إشحالكن يالغاليات طلبتكن لا ترودوني أبي أسوي زهره مقليه حق العشا
وألحين يالغاليات بغيت خلطه حلوه وماتخلي الزهره تشرب زيت
والله يجزيكن كل خير
تقبلي مروري
قول لي كمبيوتر وخرابيطه بيكون فالحه
.^_^.
قول لي كمبيوتر وخرابيطه بيكون فالحه
.^_^.
الطريقة:
يخلط الحليب والسميد والفانيليا ويرفع على النار مع التقليب المستمر حتى يثخن.
يضاف السكر والزبدة ويخلط جيدا بملعقة خشب.
يرفع الاناء عن النار ويضاف صفار البيض ويخلط جيدا ثم يعاد اناء السميد على النار ويخلط لمدة 4_3 دقائق
يرفع عن النار ويترك يبرد قليلا ناخذ قطع صغيرة وتكور كور صغيرة ثم تغمس بالبيض والبقسماط وتقلى بزيت غزير.
الوصفة شكلها لذيذ
ان شاء الله اجربها
تسلم يدك
جربتها في رمضان…
بيني وبينكم توقعت ان طعمها بيكون عادي مثل الباكوره ..
بس بصراحه بصراحه انصدمت من طعمها ..
قمنا نتضارب على الصحن ههههههه
والمشكله اني ماسويت الا كميه بسيطه وماشالله كان الكل متيمع هذاك اليوم …
وبدال ماهم ياكلون تميت روحي آكل من هالصحن الين ماقضيت عليه ..
جربوا الطريقه وادعولي وادعوا لصاحبة الموضوع الأصلي ..
اختي makeup_artest
ماعليكم من الصور تراها تلوع الجبد لأن تيلفوني مصفع من الخاااااااطر …
المره اليايه بحاول اصورها بكيمره عاديه …
السموحه منكم ..
بسم الله نبدأ …
هذا هو تطبيقي للأكله …
اول شي نبدأ بالمقادير
جزره مبشوره
حبه صغيره فلفل رومي او نصف الحبه .
حبه كبيره بطاطس مبشور .
كراث او بقدونس .
ربع كوب دقيق
ملقعه كبيره نشاء .
ملعقه صغيره بكينج باودر .
ملح وكاري وفلفل أسود
فص ثوم مدقوق .
بيضتين .
( فلفل حار) للي يحبونه لاذع .
نضيف الدقيق والنشاء والباكينج باودر والثوم والكاري للخضار ونقلب .
قبل القلي نضيف الملح والبيض والفلفل الاسود ، لازم قبل القلي لانه إذا طول ينزل البيض تحت وتحسون انه اخترب شوي …
وهذا شكل المزيج
ناخذ كميه صغيره بالملعقه او شكليها بيدك واقليها بزيت غزير .
الكميه اللي بتزيد لاتعقونها في الزباله حرام …
حطوها في طاسه صغيره …
وبالخاشوقه حطوها في الزيت ..
بتستوي مثل البيض المقلي ..
وصفوها من الزيت ..
وهني وعافيه ..
شكلها حلو
اللي تبى تعرف طريقه البطاطا المقليه المقرمشه 100% اتجرب طريقتي وبتدعي لي انا ريلي يتخبل عليه
اول شي اتقصون البطاط كالعاده وتثورونه فالماي ويا ملح مب وايد اتثورونه خلوه نص مستوي عقب حطوه فالفريزر لمده نصف ساعه عقب اقلوه فزيت حار ولاتمون اتقلبونه الين مايستوي لونه اصفر او ذهبي عقب اتضهرونه بس لاتضهرونه بزيت
وربي اللي بتسويه بتدعي لي وانا محتاجه دعواتكم يعني جربو وقولولي وش صار وياكم يالله ارقضو
الله يوفقك يا الغالية
الطريقة كما يلي :
اغسلي الزهرة ( القرنبيط ) وقطعيها قطع متوسطة
ثم اسلقيها في ماء وملح لمدة عشر دقايق – 15 دقيقة
بس انتبهي لا ينهرس أو يصير لين كثير
بعدين صفيها من ماء السلق وخليها تبرد شوي
ألحين جيبي صحن وحطي فيه :
بياض بيضتين + ربع كاس حليب
اخلطيهم جيداً وبعدين اغمسي القرنبيط فيهم
ثم في صحن به بقسماط ( خبز مطحون )
ثم اقليها في زيت حاااااااار
وصفيها من الزيت وقدميها
وبس
يا رب تعجبكم
منقول
والله يحيج وان شاء الله تجربينها وتعجبج
حبيت اخبركم بطريقتي للنودلز
مرات اسويها مع الربيان وتطلع رهيبه
بس اليوم سويتها بدون الربيان لان الوقت متاخر ويوعاااانه ^ـــ^ مشكلة الحمل وسويتها على السريع
اذا تبونها بالربيان اول شي نفور الربيان بماي واحط معاه رشة كركم علشان الزفره لين مايستوي واضيفه مع الخضار واكمل الطريقه
1- اول شيء اشتروا الاندومي بالاخص لون الكيس ابيض ومرسوم عليه بيضه مسلوقة فوق النودلز ومكتوب عليها شعيرية مقلية .استخدمت كيسين
2- قصوا الخضارشرائح صغيرة – نوع الخضار حسب الرغبةانا قطعت جزر وفلفل رومي
3- اقلوا الخضار على قليل جدا من الزيت وكيسين من الزيت اللي مع كيس الاندومي لمدة خمس دقائق فقط حتى لا يفقد الخضار قيمته الغذائية وبعد الخمس دقايق اضيف كيسين من صلصة الصويا اللي مع الاندومي واحرك.
4- ضع الشعيرية فوق الخضار وحركيها شوية وبعدين حطي عليها كوب ماء وخليه لمدة من 3 الى 4 دقائق نضع محتويات الاكياس البودر اللي داخل الكيس على الشعيرية ونخليه لين ماينشف الماي.
وبالهنا والشفاء
.
السموحة ماصورة الخطوات تدرون مع الحمل كل شئ نريده بسرعه
صدقوني رووووووووووعة وكل اللي ياكلها عندي يدمنها
وازيد عليها ملفوف وجزر مبشور واااااااااااااو
تسلقين ثلاث أرباع باكيت مكرونة قودي " استخدمت النوع الشبيه بمكرونة أبو ديك
تسلقينها في ماء + ملح + زيت
تخلط مع : علبتين صغار جبن كرافت تشدر مبشور + كيس جبن موزاريللا صغيرة أو وسط تكونين مطلعتها من الفريزر قبل بفتره عشان تذوب + م ك أو أكثر شوي كزبرة مفرومة صغييييير + بهارات إيطاليه رشة أو ثنتين أو ثلاث + ثوم مفروم فص أو أقل شوي تخلط مع بعض وللي يحب الملح يكون واضح يضيف رشة + بيضة مخفوقة مع فلفل أسود و ملعقة ونص كبيرة أو ملعقتين جبن كرافت سائل
حطيها في الخلاط المستخدم لفرم البصل والطماط
على دفعات , ومهم لا تبالغي في فرمها لأننا نبي المكرونة توضح يعني حركة وحده 3 ثواني , حركة ثانية ثلاث ثواني وكذا , فرم بسيييييط
بعدين خلطيهم مع بعض وشكليهم , أنا شكلتهم مربعات وغمستهم في بيض مخفوق مع فلفل أسود بعدين في بقسماط
بعدين تركيهم في الفريزر فترة بسيطة على ما تجهزين الزيت وتسخنينه , واقليهم , وقدميهم مع الصوص
طريقة الصوص
4 حبات طماط مقشرة ومقطعة + فص أو فص ونص ثوم + م ك ونص كاتشاب + م ك ونص صلصة طماط + رشة ملح + بهارات إيطالية + بابريكا + فلفل أسود + فلفل أحمر مجفف مجروش + م ك ونص زيت زيتون أو دوار الشمس + سكر شوي وحسيت ما له داعي لأني حاطة كاتشاب فالمفروض أكتفي بواحد منهم , واخلطيهم وسخنيهم على النار وقدميهم جنب المكرونة .
ملاااااااحظة هامة : لو توفر عندك جبن تشدر أصفر غاااامق أو أورنج ضيفيه يعطي طعم خياااااالي
شكرا
إذا رأيت نفسك تعلقت بشيء من أمور الدنيا وأصبح همك؛
ضع يدك على قلبك وقل :
" اللهمّ زد قلبي حباً وتعلقاً وإقبالاً عليك " )
لــ الشيخ المغامسي