الوسم: الكرشة

شحالكم خواتي

شو رايكم في هالموضوع؟

كنت اقرا في واحد من المنتديات انه ربط البطن في فترة النفاس يرهل البطن ما يشده و على المدى البعيد تكبر الكرشة

فهل انتي مع الربط او ضده و ليش؟ خلونا نستفيد من خبراتكن

ما اظن يرهله

بالعكس يشده ..^^

انا مع ربط البطن ..^^ و بعدين مع الرياضه

أنا مع الربط والوحدة تحط حصاه بعد لنه شو ما سوت الوحده عقب الاربعين رياضة البطن ما يرجع إلا بربط البطن ووتحطين حصاه في الاربعين

وانا مع خواتي نفس الشي شي اكيد ربط البطن وعقبها رياضه

مع ربط البطن لان الوحدة اللي ماتربط تظهر لها كرشة عودة

أول شي بعد الولاده تحسن باليوووووووع و الغازات
ف أهم شي
ما تشربون شي بارد ابدا
شرب السوائل الدافيه و الي تنظف البطن مثل الزعتر و الجرفه و الزنجبيل و الحبه الحمرا و غيرها
تاكلون اكل صحي يعني شوربة خضرا مع دياي او سمج مشوي ممممممم يعني الاكل مشوي ومافيه دهون و تخفووووووووون من العيش و الخبز عشان ما تنفخون البطن
و دوم حطو مطارة الماي ع بطنكم و تكون حاره و في ناس يحطون الحصا
و ربط البطن اشوفه مهم
بس الأفضل انكم تدهنون بطنكم و عقب تربطونه
ممكن تدهنونه ب زيت زيتون دافي و الي بطنها يعورها تدهنه ب فيكس و الي تبي السمار يخف تدهنه بزيت لوز و ممكن ب كريمات الشد و كريمات الخطوط الي ف الجسم الي تظهر من التمدد
و الله يبعد عنا الكرش

لازم الحصاه والربط وايد زين

اما المشد الاندونيسي فجربته لدقايق وماتحملته .

انا فيني كرشة من 3 سنوات اكبرت بعد العملية القيصرية وابغي اادخلها ممكن اخففها بي كيف

؟؟؟؟؟

الله يعيينج خيتوو

ونحن بعد شراتج … بس مب معرسين وجي الله يعين

لو حد يعطينا طريقة فعاله ويزاكم الله كل الخير

عندج الرياضو و المشي و شاي اخضر بالليمون او النعناع و شربي ماي و لكن عقب الاكل بساعه او نص ساعه

؟؟؟؟؟؟؟؟؟؟؟؟؟؟؟؟اافففففففففففففففففف من الكرووووشه مسويه ازمه للكل

الكرشة ما يشليها الرجيم اتشيلها الرياضة بس

السلام عليكم

شكرا ع مشاركة بس شو اخر حل ؟؟؟؟؟؟؟؟ظظ

للرفع

أنا نور أبغي اعرف كيف أتخلص من الكرشة بالتمارين الرياضية

يزاااااااااااااااااج الله خير احس كلامج كله ذوووووووق وانشاء لله بحاول اجرب..
بس شقى لما اشرب عسل ما اشرب ماي عقب بموت وبيتم راسي يعورني من
العسل لان العسل احس يعور الراس شوي شو الحل؟؟

و نعم العلاج اختي انا بعد جربته و الحمد لله خفت الكرشه

حياج الله اختي نور

يفضل انج تمشين في البداية وهذا يعتبر (تسخين) وبعد ذلك تقومين برياضة شد البطن وهي القيام من الرقود لحوالي دقيقة كاملة وبعد فترة زيدي الدقيقة خليها دقيقة ونص وهكذا حتى تتمكنين من التمرين ويشد بطنك ولكن حاولي فكل مرة انج تزيدين المقاومة يعني اتزيدين سرعتج في التمرين وكذلك وقته بين فتره وفتره .. والله يوفقج

حبيبتي انتي الذوق والله

الغالية حاولي صدقيني هاي تجربتي الشخصية ارقدي على طول عقب العسل واذا ما قدرتي بالمرة .. اشربي لج قلاص ماي لكن عقب مدة يعني خليه ينزل شوي (يغيض) هههههه

بس انتبهي يكون اصلي مب مغشووووووووووش لانه بيمتنج زيادة

وربي يوفقج ويطول بعمرج

والنعم فيج الغالية

الله يقويج على كل خير ويبعدج عن كل شر تسلمين ع الرد حبوبة

مرحبا خواتي.

للأمانة الوصفة هاي من خبيرة تجميل نصحت فيه الوالدة لن الوالدة سألتها كيف تقدر تتخلص من الكرشة .. بس أنا طورتها وغيرت فيها ونتايجها ممتاااازة للي اتداوم عليها.

أول شي جهزي عندج المواد التالية:

زيت لوز

فيكس

كيس سفرة الأكل أو كيس حفظ الأكل

مطارة

الطريقة:

تدهنين بطنج بزيت اللوز والفيكس .. وعقب تلفين الكيس عليه وتعبين المطارة بماي ساخن وتحطينها على بطنج.

خليها لمدة ساعة وراح اتحسين بمنطقة البطن وهي تعرق .. معنى هذا إن الوصفة قاعدة تعطي مفعولها لن الشحوم قاعدة تذوب.

فايدة زيت اللوز إنه يمنع التشقق والسلولايت ويعمل على تفتيح منطقة البطن .. والفيكس له تأثير حراري يساعد على التعرق.

استمري على الوصفة يومياً لحد ما توصلين للنتيجة المطلوبة.

للوصول إلى نتائج أفضل .. داومي على رياضة المشي باستمرار.

upppppp

تسلمين يالغلا على الطريقة

وربي لا هانج

بنجرب وبنجوووووف
مشكوره ع المعلووووومه
بالتوفيق

تسلمين الغاليه
ومشكورة على الطريقه

مشكوره الغالية على الطريقة

مشكورة اختي الغالية

هلا بطوطات

انا اعاني من الكرشة من ريت صارلي 3 اشهور وكرشتي ماردت
في بداية اول ماربيبت حطيت حزام الاندونيسي 40 يوم ردت وااااايد
بس بعد فترة طلعت الكرشة بسرعا
والحين ابا حل مضموووون للكرشة اباها تدخل بسرعا
شوووووووووووووو الحل؟

اذا مربيه طبيعي مالج غييييييير الرياظه سجلي في نادي رياظه والعبي ايروبك شهر واحد وشوفي النتيجه انا من عقب الاربعين بالظبط سجلت في نادي وفي شهر بطني ماشالله تبارك الله اتسطح ولا لبست حزام ولا حطيت حصاه والكل انصدم كيف استوى بطني جيه بعد الولاده حتى ماترهل والحمد لله والاهم طبعا ماتاكلين عيش ولا ماعكرونه ..

upppppppp

عليج برياضه
ولا تشربين ماي بين الاكل لازم قبل و بعد الاكل بنص ساعه

السلام عليكم

انا كل شي فيني اوكيه بس الكرشة مب طايعة تخوز ..

حاولت اسوي تمرين حق الكرشة بس من نشيت من الرقاد يوم ثاني حسيت بألم فظيييع في ظهري …!!

ممكن حد يفيدنا كيف اتخلص من الكرشة ..

انا ما اقدر اسوي ضغط لاني اعالج ضهريه علاج طبيعي
فاحسها صعبه
للرفع

حتى انا ابا حل بارك الله فيكم

للرفع

مرحبا حبوبات

انا اعاني من منطقتين في جسمي والباقي عادي عندي

الزنود لي قاهراتني كاني ملاكمه مستويه *_*
و
الكرشة لي مب طايعه تخف

منو جربت تلبس مشد وفادها وشو نوعه لاني ايلس فتره طويله على الكرسي واحس كل ما اييها تكبر وحتى لو اسوي تمارين

ابغي تجارب ناجحه سواء نظام غذائي او تمارين معينه او مشد ..بانتظاركن

اول ما تظهرين من الدوام سيري امشي

وطول وانتي يالسه اشربي جا ي خضر

اطلع الظهر الساعه 2:30 بهلك من الحر لو امشي هالوقت وعدني جهاز بس تعرفين الهيازه

الشاي الاخضر منتظمه عليه فاليوم مرتين او 3 مرات وغازات مخففه بس بعد مب طايعه تخف

اخويه فالجيش قالي ابدي بالتدريج في تمرين البطن اول مره 20 عقب 30 عقب 50 وجذيه بس اسوي 4 ايام واوقف وما اقدر اوصل لهالعدد اتعب وايد

ابغي اعرف اذا في وحده لبست مشد مال البطن ونفع وياها والا لا وشو النوعيات الزينه

عندي المشد الاندونيسي وما عرفت استخدمه من طوله وكيف اثبته ؟!

هذا وانا بعدني بنت مادري شو بسوي يوم بعرس

حلمي بطني يلصق في ظهري

هههههههههههههه ليش هالاحباط حبوبة

اي والله بعدني بنت كلنا بنات وفي الهوى سوا

مثل ماقالج اخوج هاي احسن مشوره وعليج بالمشي هاي الي يشد الجسم وعن تجربة ويقولون بعد نط الحبل والسباحه بعد تشد

موفقه

مشكووووره فديتج اسعدني ردج ومرورج ^_^

استخدمي الجهاز

اذا عندج

بس المشد حل مؤقت مب سحري

حرام عليكم ولا وحدة تشارك

زعلتوني

ماشاالله عليج موضوعج حبيته واتمنى التفاعل

صباح الخييييييرات

ليش غنااااااتي الرقااااد مخلي حد يروم يقوم يغسل ويهه ههههههههه

الله يعينا بس
انا اتسبح بماي دافي وما اتحكك وااايد لان استخدام الليفه يسبب تمزق في الجلد يزيد الخطوط خصوصا في هالفترة

ادهن جسمي بزيت بيبي جونسن و فليل احط كريم عجسمي

ويههي اسويله سكراب مره في الاسبوع بشرتيه زينه الحمد لله
لاني اشرب مااااي وااايد
استخدم واقي شمس يوم اطلع
وبس

عن نفسي ناوية ان شاء الله هالحمل أكون غير اهتم في عمري

من اكل صحي
ابعد عن العصبية
أدهن جسمي بكريمات و زيوت بعد كل حمام
امشي
وبنسبة لشعري بس أحنيه و ممكن في بعض الأحيان زيوت
بس هذا الي اذكره حاليا

الموووضووووع ع الجرح
كنت ناوية افتح موضوع من هالقبيل
الحمل و ماادراك ما الحمل
جميع انواع الدمار تصيب جسمي خطوط وتصبغات وجفاف والوزن الزايد
ومشكلتي الكبيرة والعظيمة الكسل

الحمد الله عندي جدول صغير

غسول خاص للبشرة الدهنية + سكراب للويه من كراسيل
( يخفف من الدهون و يمنع تكون الحبوب) استخدمهم مرتين في اليوم

الماسكات ( ماسك الطين – ماسك النيم من همالايا – ماسكات محل لاش- روب مع سدر )
مرتين اسبوعيا

لشعري استخدم زيت مرة اسبوعيا ( فاتيكا اللي بدون ريحة )

لعلاج البشرة : ناوية اسوي تقشير كرستالي و الماسي و استخدم ديرمارولر
شاورت دكتورتي قالت ما يضرون دام ما فيهم كورتيزون او مواد كيمائية

للجسم : ابغي اسوي حمام مغربي بس متعايزة هههههههههههه ابغي حد يقلصني
مرة سرت الصالون و اجوف الحوامل يسون بس الحرمة تكون حريصة عليهم
يعني بخار خفيف و الحركات تكون بصورة ما تضر يعني تفرك الريل و اليد و بصورة بسيطة الظهر و البطن يعني بطريقة خفيفة و هادية

امسات سويت فيشل مع مساج بس اللهم سوت لي رقبتي و ايدي و ريلي فقط
تعمدت ما اقولها اني حامل لان لو قلت لها بتخاف هههههههههههههههه
عقب قالت لي عادي مدام نحن نسوي للحوامل اصلا
هذا في نادي الفتيات في الشارجة عندهم وحدة تسوي للحوامل

الرياضة : والله احاول امشي في البيت و الدوام
بس في خاطري اروح المسبح و اخذ يوغا بس ها العيازة ياربي

أنا جسمي اوكي بس مشكلتي انا فيني كرشه كيف اخلي بطني سيده ؟؟

شوو نوع الاكل ؟؟

شوو نوع الرياضة ؟؟

شوو نوع ادوات الرياضة الي ممكن استخدمها ؟؟ظ

شوو الايشياء الي ابتعد عنها ؟؟؟

بس لوو تشاركوني بالصور احس ؟؟؟

وو شوو من مراكز الصحه الي في ابوظبي ؟تابع لثقه ؟؟ تنصحوني اسيررر ؟؟ عشان يعطوني نصايح لان الادويه مستحيل اخذ

السلام عليكم اختي
انا ماعندي صور بس نصايح مجربه كلي الي تبينه بس من غير دهون وابتعدي عن المشروبات الغازيه نهائيا والرياضه عليج بلمشي يوميا نص ساعه+تمارين بطن صبح وليل يوميا وحاولي اتزيدن تمارين البطن كل يوم شوي…بتوفيق ان شاء الله

يزاج الله خير بس تمارين البطن ؟ اي تمارين قصدج ؟؟ و حابه انا اخذ ادوات رياضيه للكرشه بس مش عارفة اي نوع أخذ ؟؟

أنا شراتج جسمي حلو بس الكرشة مخربة عليه وألحين سرت نادي وعطتني الكتورة دايت وما شية علية

صح شوو الحل حق الكرشة القرف هاذي ؟؟

صدق و الله نبا نتخلص من ها الكرشه شكلها قرف علي الضعاف…

احسن حل الرياضه والتخفيف من الاكل

هل تريد التخلص من الكرش نهائياً
هل تريد التخلص من الكرش نهائياً بدون رجيم او تمارين؟

الحل موجود وهو مجرب والنتيجه 100 %

هو عباره عن مواد وأظنها موجوده في كل بيت وهي غير مكلفه ومذاقها طيب مكونات المواد التى تستخدم في حرق الدهون وخصوصا منطقة البطن المسببه للكرش

1- الشاي الأخضر ومدى تأثيره على حرق الدهون كما انه مفيد كمضاد للأكسدة Anti Oxidant

2- الزنجبيل

3- النعناع

4- الكمون

الطريقة :

تغلى هذه المواد الاربعه وبنفس النســب في وعاء وتترك لمدة 10 دقائق ثم تصفى ويتم شرب كأس 200 ملل على الريق يوميا كما ويشرب كوب اخر قبل الغداء بنصف ساعه وقبل العشاء بنصف ساعة ايضا ولمدة شهر كامل

وسوف ترون النتيجه بنفسكم ….بالمناسبه : والله والله ثم والله اني جربته على 3 أصدقاء لي وبعد الشهر أجسامهم صارت سمبتيك وتخلصوا من الكرش نهائيا علما ان أحدهم كان ذو كرش قبيحه جدا وقد خلص من تلك الكرش ………

ملاحظه : يمكن تحلية الكأس بمنتج اسمه Candrilوهومنتج بدون سعرات حراريه يا اخوان هذا الكلام كلام علمي بحت وقد تم تقديمه في رسالة الماجستير في هذه النباتات من قبل اخصائيه تغذيه اتمني من الله ان ينفعكم به وشكرا

منقوووووووووووووووول
على فكرة يا أخوات انا جربته على نفسى قبل ما ارسله ليكم وفعلا نتيجته مذهلة

يزاج الله الف خير ^^

ان شاء الله بجربه و بعد شهر بنخبركم بالنتيجه ^^

تسلمين الغلا على الموضوع

مشكوره

هلا فيكي تابعين شو فوايد ها المواد وشكرا لمرورك

هلا فيكي وشكرا لمرورك

تسلمين حبيبتي على الموضووع

وفعلااا انااا جربتهاا قبل ونفعت وياااي وخف بطني وااايد وحتى يوم تشربينه تحسين انج خفيفه

شكلي برد اجربهااا تسلمييين ^^

يعطيج العافية بنجرب