الوسم: الدياي
.×.× توست الدياي بتصويري أنا علايه ×.×.
اليوم سويت سندويجات بسيطه وحلوه من ايدي..
وطبعا ع السريع لأنه مابيمديلي الا وبيأذن المغرب >> وهجوم ع الفطور..
بقولكم ع الطريقه بس أمانه اللي تنقل الموضوع تكتب المصدر..
المقاديييييييير
كيس توست >> بدون الاطراف
3 حبات شيش طاووق أو كباب المجمد >> مقليه
3 حبات بطاطس متوسطه >> مسلوقه
نص يزره >> مبشوره
شوية كزبره >> مفرومه
مايونيز ع حسب الرغبة
شرايح جبنه >> تقطع ل 4 قطع
الطريييييييقه
تهرسين البطاط وتضيفين مايونيز كثر ماتبين
تقطعين الدياي المقلي لمكعبات
تضيفين للبطاط المهروس ( اليزر المبشور + الكزبره المفرومه )
وتخلطينه.. اذا تبين حطي ملح وبهارات >> انا ماحطيت لأن الدياي اوريدي فيه نكهة البهارات ((جااهز))
تحطين مكعبات الدياي >> اذا تبين تفتتينه عااادي
تيبين التوست وتحطين فيه ربع شريحة جبنه
وخلطة البطاط
وفوقهم بعد ربع شريحة جبنة
وآخر شي.. تحطينهم في التوستر..
وتقدمينه حااااار ومقرمش..
ملاحظه: ينفع للسحور بعد لأنه مشبع..
وسلااامتكم
×.×.× علااايهـ ×.×.×
تسلم ايييدك عالسندويتشات الرووووعة
كنت ادور سندويتشات للسحووور
باين عليها ان طعمها جناان تسلمين على الاختيار الرائع
صالونة الدياي بالروب تخبل يالصور
اول شي ناخذ بصل مقطع صغير وزنجبيل وثوم وفلفل حار وسنوت ويليلان وقرفة ومسمار وورق غار مومطحونين ونقليهم بشوبة زيت
نقطع صدور دياي مكعبات متوسطة
نضيف الدياي على البصل والاشياء الثانية
ونضيف البهارات الموجودة مثل بهارات برياني وكركم والملح وغيره
ونضيف 3 م أكل او 4 روب
ونخليهم يغلو ونضيف قطع بطاط صغيرة مقلية
واخر شي نضيف عليه نعناع يابس او اذا حبيتي بقدونس وكزبرة
ونخليه يغلي لحد ما يكون المرق اشوي على القاع
وهذا شكله النهائي
وبالهنا والعافية
اتمنى تجربوها وتقولولي شو رايكم
مبين عليها لذييييذه
صالونة الدياي بالروب .
ولكم الشكـــر ..ًً …
هو فيه طرقتين اذا تبون الصالونه ناشفه والا فيها مرق ؟ انا بكتب لك الهنتين تمام ؟
يالله بسم الله تراني يايبتلكم الطريقه والاغراض
طبعا بعد ماتغسلين الدياي وتقطعينه بطريقتج ,,
الطريقه الاولي :
تفركين الديايه بثوم وزنجبيل وفلفل مطحونين + حبه طماط + قبضه من البقدونس والكزبره+ حبتين بصل متوسط +2 روب مخفف بنصف كاس ماء + بهارات وملح ولاتنسون الكركم وبس تحمين الزيت وتقلين بهارات حب كم حبه من كل نوع مب وايد "هال + سنوت+ جرفه + فلفل اسود + مثيبه+ مسمار "على نار هاديه لين تطلع الريحه وبعدين تضيفين الدياي لين ينضج واذا تبون ممكن تحطون مكعبات بطاط ,, يكون لون الصالونه مايل للاصفر وغليظه
الطريقه الثانيه :
طريقه الصالونه العاديه والاحلي الدياي فيها يكون مقلاي قبل ,, قبل عن تبندين بعشر دقايق تضيفين الروب بس لازم تكونين خافقتنه لو بمعلقه علشان مايعقد عندج في الصالونه ومايكون بارد من الثلاجه تطلعينه قبل بوقت ,, يكون لونها تقريبا برتقالي
الطريقه الثالثه :
هاي علي البيعه هههههه ,, لكن هذه مب بالروب هاي بجوز الهند ولذييييييييذه وايد وبعد نفس طريقه الصالونه العاديه لكن تضيفين لها جوز الهند البودره وبكميه نوعا ما كبيره فيستوي لونها فاتح وهاي طريقه هنديه وحلاتها تكون حاره يعني تكثرين فيها الفلفل الاخضر وورق البرياني
لاتنسون تزينون الويه بالكزبره والبقدونس
وبس يالله قولوا ماشاء الله عليه
يوم اطبخ الدياي سواء صالونة ولا برياني الدياي ما ينضى؟؟؟
يوم اطبخ الدياي سواء صالونة ولا برياني الدياي ما ينضى عدل كاني آكل لبان مع اني اخليه يفور ساعة تقريبا …..شو الحل وشو الغلط اللي انا اسويه ولا هل من نوع الدياي .؟
أنا اشتري صدور دياي بالصحون جاهزة ومقطعة بدون عظم…….؟؟؟؟؟
واتجيكيين علييه بين فتره وفتره
وعليكم السلام ورحمة الله وبركاته
بالنسبة للدجاج اختي ما ياخذ وقت في الطبخ يعني نص ساعة كفاية ويمكن لانج تطبخين زيادة يصير مثل اللبان
يوم تسوين الصالونهـ … و اول ما تضيفين الدياي …
خليهـ يفور و عقب غطيييييييييييهـ لـ نص ساعه جي ..
و بتلاقينهـ استووىىىى عددددل .. و خصوصا الدياي حدددددددهـ نص ساعهـ في السوا ..
اما يوم تسوين برياني … يا انج تفورينهـ اول و عقب تقلينهـ مثلا ..
او انج تحطينهـ ويا خلطة البرياني لييييين نص استواء و عقب تضيفين العيش ..
في شي يستخدمونهـ عشان يخلي اللحم ينضى و يكون طري .. مادهـ اسمها " جيني موتو " ..
شكلها شرات الملح بالضببببببط .. تحطين منهـ شووووي بحدود ربع ملعقة صغيرهـ ..
و بتشوفين انهـ استوى ..^؛^
ان شاء اللهـ افدتج بخبرتي المتواضعهـ و القليلهـ خخخ ..
||
توست الدياي } ْ~ من مطبخ كيوت عمري©
انا سويت نوعين دياي ولحم >> كل واحد بروحه مب مع بعض><
ملعقة سماق
بهارات( ملح.. فلفل اسود… ثوم
بقدونس
مخلل خيار
طماطه متوسطه مقطعه مربعات صغيره و خس
ملعقتين طعام كبيرة مايونيز
بطاط مقلي
خبز توست
ونحركه ونضع البهارات
والسماق
وملعقتين مايونيز
ونحركه ونخليه شوي
وقبل لا نبند النار نحط الطماط بس لايذوب
ونحشي التوست بالخلطه السريه
ونحط السندويجات في الشوايه
ليتحمر من الجانبين
بالاكشن
لذيذ لذيذ
يوعااانه والله ان شاء الله بسوييها يووم الاربعاا ان شاء الله
يممم يممم احسها خبال
وبعد ابا طريققة العصيير احسسها خبال
ما شا الله عليج
مشكوره
بــآلعــآفيه يــآرب ..))
معكرونتي الذيذة بالدياي!
المكونات
قطع دجاج شيش طاوق
حبتين طماطم
كركم
ثوم
زنجبيل
فلفل اخضر بارد
فلفل اخضر حار قرنين
فلفل اسود
كمون
كركم
صلصل علبة صغيرة
مكعبات ماجي حبة وحدة
بقدونس
بزار بنت طموح(استخدمت نوع لقلي الدياي)والثاني( لصلصة المعكرونة)بصراحة بزارها روعه
بتحصلونه ع هذا الرابط
https://forum.uaewomen.net/showthread.php?t=426840
الطريقة
اول شي نسلق المعكرونة بالماي والزيت والملح
ثاني شي عمل الصلصة
نضع على الدياي بزار الخاص لقلي الدجاج من بنت طموح وشوية فلفل اسود وكمون وكركم ونقليه بالزيت لين ماينضى ونحط عليه البصل والثوم والزنجبيل والفلفل الحار والبارد ونقلبه لين ما يذبل شوي عقب نحط طماطم وحبة الماجي وبقدونس وشوية بزار الخاص بالمعكرنة من بنت طموح
وملعقتين صلصل ونخليه لين يذبل ونحطه ع المعكرونة .
وسلامتكم
واول صحن لاول وحدة دخلت موضوعي
لا تفوتكم صينية البطاطا بالدياي لذييييييييييذه تاكلون صبوعكم وراها
شحالكن الغاليات
بعلمكم اليو صينيه البطاطا بالدياي
وان شاء الله تعيبكم
المقادير:
دجاجه مفوره في ماي
بطاطا مقلي مقطع دوائر (اربع حبات كبار)
بصله وحده مش كبيره واااااايد وسط او حسب الرغبه
قشطه (علبتين)
مكعبات ماجي حبتين
الطريقه:
تفور الجاجه في ماء وبعدين تقطع قطع صغيره
وبعدين الله يسلمكن تقطعن البصل وتحطنه في الجدر مع شوية زيت
لين ما يحمر لونه عقب تحطن الدجاج فوقه لين ما يتغير لونه شوي
انزييييييييين وبعدين تحطن الماجي والقشطه فوقه وتخلنه لين يستوي
عقب تصفن البطاطا المقلي في صينيه وتحطن خلطة الدجاج فوقه
وبعدين ينحط في الفرن مده لا تزيد عن عشر دقايق او ربع ساعه
وبالعافيه
وان شاء الله تعيبكم الوصفه
جربووووووووووووها والله انها لذيذه
تنئكل بالخبز
يعطيـــــج العافية
ياكلون بالخبز واللا بالعيش؟
ابى طريقه عمل صينيه الدياي ^^
شحالكم
بنات ابى اسوي عشا
مادري شو سالفتي
شكله وحامي
ع المطبخ
خخخخخخخخخخخخخ
الموووهيم ..
ابى اسوي
صنينه الدياي وناكلها بالخبز
يعني دياي ويى بطاط والا ويى خلطه حاره
اي شيي..^^
طبعا عطوني طريقه سهله ^^وبالتفصيل
^^
وكم نحط الدياي بالرن وعلى درجه كم ؟وكم ساعه خخخ
بليز بنات ابى اكله حلوووووه
ابيظ ويهي فيها خخ
مرحب
نتريا رددووود لبنات ^^
صينية الدياي بالمشروم والبروكلي من ايدي طبعاً سهله ولذييذه ^_*
شخباركن خواتي؟
اول مره اسوي طبخه واصورها بالخطوات عشانكم .. ولا انا اختصاصي تقارير سياحيه ههههه
البارحه كنت ملانه و دخلت المطبخ قلت بسوي العشا "صينية الدياي بالمشروم والبروكلي" على طريقة منال العالم
الطريقة سهله شرات البشميل ولذييذه وتنفع حق المبتدئات شراتي واللي تحاول تطبخ حق ريلها لوول
اول شي المقادير :
* مقادير صلصة البشميل :
2 ملعقة كبيرة زبدة مملحه / 1 حبة متوسطه بصل مفروم / نص ملعقة صغيرة بهارات كاري /
4 ملعقة كبيرة طحين/ 2 كوب حليب / 2 كوب مرق (انا فوّرت قلاصين ماي ويا حبة ماجي) /
2 حبة كبيرة صفار البيض / ربع كوب عصير ليمون / 1 ملعقة صغيرة ملح /
ربع ملعقة صغيرة فلفل اسود / ربع ملعقة صغيرة بابريكا (فلفل حلو مطحون) / ربع ملعقة شطة مجروشه
* مقادير الطبقات :
2 ملعقة كبيرة زبدة / 3 كوب مشروم مقطع شرائح / 1 ملعقة صغيرة ملح /
ربع ملعقة صغيرة فلفل اسود / 3 قطع كبيرة فيليه الدجاج مقطع مكعبات / 3 كوب بروكلي مقطع /
1 كوب جبن شيدر مبروش / 1 كوب جبن موزاريلا مبروش / نص كوب بقسماط
* الطريقة :
1. في قدر متوسط الحجم ضعي الزبدة وسخني على نار متوسطة إلى أن تذوب، أضيفي البصل وقلبي إلى أن يلين قليلا ولا يتغير لونه
2. أضيفي بهارات الكاري والدقيق، قلبي لمدة 1 دقيقة. أضيفي الحليب، قلّبي إلى أن يختلط الحليب مع الدقيق
3. في طبق صغير ضعي صفار البيض، عصير الليمون، الملح، الفلفل، البابريكا والشطة، باستعمال مضرب شبك يدوي قلّبي البيض إلى أن تختلط المواد
4. مع استمرار التقليب أضيفي قليل من خليط الحليب والبصل، قلّبي لتختلط المواد ويصبح البيض بحرارة الحليب. أسكبي خليط البيض على الحليب وقلّبي إلى أن تغلي الصلصة، أضيفي المرق وقلّبي إلى أن تغلي الصلصة وتسمك قليلا.
5. سخّني الفرن إلى درجة حرارة 180مْ. أحضري طبق فرن متوسط الحجم.
6. مقادير الطبقات: في قدر متوسط الحجم ضعي الزبدة وسخّني على نار متوسطة لتذوب، أضيفي المشروم، الملح والفلفل، قلّبي لمدة 3-4 دقائق إلى أن يلين المشروم. ضعي المشروم في الطبق.
7. في نفس المقلاة ضعي الدجاج، قلّبي إلى أن يجف ماؤه ويصبح ذهبي اللون. أضيفي البروكلي وقلبي لمدة دقيقة أو دقيقتين. وزعي الخليط فوق المشروم.
8. وزعي صلصة البصل والحليب على الحشو
9. وزعي جبن الشيدر، جبن الموزريلا والبقسماط
10. ضعي الطبق في الفرن لمدة 20 دقيقة إلى أن يصبح ذهبّي اللون. قدميه دافئا
و هذا اول صحن حق اول رد ^^
و ممكن بعد تضيفون وياها اشياء ثانية كل وحده وذوقها مثلاً طبقة معكرونة و جيه يعني =)
واخييراً بالعافية عليكم ^_^
تسلم ايدج ويعطيج العافيه ..
وماشاء الله شكلهاا لذييذ تسلم ايدج حبيبتي
وبالعافيه عليكم
وشكلها لذيذ
تسلم ايدج