الوسم: LOBNANIA

نبدأ بسم الله

كيلو صدور دجاج بدون جلد و بدون عظم
يقطع الى قطع وسط و مندقوا شوي

منسخن الماي و منحط الدجاج فيها لحتى يستوي

بس يستوي منشيلو من الماي و منغسلوا منيح

نحتاج 1 كيلو بطاطا او اكثر حسب الرغبة
منقطعها بالطول او دائرية حسب الرغبة

نقلي البطاطا حتى تحمر و نضعها حتى تصفى من الزيت

منقشر التوم و انا على طول بخلي الكمية كبيرة و مندقوا ناعم

منعصر ليمون الحامض
كمان على كتر ما كان زيادة تجي الطعمة الذ

في وعاء غميق منحط عصير الحامض و التوم والملح طبعا حسب الرغبة
و منضيف زيت الزيتون و نصف كوب ماء
و منخلطهم جيدا

اخيرا و ليس اخرا منصف البطاطا والدجاج بالصينية
ومنضيف عليهم الصلصة.. ممكن نطبخهم في الطنجرة و ممكن نطبخهم في الفرن
على حسب الرغبة
و يبقى على النار حوالي 20 الى 25 دقيقة ..
لحد ما تتشرب الصلصة

و هذا شكله النهائي

الف صحة

نقطع البصل وندق الثوم ناعم

نقلي البصل و التوم و نضيف اللحمة الناعمة

نضيف ملعقتين كبيرتين رب البندورة
بهار اسود بهار احمر ملح و دبس الفليلفلة حسب الرغبة
مكعب مرقة ماجي

نطحن البندورة ناعمة

نضيفها فوق الصلصة الحمراء

نتركها تغلي على نار دافئة لمدة 10 دقائق

للصلصة البيضاء

ليتر حليب بارد
ملح حسب الرغبة

قطعة زبدة

مغلف ماجي اسرار خلطة البيشاميل و نخفق بشكل متواصل

بعدين صف لازانيا و فوقه صلصة حمراء

حتى النهاية

اخر وجه صلصة بيضاء
و نرش عليه كعك مطحون ناعم

نخفق بيضتين و منصبهم على الوجه

اخيرا جبنة الموزاريلا

الشكل النهائي بعد الخبز

الف صحة

كم تاخذ وقت لين تنطبخ اللزانيا بالفرن

و الف الف صحة

تسلم ايدج شاطره في الشعر وشاطره في الاكل ما شاااء الله ماشاء الله ^^

اكلة اليوم كتير طيبة ان شاء الله تعجبكم
و طبعا مع الصور كرمال تطبيقها يكوت اسهل

تحضير الباذنجان و البطاطا و الفليفلة الخضراء الرفيعة
تغسل الخضروات جيدا
بالنسبة للباذنجان يقطع الى شريحتين دون ازالة القشرة الخارجية
البطاطا تقشر و تقسم اثنين و تفرغ من الوسط
اما الفليفلة فتفتح من الوسط بالطول و تغسل جيدا من الداخل
ثم تقلى جيدا حتى الاحمرار

لتحضير الحشوة
3 بصلات كبار فرم ناعم تقلى جيدا بالزيت

نضيف اللحمة الناعمة على البصلة تقريبا نصف كيلو
و تقلى مع البصلة

البهارات المطلوبة
بهار اسود …بهار احمر…رشة سماق….ملح…مكعب ماجي.

نضيف الصنوبر المحمر

و نترك الحشوة على النار لمدة 10 دقائق على نار خفيفة

لتحضير الصلصة
1 كيلو بندورة ..2 ملعقة كبيرو رب البندورة..كوب ماء ..رشة ملح
نضعهم في الخلاط

و هذه النتيجة النهائية للصلصة

نبدا بتحضير الصواني

و نبدا بحشي الخضروات (ممكن تفريغ القليل من الباذنجان)

و هذا شكل الصواني من بعد ما حشينا الخضروات
و صفيناها و اضفنا الصلصة

يقدم الطبق الى جانب الرز بالشعيرية
الف الف صحة

اكلة اليوم كتير كتير طيبة
لذيييذة
انا وعم احضرها قلت اشارككن بالصور و الطريقة
ان شاء الله تكون طيبة و على ذوقكن

1-نحتاج الى 3 حبات باذنجان كبار منغسلهم منيح و منقطعهم
دوائر كبيرة على هذا الشكل مع القشر

2-منقلي الباذنجان كتير منيح تا يحمر كتير و منتركو تا يصفي من الزيت
و منرجع منصفوا بالطنجرة اللي رح نستخدمها

3-منغسل 2 كوب رز ومنحط الرز فوق الباذنجان

4-منزيد الماء 2 كوب على مهل فوق الطبق ومنتركو يغلي على نار خفيفة

4-في هذه الاثناء منقلي اللحمة الناعمة تقريبا نصف كيلو او اقل شوي مع ملعقة سمن و رشه بهار اسود

5- كما انو منحمر القلوبات ,,انا حمرت صنوبر وجوز ولوز
انتو حسب الرغبة

6-تقريبا بعد نصف ساعة بيكون الرز استوى و لونه بلش يصير ذهبي

7-منغطي الطنجرة بالصحن اللي بدنا نقدم فيه الكل
ومنقلب الطنجرة

8-هذا شكل المقلوبة

9-وهنا بعد ما زيناه باللحمة و القلوبات

ممكن تقدموا جنب الطبق السلطة واللبن
و طبعا الملح على حسب الرغبة
ان شاء الله يكون طلع طيب و عجبكم
ما تحرموني من ردكم