الوسم: المهروسه

فديتكن كانت في عضوه حاطه طرقة عمل البطاطس المهروسه نفس مالت المطاعم بس للاسف ضاعت عني الوصفه اللي عندها يزاها الله خير اتخبرني عنهااااا

تفضلي يالغلاااا

https://forum.uaewomen.net/showthread.php?t=769250

بطاطس مسلوقه اتردين احطينها في الجدر مره ثانية وعلى نار هادية اتمين تهرسينها اشوي اشوي واتضيفين لها فلفل اسود مجورش طازج وملح واشوي زبده واشوي حليب او تكتفين بالقشطه

وهني وعافيه

يعلني فداكن ما تقصرن ومشكورااااااااااااات كتييييير

سلام عليكم ممكن تعطوني طريقة البطاطا المهروسه ومغمسه في البيض والبقسماط اللي تكون دوائر او مثلثات…من زمان ادورها ودوم ناكلها في الفنادق…شكرا

الغالية شوفي انتي اسلقي مجموعة من حبات البطاطا في ماي وملح وفلفل شوي وعقب برديهم هرسيهم بالهاون
وعقب فتيي دجاج او سمك
واخلطيهم مع البطاط ومع مجموعة من البهار مثل الفلفل الاسود والكمون والملح وكزبرة ناشفة او بقدونس وليمونه معصورة وفلفل حار خفيف وبس
وكوريهم وغمسيهم في بيض وعقب بقسماط وقليهم عالخفيف لاتخلينهم يسودون وعقب تقدرين اتحطيهم في ساندوشات مع ميونيز وكاتشاب وسلطة يطلع لذييييييييذ
وبالعافية

الله يعطيج العافية

:

عندنا اسمها كفتة البطاطا وطريقتها سهلة
4 حبات بطاطا مسلوقة جيدا بالماء
2 بيضة
ملح فلفل
ملعقة زبدة
كعك مطحون أو بقسماط
الطريقة : تهرس البطاطا جيدا ثم نضع عليها الملح والزبدة والفلفل وصفار البيضتين ونحركهم جيدا
ونشكلهم دوائر ومثلثات ثم نضعها ببياض البيض ثم بالكعك ونقليها بالزيت لتصبح لونها زهري
وبالهتاء

السلام عليكم

خواتي ابغي اعرف شو الصوص اللي ينحط على الماش بوتيتو ( البطاطا المهروسه )

اعتقد كريمه !! بس كيف واي نوع

للللللللرفع

اختي في ب ايكيا عندهم ظرف فيه بودره وانتي تطبخين الصوص بالبيت
فيه البني الغامق والفاتح
الفاتح اخف والذ
البني ثقيل وفيه مراره شوي
الظرف ب7دراهم

صح وايد يمدحون صوص ايكيا

مشكوره اختي

ماعرف

للـــــــرفع

هــذي طريقــه نقلتها من منتدى ثاني ..

((المقادير للبطاطس))
4حبات بطاطس جيدة متوسطة الحجم
زبدة
(البهارات)
((فلفل أسود.ملح.زعتر بري.شطة سائلة,مكعب ماجي))

((الطريقة للبطاطس))
أولا نجيب فرشاة تنظيف البطاطس (أو أي فرشاة تنظيف خاصة بالخضار عندك) وطبعا كلنا نعرف البطاطس من أكثر الخضار إللي تشيل أتربه..
إنقعيها في وعاء عميق مغمور بالماء الساخن وقليل من الملح والخل.. وبعد كذه نظفي البطاطس بهذا النقيع مع الفرشاة جيدا((توصوا فيها)) والسر في أن الخل والملح ينظفوا تمام القشرة من أي شي عالق بها.. وترى ضروري تنظيف القشرة..

تمام.. بعد كذه حطي في قدر على النار كل التوابل والبهارات السابق ذكرها وهي..

((فلفل أسود.ملح.زعتر بري.شطة سائلة,مكعب ماجي))
طيب وماء سااااخن وقلبيها لين تفور مع بعضها تمام وبعد كذه غطسي حبات البطاطس فيها وخليها نصف ساعة تنسلق في هالنقيع لين تستوي ..

في هالأثناء راح نعمل الصلصة..
((مقادير الصلصة))
علبة حجم صغير من قشطة الخفق
زبدة
نص فص ثوم مهروس(لاتكثروا لأننا مانبيه يطغي على طعم الصلصة)
بهارات((ملح وفلفل أسود وبابريكا((هذي البابريكا أهم شي في الموضوع))
علبة جبن كرافت متوسطة (تشدر وليست السائلة)
((طريقة عمل الصلصة))
نضع قليل من الزبدة في قدر صغير على النار حتى تسيح ثم أضع عليها الثوم مهروس لثواااااااااني بدون أن يحمر ((إنتبهوا أنا أبغى النكهة بس))
وبعدين أضيف فوقه مقدار قشطة الخفق وأتركه يفور شويه لين يثقل قليل وبعدين أتبله بالملح والفلفل والبابريكا)
وإتركيها على جنب..
طبعا ألحين البطاطس إستوت
جيبي البطاطس وقشريها بالشوكة وإذا كان فيه بقايا من القشرة بسيطه على البطاطس مو مشكلة خليها لأنك منظفتها وتقدري تاكليها بعد ماأستوت البطاطس..((إنتبهي لاتكبي موية النقع وألحين أقولك ليش..
أهرسي البطاطس بواسطة شوكة وزحطي فوها شريحتين صغار من الزبدة وقلبيها مع البطاطس تمام لين تمتزج نكهة الزبدة مع البطاطس..
بعد كذه نجي لسر الطعم الرهيب في البطاطس..
خذي تقريبا 4 ملاعق كبيرة من ماء سلق البطاطس المتبل بالماجي والبهارات وإعجنيها مع البطاطس بالشوكة..
هالحركة راح تفيدك بكذا شي:
أولا:راح تخلي البطاطس متماسكة
ثانيا:راح تتبلك البطاطس وتخليلك طعمها جنان..

بعد ماعجنتيها ((مو تصير عجينه عجينه..يابنات أنا أقصد مفهوم العجن يعني المزج وليس العجن باليد فقط بالشوكة..))
بعد ماعجنتيها جيبي صينية بايركس أو تيفال مو مشكلة ماكو فرق..وتكوني مولعة الفرن من فوق((يعني الشواية ))
جيبي البطاطس وإكبسيها في زبدية صغيرة مثل حقت الشوربة تمام وإقلبيها بعدين في الصينية البايركس بحيث يكون شكلها مثل القبة..بعد كذه إبدأي إضغطي عليها من المنصف بحيث يصير شكلها مثل البركان((أـمنى تكونو فاهمين علي)) إنتبهوا لاتوصلوا لنهاية البركان لأ لنصفه فقط.. يعني الحفر بوسط القبة لايوصل للنهاية عشان لما نصب الصلصة فيها ونجي نشيل البركان ماتنكب الصلصة من وسط البركان(عجبني مصطلح البركان ماتشوفوني طيحّت عنده)
أهم شي يوصل المعنى خلاص لاتدققوا..
وسوي كل مقدار البطاطس زي كذه حيصير عندك مجموعه براكين صغيرة >>((أبو التعبير))
وبعد كذه إبأي صبي في داخل هالبراكين مقدار بسيط من الصلصة تمام ورشي الصلصة ببودرة البابريكا (قليل مو تكثروا طيب) وبعدين سيحي قليل زبدة وإدهني بالفرشاة أطراف البطاطس(البركان)
بعد كذه دخلي الصينية الفرن وراقبيه..بمجرد ماتحسي إنها بدأت تحمر شوي وتنشف البطاطس على طول طلعيها.. والسر في حركة الفرن هو:
أولا : راح تخليلك البطاطس متماسكة أكثر مع حرارة الفرن.
ثانيا: راح تخليلك الصلصة أغلظ مماهي عليه وقت صبها على البطاطس..