الوسم: المالح

بناات يايبين لي سطل كله مالح ومتوهقه ماعرف اطبخه ..بلييز ابا الطريقة..

الغالية, خذيلج العدد اللي تبينه من المالح, بنقول سمكتين, حطيهم في ماء وتثورينه , عشان يخوز عنه الملح والزفرة, بعدين تغسلينه , وتفتتينه قطع صغيرة, بلا شوك, وأنتي ووش تبين تسويه, مجبوس, صالونه,( مرقها قليل, نفس الناشف), تحت قاعته, بس المالح حطيله لومي يابس يوم اتسوينه, يا حلاته, (((غداكم مالح, والبصل لا تنسيه, حلو مع العيش والمالح)

تسلمين الغلا وهاي الطريقه توني تعلمتها من يدتي

وابا اتعلم طرق ثاانية …..

مافي طرق ثاانية؟؟؟؟؟؟؟؟؟؟؟؟؟؟؟؟؟؟؟؟

ماي المالح رووووعه…تفوريه وتحطين فيه شوية ملح وليمون..وتاكلينه ويا العيش والبصل
…هاللي أحبه…ههههه

طريقتي في المالح انقعه في ماي وكل اشوي اغير الماي علشان بتخلص من الملح واحط عليه اشوي كمون عن الزفر واسوي برياني اسوي بصل وايد واحمص واحط عليه الثوم واكثر الكزبره والبهارات السنعه وازيد البهارات واحط الفلفل الاخظرو لومي الاسود وفلفل اسود وانقع اشوي زعفران مع ماء الورد والهيل ويكون العيش خالص بس نص واحط اشوي عيش ثم الخلطه ثم العيش وفوقه بقية الماء ورد والزعفران وسكري عليه زين وخلي النار اشوي اشوي ولين استوى شوفي ودعي لي

ياعيني بصراحة ماقصرتوو

يااااااااااااااي أنا بعد أبى أتعلم طريقة المالح

طريقة العجينه :
في الخلاط ( 3بيضات + 4توست منزوعة الحواف + علبة قشطه + علبه جبنه تشدر اصغر حجم مبشور + ملعقه بكنج بودر )
تسير سايله تقريبا تصبينها في صينيه تيفال مستطيله وكبيره وتخبزينها من تحت وتحمرينها شوي من فوق ثم تحطينها في قصدير بهذا الشكل عشان تحشينها

الحشوة :
انت وشطارتك .. بصل مع فلفل اخضر مع جزر كله مفروم صغار تقلينها عادي ثم يا دجاج مفروم او تونه أهم شي مع الخلطه 2ملعقه مايونيز وجبن سايل اذا حبيتي حتى تتماسك الحشوه
ثم توزعينها على العجينه زي السوسرول العادي وتلفينها بالقصدير جيدا
وتتدخل الثلاجه لازم
اذا حسيتي انها تماسكت طلعيها وقطعيها بسكين حاااادة عشان ما يخرب عليك الشكل
وسخنيها شوي

وبالعافية
م.ق

تسلمين حبيبتي بس للاسف الصور مب طالعه

كيف مب طالعة؟؟ انا طالعة عندي!

ساااااااااااااااااااااااانكيو حياتي أنا بعد مب طالعة الصور عندي

مشكوره بنت بوظبي على الوصفه يعجبني الدجاج في كل شي يم يم

شكلها لذيذه…

بس ياريت الصور ظاهره….

علىالعموم مشكوره حبوبه..

[08]شكرا الغالية [/08]

تابع للسمك المالح

تم وضع الليون الطازج للاعطاء نكهة طيبة بعد فترة.

سمك الماح والليمون.

يتم وضع السمك المالح بالسطل بعد تمليحها ، واغلاق بااحكام للسطل ، ويضع فترة مايقارب 20 الى 30 يوم الى ان ينضج السمك المالح ويكون قد تغير لون السمك ويكون له طعم بعد استخراجه من السطل ويغسل من الملح.

عدنا بالامارات يستخدم عده طريق للاكل :

منها فوقة المالح( مجبوس)
مرقة مالح ( صالونة)
او ناشف مع البصل والليمون مع عيش او رز الابيض.
او تحته ( تحت رز الابيض)

بالعافية عليكم

منقول

مشكورة..

مشكوووووووووووووره

اللـــــــــــــــــــــــــــــــــــــــــه ما أحلاه وايد احبه تسلمين على الصور الحلوة .

أنا اسويه في البيت بعد في حد من الناس يحطون زعتر فيه

اكييييد بيكون روووعة للاسف ولا مرة كلته شكلي بسوي تجربة سطل صغيروني

السلام عليكم و رحمه الله بركاته

طريقة عمل سندويش من بسكويت المالح.. اتمنى يعجبكم

حلوة لاسباب سياسية
يعطيج الف عاافية
وتسلم ايدج

يسلمووو بس ماظهرتلي الصور

يعطيج الصحة والعافية

يسلمووووووووو

يسلموووو الايااادي

مساااااااء ااااالخير على اااالطيبين شحااااالكم بناااات وحريم هذا المنتدى كالعاده حبيت احط لكم شي من طبخاتي البسيطه واتمنى انه تنااااال اااعجابكم ………….الغريبه طبعا اغلبنا يعرفها بس انا احب استخدم هذي الطريقه في بسكوت الغريبه وبسكوت عين الجمل لانها سهله وماتاخذ لا وقت ولا مقادير كثيره نبدا في مقاديرها وشرحها وبعدها ندخل في البسكوت المالح …………….ونقول بسم الله

الغريبه الملونه :

مقاديرها:

3أكواب طحين رقم واحد

كوب سكر مطحون

علبة سمن الاخضر الي هو Q.B.B

ملعقة فانيلا سائله

واستخدمت الوان روح الفانيلا منها الازرق ،الاخضر،اصفر والاحمر

للحشو :

كاكاو نوتيلا

مربى الفرولة(الجام)

الطريقة :

نخلطة بالخلاط اليدوي السكر البودره مع ملعقة الفانيلا +3 ملاعق اكل كبار من السمن حتى يصبح مثل الكريمه وبعدين نبدا بوضع الطحين على دفعات وثم نضع اربع ملاعق اكل كبار من السمن ونبداء بالعجن جيدا باليد حتى نحصل على عجينه قادره للتشكيل طبعا بعد ما خلصت العجن قسمت العجينه للقسمين وبديت اصبغها طبعا كنت انا مسويه العجينه على مرتين لاني استخدمت اربع الوان وبديت اشكل العجينه بشكل دائري وصفيتها بصينية الفرن بعد ما وضعت عليها ورق الزبده طبعا لكم الحريه في التشكيل بس انا اخترت الابسط والاسهل نسيت اصور طريقة العجن ووضع الالوان عليها بس في الصوره راح تشوفون اشكال البسكوت والوانه وتوضح لكم الطريقه …………………..

وهذي الصوره بعد ما طلعت البسكويت من الفرن وحشيتة نص بالنوتيلا ونص بالمربى ولصقت كل حبتين ببعض بس اللون مختلف …………………

والحين نبداء بالبسكوت المالح

المقادير:

250غ جبن البقرات الثلاث او الجبن ابيض المالح او جبن الشيدر او جبن كرفت ع حسب الرغبه انا استخدمت جبن شيدر
300غ زبذة سايحه
ملعقة كبيرة كمون مطحون
4كاسات كبيرة طحين مايعادل كيلو الاربع تقريبا
ربع كاس زبادي

للتزين:

صفار البيض للدهن الوجه

قطاعات التشكيل الخاصه بالبسكويت
شوى سماق
شوى زعتر
شوى حبة البركه

الطريقة:

نخلط المقادير كلها مع بعض ونعجنها زين لين تتجانس ونتركها ترتاح اشوي وعقب نبداء بتشكيل العجينه بتشكيلات او باليد عل راحتكم ونبداء بدهن حبات البسكويت بصفار البيض ونرش ع كل حبه اشوي من سماق ،الزعتر و حبة البركة ونصفهم في صينية الفرن بعد ما نحط ورق الزبده مثل الي في الصور ……………

وهذي الصوره بعد ما طلعته من الفرن واستواء جاهز ………..

اتمنى تعجبكم الوصفتين ولا تنسونا من خالص دعواتكم الطيبة ……………..

واااو
روووعــــــــــــــــــــــــــــه
تسلم ايدج حبوبه
ربي يعطيج العافيه

ماشاءالله واايد حلو كنت ادور شي حلو جيه
يااا فوقته ،، ماقصرتي ويزاااج ربي كل خير ..



روووعة حبوبة حبيت الالواان ^.^

روعه موفقه خيتوو

تسلم ايدج حبوبه
ربي يعطيج العافيه

يزاكم الله خير على المرور الطيب

انا من النوع اللي يحب الجبن المالح الي هو جبن البقرات الثلاث وااايد احبه بس ما اقدر آكل منه بكثرة لانه واايد مالح.
فعندي طريقة واايد حلوة عشان تتخلصين من الملوحة الزايدة
وهي:
*تييبين علبة بلاستيكية اللي يحفظون فيها الاكل وتحطين فيها الجبنة بعد ما اتطلعينها من علبتها اذا كانت القطعة كبيرة قسميها نصين حطيلها ماي عادي يعني اغمري الجبنة بالماي وغطيه وحطيه في الثلاجة
وكل ساعة او نص ساعة غيري الماي من الجبنة وبتلاحظين ان الجبنة استوت طرية وبتخف عنها الملوحةوتقدرين تستعملينها في كل شي
وانشاالله تعيبكن الفكرة وتجربنها..

فكره حلوة حبوبه

تسلمين

مشكوره الغاليه انا نفسج احبها بس الملوحه مخربه عليها بجرب طريقتج وبدعيلج

جزاج الله خير الغالية
أنا أسوي نفس الطريقة مع جبنة حلوم

الغالية غير من جبنة جبن البقرات الثلاث لأي جبنة لأنها دنماركية

عندج مثلا جبنة المراعي وايد حلوة

و تقبلي مروري

نفس طريقتي مع اي جبن مالح وبعد المخلالات اسوي نفس الطريقه وتخف عنها الملوحه

ولييش مااا تفكن عمااركن
وتااخذوون الجبن قليل الملح
فيي كلل المااركات فيي انواع مكتوب تحته قليل الملح
ويعطييج العافيه حبوبه

السلام عليكم ورحمه الله

اخباركم حوامل !

دائما امهاتهتنا يقولون بعد الولاده الحرمه تقعد فماي مالح

لان يساعد في تضييق المنطقه < بس قبل ماكانو يسوون خياطه وهالسوالف

واليوم وحده من الاهل قالت لي بعد الولاده لا تقعدين فماي مالح

لان ياثر على الخياطه

فمنو سوت خياطه وقعدت فماي مالح في فترة النفاس

واثرت ولا لا

بشو تنصحوني خواتي

افا محد اهني

i did it and no problem and if you dosn’t like to put salt you can put Detol its better,and you can ask your doctor also

انا حرمة اخوي عندها 4 عيال ماشاء الله من تربي وترجع البيت ع طول تقعد في ماي وملح وخبرتني وقالت لي من تربين ع طول قعدي في ماي وملح ..
ولو يضر ما قالت لي سوي نفس الشي والحمدلله هذي بخير وصحه وسلامه

ما يأثر

مايضر الماي والملح
الحمدلله الكل قعد في الماي والملح وانا الحمدلله اول ماربيت ع طول دوووم اقعد في ماي وملح عشان الخياطه تروح بسرعه الكل جرب والحمدلله كلنا بخير
انصحج فيها اول ماتربين

ما يضر

مرحبا بناات … يوم العيد كانت وحده من الأهل امسويه هالبسكوت وانا اتخبلت عليه

فخذت عنها الطريقة وجربتها اطلعت .. يميييييي وتغيير عن السويت اشويه …

المقادير :
تستخدمين الكاس الكبير في المقادير مب الكوب !!!!

2 كاس طحين ( 1 )
3/4 الكاس جبن قلاس سائل اللي هو كرافت القلاس الكبير
3/4 الكاس زبده لينه اتكونين امطلعتنها من وقت .. يعني 175 غ

للوجه تحتاجين بيضة مخفوقة
زعتر أو سماق أو سمسم أو الحبه السودا

الطريقة :

نخفق الزبده + الجبن

نزيد الطحين ونخفق

بتتكون عجينه متماسكة ولينه انخليها ترتاح

نفردها عالرخام وانا اخترت القطاعة اللي على شكل ورده بس اصغر حجم

وبعد ماخلصنا تقطيع انصفهم في صينية الفرن وندهن الويه بالبيض وانرش عليهم الزعتر ومجموعة بالسماق ومجموعة بالسمسم وادخلينها الفرن الين يحمر البسكوت من تحت وفوق اشوي

ويقدم وبالعاااافية

تسلم يدج الغالية

تسلم يدج

يسلمووووووووو

رووووعه …تسلميييييييييييين حبوبه ..

وان شاءالله بجربها ..

ربي يعطيج العافيه..

يسلموووووووووووو

الله يسلمج حبيبتي

مرحبا السسسسسسسسسسسسسسسسساع…

عاد انا وحده متفيجه… و ابا اسوي مالح.. بالأحرى ريلي يباني أطبخله مالح.. وانا فديتكم ما أعرف أطبخ.. هئ هئ هئ… ومالقيت أي حد أسئله غيركم … وانا بصراحه جربت اسوي أكلات من المنتدى، اللي تكون مرفقه بصور و الحمد لله ثم الكم كل اللي سويته نجح من أول مره…

عاد بو الشباب صدق اني أعرف أطبخ و طلب مني اسويله مرق مالح…

فاللي تعرف كييييف يسووونه بليييز تخبرني… و يزاها الجنه يارب…

يعني محد يعرف للمالح……… و الا شو……

بللللللللللللللليز حد يلعب دور المنقذ…. ترى الشغاله لعوزت المالح تلعويييز…

حد يفيدني

انزين محد يطبخ مالح والا مقاطعه ؟………………………….

وينكم يا جماعة الخييييييييييييييييييير؟؟؟؟؟؟؟؟؟

تغسلين المالح عن الملح و تقطعينه أصابع و تشيلين الجلد و اللحم الأسود المر..تفورينه شوي ويا حبتين تمر لتقليل ملوحته تصفينه من الماي و تسوينه مرقة سمج عاديه وهي انج تحمسين البصل والثوم و الكزبره لين تطلع ريحته و تضيفين المالح والطماط و البهارات(بزار كركم فلفل ملح) و اذا الطماط مب أحمر ضيفي شوي معجون طماط وعقب ضيفي الماي الحار و منقوع الصبار و ضبطي الملح و خليه يتسبك و نحن نحط قرع في أي مرقة سمج القرع الطويل الأبيض تقشرينه و تقطعينه أنصاف حلقات و تضيفينه ويا المالح..وبعد المالح نسويه مطبن أو برياني تحمسين البصل و الثوم و الكزبره ويوم تطلع ريحتهم تضيفين لب اللومي اليابس وتحمسين وتضيفين البهارات نفسها ثم المالح المجهز بنفس الطريقه السابقه وطماط مب وايد و تخلينه يتسبك و عقب تحطينطبقة عيش مسلوق نص سلقه في الجدر وفوقه نص خليط المالح و فوقه عيش و عقب باجي الخليط و تسكرين الجدر بألمنيوم و الغطاه و على نار هاديه لين ينضج العيش…وبالعافيه

شهيتينا بالمالح والله اختي الجده شكلج ماشاءالله طباخه حيل

أختي أنا بخبرش عن طريقتي بسيطة ومتعلمتنها من عمتي أم زوجي وهي كبيرة في السن الله يطول في عمرها الغالية:
اخذي ربعة المالحة واغسليها زين بالماء أكثر من مرة ..وبعدين اصب عليها في القدر ماء نظيف واتركها على النار تغلي تقريباً ( 20إلى 25 دقيقة ) بعدها اصبها في المشخلة واصب عليه ماء بارد ..واخذ لحم السمك لونه فاتح وارمي اللون الغامق والجلد بعدها..
اجهز قدر صغير واكون عند غلي المالح ..اقوم بتحضير كمية من البصل أكثر من 8 حبات متوسطة مقطعة بشكل كبير وشرايح من الطماطم تقريباً 2 وحبات الليمون الاسود 2 وملعقتان من معجون طماطم وقليل من الثوم والزنجبيل حسب الرغبة وكزبرة مفرومة
الطريقة…
اضع قليل من الزيت في القدر واضع عليه البصل واشوح لين يستوي اشقر بعدها اضع علية الثوم والزنجبيل المدقوق طبعا واحركه مع بعض واضع معجون الطماطم وحلقات الطماطم وحبات الليمون والمالح وقليل من البهارات مثل البزار العربي والكركم والجرفة والملح وقليل من الهال بعدها انثر عليه الكزبرة المفرومة واكثر من كوبين ماء حار واخفف على النار واتركة يغلي 20دقيقة واطفي عليه واقدمه مع العيش الابيض وسلطة الجرجير والبصل الابيض والطماطم والليمون ..وبالعافية

فديتكم والله يا الجده بطه و الكتاب… صدق انقذتو الموقف…

عسى الله لا يحرمني من تواصلكم ويبارك لنا فيكم و يحقق امانيكم يا رب…

شكرا يا روق على المرور الطيب….