الاطفال بس من فتره الاحظ انه اذا رحنا مكان فيه العاب واطفال ما يحب يشارك معاهم وممكن يلعب لوحده شو السبب؟؟ بصراحه انا ما اطلع وايد من البيت الا لبيت امي او والدة زوجي (عمتي) وهناك ما فيه اطفال في سنه يلعب معاهم اصغر واحد عمره ست سنوات هل هذا سبب ؟؟ انا ما اروح يمعات فيها يهال وصديقات الا فيما ندر.. في البيت انا انجزله كل شي يعني انا ابدل ملابسه انا ااكله انا العب معاه وما يحب حد غيري يسويله شي الا نادر اذا انا كنت بعيد عنه رايحه مستشفى او مب جدامه…احس صعب يتعود على الناس الي ما يشوفهم دايمن هل هذا طبيعي؟؟ وهل ياترى بيتغير ؟؟ وكييييييييف؟ ارجوكم ساعدوني اخاف ابني ايكون انطوائي وبديت فعلا افكر احمل عشان يكون فيه حد معاه فالبيت غيري؟!!

لا طنشوني انتظر ردودكم

اختكم حواء

من الوضع اللي شرحتيه شي طبيعي يكون الولد خجوول …

وبيتغير،، لا تخافين..

أنا ولدي ألحين عمره 4 سنين ونص..

كان نفس حالة ولدج،،
دووم لاصق بعباني..

ولو حد كلمه مستحييييييل ينسمع له صووت..

وااايد خجوول ..

بس متى تغير؟؟

يوم دخل الروضة..

تغير وااااااااااااااااااايد،، وصار يطلع يلعب ويا عيال الجيران..
ولو حد يا بيتنا حتى لو غريب يلعب ويسولف..

بس بتتعبين فالبداية..
لأني وايد عانيت يوم دخل الروضة.. وتعب نفسيا..

وصار عنده تبول لا إرادي ليل ونهار..
و (تبرز) لا إرادي فالليل !!!!!

واايد تعبني،، بس الحمدلله،، عالفصل الثاني حسيته تأقلم وتعود….

لا تخافين ولا تحاتين..

بس عشان ما تتعبين يوم بيدخل الروضة،، من ألحين عوديه يختلط باليهال،، يعني اتركيه عند عيال خواتج أو اخوانج وسيري عنه..
خليه عند أي حد موثوق ،، وابعدي عنه،، اطلعي،،
خليه يحس انه عادي يقعد فمكان بدونج…

وان شااء الله بيتغير….

مشكلة ولدج انتي حليها طلعية وووديه حدايق وخلية يختلط بالناس مب شرط يهال و ان شااء يوم عن يون بيتغير و بتشوفينا اجتماعي

الله يخليه لج

ان شالله أحاول أوديه بس ظروفي مب دايمن تسمح ما عليه بحاول كثر ما اقدر اوديه اي مكان فيه ناس حدايق ,,مولات ,,يمعات عائليه وربي ييسر وربي ايحفظ عيالكم

عندي ولد وبنت الله يحفظهم

ولدي عنده اخت متقاربين في السن ولكن يحب يلعب بروووحة دووووووم وعادي حتى اخواني يوم صغار جذااا

يحبون يلعبون روووحهم

بس انا شو سويت ما كان يتاقلم مع العيال وااايد

قمت اودي الالعاب المشتركة شرات اللي في فيستفال وااايد اتاقلم وقام يسولف ويا الصغارية ويلعب وياهم

بس ترى الموضوع عاااادي بس ودي كل مكان وياج دااام هو واااحد وخاصة اماكن فيها صغارية