الوسم: الستيك

سلام عليكم حبيباتي .. هذه اول مشاركة لي واول موضوع باسمي بالمنتدى .. اتمنى يعجبكم يارب وتستفادون منه ..

الطريقة هذه للستيك هي صحيح طريقتي انا بس من كثر مادورت وقريت استوحيت الافكار من جميع المواضيع وسويتها بخيالي انا … يعني الفضل يعود لله ثم الجمييييييييع جميع من قرأت لهم طرق طهي الستيك .. وطرق عمل صلصة المشروم فشكرا للجميع

واليكم الطريقة بالتفاصيل وبالصور ان شا ء الله

اولا نبدأ بصلصة المشروم لانها اذا بردت قبل مانخلص الستيك والخضرة ممكن نعيد تسخينها ومافي مشكلة .. بس الباقي اطيب لما نحطه بالصحن فريش

المقادير
كماهو موضح بالصور رقم (1)
ربع كيلو مشروم طازج اي نوع (يعني صحن جاهز بالسوق 250غم ترى ماجربت المعلب وما احبه لان مافي طعم مثل الطازج)
بصلة صغيرة مفرومة نااااعم
صويا صوص
اقل من نص علبة كريم للطهي ( اذا تحبين الدسامة بالصوص زيدي من الكريم بس انا شوية خففته)
تقريبا كاس ماء
1 ملعقة اكل طحين
زيت زيتون ( طبعا ممكن تستخدمي الزبدة .. بس انا احاول قدر الامكان الاستغناء عنها
ملح وفلفل اسود خشن ( طعمه اطيب انا امووووووووووت عليه واموت على ريحته)
ونصف مكعب ماجي( اذا توفر او ممكن الاستغناء عنه المهم تنتبهي لنسبة الملوحة وماتنسي الماجي فيه ملح)

الطريقة
1- تحطي شوية زيت وتبدئي بقلي البصل لحد مايشقر شوية (صورة رقم 2 )
2- تضيفي المشروم وتقلبي لمدة دقيقة الى دقيقتين
3- ضيفي الملح والفلفل والماجي وملعقة طحين وتقلبي .. راح يمتص الطحين ماي المشروم .. عادي المهم قلبي شوية (صورة رقم 3 )
4- ضيفي الصويا صوص والكريم وقلبي (صورة رقم 4 )
5- بعدها ضيفي كاس الماي وخليه يغلي بعدين وطي النار عليه وسيبيه تقريبا عشر دقايق .. لاتخليه ينشف ولا تخليه يكون غليظ القوام كثير .. خليه وسط .. وذوقيه عشان تنتبهي على نسبة الملوحة فيه .. وانتهيييييييييييينا من الصلصة (صورة رقم 5 )

يتبع الرجاء عدم الرد





نأتي الآن للستيك ..

أولا مقادير صلصة نقع اللحم

فلفل اسود خشن
ملح
ثوم باودر
كزبرة باودر او بابريكا .. او مجربة بدونهم عادي
صويا صوص
عصير ليمون
خل اي نوع
الصلصة تسوينها على حسب كمية اللحم .. تزيدين وتنقصين … اذا تلاحظون بالصورة ماغمرتها كليا .. ضربت اللحم بالمطرقة الخاصة بالستيك .. او بدون ماتضربيها مجربة بكل الطرق طلع عادي مستوي وطري زي الفل

عدد 4 شرائح من الستيك .. السمك على راحتك لانه بكل الأحوال راح يطلعي طري باذن الله ..بس انا قطعتهم

المهم تنقعين اللحم لفترة اقل شي ثلاث ساعات او ساعتين .. واذا جدا مستعجلة كمان مو مشكلة
(صورة رقم 6 )

الحلو بهالطبق انو كله يمشي ولا يهمك ..خخخخخخ

بعد النقع .. نأتي للطريقة

1- تحطين شوية من زيت الزيتون مع القليل من الزبدة على المقلاة وتسخنيها زين
2- تحطين قطع الستيك على المقلاة اما دفعة واحدة اذا عندك المقلاة الخاصة بالستيك الكبيرة او على دفعات حتى تخلصي الكمية المهم تحطين الستيك وتنتظرين دقيقتين تقريبا على الوجه الاول ثم تقلبين وتخليها على النار العالية حتى يبدأ ينشف ماي اللحم شوية ( الصور رقم 7 – 8 )
3- تشيليها من الطاوة وتحطيها بصحن بايركس او صينية فرن عادية وتكملين كل الكمية وبعدين ..
4- تضيفين على المقلاة بدون غسلها صلصة النقع المتبقية مع اضافة كوب ماء مذوب به ملعقة اكل طحين وتخليه يغلي شوية وبعدين تضيفيه على الستيك بالبايركس (الصور رقم 9 – 10 )
5- تغطيه بالقصدير وتدخليه الفرن على درجة حرارة تقريبا 200 او 180 وتتركيه مدة نصف ساعة او اكثر على حسب سماكة اللحم .. اذا القطع سميكة خليها 40 دقيقة مع التأكد من ان الماي مانشف كله .. اذا بدأ ينشف زيديه شوووية ماي وغطيه .. حتى لايحترك وماتصير قطع اللحم ناشفة يروح طعمها وحتى تظل طرية

( ملاحظة : مسئلة الفرن راح اخليها عليك .. لان المهم من كل الموضوع ان اللحم راح تحسيه استوى وصار طري .. حتى لو الصلصة مانشفت تماما اخرجيه من الفرن عشان مايستوي اكثر من المطلوب .. واذا نشفت الصلصة والستيك بعده مو مثل ماتريديه زيدي ماي تقريبا نص كوب او شوية اكثر ووطي النار عشان يستوي .. يعني باختصار اخلي موضوع الفرن على تقديرك انت )

وطلعي الصينية واشتمي الرائحة الزكية وشوفي الطراوة .. تجننننننن

يتبع

[url=https://www.up4vip.com/up][img]https://www.up4vip.com/up/uploads/7f493844a7.jpg[/

نأتي الآن للخضرة الي اسويها على البخار

بصراحة مو مجربة اني اسلقها .. من اول مابديت اسوي هالطريقة استخدمت آلة الطبخ عالبخار .. فما اقدر اقترح غير شي
وهاي الطريقة من اختراعي انا .. لان ما يعجبني طعم الخضرة وهي مطبوخة وحدها بدون اي نكهات .. لذلك اخترعت هالطريقة وان شا ءالله تعجبكم

المقادير
خضار مشكلة طازجة انا استخدمت
بروكلي
قرنبيط ( الزهرة )
جزر
ذرة معلبة
زيت زيتون
أوريجانو أو زعتر أو اي نوع من الأعشاب العطرية الي تفضلينها
فلفل اسود خشن ( لذيييييذ .. على فكرة الاسود الخشن الحرارة فيه اكثر من الناعم فانتبهي لاتكثري اذا ماتحبيه حار )
ملح
مكعب ماجي حسب الكمية ممكن تستخدميه كله وممكن نصفه
صويا صوص ملعقة طعام تقريبا

1- تاخذين الخضروات ماعدا الذرة .. وتقطعينهم بأحجام متساوية وسط او مثل ماتحبي المهم متساوية
2- تغسليهم وتحطيهم في المصفاة الخاصة بآلة البخار .. وتحطين التايمر على 10 دقايق او 15 دقيقة .. حسب رغبتك بنسبة استواء الخضرة .. انا احبها وسط لاهي مهروسة ومطبوخة كثير ولاهي مستوية عالخفيف .. (صورة رقم 12 )
3- بعد ماتستوي الخضرة حضري المقلاة وحطي فيها زيت زيتون مقدار تقريبا ملعقة طعام واحدة او ملعقتان .. ورشي الفلفل والأوريجانو والملح ولاتكثري الملح لانك راح تحطي ماجي (صورة رقم 13 )
4- خليه يسخن عدل وبعدين حطي الخضرة عليه وقلبي لمدة دقيقة ( صورة رقم 14 )
5- ذوبي مكعب ماجي بنصف كوب ماء حار او اقل شوية وحطي معاه الصويا صوص
6- صبي ماء الماجي والصويا صوص وقلبي وبعدين غطي شوية المقلاة عشان يكمل استواء الخضرة ( الصورة رقم 15 )
7- بالاثناء اغسلي الكمية المناسبة من الذرة المعلبة وصفيها
8- زيديها آخر شي بعد ماينشف الماء تماااااااااما بس هالمرة حطيتها بسرعة كنت مشغولة بالتصوير وسهيت
9- ذوقي وتحكمي بنسبة الملوحة .. واذا رغبتي رشي على الخضرة عصير ليمون
ماتنسي انك تطبخيها طول هالفترة على نار عالية عشان مايتغير لون الخضرة ولاتغطيها فترة طويلة يعني دقيقتين او ثلاثة وشيلي الغطا اذا حسيتي الماي كثير عشان تضل الخضرة لونها جميل ماتذبل بالمرة واذا ذقتيها ومو مستوية زيدي ماي وقلبي حتى تستوي الخضرة
اذا حبيتي تزيدي البازلاء ( بسلة او بزاليا مثل ماتحبون ) اسلقي كمية مثل ماتحبين وضيفيها قبل الذرة بس ماستخدمتها هالمرة نسيتها والله

( ملاحظة : يمكن تلاحظي اني استخدمت نفس المقلاة .. صحيح عندي غيرها بس اختصر على نفسي شغل زائد بالبمطخ واغسها واعيد استخدامها .. مجرد ملاحظة صغيرة للفائدة
بس خبروني ايش رأيكم ؟؟؟؟
لاحظو الفلفل الاسود ماسلم مني بكل شي حطيته بس الرز .. بس بعد آخر شي رشيت رشة صغيرة فوقه

[url=https://www.up4vip.com/up][img]https://www.up4vip.com/up/uploads/9c0a7ae9eb.jpg[/
[url=https://www.up4vip.com/up][img]https://www.up4vip.com/up/uploads/bc877e96bb.jpg[/[


الصورة النهائية
مع تحياتي

وبالهناء والعافية

مشكوره يسلموووو .. !!

ما شاء الله عليج
مشكووووورة الغاليه

يا ما حاولت اطبخ ستييك يطلع لي يابس خخخخخخخخ وبصراحه طريقج تشجع الوحده ع تطبيقها

تسلمين الغاليه ع الوصفه وان شاء الله بجربها

lمشكورة يزاج الله خير

تسلم ايدج عالطبخ …….

يممممممممممم يمممممممم ……………………..

امممممممممم شكلها لذيذ انا عوض دقيق احط كريما وخل تفاح

السلام عليكم

اشحالكم يا طبيخات..؟

ابي منكم طريقة ستيك لحم بالفطر ضروري في خاطري ولازم اسويها على العشى ( اتوحم)

اترياكم

ولا رد

للرفــــــــــــــــــــــــــــــــــع،،،

تطرين هالاكلة

انا آخذها من مطعم بيروت الي بالميغا مول

زينه تمشي حالها

مرحبا الغالية انا ما عندي الطريقة بس عندي المكان اللي بتحصلين عليها بطريقة اكثر من روعة عند كوكوز او تشلية اطلبي انتي الصلصة اللي اتحبينها.

كيلو ستيك شرائح

التتبيله :
3 – 4 ملعقه أكل روب
2 ملعقه أكل خل أبيض
ملعقة أكل كمون ناعم
ملعقة أكل فلفل أسود
ملعقة صغيره قرفه ناعم
زيت – زبده

صوص المشروم :
كوب بصل شرائح
شرائح مشروم طازج
4/1 كوب صويا صوص
2 ملعقة أكل زيت أو زبده
4/1 كوب ماء

طريقة عمل صلصة المشروم :
قلبي البصل بالمقلاة بدون أي شيء لحد ما يتغير لونه شوي ثم ضيفي زيت أو زبده وبعدين نضيف المشروم ونقلب ثم نضيف صويا صوص والماي ونقلب ونخليها على النار لمدة 10 – 15 دقيقه
لحد ما ينشف شوي الماي وتسمك الصلصه ونطفي النار.

طريقة عمل الستيك :
نتبل الستيك بالتتبيله لمدة 3 ساعات بالثلاجه ثم نقلي شرائح الستيك بالزيت والزبده على نار هادئه لحد ما يتحمر كل وجه 10 دقائق ثم نحط الستيك بصحن الفرن ونحط عليه صلصة المشروم ويدخل الفرن الى ان يستوى ثم يقدم مع البطاطا المهروسه.

طريقة البطاطا المهروسه :
نسلق البطاطاونهرسها مع زبده وحليب سايل وجبن كرافت سايل مع ملح وفلفل أسود
وتقدم مع الستيك ونرش عليها صوص الستيك .

السلام عليكم ورحمة الله وبركاته،،،

حبايبي بغيت أسأل كيف ينغسل الستيك.. لأني اشتريته من فترة وغسلته فوق السبع مرات وما طاع الدم يروح منه وحطيت خل بس ماشي فايده شو لازم اسويه عشان ينظف وابدأ بالطبخة؟

المقادير
:1 (35):
2/1 كجم لحم ,شرائح فيليه
1 عبوة زبادي ,خالى الدسم
1 ملعقة كبيرة ثوم ,مفروم
1 حبة طماطم ,كبيره
3 ملعقة كبيرة عصير ليمون
1 ملعقة صغيرة كمون
1 بصلة ,كبيره
ملح و فلفل

طريقة الطهى يبشر البصل و يؤخذ منه العصير فقط. تعصر الطماطم ايضا للحصول على العصير.
يمزج عصير الطماطم و عصير البصل سويا فى وعاء كبير و يضاف الزبادى، عصير الليمون، الثوم، الكمون، الملح و الفلفل. يقلب جيدا.
يضاف اللحم و يخلط جيدا مع كل المكونات. يوضع فى الثلاجه للتتبيل لمدة ساعتين.
يشوى اللحم على النار او على الفحم أو يحمر تحمير خفيف فى طاسه لا تلصق. يقدم فورا

تسلمين الغالية

مشششكورة فديتج

يعطيج الف عافيه الغاليه على المجهود

مرحبا خواتي
مشكلتي مع الستيك طبعا اللحم كل مره اسويه مايظبط معايه مادري ليش
ممكن طريقه صحيحه لعمله …………

حياتي انتي كيف اتسوينه عشان مايضبط

ضيفي له البهارات الي تحبينها و حطي بالفرن وعلى حسب سمك اللحم خليه لين ينضى

كيف يطلع وياج؟؟

انا اقليه
بس يكون قوي

احبيبتي
اذا تبين الاستيك ايكون اوكيه معاج اختاري اللحم الزين اذا تبينه مشحم خذي ريباي استرالي وطبعا انصحج تشوينه عالفحم ولكن قبل ما تشوينه ضيفي عليه اشويه خل التفاح عشان ايطري اللحم ولكن اذا تبين اتوينه عادي اختاري فيليه نيوزلندي وحطي اشويه خل التفاح نص ملعقة شاي ويبي التاوه وحطي اشويه زبده وزيت خفيف شرات يعني ملعقه اصغيره وحمري اللحم وانصحج تشوينه في تاوه تيفال عشان ما يلصق اللحم وبعدين سويي الصلصه اللي اتحبينها وحطي فوقه وانا انصحج يوم بتشترين اللحم تاخذينه من سبينس صح لحمهم غالي بس لذيذ لانه ايكون طري وبالذات الفيليه بيكون حجمه صغير ودبدوب وبالعافيه عليج واي شي تبينه انا حاضر راسليني عالخاص

مشكوره اختي القانونيه وماقصرتي على الطريقه الحلوه والمختصره ويزاج الله خير …

انشاء الله بجرب طريقة القانونيه