شخباركن خواتي
معكرونة اليوم دوم اسويها وعيالي وايد يحبونها لانها تحتوي على الاشياء اللي يحبونها (تعرفون ما يعيبهم شئ)
وميزتها انها سهله وسريعه ما تاخذ وقت
اتمنى تعيبكم وتجربونها
كيس هوت دوج(10 حبات) مقطع دوائر
علبة ذره
كيس معكرونه
بصله مفرومه
2 ملعقه معجون طماط
بهارات (ملح +فلفل اسود+ بابريكا+بزار+كركم+كزبره مطحونه)
زبده
طحين
حليب سائل
ملح +فلفل ابيض
علبة قشطه
جبن حسب الرغبه
نسلق المعكرونه في ماي يحتوي على مكعبين ماجي وشوية زيت ونشخلها ونخليها على جنب
نقلي البصل في شويه زبده لين يتحمر
نحط عليه الهوت دوج ونقلبه لين يتحمر شويه
نضيف الذره والبهارات ومعجون الطماط وشويه ماي عشان يتكون عندنا صوص خفيف ونغطيه لدقايق
نحط المعكرونه على خليط الهوت دوغ وننخلط عقب نحطه كله في صينيه بايركس
في ها الوقت نجهز الباشميل
فنذوب الزبده على النار ونحط عليها الطحين ونخلط لين يمتزج الخليط مثل الصوره
نضيف الحليب بالتدريج ونخلط ونبهر الخليط ونخليه على نار متوسطه ومع بداية الغليان نضيف القشطه ونستمر في الخلط لين نوصل للغلظ المطلوب
نصب الباشاميل على المكرونه
وندخلها الفرن عشان تتحمر من فوق بس
وقدموها وكلوها بالعافيه
وهاي القطعه لاول رد
وبالعافيه علي عياالج
ان شاء الله بسوييها اليوم
يعطيج العافية