الوسم: الباشميل

مرحبا خواتيه
انا مالي خبره بالطبخ كثير .. المهم اليوم قررت اسوي معكرونه بالباشميل .. بعد ماحصت ادور على الوصفه بالمنتديات .. بس بكل منتدى الخلطه الخاصه بالباشميل تختلف …

أبغي مقادير سهله بس ابغيها تضبط فديت روحكن .. وعطني المقادير بالقياسات لا اغلط فالخليط ..

همتكن وعسى ربي يسعدكن قلن آمين

ليش ما تاخذين الخلطه الجاهزه من الجمعيات التعاونيه
الحلو فيه ان طعمه حلو وجاهز بس اتضيفين ماي وتخلطين والطريقة مرسومه على الباكيت

حبيبتي حطي ربع كوب زيت عالنار عقب فنفس الكوب امليه نصه اأو ثلاث ارباعه طحين وصبيه عالزيت وعقب تمي حركيه لحد ما يغمج طشونه الطحين فالزيت.وعقب ضيفي كوبين حليب سائل او كوبين ونص.عحسب الكثافة اللي اتحبينها.وتمي حركي لحد ما تتماسك عندج عقب ضيفي الملح والفلفل الابيض او الاسود حسب ما اتحبين في ناس يحطون مكعب ماجي ويستغنون عن الملح,,
وبالعافيه.اتمنى إني اكون أفدتج

اسهل طريقة وانا هيك بعملها والحمدالله دائما ناجحة معي ومو دسمة
كل كوب حليب سائل بتحطيله ملعقة كبيرة طحين والملح حسب الرغبة طبعا وبس
جربيها وادعيلي

حسب الصينية

اذا الصينية وسط لخمس اشخاص مثلا ..

يبالج 10 خواشيق سمن + 10 خواشيق طحين رقم واحد تخلطينه مع بعض ع النار شوي مش تحمرينه ..

وبعدها تصبين فوقه 10 قلاصات حليب حار تضيفين ع الحليب وانتي تسخنينه لومي يابس + عود جرفه + 3 فصوص ثوم + فلفل اسود حب + مكعبين ماجي .

تصبين الحليب الحار بالتدريج وتخفقينه بسلك الخفق ..

وتصبين باجي الحليب وتمي اخفقي لين تغلض قولمه ..

طفي النار وكسري بيضه وحده بالخليط مع تحريك مستمر عسب ماتطلع خيوط بيض بالصلصه ..

وحطي جبن سائل >> افضل كرفت وانتي وذوقج ..

وبس اتمنى تستفيدين من طريقتي..

ع ضمانتي تضبط

انا اسوي هالطريقتين وتضبط الحمدلله

معكرونة بالباشميل

المقادير

نصف كيلو معكرونة والشكل حسب الرغبة
نصف كيلو لحم مفروم
بصلتين متوسطتي الحجم
نصف ملعقة طعام فلفل أسود مطحون
ملح
ملعقتي طعام زيت
عدد 6 كؤوس صلصة بيضاء
عدد 6 ملاعق طعام طحين أبيض – لعمل الصلصة البيضاء
عدد 6 كؤوس حليب سائل بارد – لعمل الصلصة البيضاء
عدد 6 ملاعق طعام سمن كريسكو – لعمل الصلصة البيضاء

طريقة عمل الباشميل – الصلصة البيضاء

يوضع الطحين مع السمن في قدر ويترك على نار هادئة لمدة 15 دقيقة
يضاف الحليب البارد مع التحريك و يقّلب باستمرار حتى يغلظ قوامه
يضاف إليه قليل من الملح والفلفل الأسود

طريقة عمل حشوة اللحم المفروم

يقطع البصل قطع صغيرة جداً ثم يوضع على النار حتى يحمر
يضاف اللحم المفروم ويلقب جيداً ثم يتبل بالملح والفلفل الأسود
يترك على النار لمدة 30 دقيقة

الطريقة عمل المعكرونة

تسلق المعكرونة في ماء به ملعقة شاي ملح وملعقتي طعام زيت لمدة 10 دقائق ثم تصفى
تدهن صينية البايركس بالزيت ثم توضع طبقة من المعكرونة المسلوقة
يوضع كأسين من الباشميل ويوزع بانتظام على المعكرونة
تضاف حشوة اللحم المفروم وتوزع بإنتظام في الصينية
تضاف باقي المعكرونة المسلوقة وتوزع كالسابق
يضاف باقي الباشميل ويوزع بإنتظام
توضع في الفرن على حرارة 350 فهرنهيت أو175 مئوية حتى يحمر السطح الخارجي تقريباً 45 دقيقة

يم يم يم يم يم يم
رهييييييييييبة
لذيييييييييييذة
تسلم الأياااااااااااااااااادي

مشكورة غناتي والصراحة موضوعج مرتب …

وعني أنا أموت في المعكرونه يم يميييييييييييي …

مشكوووووووووووووووووووووووورين حبايبي ع المرور
وبالعافية عليكم

[07]مشكورة على الطبخة اللذيذة[/07]

تسلمين الغاليه على هالوصفه الحلوه

السلام عليكن خواتي بصراحة شفتكن متفاعلات مع الطبخات اللي نزلتهن الكن فقلت بنزل اليوم طبخة المعكرونة بالباشميل

المقادير:
1 دياية
2 بصل
2 طماطم
1 فلفل اخضر الرومي
1 صلصل ( معجون طماطم )
البهارات (ملح , كركم , بزار , فلفل اسود )
3 فصوص ثوم
1 قشطة
جبن موزاريلا
جبن كرفت
ربع كوب طحين
1 كيس معكرونة
زيت
1 كوب نيدو

الطريقة:
اول شي

بنبدا وبنغسل الدياية وبعدين انحطها على النار وانخليها تنغلي زين يعني تقريبا 40 دقيقة عسب يستوي الدياي زييييين
بعد ما يستوي الدياي انشيل عنه الماي وانييب صحن ثاني ونقطع الدياي ( قطع صغار بدون العظم ) وانخليه ع جنب لين ما انخلص من الصالونة .

ثاني شي

بسوي الصالونة انييب جدر وانحط فيه البصل والثوم واشوي زيت وانقليه وبعدين انحط فوقه الطماطم والفلفل و الصلصل ( معجون الطماطم ) والبهارات وانزيد عليها ماي عسب يستوي الفلفل والطماطم زين وانسكرها لين ما تستوي الصالونة زين وتغلظ

ثالث شي

انزيد الصالونة اشوي ماي وانحط بعدين فوق الصالونة الدياي المقطع وانخلي الصالونة تستوي وينشف منها الماي بس لازم اتخلون النار هادية عسب طعم الدياي يكسب طعم الصالونة .

رابع شي

انييب جدر ثاني وانحط فيه ماي والمعكرونة وملح وانخليها تغلي لين ما تستوي المعكرونة يعني اتلين المعكرونة

خامس شي

انسوي خلطة الباشميل انييب جدر صغير وانحط لين كوبين ماي والطحين والنيدو واشوي ملح وفلفل اسود وانخليه على النار مع التحريك باستمرار لين ما تغلظ الخلطة

سادس شي

الحين استوت المعكرونة يعني انييب الشخالة مالت العيش وانشيل عنه الماي وانرجع المعكرونة مرة ثانية فالجدر وانصب عليها خلطة الباشميل مب كل الخلطة اتصبونها ع المعكرونة خلوا منها اشوي عسب نستخدمه فالنهاية .

سابع شي

الحين انييب جدر غير (صغير ) وانحد فيه 1 كوب جبن كرفت و نص كيس جبن الموزاريلا والقشطة واشوي ماي وانخليه لين ما يذوب الجبن بس مب وايد اتحطون ماي اشويييييييييي بس عسب نبغي الجبن يكون غليظ

النهاية

الحين انييب صحن الفرن وندهنه بزيت وبعدين انحط نص المعكرونة فالصحن وانساويها عدل بعدين انحط طبقة الصالونة بالدياي وانساويها عدل وبعدين طبقة ثانية معكرونة وانساويها بعد
( الحين انا قبل قلت الكم خلوا من خلطة الباشميل اشوي الحين بنستخدمها بعد الطبقة الثانية من المعكرونة انب فوقها ها الخلطة الباجية وبعدين انييب الجبن اللي مع القشطة وانحطيه اخر شي يعني الطبقة الاخيرة

والحين بس اتحطينها فالفرن واتخلينها تقريبا 20 دقيقة يعني لين ما تحمر من فوق وتحت
وخلصناااااااااااااااااااااااااااااااا

اتمنى الطبخة تعيبكم

ولا تنسوني بالدعاء لي ولزوجي وبنوتي

شكلهاا ناايس

انا احب البااشميل واايد

ولازم اجرب هالطريقة

صدقيني كل يوم بتقولين بتسوينها لان والله طعمها خبال انامب امدح نفسي
بس انتي جربي وشوفي وعقب بنتقابل

وااااااااااااااااايد ناااايس يعطيج العافيه

شكلهاا ناايس

تسلم ايدج الغالية

شخباركم يا بنات …….زز اعرف زحمة رمضان وكيف يركض الوقت علينا

جبتلكم اكلة سهلة وحلوة وما تاخذ عليج وقت …..

المقادير :
بطاطا مقطعة مربعات متوسطة
كيس خلطة الباشميل
1جبن كرافت جواطي
ملح وفلفل اسود
اعشاب عطرية (حسب الرغبة)

طـــــــــــــــــــــــــــــــــــــــــــــــــ ـــــــــــــــــــــــــــــــريقة:
اول شي تفوحي البطاط لين ما يستوي لكن مب لدرجة الهرس
في هالوقت سوي باشميل ضيفي علية ملح مب وايد رشة تكفي لان الجبن بيكون مالح+فلفل+الاعشاب
زيدي علية نص جوطي جبن وحركي الباشاميل لين ما يذوب الجبن
خلصت البطاطا صفيها وحطيها بصينية الفرن عقب صبي فيها خلطة الباشميل
وحلاتها اذا تخلخل الباشميل بين قطع البطاط
وبالنص الباقي من اجبن بشرية ورشية فوق الوجة
دخليها الفرن لين ما تحمر

نصيحة اكلوها وهي حارة وما فيها شي اذا حليتيها بدغوس يمي يمي
صحتين

يم يمي
يسلموووووووووو

حركة حلوة

شكلها لذيذه بسويها ان شاءالله

مشكوره الغالية

يسلمووووووووو

يسلموووووووووووووووووو

ارجو اطلاعي

لمقادير
قطعة زبده + 3ملاعق أكل زيت لين تذوب الزبده في الزيت ….
ضيفي عليها 6 ملاعق طعام طحين رقم 1 وحمريه دقيق
وضيفي عليه كاسة ماي فيها 2 ماجي
وقلبي طبعاً بالمضرب اليدوي عسب ما تتعقد
عقب ضيفي عليها 2 كاس حليب طازج
وتمي جلبيها لين تغلض وضيفي الملح والفلفل حسب الرغبه

أختج أم حارب

تسلموون بنات

انا اعرف اكثر عن طريقة بس بخبرج اسرع طريقة وتنفع اذا ما عندج وقت :

لكل كوب حليب سائل 2 ملعقه طعام طحين رقم 1 و2 ملقعة طعام زيت او زبده سايحه

وضاعفى المقادير حسب الكمية اللي اتريدينه.

اخلطى كل المقادير مع بعض ثم ضعيه على قدر على نار هادئه مع التحريك الين يغلظ .

او ضعي الزيت في القدر ثم ضيفى له الطحين مع التحريك ثم اضيفى الحليب على دفعات مع التحريك وطبعا بعد

ما يتماسك تبليه على ذوقك انا اضيف مكعب الماجى .

مشكورات وايييييييييييييييييييييييييييييييييد

انا طريقتــــــــــــــــــي حلوه و فنانه وكل اللي كلاها من ايدي اشاد بها

بفيدج غناتي

ثلاث اكواب ماي

12 ملعقه حليب نيدو

3 ملاعق جبن بوك او اي جبن سايل

3 ملاعق طحين اي نوعيه بعد 1 او 2

بيضه ( عشان يعطيها لون احمر من فوق )

رشه (ملح – جرفه – فلفل اسود )

اول شي حطي الماي و الحليب على النار و عقب ما اتحسين ان الحليب صار حار بس ما اتخلينه يغلي

اضيفي الطحين ،، و لو تكتل وياج استعملي الخفاقه اليدويه عسب اتخوزين التكتل

وتمي حرقي تقريبا اشوي و اضيفي عقب الجبن و تمي حركي بعد واضيفي البيضه

واضيفي الملح و الجرفه و الفلفل الاسود

اذا حسيتيها غليضه زيديها ماي اشوي و اذا حسيتيها خفيفه زيديها طحين

على حسب كمية المعكرونه اللي امسوتنها

رووووووووووعه .. يوعتيني .. مشكوره فديتج

يمي يمي يمييييييييييييييي
الله يعطيج العافيه

يمي يمي رووووووووووووووووووووعه والله
عذااااااااااااااب
تسلم يدج حبيبتي

العفوو

ممممم رروعة شكلها بشهي الله يعطيكي العافية

واااااااااااااو الله يسااااامحج يوعتيني

روعه ^^

مرحبااااا

لو سمحتوا الي عندها طريقة عمل الباشميل مع الدياي ياريتها اتقولي الطريقه

مممم

المعكرونه مايبالها تقدرين تفترين فالقسم اكيد بتلقين

البشاميل انا اسويها اني اثور بالبطاطس وهو مقشر

عقب اقطعه عقب مايستوي مهروس

واحطه فالخلاط ويا حليب ابو قوس
واحطها على المعكرونه وارشها بجبن واحطها فالفرن وبس

بالعافيه

اولا تسلق المعرونيه مع القليل من الزيت + القليل من الملح ثم توضع فى مشخال (مصفى ) ويوضع تحتها وعاء به ماء بارد لكى لا تلتصق . ثانيا: البشمل يوضع القليل من الزبده ثم يوضع عليها القيل من الطحين ثم تقومين بالتحريك ثم يصب عليها الحليب السائل تدريجيا ثم تترك لكى تغلظ ويوضع عليا الملح +الفلفل الابيض او الاسود والثوم حسب الرغبه . ثالثا: الخلطه الحمراء يوضع اللحم المفرم بالقدر الى ان يصبح لونه بنى ثم يوضع عليه القليل من الزيت ثم البصل+ الثوم + 1 جزر مبشور+ حسب الرغبه اضافه فلفل أخضر +1طماطم مقطعه صغيره وتحرك الى ان تذوب الطماطم ثم يوضع عليها القليل من صلصه الطماطم (معجون) ثم يوضع الملح +الفلفل الاسود+القليل من البهارات (البزار) الان وقد التطبيق !- تدهن الصينيه بالقليل من الزيت ، يوضع القليل من البشمل على المعكونه ويخلط جيدا ثم توضع نصف كميه المعكرونيه فى الصينيه ثم طبقه الحم المفروم (الخلطه الحمراء) ثم باقى المعكرونيه ثم طبقه البشمل كلها ويوضع القليل من جبن الموزيرلا على الوجه وبالهناء والششششششششششششششششششششفاء

آسفه على وجود أخطاء لغويه حيث انى كتب بسرعه وأتمنى أن تعجبكم الطريقه@

{السلام عليكم وحمة الله وبركاتة}
حبيت اقدم لكم وصفة المعكرونة بالجبن والباشميل .
اول شي المقادير:
1-كيس ونص معكرونة حرف سي.
2-جبن سائل بوك الوسط ابيض.
3-2صلصل طماطم.
4-بصل+طماطم+فلفل اخضر البارد+فلفل اخضر الحارواحد
5-جبن موزريلاتقريبا كوب واحد
6- البهارات مثل الملح+والكركم+والبزار…
صلصة البشاميل الجاهزة من كنور.
الطريقة:
هاتي هاتي القدر وصبي فيه ماء وحطي 3مغارف صغيرة ملح وخليه على النار يغلي شوي وبعدين حطي المعكرونة وانتظريها لين تنظجواشخليهازوحطيها على جنب.وهاتي قدر ثاني وحطي فيه نص فنجان زيت وبصل مفروم وفلفل حار وبارد وحركيه لين يصير لونه بني فتح وحطي الطماطم والصلصل مع بعض وحركيه لين يصير مهروس بعدين حطي ملح مغرفتين صغيرتين من الملح ومغرفتين بزار ومغرفة كركم وبعدين حطي الموزريلا وجبن بوك السائل كله مع بعض واخلطيه لين يكون لزج شوي وبعدين حطي المعكرونة وخلطيها 6دقايق فقط وطفي ا لغاز عنها وحطيها على جنبوهاتي قدر صغير لعمل صلصة البشاميل ويوم تخلصين الصلصة خليها على جنب وحطي المعكرونة في قالب مال الفرن اول شي دهنيها بزيت حتى من الجوانب عشان ماتلصق وحطي المعكرونة فيها وصبي البشاميل فوقها مش واي النص بس وبعدين حطي موزريلا للتزين وحطيها في الفرن لين تكون طبقة البشاميل بنية .
وانشاء الله تعجبكم والي تسويها تقول عن رايها حتى لو كان مب جيد
والسموحة طولت
انشاء الله بيب أكلات ثانية.

سمحولي على الكتابة كنت مترددة

مشكوره حبوبه

حبيبتي المقادير هن:كوب ونص نيدو+كوبين ماي دافي+كوب ونص طحين رقم واحد
الطريقة انج تخلطينهم كلهم مع بعض على النار لين يغلظ شوي الخليط
بس انا استعمل خلطة البشاميل الجاهزه لانها اسرع اما عشان الطعم ماشي فرق بين الجاهزه والي نحن انسويها.

مشكوووووووووووووووورة يالغالية ما تقصرين ..
الله يوفقج في حياااتج يا رب

مشكووووره

مشكـــــــــــــــوره

السلام عليكم

لو سمحتن خواتيهـ… بغييت منكم وصفة البااشميل… بالجبن

ممكن تفيدنيهـ…

طريقتـــي

اييب يدر احط فيه خاشوقـة طحين واحركه ع النار واضيـف له شوي زيت

وخلاف اضيف 8 خواشيق نيدو + ماي واخلط عدل

وخلاف لما يثور احط شوي فلفل اسود + حبه ماجـي

وبس واخليه لين ما يغدي ثجيـل ر=

فديتج انا ابا الوصفه كامله ويا المعكرونه وجي

الباشميل عندي الجاهزه بس ماعرف كيف اسويهاا..

ياليت وحده تفيدينيهـ… من طأ طأل السلام عليكم^^

حبيبتي في طرق وايد

انا بقولج طريقـتي انا اسوي اللحم المفروم اثوره فالماي مه ملح وهال وخلاف اشخله ع صوب

اثور المعكرونه مع شويه ملح لما تنضى اشخلها ع صوب

ابدا احمس البصل مع الزيت وخلاف الطماط والثوم والبهارات واللحم المفروم .. ( اذا تبينها حمره حطي صلصل ) اما اذا تبينها بيضه لا تحطين صلصل

وخلاف حطي ماااي وخلي المكوناتتغلي شوي وخلاف حطي المكرونه وبجي تكونين جهزتي المعكرونه

صفيها في صينيه وخلاف غطيها بالخلطه ر=

الطريقه الثانيه انج تسوين حشوة لحم مفروم ومعكرونه مسلوقه فقط

مره تحطين طبقه معكرونه مره لحم ومره بشميل وهكذا

انا جي اسويها

السلام عليكم ورحمة الله وبركاته

اختي شوفي هذا الرابط..
وبيفيدج ان شاءالله..

وصفاات الباشميل

مشكووورااات يعلني افداكن

السلام عليكم ورحمة الله وبركاته
الموضوع واضح كم عنوانه

كيف اسوي خلطة الباشميل
دائما اشتري الخلطة جاهزة بس حابة هالمرة اني اتعلم طريقتها

ويزاكم الله ألف خير

ملعقتين زبده
ملعقتين كبار زيت نباتي
4 ملاعق دقيق
3 أكواب حليب
6 قطع جبن مكعبات
معلقه صغيره ملح
ربع معلقه فلفل ابيض
وبالهنا ^^

تحطين زبده عالنار وتقلين كوب طحين معاها اشوي شرط مايحترق واتحطين لهم حليب وجبن اي نوع تحبينه وخلاص واذا حبيبتي جوزه اطيب اشوي وصحه وهنا الغاليه

10 ملاعق حليب مجفف
3 ملاعق دقيق
1 مكعب ماجي
3 كاسات ماء
تخلط في الخلاط وبعدين تحطيها على النار
وبالعافية

يزاكم الله ألف خير
الله يعافيكم
تعبتكم وياي السموحة منكم خواتي
والله انكم ابد ما تقصرون مع الوحدة
ما اعرف شو اقول
مشكورة دقة العود تعبتج وياي
واشكر عزيزتي امراة
واختي الغالية سيدة مكة
والله يوفقكم وإن شاء لنا لقاء في الجنان العاليات
قولوا آمين

بخبرج الطريقة اللي تعلمتها من حصة التربية الاسرية، لذيذة سهلة وسريعة…والكل يستخدمها وطبعا تعلمها مني حتى أهل ريلي يتخبلون عليها….

**المقادير
3 ملاعق كبيرة سمن
3 ملاعق كبيرة طحين
3 اكواب حليب مغلي
ملعقة صغيرة ملح
ملعقة صغيرة فلفل اسود
بيضة واحدة

**الطريقة
1. تحطين السمن لين يذوب
2. تحطين فوقه الطحين لين يختفي البياض ويغلبه صفار السمن، وبعدها تخفين على النار الى ادنى درجة
3. تبدين تحطين الحليب على شوي شوي يعني معيار كوب شاي الحليب، مثلا تحطين اول كوب على الخليط السمن والطحين وتحركين شوي شوي لين يتجانس عسب لا يكتل، وبتحسين البياض مال الحليب اختفى شوي شوي ورد على لون السمن. وعلى هالحالة لين يخلص كل الحليب.
واذا حسيتي ان الخليط خفيف مش غليض علي على النار شوي عسب يغلض وبعدها لين توصلين للكثافة اللي انتي تبينها.
4. بندي على النار، وحطي الملح والفلفل الاسود مع التقليب المستمر عسب يتوزع في الخليط، وبعدها حطي البيض وحركي بسرعة عسب لا ينطبخ البيض داخل الخليط، ويتجانس، وبالهنا والعافية

للرفع