الوسم: الطابي

بسم الله الرحمن الرحيم

شحالكم يا الاعضاء انا متأسفه جدا على التأخير لظروف ما واليوم يايبتلكم اكله بتاكلون اصابعكم وراها بس يكون هو حار اوكي

المقادير:

كأس طحين رقم 1
4 بيضات
نص ملعقة هيل
3 كؤوس حليب
للمقلاه فنيان زيت
قليل من الزعفران

**مقادير الحشوه:
علبتا قشطه وعسل حسب الرغبه

الطريـــــــــــــــقه:

يخفق البيض مع الحليب وما الورد والزعفران في الخلاط ثم يسكب على الطحين ويقلب بالملعقه حتى يمتزج.

تسخن المقلاه وتقطر به قطرات من الزيت ثم يسكب مقدار مغرفة من العجين ويقلب المسخن بحركه دائريه حتى يتم توزيع العجينه على كامل المقلاه.

تدهن كل خبزه بقليل من القشطه وقليل من العسل ثم تطوى وتقدم ساخنه

بالعــــــــــــــــــافيه عليكم

السلام عليكم و رحمة الله و بركاته

هذا عباره عن خبز بحريني و هو قريب من الجباب الاماراتي لكن هذا

اسرع و ما يحتاج انج اتخمرينه مجرد انج تخلطين المقادير مع بعض و تبداين على طوووول..

واااااايد لذيذ و خفيف و يصلح لريوق مع كوب جاااي كرك يااااا عيني ..

هذي المقادير و سامحوني لو كان الموضوع مكرر ….

و على فكره ترااااه منقول من الاخت ام الذرابه يزاها الله كل خير

مقاديري كلها بكاس جبن الكرافت ..

كاس طحين رقم واحد

كاس ماي

ربع كاس ماي ورد منقوع فيه زعفران

بيضه وحده

صفار بيضه وحده

ثلاث ملاعق زيت نباتي

رشة ملح

رشة هيل للنكهه

سكر خشن مع هيل ناعم للوجه

نيجي للطريقه :

نضع كل المقادير مع بعضها و نخلطها بخلاط اليد الكهربائي حتى تتكون لدينا عجينه سائله نوعا ما ثم نضع القليل جدا من الزيت في المقلاه و نبدا بصب مقدار من العجين( يعني تكون الخبزه رقيقه) و بعد النضج نضعها في الحراره و نرش على الوجه السكر المخلوط مع الهيل و بالعاااااافيه

الجاي كرك هو الشاي بالحليب و طريقته انج اتخلين الشاي يطبخ مع الحليب الرينبو على النار و هذي صورته

السلام عليكم خواتي
امس كان عشان خبز خمير من ايدين امي الله يخليها طبعا امي ما تحب تستخدم جدر الخمير الي بالكهرباء تقول انها اتحس اني ريحة الخمير تطلع مب حلوة وتكون جنها فطاير مب خمير بس الطريقة القديمة وهي الاصل تعطي الخمير ريحة عجيبة وتخلي طعمة لذيذ جدا جدا جدا جدا جدا جنه مستوي على حطب السد والحمد لله انا وخواتي مشينا على نهج الوالدة وحبيت اصور لكم الخطوات علشان الكل يستفيد
نبدا بالمقادير اولا شي
طحين جيلة ونص
حليب بودرة 2 ملعقة كبيرة
شوية زعفران
فنجال سكر
شوية ملح
وماء على حسب الطين يعني لي تتكون عجينة تلصق باليد
وطيحن لتقطيع العجين (لأنة يلزق)

[IMG][/IMG]
نقطع العجين بالطريقة هذي

[IMG][/IMG]
ونرصهم في صينية بالطريقة هاذي

[IMG][/IMG]
يتكون جدر الخبز من قطعتين اول شي قوطي الماكنتوش وثاني شي الطابقى المسطح الي له ايد
بعد ما تفردين العجين تبلين صوب واحد بالماي وتلصقينة على الطابي وتدهنينة بيض مثل ما واضح في الصورة .

[IMG][/IMG]
بعد مرور اقل عن دقيقة نجلبة ولا تخافين ترى ما بطيح الخبزة لأنها لازقة بماي

[IMG][/IMG]
ونتريا عليها لين تحمر بهذي الصورة

[IMG][/IMG]
نحطهم في مله مبطنه بقصدير

[IMG][/IMG]
شوفو كيف تنفتح بسهولة نصين يعني نقدر نسوي سندويشة فيها جبن او عسل وزبد او (كاكاو كتكات +جبن فيت ابيض) خلطتي الرهبية وريحة الخبز فضيعة جدا جدا جدا جدا جنه مستوى على حطب

او ممكن تاكينة ويا
–
–
–
–
–
–
–
–
–
–

[IMG][/IMG]
زبدة وجبن وعسل او دبس