خواتي اكيد في بنات مرت عليهم تجربه مثلي … او في شخص وجه لج كلمه يمكن مايقصد يزعلج او مش في باله … بس تجرحج انتي … تحرقج انتي بدون مايحس الطرف الثاني … اللي ممكن عقب يتسأل ليش انتي زعلانه من موضوع المتن ..
المهم انا يوم ازعل مالقى اي شيء يسليني الا الاكل طبعاً تعرفون هو الونيس الوحيد وهو الشيء اللي ترمسين معاه بدون مايمل بالعكس يرمس وياج ويمليج ويتختخج … من كثر ماهو يواسيج تخيلي .. تزيدين كل يوم كيلو وراء كيلو في سبيل البحث عن المواسه والحب والعطف والحنان … <== اخس حنان .gif "13 (27)")
طبعاً انا يوم الرجيم اسوي تعذيب للكل واعلن الحرب وفي اكل ممنوع يدخل وفي اشياء مستحيل اسويها وهذا بالطبع يخليني ماطلع مع ريلي لا مطعم ولا اسهر وياه …. وهذا كله في سبيل الوهم اقصد الرشاقه المزيفه اللي كنت اوهم نفسي فيها …
طبعاً اكيد كلن مرت عليكن ايام حلوه وقت الرجيم وكنت في داخلج تحترقين تبين تشاركين اللي حوليج فرحتهم واكلهم وضحكم وسوالفهم بس شو عاد لا انتي تتركين الموضوع نهائي … وطبعاً الاكل مش كل شيء بس انتي تقعدين تاكلين في عمرج وتتوترين وتضايقين وتقولين في خاطرج هيلا اكيد منقهرين من رجيمي وعشان جذه مش مخلين شيء حلو واكله حلوه الا وسوها واذا شارين حلويات ياويلهم .. لانه هم بيكونون يكرهونج ومايبون لج الخير <=== من اللي عانتيه صدق
او بتتركين الموضوع ومابسيرين خوفاُمن كسر قوانين الرجيم الظالم اللي انتي يالسه تظلمين عمرج فيه …
المهم اللي ابا اوصله لكم انا ريلي يوم قالي هذي الكلمة ماكان قصده يزعلني او يجرحني.gif "13 (1)")
او حتى يضحك او اي شيء لا بس كان يبا يفهمني شيء.gif "12 (94)")
وللاسف بعد كل هذا العمر لاول مره افهمه تخيلوا نعم بعد كل السنين اللي عشتها في عذاب مع رحلة الرجيم القاسي او الوهم القاسي اللي كنت احرم نفسي من امور كثيرة …. فهمت .gif "12 (85)")
الموضوع صار له اكثر من شهرين … قبل لايسافر ريلي باسبوع بالضبط … كنت كالعاده متضاربه وياه <=== لاتقولون ني مضاربجيه بس انا احب ادلع عليه دوم .gif "12 (98)")
و ايامها اوني اسوي رجيم واسير للدكتور محمد اللي في عيادة مكة اللي في بوظبي … واخليه المسكين يتعنى يوديني وهو راضي وماقد اشتكى .. تخيلي لو عنده شغل او اي شيء يرتب سيراته عشان خاطري بس وعشان مايزعلني المهم … انا عصبت وكلت وخربت الرجيم … ويومها عقيت كل اللوم عليه تعرفون شو قالي : اللي انتي فيه واللي تسوينه في نفسج هذا يسمونه دنوة نفس ..
والله انه الكلمة احرقتني بس عادي ماسويت اي شيء سكت وكملت يومي طبيعي وياه بس من داخل الكلمة ذبحتني حيل وبالذات يوم يلست افكر فيها .gif "12 (29)")
…. حسيت صدق انه نفسي دنيه واني بالفعل امشي وراء غريزة الاكل مثل الحيوانات بدون تفكير ولا منطق واعذروني … اللي اشوفه اليوم في جسمي يخليني اعزم على الرجيم بارادة من حديد .. لاني يوم اعصب اعق الخضر واليابس ,,, وماخلي نوع من الاكل وكانه جسمي المسكين زباله ( وانتوا بكرامه ) شيء يالسه اعاقبه على غلطة اقترفها غيري … خواتي نصيحه لوجه الله من اخت تبالكم الخير …
اتركوا موضوع انا يوم اعصب اكل … لانه لو فكرتوا فيه عدل بتعرفون انه احنا تركنا اجسامنا وغرايزنا تتتحكم فينا
… وانا ابا كل بنت تقرا ردي تحط في بالها انه هي اللي المفروض تتحكم في جسمها مب جسمها يتحكم فيها مثل امور كثيرة نسويها بدون اي احساس بالضيق وبدون ما اي انسان بيلومنا لو سوينها وممكن نسويها بالسر من دون محد يشوفنا … بس رب العالمين فوق احساسنا بالضمير والخوف من الله يردعنا ويخلينا
1- حافظين نفسنا ولله الحمد من الحرام
2-سترين عمارنا في طلعتنا ودخلتنا
3-محترمين غيرنا ولو زعلونا مايكون ردنا الا احسن شيء مش عشان شيء بس خوف واحترام لله عزوجل
4- تبين تكونين احسن انسانه ومحبوبه من اللي حوليج وماتبين اي انسان ينتقدج ويقلل من تقديرج في اي شيء يخص اخلاقج
زين وجسمنا المسكين نسيناه قمنا من نزل نذله ويانا … نمزره من هالخضر واليابس .. والعذر والله انا يوم اعصب اكل ولا انا ماروم اصبر عن الاكل .. ولا اليوم طلعت وشفت الاكل واستحيت اقولهم ماروم …
لا فديتكم اسلوب الاعذار اتركوه .. الرجيم القاسي اللي بيحقق لج الرشاقة اللي افتقدتيها من سنين عمره مابيكون الا مجرد سراب وحلم …
دائماً النجاح يبداء بخطوة وخطوة وخطوة … مستحيل تخطين وعقب تنطين للاخير … ولا تتوقعين انه الرحله بتكون وايد حلوه … وكلها افراح ووناسه بالعكس بتكون رحلة العمر .. الرحله اللي بتبدينها وباذن الله بتنتهين منها وانتي انجزتي اكبر تحدي مش للناس ولا للشخص تحبينه لا لجسم انتي ظلمتيه وايد بدنوة نفسج وضعفج جدام نفسج للاسف
بنات حطي في بالج انه النفس الدنيه هي اللي تغلبج وتخليج تمشين وراء شيء انتي تحاولين تحاربينه بكل قوه بس تغلبج يوم تضعفين ..
عشان جذه حطي في بالج امور لازم تسوينها وتحفزينها في داخلج …
ومن اهمها :
1- موضوع الاكل وقت العصبية … اتركيه نهائي تحكمي في نفسج مثل ماتتحكمين في حجابج وسترج يوم تتطلعين برع
2- التزمي بالخطه اللي حطيتها لنفسج عشان تبدين مرحله يديده وتحدي في حياتج … مثل ماتلتزمين بصلاتج يومياً
3- الكسل والرابده وموضوع ان شاء الله من يوم السبت بسوي رجيم اتركيه نهائي
4- رجيم قاسي وبذبح نفسي اسبوع وبنزل لي 9 كيلو .. ياريت تنشين وتكتشفين انه مب في حلم انتي في واقع
5- عيشي حياتج واتركي قواني والله مابزور حد لا مابكل لا كل الناس ضدي.. محد ضدج ولا حد واقف في دربج … انتي الوحيده اللي تتخيلين .. وتتوهمين هذا الموضوع …
6- صارت عزيمه سيري عادي … شو يعني واكلي وياهم …ولاتقلوين اسوي رجيم … اول شي اشربي لج كوبين ماي وهذا يفيدج لبشرتج ويخليها مشرقه وحلوه .. هيه الماي مب الله خله الماي يحي كل شيء اكيد بيحي البشره ويخليها مشرقه .. وبعدين سمي بالله وكلي سلطه واذا لقيتي مشويت كلي بالهنا واشربي عصاير واذا لقيتي غازات اشربي شوي من العلبه ولاتخلين نفسج تغلبج
7- عيشي مع عيالج وكلي وياهم سوي لج سلطه وكلي خبز اسمر وغيري في نظام حياتهم وخلي اكلكم كله صحي …
8- اطلعي مع ريلج مطاعم واتركي موضوع الفاست فود والسنوديجات السريعه واكلي مشويات وسلطات واذا اصر اخذي لج من الاكل الدايت اللي عندهم واستفسري عن السعرات …
9- ادخلي المواقع وتصفحي عن انواع الاكل الخفيف واللي يشبع ومايمتن وفي نفس الوقت حلو ويشهي
10- شاركي ريلج بالموضوع وسوالفي معاه عن الرياضه اللي تحبينها وحببيه في المشي وامشي معاه او خليه يسوي رياضه وانتي بعد سوي ( واعتقد المزوجات عارفات ليش يعني الموضوع يهم الطرفين .. الصحه والحركه والخفه شيء مهم لكم الاثنين )
11- امشي تحركي العبي ويا عيالج مع خواتج اخوانج اي حد دابجي راكضي سيري وردي على الدري … بس لاتقعدين وتقولين ماعندي اجهزة ولا ماعندي مكان … لا حبيبتي اللي يبا الصلاة ماتفوته
وفي النهاية اللي ابا اقوله صدقوني كلمته ماجرحتني قد ما علمتني درس في حياتي ما انساه … هو قال الكلمه ويمكن نساها بس انا ماقد نسيتها … تمت في صدري وكل مافكر في كسر الخطه اللي سويتها لنفسي ترن هذي الكلمه في قلبي .. وكاني لاول مره اسمعها … .gif "13 (51)")
وفي النهاية 
.gif "12 (61)")
.gif "12 (42)")
.gif "12 (18)")
المشاركة الأصلية كتبت بواسطة hiba_003 
.gif "13 (2)")
بطلية.gif "12 (5)")
يعني المشي الصباح
